IKIBIRIRAHO , Trump yasinye itegeko ribuza abaperezida bazajya ku butegetsi nyuma ye guhindura icyumba perezida akoreramo

Amakuru y'ikibiriraho

Didier Bikorimana

1. Haciye isaha 1Papa Leo yatangiye uruzinduko rurerure muri Amerika y'Epfo nyuma y'ibyumweru abazwe kanseri y'ibihaha

   

   Ahavuye isanamu, Reuters

   Papa Leo wa XIV atangiye uruzinduko rurerure muri Amerika y’Epfo nyuma y’ibyumweru bitatu abazwe kanseri (cancer) y’ibihaha – uruzinduko rurimo no “gusubira imuhira” kwari kwitezwe cyane kwo gusura Peru, aho yamaze imyaka myinshi ari padiri.

   Vatican ivuga ko nta ngamba zidasanzwe zirimo gufatwa zijyanye n’ubuzima bw'uyu Mushumba wa Kiliziya Gatolika ku isi, imusobanura nk’umuntu “w’imyaka 71 wabazwe”, ko atari umuntu ufite “ikibazo cy’ubuzima gihoraho”.

   Mu kwezi gushize, ni Papa Leo ubwe wahishuye ko abaganga bavumbuye ikibyimba ubwo yari arimo akorerwa isuzuma asanzwe akorerwa. Icyo kibyimba cyakuweho ndetse n’igice cyo hasi cy’igihaha cye cy’iburyo, kandi itsinda ry’abaganga be nyuma ryemeje ko iyo kanseri itakwirakwiriye ahandi mu mubiri we.

   Mu kiganiro yakoreye i Roma mbere y’uru ruzinduko Papa azasuramo Uruguay, Argentine na Peru, umuvugizi we w’umugore yashimangiye ko Papa Leo afite “imbaraga [stamina] zidasanzwe” ndetse ko afite “amashyushyu menshi cyane” ya gahunda y’uruzinduko “yemeje ubwe... nta mpinduka akozeho”.

   Ayandi makuru yacu mushobora kuyakurikira kuri YouTube kuri BBC News Gahuza

   Izindi nkuru wasoma:

   Robert Prevost, ari we Papa mushya Léon XIV, ni muntu ki?

   'Kuki tutakumva konseri nkirisitu, Rock nkirisitu?' Kiliziya Gatolika mu Rwanda ivuga ko yiteguye kujyana n'ibihe

2. Haciye amasaha 2Trump yasinye itegeko ribuza abaperezida bazajya ku butegetsi nyuma ye guhindura icyumba perezida akoreramo

   

   Ahavuye isanamu, EPA

   Perezida w’Amerika Donald Trump yasinye iteka rya perezida avuga ko rizabuza abaperezida bazajya ku butegetsi nyuma ye kugira impinduka zimwe na zimwe bakora ku cyumba perezida akoreramo cya Oval Office cyo mu biro bye bya White House.

   Trump, wahoze ari rwiyemezamirimo n’umushoramari ukomeye mu by’ubwubatsi, kuri iyi manda ye ya kabiri yahinduye cyane imiterere y’ibiro bya perezida w’Amerika, cyane cyane yongeraho ibice byinshi bikoze muri zahabu.

   Ku wa kane, Trump yabwiye abanyamakuru ati: “Turimo kubihindura urwibutso rw’igihugu, kandi ntibizemerwa ko bikorwaho [bihindurwa] n’umuntu uwo ari we wese, bisenywe, bishyirwe hasi n’abantu b’ibicucu, mu rwego rwo kubaka ikintu mu buryo bw’imiterere itandukanyeho gato.”

   Trump asinye iryo tegeko hashize amezi asenye igice cyose cyitwa East Wing cy'ibiro bye bya White House, uwo mushinga ukaba wararezwe mu nkiko.

   Uwo mushinga ntiwanemejwe n’inteko ishingamategeko y’Amerika. Imirimo y’ubwubatsi yarakomeje, hakaba hari gahunda zo guhindura icyo gice kikaba ahandi hantu hashya hakorerwa ibirori n’iminsi mikuru.

   Kuri ubu, abaperezida b’Amerika bafite ububasha bwo kugira bimwe bahindura kuri White House ariko imishinga minini yo gukora impinduka icyenera uruhushya rw’inteko ishingamategeko.

   Iryo tegeko teka, Trump yashyizeho umukono ku wa kane, ritangaza ko icyumba perezida akoreramo – Oval Office – ari urwibutso rw’igihugu, hamwe n’ibindi byumba bimwe na bimwe bigikikije.

   Iyo nyandiko inavuga ko iryo tegeko ritagabanya “ububasha bwa Perezida bwo kongera gutaka urwo rwibutso, guhitamo ibikoresho byo mu biro, cyangwa gukora impinduka zisanzwe zijyanye n’imikorere n’umutekano zidahindura cyane imiterere y’iyi nyubako y’urwibutso ifite amateka cyangwa imiterere y’imyubakire”.

   Trump yagize ati: “Dukunda Oval Office, kandi ni ikirango, cyo kimwe na White House ubwayo. Ni ikirango cy’igihugu cyacu n’ubuhangange bw’igihugu cyacu.” Yongeyeho ko abategetsi bo hirya no hino ku isi bamusuye mu mezi ya vuba aha ashize bamushimiye ku bw’izo mpinduka yakoze kuri icyo cyumba.

   Trump yavuze ko White House na Oval Office byari bimaze igihe bicyeneye gusanwa mbere yuko akora izo mpinduka, avuga ko ibyo biro byari “byarangiritse cyane”. Yavuze ko hari hari amadirishya yavunitse, inkuta zidasa neza n’ibuye ryamenetse.

   Ayandi makuru yacu mushobora kuyakurikira kuri YouTube kuri BBC News Gahuza

   Izindi nkuru wasoma:

   Bamwe mu ba repubulikani bavuga ko Trump ari we watumye batsindwa kandi ko agomba kubibazwa

   Donald Trump: Menya uno muperezida akaba n'umutunzi ruhebwa yabuze amahirwe yo guhabwa agashimwe ka Nobel

   Rwanda: Umurwi wa basketball wa APR wakuwe muri BAL kubera ibihano vya Amerika, bivugwa na NBA

3. Haciye amasaha 2Mwaramutse neza!

   Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw'aka kanya.