Sabuwar rundunar killace Iran ta ƙasa ta fara aiki - Trump
Asalin hoton, Getty Images
Shugaban Amurka Donald Trump ya ce wata sabuwar runduna ta musamman da aka kafa domin killace iyakokin ƙasar Iran ta ƙasa ta fara aiki gaba ɗaya.
An ƙirƙiri rundunar ne domin datse hanyoyin shiga Iran da sojojin Amurka ke zargin ana amfani da su wajen safarar makamai da sauran haramtattun kayayyaki.
Tun da farko, Amurka ta riga ta ƙaƙaba wa Iran wani shamakin ruwa, wanda ta ce ya taƙaita yawan kuɗin da Tehran ke samu daga fitar da ɗanyen man fetur zuwa dala biliyan 25.
Sai dai Iran ta ce sabon matakin ba zai yi nasara ba, kuma ba zai haifar da durƙushewar tattalin arzikin ƙasar ba.