KAI TSAYE , Abubuwan da ke faruwa a Najeriya da sauran sassan duniya, Asabar 14/11/2026

Rahoto kai-tsaye

Ahmad Bawage

1. Mintuna 32 da suka wuceMicrosoft ya nemi afuwa kan katsewar ayyukan manhajojinsa

   

   Asalin hoton, Bloomberg via Getty Images

   Kamfanin Microsoft ya nemi afuwa kan katsewar ayyukan mahajojinsa a faɗin duniya.Kamfanin ya bayyana cewa hakan ya faru ne sakamakon aikin inganta tsarin na'urorin, ba wai kutse ne aka yi masa ba.

   A ƙasashe da dama, asibitci da kotuna da kuma harkokin sufuri duk sun shiga wani yanayi sakamakon matsalar, amma Microsoft ya ce al'amura sun fara daidaituwa a yanzu.

   Mutane sun fara bayar da rahoton samun matsala wajen amfani da mahajojin Microsoft tun daga ranar Alhamis.

   Ba a san adadin mutanen da abin ya shafa ba, amma kimanin mutum miliyan 430 ne ke amfani da manhajojin kamfanin, kuma an samu rahotannin matsaloli daga ƙasashe sama da 70.

2. Mintuna 51 da suka wuceJirage sun koma tashi a Amurka bayan sake buɗe sararin samaniyar ƙasar

   

   Asalin hoton, Reuters

   Wasu jiragen sama sun fara tashi a Amurka, bayan da Hukumar Kula da Sufurin Jiragen Sama ta kasa (FAA) ta sake buɗe sararin samaniyar ƙasar.

   An dakatar da zirga-zirgar jiragen sama na tsawon fiye da sa'o'i hudu — wanda shi ne lokaci mafi tsawo tun bayan hare-haren ta'addanci na ranar 11 ga watan Satumba a shekarar 2001.

   Sakataren Sufuri na Amurka, Sean Duffy, ya bayyana cewa zai dauki lokaci kafin a dawo da sufurin jiragen zuwa yadda aka saba.

   Ana shi ɓangaren, Sakataren Tsaron Cikin Gida, Markwayne Mullin, ya ce babu ko wata shaida da ke nuna cewa wani hari ne aka kawo wa ƙasar.

   Ya ce katsewar na'urorin sadarwa ne, kuma wani abu ne na daban ba hari irin na ranar 9 ga watan Satumba ba.

3. Mintuna 59 da suka wuceƁudewa

   Masu bibiyar mu barkan mu da safiyar Asabar.

   Kun shigo shafin labarai kai-tsaye na BBC Hausa.

   Ku kasance da mu domin samun labaran abubuwan da ke faruwa a Najeriya da kuma sauran sassan duniya.