Кыргызстан

Дүйнө

Аялзат

Башкы бет

Видео жаңылыктар

Видео

Биздин видеолор

Kyrgyz

Чүй облусунун Кегети капчыгайындагы кызыл карагайларды зыянкечтер бүлгүнгө учуратып жатат. Токой кызматы быйыл 600гө чукул ийне жалбырактуу даракты кыйып, өрттөп жок кылууну мерчемдөөдө. Экологдор сырттан ташылып келген көчөттөр, курулуш материалдары жакшы текшерүүдөн өтпөй, алар менен кошо келген зыянкечтер токойлорду байырлап, экосистемага олуттуу доо кетирип жатканын билдиришүүдө.

Эколог: Кыргызстандын түндүгүндө кызыл карагайлуу токойлор жоголуу коркунучунда

Мазут ташып бара жаткан эки кеменин Керч кысыгында кыйраганына үч аптадан ашуун убакыт өттү. Ошондон бери ыктыярчылар экологиялык катастрофанын кесепеттерин азайтууга аракет кылып, сууга төгүлгөн мазутту тазалоо менен алек. Алардын иши муну менен эле бүтпөйт. Мазуттун азабын тарткан канаттууларды жууп-тазалагандан кийин эле дароо табиятка коё берип жаткандарга каршы турууда. 

Экологиялык катастрофа: Кара деңизге төгүлгөн мазуттун азабы 

Бишкекти жыл сайын кыш мезгилинде кара түтүн каптап, абанын булганышы боюнча дүйнөлүк рейтингдерде алдыңкы орундарга чыгып келет. Жакында эле  IQAir сайты аба сапатынын көрсөткүчү боюнча эң булганган шаарлардын катарына киргизди. Булганыч аба коомдун саламаттыгына абдан олуттуу коркунуч жаратып жатканы көптөгөн илимий изилдөөлөрдө көрсөтүлгөн. БУУнун айлана чөйрө боюнча программасы, андан жылына дүйнөдө жети миллионго жакын адам ажалынан мурда өлүп жатканын эсептеп чыккан.

Бишкекти каптаган кара түтүн: кыш заводдоруна айтылган дооматтар 

Азербайжандын борбору Баку шаарында өткөн СОР 29 саммити жыйынтыкталды. Ал узаган аптанын жума күнү эле аяктамак, бирок талаштуу пикирлерден улам талкуу жекшембиге чейин созулганы айтылууда. 

Климат: Кыргызстан бир ок менен эки коён аткысы келет

Бул сүрөт Ош облусунун Кара-Суу жана Алай райондорунун ортосунда жайгашкан Муз-Төр аймагынан тартылган. Анда тоо бетин жиреп өтүп, көк жалтаң музду кертип салган жолду көрүүгө болот.

“Көрсөң жүрөгүң ооруйт”:  Муз-Төрдөгү кертилген мөңгү

Күлүмсүрөгөн назик аял кофесин ууртап, маңдайымда олтурду. Кеңсе кызматкери, болгондо да эсеп-кысап оюнан чыкпаган бухгалтер. Сыртынан караган киши бул айым дүйнөнүн эң бийик чокусуна чыгууга камынып жатат десе ишенбейт. Иш жүзүндө эки жыл мурун эле Эверестке мүмкүн болушунча жакын барып, Манаслу чокусуна чыгып, Кыргызстандагы эң бийик кырларга эбак изин калтырган.

Аялдан чыккан “Ак илбирс”. Эвересттен да катаал тоону багынткан кыргыз кызы 

Казакстанда АЭС куруу жөнүндө талаштуу маселе боюнча референдумга катышкандардын 71% макул деп добуш бергенин Борбордук шайлоо комиссиясы билдирди.

Казакстанда АЭС жөнүндө референдум өттү

Швейцария жана Италия эки мамлекеттин Алпыдагы чек ара тилкесин жылдырууга аргасыз болду. Себеби климаттын өзгөрүүсүнөн улам бул аймакта чек ара сызыгы өткөн жерлерде мөңгүлөр эрип, тоо кыркаларынын формасы өзгөрүүдө. 

Мөңгү эрип кетип, Швейцария менен Италия чек арасын кайра тактамай болду

Апрелдин ортосунан бери Непалдын чек арасынан алыс эмес жердеги Бахрайч аймагында кеминде 30 айыл карышкырлар кол салуусунан азап тартууда. Карышкырлар тогуз бала менен бир чоң кишини алып кетип өлтүрүштү. Эң жашы бирге  чыгып калган бала болсо, эң улуусу – 45 жаштагы аял. Кеминде 34 адам карышкырлардын кол салуусуна кабылып, жаракат алды.

Индияда кутурган карышкырлар балдарга кол салууда

Америкалык Экономикалык Ассоциациясынын журналында жарыяланган изилдөөдө айтылгандай, алп "санитар" канаттуулардын атайы болбосо да жок кылынышы коркунучтуу бактериялардын жана инфекциялардын көбөйүшүнө жол берип, Индияда беш жыл ичинде жарым миллионго жакын адамдын өлүмүнө алып келди.

Индияда жорулар жоголуп,  жарым миллион адам өлдү 

Кечээ Кыргызстандын түндүгүндө да, түштүгүндө да тынымсыз жааган жаандан улам алты жерде сел катталды. Айрым жерлерде албуутанып, бак-даракты тамыры менен кошо жулуп, унааларды камгактай агызып катуу сел келгени видеолордон так көрүнүп жатат. Табияттын мындай кубулушу кыргызстандыктардын бир тобунун жүрөгүнүн үшүн алып турган чак. 

Элди түйшүккө салган бир күндөгү алты сел

14-июлда Ошто көнөктөгөн нөшөрдөн улам сел жүрүп чогулган суулардан улам Ак-Буура дарыясы нугунан ашып, шаардын аймагындагы базарлардын бирин жайпап кетти. Анда эл ичинде жайма базар деп таанылган аймакты сел алганын көрүүгө болот. 

Ош: каптаган сел, сестенген эл

Апшыр-Атадагы апааттан каза болгондардын саны сегизге жетти. Алардын баары бир үй-бүлөдөн болгон. Алардын үчөө бир туугандар жана алардын апасы небереси менен, үчөө үй ээсинин карындашы менен эжесинин балдары. Казакстандын жарандары. Ушул эле үй-бүлөдөн дагы эки жаранды издөө иштери жүрүп жатат. Каза болгондордун эң жашы эки жашта болсо, улуусу кырк сегизде болгон.

Апшыр-Ата: сел бир үй-бүлөнүн өмүрүн алды

Ататүрк сейил багы баштапкы калыбына келтирилет деп чечим кабыл алынды. Айрымдар мэрдин тарыхый чечим деген убадасы бирин-экин тосмолорду алуу менен эле бүттүбү деген сындарды айтып жатышат. Би-Би-Си Бишкек шаарынын мэри менен кенен маек курду.

"Ататүрккө үй салып алсам деген оюм жок": Бишкек мэринин жаңы маеги

Казакстандын айдоо аянттарын чегиртке каптап, дан өсүмдүктөрүнө зыян келтирип жатканда, Кыргызстандын чектеш райондоруна да коркунуч келүүдө. Ошондуктан дыйкандар Кыргызстандын Айыл чарба министрлигине кайрылып жардам сурашууда.

"Аябай эле зыян". Кыргызстанда быйыл чегиртке көп

Жоголуп бараткан жапайы аттар 200 жылдан бери биринчи жолу Казакстандын Алтын Талаасына кайтып келүүдө.

Жапайы жылкы казактын кең талаасына кайтып келди

Миң-Кушта “Росатомдун” автоунаасы кырсыкка кабылган окуянын жаңы жагдайлары ачыкталып, Өзгөчө кырдаалдар министрлигинин маалыматты жаап-жашыруу планы ойрон болду. Окуядан 10 күн өткөндөн кийин кырсыктын бардык жагдайлдарын иликтөө үчүн кечигип болсо да беш кишиден турган мекемелер аралык комиссия түзүлдү. 

"Ооруну жашырсаң..." Уран калдыктарын ташыган автоунаа кырсыгы 

Адамдын иш-аракеттери планетада температуранын жогорулашына алып келери талашсыз. Температура жогорулаган сайын деңиз деңгээлинин көтөрүлүшүнө түздөн-түз таасир тийгизет.

Климаттын өзгөрүшү деген эмне? Абдан жөнөкөй маалымдама

Индия үрөй учурган ысыкты баштан кечирүүдө: абанын температурасы бир нече шаарларда Цельсий боюнча 45 градустан ашып, ондогон киши ысыктан каза болду. Буга карабай өлкөдө жалпы элдик шайлоолор өтүп жатат.

Индияда мээ кайнаткан аптаптан ондогон киши каза болду, шайлоосу уланууда

Кыргызстанда уран казууга мыйзамдагы тыюуну алып салуу каралууда. Тийиштүү долбоор парламентте биринчи окууда колдоо тапты. Уран жана торий кендерин иштетүү экологияга эч кандай зыян келтирбейт деп өкмөт айтып жатат. Ал эми экологдор уран казуунун жаратылышка кесепети оор болоорун эскертүүдө.

Ак терек, көк терек, өкмөткө уран менен торий казууга уруксат керек 

БУУнун болжолдуу эсеби боюнча, Папуа-Жаңы Гвинеяда жума күнү жетүүгө кыйын делген бийик тоолуу Энга провинциясында болгон өтө чоң жер көчкү 670ке жакын кишини басып калды.

Папуа-Жаңы Гвинеяда 670 кишини жер көчкү басып калды, БУУ кооптонуп турат

Кытай кааласа нөшөрлөйм деп турган булуттарды атып, чилдей таратып, асманын чайыттай ачып салат экен, кааласа жасалма жаан жаадырып коё алат дегенди сиз да уксаңыз керек. Бирок бул баарын эле ушинтип чече алат дегенди түшүндүрбөйт.

Топон суудай эле. Адамзаттын айласын алты кетирген кыян, селдер

Миллиондогон адамдар таза сууга жетпей жатканда, кээ бир адамдар бир бөтөлкө мөлтүр сууга канча ачка болсо да жүз эселеп кымбат төлөгөнгө даяр. Мөңгүлөрдөн, вулкандардан алынган мөлтүр кашка сууга чириген байлардын арасында суроо талап өсүп жатат.

"Алтын менен күмүшкө тең болосуң аккан суу": Чириген байлардын жашоосундагы жаңы тренд

Улуу Британияда жапайы жаратылыш фотосүрөттөр сынагынын жеңүүчүлөрү аныкталды. Ышкыбоз жана профессионал фотографтар жалпысынан 14 миңден ашык фотосүрөт тартышкан. Алардын ичинен суудагы футбол тобун тарткан фотограф жеңүүчү болду. Сууга маткан топ  ылдый жагынан деңиз өрдөктөрүнүн (рак сымалдуу деңиз жаныбарлары) бүтүндөй бир колониясы менен капталган.

Жаратылыш