Кыргызстан

Дүйнө

Аялзат

Башкы бет

Видео жаңылыктар

Видео

Биздин видеолор

Kyrgyz

Жакында эле Англияда кызык бир окуя болду. Ичинде 700 миллион долларга барабар "сырдуу казына" сакталган хард дисктин ээси таштанды талаасын казам деп чуу салганын сиз да уксаңыз керек. Ньюпорт деп аталган шаарчанын тургуну Жеймс Хауэллстин сүйлөшкөн кызы 2013-жылы анын тапшырмасы боюнча таштандыны ыргытып жиберген экен. Көрсө биткоин тууралуу маалымат сакталган компьютердин клавиатурасына суюктук төгүлүп кетип, ошондон улам хард дискти чыгарып алууга туура келиптир. 

Марат Жумашов: Биткоинди жоготпогондо азыр миллионер болмокмун

4-февраль – ракка каршы күрөшүүнүн бүткүл дүйнөлүк күнү. Кыргызстанда  көкүрөк жана жатын моюнчасынын рагына каршы акысыз медициналык текшерүү башталып, ал үй-бүлөлүк медициналык борборлордо жүрүп жатат. Адистердин айтымында, рак илдети жылына өлкөдө алты миңден ашуун кишиден аныкталат. Би-Би-Си Улуттук онкология борборунун директорунун орун басары Амангелди Жумабаев менен маектешип, алгач рак оорусу боюнча Кыргызстандагы абалды сурады.

Ракка каршы өнөктүк: онкологиянын алдын алуу жана шишикке каршы күрөш

Бишкек шаарынын айрым тургундары соңку эки ай ичинде коммуналдык кызматтар үчүн төлөмдөрдүн кескин көбөйүп кеткенин айтып даттанууда. Маселе коомдук сайттарда дагы кызуу талкууланып, парламент трибунасында да көтөргөндөр болду.

Коммуналдык төлөмдөн чыккан уу-дуу кептин учугу кайда барып такалат?

Орусиянын Башкы штабынын ою боюнча  2022-жылдын 24-февралында таң эрте Украинага басып кирүү тез жана жеңиш менен коштолгон операция болушу керек эле. Бирок андан бери 1000 күн өтсө да Украинада жай, чаалыктырган жана кыйратуучу согуш уланып жатат. 

Украинадагы согушка 1000 күн. Жаңы технологиялар согушту кантип  туңгуюкка кептеди? 

АКШнын жашыруун кызматынын курал-жарагынын катарына Boston Dynamics компаниясы чыгарган робот-иттер биринчи жолу кошулду. 
Андай "иттердин" бири Флоридадагы Палм-бич шаарчасында жаңы шайланган президент Дональд Трамптын Мар-а-Лаго резиденциясынын аймагын күзөтүп жүргөн маалында байкалды.   


Трампты кайтарууга "темир иттер" кошулду

WhatsApp мен сыяктуу жеке аккаунттарга акысыз, анткени WhatsApp негизинен мен сыяктуу колдонуучулар менен сүйлөшкөн корпоративдик кардарлардан пайда көрөт.

WhatsApp кантип акча табат? Бул акысыз, бирок айрым трюктар бар 

Батыштын атайын кызматтары Evil Corp жана LockBit хакердик топторунун лидерлери жана шериктери деп саналган орусиялыктарга каршы иштин жаңы жагдайларын жарыялады. Алар америкалык банктардан жана батыш компанияларынан жүз миллиондогон долларды уурдаган деп айыпталууда. 

"Миллиондогон доллар уурдаган". АКШ жана Британия орусиялык хакерлерге муштум түйдү

Дүйшөмбүдө Сеулдун полиция башкармалыгы балдардын порно сүрөттөрүнүн таркап жайылышында Telegram  тиркемесинин ролун иликтей турганын жарыя кылды.

Корей мектептерин азапка чырмаган фейк порно жаңжалы

Францияда кармалган Telegram’дын негиздөөчүсү, башкы директору Павел Дуровго күнөө коюлду. Ал күрөө менен бошоду, бирок Франциядан кетүүгө тыюу салышты.

Telegram: Павел Дуровго күнөө коюлду

Дүйнөнүн эң бай адамдарын изилдеп келаткан америкалык Forbes медиакомпаниясынын маалыматына караганда,   АКШда 813 миллиардер бар, экинчи орунда 473 миллиардери менен Кытай (Гонконгду кошо алганда), үчүнчү орунда 200 миллиардери менен Индия келатат.

Мезгил, мээнет, талант. Адам кантип миллиардер болот?

Бүткүл дүйнө жүзү боюнча кытайлыктар өздөрүн кытай полициясы катары көргөзгөн кылмышкерлердин алдамчылык тузагына түшүүдө.

Кытай полициясынын атын жамынган интернет шылуундары

Кызарып күндүн батып баратканын карап “Бул жер кооз экен” деди Лиза Ли жигити Дэнге. Ал Дэнден жооп алуу үчүн телефонуна үңүлүп калды.
“Ооба, жаным, бирок андан да сулуу ким бар экенин билесиңби? Жанымда турган сен баарынан сулуусуң” деп жооп берди Дэн.

Chat GPT жигиттен кыз, кыздан жигит талашканга жеттиби? 

Кыргызстанда бүгүнтөн тарта уюлдук телефондорду милдеттүү түрдө каттоо башталды. Уюлдук телефон менен кошо андагы сим карта, аны колдонгон адамдын да аты-жөнү да кошо катталууга тийиш. Бул маалыматтар баары мамлекеттик санарип же коопсуздук органдарынын көзөмөлүндө болот деген сөз.

Уурулук, аткезчилик, контрчалгын. Телефондорду каттоонун кандай максаты бар?

Жасалма интеллект университеттеги сынакты чыныгы студенттерден жакшы тапшыра алат, ал эми текшерген адамдар анын жасалма экенин тааный алышпайт, дейт изилдөө жүргүзгөн британ окумуштуулары.

Изилдөө: Бот СhatGPT сынакты адамдан жакшы тапшырды

Кыргызстанда биринчи жолу мектепте смартфондорду колдонуу эрежелери кирген жатат. Тийиштүү мыйзам долбоору парламенттин комитеттеринде карала баштады. Окуучулардын смарфтондорго көз карандылыгы алардын психикалык, физикалык саламаттыгына кандай зыян кылат деген кооптонуулар дүйнөнүн көп өлкөлөрүндө, анын ичинде Кыргызстанда да күчөп турган убак. 

Кыргызстандын мектептеринде телефон эрежеси кирет

каршы күрөшүүнүн жол картасын иштеп чыгуу боюнча аракеттер башталды. Кастык тилине каршы күрөшүүнүн эл аралык күнүндө Бишкекте ЮНИСЕФ менен ПРООНдун долбоорунун алкагында көп тараптуу консультативдик кеңештин биринчи жыйыны өтүп, бул багыттагы негизги көйгөйлөр жана биринчи кезектеги чаралар тууралуу сөз болду.

Кан кайнаткан кастык тилин  тизгиндөөнүн зарылдыгы 

Бүт дүйнөдө барган сайын жаңылыктарды жадатма жана депрессия кылат деп көрүүдөн баш тарткан адамдар көбөйүүдө, деп билдирет Оксфорд университетинин журналистиканы изилдөө боюнча Рейтер институтунун (Reuters Institute for the Study of Journalism)) глобалдык изилдөөсүндө. 

Изилдөө: Дүйнөдө жаңылыктардан жадагандар көбөйдү

Жарым миллиондон ашуун кыргыз жаранынын жеке маалыматы Интернетке жайылып  кеткенден бери өлкөдө киберкоопсуздук темасы күн тартибине чыкты. Хакерлер Фейсбукта кыргыз жарандарынын аты-жөнүн, дарегин, идентификациялык номерин ачыкка чыгарып,  Бишкекте ур-токмокко кабылган пакистандык студенттер үчүн өч алып жатканын эскертти.

“Массалык түрдө чабуул коёбуз”. Хакердик топтун талабы жана эскертүүсү

24 жаштагы Антон Пэр-Буэно жана 28 жаштагы Жеймс Пэр-Буэно алдамчылык жана арам акчаны адалдоо боюнча айыпталууда.
АКШнын Юстиция министрлиги мындай тоноо биринчи жолу болгонун билдирди. Прокурорлордун айтымында, бир туугандар уурулукту 2023-жылдын апрель айында жасашкан.


12 секундда 25 млн доллар. АКШда бир туугандар криптовалюта уурдаган деп соттолууда

OpenAI өзүнүн ChatGPT чатботун иштеткен технологиянын эң акыркы версиясын тартуулады.
GPT-4o мурунку версиянын бардык колдонуучуларына, анын ичинде кызматты колдонуу үчүн жазылуу акысын төлөбөгөндөргө да жеткиликтүү болот.


Тийишип, керек болсо көз кысат. ChatGPT жаңы версиясын сунуштады 

Окумуштуулар айлана-чөйрөнүн булганышы менен күрөшүүгө жардам берет деп эсептеген "өзүн-өзү сиңирүүчү пластикти" иштеп чыгышты.

Желимди жейт: өзгөчө бактериянын "өнөрүнө" ишенбеген илимпоздор

Кытай электрдик келечекке карай өнүгүү жолунда немис, жапон жана америкалык автоунаа өндүрүүчүлөрдөн канчалык алдыда экенин көрсөттү. Салон кытайлар акыры өздөрүнүн электромобилдерине көчүп жатканына, керек болсо, Батыштын базарын ээлеп алуу максаты бар экенине эч кандай шек калтырган жок. АКШ менен Европанын арзан импортко салык салып, өзүнүн автозаводдорун сактап калууга жана күйүүчү май менен жүргөн автоунаалардын доорун узартууга аракет кылганына карабай, кытайдын автоунаалары каптап жатат.

Келечектин автосалону. Кытай кантип планетанын унаа лидерине  айланууда?

"Бир күнү Сеулдагы автобустардын баары ушундай айдоочусу жок болуп калат", — дейт SUM (Smart YoUr Mobility)  бөлүм башчысы Пак Кан Вук.
Анын компаниясы акыркы төрт жылды айдоочусу жок жүргөн түнкү автобусту иштеп чыгууга жумшады. Бийликтердин айтымында, бул  дүйнөдө биринчи мисал болуп калмакчы. 


“Кара, рулда кол жок”. Сеулда айдоочусу жок автобус жүрө баштады

Бизди курчап турган дүйнөнүн сыры эбак эле толук ачылгандай туюлат. Бирок өтө чоң жана таң калыштуу сырлар азыр да чети оюла элек. Баары беш колдой белгилүү деген азыркы абалды аллда канча жаркырата ачып бере турган жаңы изилдөө башталдыбы? Ал эмнени ачып берет? 

Технология