Кыргызстан

Дүйнө

Аялзат

Башкы бет

Видео жаңылыктар

Видео

Биздин видеолор

Kyrgyz

Эгемендүү Кыргызстандын тарыхында Апрель окуясы орду толгус жоготуулар менен коштолуп, эң кайгылуу жана маанилүү окуялардын бири болуп калды.

“Апрель окуясы мүдөөсүнө жетсе, октябрь окуясы болмок эмес”

Путиндин кызынын өкүл атасы, виолончелист Швейцариядагы банк эсебине олчойгон суммадагы акча салган.

Путинге жардам берген банкирлер соттолду

Кыргызстандын президенти Садыр Жапаровдун өлкөнүн мурдагы президенттеринин баары менен бейтарап аймакта жолугуп келгени коомчулук үчүн күтүлбөгөндөй окуя болду жана көп түрлүү, карама-каршы пикирлерди жаратууда. 

Тобокелчи тоо ашат, бирок экс-президенттерди  элдештирүүдөн эмне өзгөрөт?

Түркиядагы катуу жер титирөө болуп, кыйроолор жана курмандыктар болгондон кийин Кыргызстандагы курулуштардын сапаты жөнүндө маселе кайра көтөрүлдү. Чоң шаарларда соңку жылдары жайнаган курулуштар кулач жайган менен алар жер титирөөгө канчалык туруштук берет деген суроо көпчүлүктүн көкүрөгүн оюп турган убак. Жогорку Кеңеште депутаттар Бишкек менен Оштогу башаламан курулуштарды мамлекеттик комиссия түзүп текшерүү керек деп жатышат.

"Түркиядагыдай күбүлүп түшүп калбасын". Бишкектеги үйлөрдүн сапатына санаркоо 

“Кумтөрдүн” камакта отурган  мурдагы тышкы башкаруучусу Тенгиз Бөлтүрүктүн жактоочусу Эсеп палатасынын отчетунда көрсөтүлгөн Кумтөрдөгү финансылык мыйзам бузуулар жөнүндө Би-Би-Сиге жооп берди. Кайсын Абакиров Эсеп палатасы финансылык мыйзам бузуу деп жаткан иштердин баары мыйзамдуу деп өзүнүн жүйөлөрүн айтууда.

Кумтөр: Бөлтүрүк бөлгөн миллиондордун чоо-жайы

Түштүк Кореянын президенти Юн Сок Ель шейшембиде мурдагы президент Ли Мен Бак, экс- губернатор Ким Кон Су жана башка атаандаш партиялардын бир катар саясатчыларына ырайым берип, түрмөдөн бошоткону жатканын "Ренхап" агенттиги билдирди.

Түштүк Кореяда экс-президент баш болгон бир топ саясатчыларга ырайым берилет

Кыргызстандагы коррупция жедеп тамырлап, коомдун бардык тармагын чырмап алганы соңку Элдик Курултайда даана көрүнгөндөй болду. Делегаттар жер-жерлердеги коррупциянын масштабы боюнча президентке ачык арызданышты. Делегат Абдыкерим Бекмурзаев аксакалдын “өлл-ө-ө коррупция” деп айтканы эл арасында лакап сөзгө да айланып кетти. 

“Өл-ө-ө коррупция”: Коррупцияга каршы күрөштөн жылыш барбы?

К﻿ыргызстанда төрт министр бир эле убакта кызматынан алынды. Алардын ордуна министрдин милдетин аткаруучу болуп дайындалган жетекчилерди Жогорку Кеңеш карап бекитүүгө тийиш.  Б﻿ир эмес, бир нече министрдин кызматтан алынышы өлкөдө ансыз деле Баткен областында Тажикстандын куралдуу кол салуусунан чек арадагы айылдар чабылып-чачылып, анын алдын албагандыгы үчүн бийликке катуу сын айтылып жаткан убакытка туура келди.

Беш айда беш министр кызматынан кетти

Теңиз Бөлтүрүк - президент Садыр Жапаровдун эң ишенимдүү адамдарынын бири эле. 

Теңиз Б﻿өлтүрүк ордо оюндарын качан ачыктайт?

Бишкекте Свердлов райондук соту журналист Болот Темировду актаган чечим чыгарды. Кыргызстандын медиа коомчулугу, Акыйкатчы, жарандык жана укук коргоо уюмдары бул журналистти ак жеринен торго чалынды деп аны актоого чакырып жатышкан.

Сынбаган Болот. Сот актаган чечим чыгарды

Бишкектин Октябрь райондук соту Теңиз Бөлтүрүктү эки айга камакка алуу чечимин кабыл алды. Ал 10-ноябрга чейин УКМКнын тергөө абагында болот. Бөлтүрүк өзүнө козголгон кылмыш ишин "акылга сыйбаган иш" деп атап, бардык айыптоолорду калп жана абсурд деди.

“Кумтөр” чыры: Теңиз Бөлтүрүк эмнени ачыктагысы келет?

 Жогорку Кеңеште айрым депутаттар Башкы прокурордун ишмердиги тууралуу маселе көтөрүп, Курманкул Зулушевдин парламентке келүүсүн талап кылышты. 

Бакандай тергөөчү кармалды эле, иштин аягы эмне болот?

Кыргызстанда президент Садыр Жапаровдон оппозиция алтындын отчетун талап кылып жатканда жер-жерлерге ноябрда болуучу курултайга делегаттарды шайлоонун талкуусу күч алууда.

Элдик курултай: күрөштүн күзгү сезону

Дүйнөдөгү айрым өлкөлөр сыртка чыгарылып кеткен тарыхый артефакт, экспонаттарын кайтаруу менен алек болуп жатканда Кыргызстанда аларга мамиле кандай?  
Кыргыз тарыхчылары соңку жылдары Улуттук тарых музейинин баалуу экспонаттары жоголуп же күйүп жок болуп кетип жатканына коңгуроо кагышууда. 

Тарых музейинде талкаланган табериктердин "табышмагы" 

Бишкекте №61 лицейдин директору Юрий Низовскийдин кармалышы дүңгүрөгөн окуя болуп калды. УКМК аны мектепте коррупциялык схема түзгөн деп айыптап, жакындарына катталган 150 млн сом байлыгын таап көрсөттү. Бул окуя баш калаадагы статустуу мектептерди чырмаган коррупцияга көп жылдан бери  биринчи жолу ыргытылган укуктук укурук болуп калды. 

Бишкектеги мектептерди чырмаган коррупция: чыры жана чындыгы

Ош шаардык соту 29-июлда “Достук - Автожол” өткөрмө пунктундагы коррупция иши боюнча бир катар аткаминерлерди күнөөлүү деп таап, аларды эркинен ажыратты. Соттун өкүмү Жогорку соттун расмий сайтында жарыяланды.

Чек ара кызматынын чиновниктери 10 жылдан ашуун мөөнөткө өкүм кылынды

Кыргыз бийлиги "Кумтөр" алтын кенин канадалык компаниядан биротоло өткөрүп алганын чоң жеңиш катарында көрсөтүп жатканда, бийик тоо арасындагы кендин мындан аркы иштешине санааркаган да пикирлер айтылууда. Коомчулуктун жүрөгүн өйүгөн эки чоң көйгөй - коррупция жана экология болуп жатат.    

Кумтөр: Эң негизги көйгөйлөр - экология жана коррупция

Садыр Жапаров өзүн сындап жаткандарга кыска жооп кайтарды. Кыргызстанда президентти каатчылык учурда, мектептер жетишпей жатканда өзүнө жаңы административдик имарат салып баштаганы үчүн сынга алышууда. Буга мамлекеттен бир тыйын кетпейт, болгону аны курган компанияга Бишкектен 16 гектар жер берилет деген билдирүү талкууну ого бетер күчөттү. 

"Тынчыраак иштетесиңерби?": Административдик имараттын акысына кетчү жердин чоо-жайы  

BBC Panorama “Челсинин” кожоюну Роман Абрамовичке баюуга жардам берген коррупциялык келишимдер боюнча жаңы далилдерди таап чыкты.

Роман Абрамовичтин коррупциялык келишимдерин ачыкка чыгарган далилдер

Кыргызстанда Транспорт министрлиги алдында түзүлгөн Жол фонду өз ишин баштады. Кыргыз өкмөтү бул фонд аркылуу жол инфраструктурасын тейлөөгө акча өндүрүүнү көздөйт. 

Жол фонду: “айдоочунун эле чөнтөгү кагылат”

Украинадагы кырдаалга байланыштуу Британия Орусияга санкция киргизүү жөнүндө ойлонуп келатат. Бирок тышкы иштер министри Лиз Трасс “мурда Лондондо мыйзамсыз каражаттар боюнча көйгөй болгон, аны тактап жатабыз” деп Би-Би-Сиге билдирди. Бул маселени чечүү эмне үчүн оор?

Британияда Орусиянын канча акчасы бар?

Тармакты жакшы билген адистер саламаттык сактоо министри А. Бейшеналиев менен Улуттук травматология жана ортопедия борборунун башчысы, академик С. Жумабековдин ортосундагы чыр-чатакты мамлекеттик ресурстар үчүн болгон кландык күрөш деп атап, бул тармактагы көп жылдап катмарланган кризистин үстү жагы эле деп белгилешүүдө. Алардын баамында, министрдин бир оорукананын башчысын алып, башкасын дайындаган буйругунан эч нерсе өзгөрбөйт, бул тармакта терең тамырлаган коррупциянын  кылы да кыйшайбайт дешет.

Анархия, профанация, кландар күрөшү:   министр менен академик эмнеге кармашууда?

Бишкекте аттары окшош журналист менен төкмө акындын спецназ менен кармалып, коомчулуктун кысымы астында бошотулганы бийликке жана күч түзүмдөрүнүн беделине шек келтирген урунтуу учур болуп калды. Болот Темиров менен Болот Назаров кармалганда жарандык активисттер жапырт аларды бошотууну талап кылып, митингге чыгышты. Кырдаалдын курчуп баратканын көрүп, милиция кармалгандарды тил кат менен жекшембиде бошотту. Алардын күнөөсү эмнеде экендиги эми тергөө, иликтөө иштери менен аныкталууга тийиш. Бирок болгон окуя өлкөдө жарандарга мыйзамдуулук, сот акыйкаттыгын камсыз кылууда ээнбаштык көп экенин көрсөтүүдө. 

Куралдуу спецназ операциясы: журналистти кармоонун мыйзамдуулугуна суроо көп

Казакстандагы кандуу окуялардын табияты, себептери, оюнчулары алигиче бүдөмүк. Коңшуларды биз жакшы билбейбиз. Клан деп дүңүнөн кеп кылабыз, ичинде кимдер бар, чын эле бир максатта бириккен топторбу же универсалдуу мүдөө - байлык жана бийлик үчүн куралган топпу, ажырата албайбыз.