Rusiya sülhməramlılarının silah və hərbi texnikası “planlı təmirə" göndərilir

Azərbaycanın Qarabağ iqtisadi rayonunda Rusiya sülhməramlılarının şəxsi heyətinin rotasiyası başa çatır, Rusiya Müdafiə Nazirliyi məlumat yayıb.

Qurumun məlumatında həmçinin bildirilib ki, sülhməramlıların silah və hərbi texnikası “planlı təmir” üçün Rusiyaya göndərilir".

Rusiya Müdafiə Nazirliyi oktyabrın 3-də açıqlamışdı ki, rus sülhməramlılarının Qarabağdakı bir neçə məntəqəsinin sökülməsi başa çatıb.

Rusiya sülhməramlıları Azərbaycan və Ermənistan arasında 2020-ci ildə baş vermiş 44 günlük İkinci Qarabağ müharibəsindən sonra "Qarabağda yaşayan etnik erməni əhalinin təhlükəsizliyinə zəmanət" üçün bölgəyə yerləşdirilib.