Кыргызстан

Дүйнө

Аялзат

Башкы бет

Видео жаңылыктар

Видео

Биздин видеолор

Kyrgyz

Жогорку Сот эки жаштагы баланы узак убакыттан бери кордоп келген деп айыпталып, беш жылга абакка кесилген Александр Самаркинге карата пробациялык чечим боюнча түшүндүрмө берди. Маалымат берген судьялар Самаркиндин иши оор эмес кылмыш болуп эсептелинет деген жүйөнү айтып жатат. 

"Оор кылмышка кирбейт". Жогорку Соттун чуу жараткан пробация чечими

Казакстанда мурунку министрдин жарандык никедеги аялынын зордук-зомбулук менен аёосуз өлтүрүлүшүнө байланышкан иш кайрадан резонанс жаратууда.  Айыпталуучу Бишимбаевге буга чейин “өзгөчө мыкаачылык менен киши өлтүрүү” деген оор берене тагылган. Ал бул беренени “атайлап эмес, кокусунан өлтүрүп алуу” беренеси менен кайрадан кароону суранган. Учурда бул иш арачы соттордун катышуусунда каралып жатат. 

Казакстан: түз эфирдеги сот элдин көзүн ачабы? Экс-министрдин аялынын чуулуу өлүмү

Кыргызстандын абактарында кылмыш дүйнөсүнүн "мыйзамдары" бекем орноп, анын айынан  жаза өтөп чыккандардын көбүнүн жүрүм-туруму оңолмок турсун тескери кетип, “каралардын" идеологиясына сугарылып чыгып жатат деген кооптонуу айтылып келет. 

"Абактарда крим чөйрөдөн баш тарттым дегендер бар". Абак жетекчилиги менен маек

2023-жылы Кыргызстанда бийликке каяша айтып чыккан жарандык активисттер, оппозициядагы саясатчылар камалган учурлар көп болду. Өлкөдөгү адам укуктарынын абалын эл аралык уюмдар да сынга алууда. Расмий бийлик өз кезегинде адам укуктарын сыйлаган жана күчтүү демократиялык башкарууга багыт алган өлкө экенин айтып келатат.

Демократиядан - авторитаризмге. Кыргызстанда адам укугунун абалы

Курманбек Бакиевге кун төлөткүсү келгендердин сунушу жана ага каршылардын Бишкекте болгон митинги бозгундагы экс-президентке каршылык маанайдын дагы эле курч экенин көрсөттү. Бакиевдин ойлогону, көксөгөнү -  Кыргызстандын бийлигин көндүрүп, 13 жыл мурдагы кандуу окуяларды кайра каратууга жетишүү.  Бул үчүн ар кандай жол издеп, туш-туш жакка киши салып, акча салып, тынбай аракет көрүүдө.

"Арам ой ишке ашпайт". Бакиевге Бишкектен кол кезешти

Президент Садыр Жапаров ушул айдын башында кынтыксыз жүрүү талаптарын бузуп, жаманатты болгон бир катар судьяларды кызматтан алды. Бул бир жагынан соттордун дарегине эл тараптан айтылган сындарга президенттин көңүл буруп жатканын көрсөтөт. Экинчи жагынан эмне үчүн соттордо ээнбаштык көп болууда, аларга эмне жетишпейт деген суроолор чыгууда.

"Чыбык менен айдап алдыңар". Шиши толгон соттор кызматынан кол жууду

Маданият, маалымат, спорт жана жаштар саясаты министрлиги “Клооп” басылмасына кат жолдоп, анда “cаясатчы Равшан Жээнбеков убактылуу кармоочу жайда кыйноого кабылганы” тууралуу жаңылыкты сайтынан алып салууну талап кылды.
Министрлик бул үчүн эки күндүк убакыт берип, эгер алардын талабы орундалбаса “Клооптун” сайты бөгөттөлөрүн эскертип жатат. 

“Клооптун” сайты бөгөттөлөбү? 

Эл оозунда "Кемпир-Абад иши" деп аталып калган иш боюнча айыпталгандардын иши сегиз айдан кийин сотко өттү. Сот процесси 22-июнда Бишкектин Биринчи май райондук сотунда башталары кабарланды.  Ошол эле учурда абакта жаткан 12 кишинин үй-мүлкү конфискацияланышы мүмкүн деген дагы кабатыр билдирүүлөр болууда. 

Кемпир-Абад: кармалгандардын үй-мүлкү конфискацияланабы?

Соттолгон адамдарды шарттуу түрдө мөөнөтүнөн мурда бошотуп жатканда судьялар олчойгон пара алып жатканы жөнүндө депутаттын билдирүүсү сот тармагындагы көп жылдан бери келаткан көйгөйдү кайра козгоду.  Аламүдүн райондук сотунун басма сөз кызматы актанып жооп кайтарды. Эл өкүлүнүн айтымында, соттордогу коррупцияны депутаттык комиссия түзүп иликтебесе болбойт.  

"Ууру тойгончо жеп...". Соттордун ставкасы жана актануусу

Аталган министрлик жалган маалымат таратты деп, “Азаттыктын” ишмердигин токтотуу өтүнүчү менен сотко кайрылган эле. 

"Азаттык": сот бүттү,  талаш курчуду

Путиндин кызынын өкүл атасы, виолончелист Швейцариядагы банк эсебине олчойгон суммадагы акча салган.

Путинге жардам берген банкирлер соттолду

Активисттер 13 жашар кызды зордуктаганы үчүн абакка кесилген эки милиционердин жазасы жеңилдеп калабы деп чочулап жатат. Буга байланыштуу алар кечээ күнү Жогорку Сот ишти карап жаткан учурда акцияга чыгып, айыпталуучуларга катаал жаза берилишин талап кылышты. 

Зордукталган секелек. Милиционерлердин жазасы эмнеге жеңилдеп жатат?

Массалык тополоң уюштуруп бийликти күч менен кулатууга камынган деген айыптоо менен кармалган жыйырмадан ашуун саясатчы, активист жана журналисттердин бөгөт чарасы Бишкек шаардык сотунда карала баштады.

Кемпир-Абад: камактагылардын бирөө-жарым чыгышы арсар 

Индияда Жогорку Сот коллеждер менен мамлекеттик кызматтагы орундардын он пайызын кедейлерге калтыруу жөнүндө талашка түшкөн мыйзамды бекитти.

Индия: касталар кармашы жана кедейлерге квота

Кыргызстанда соңку жылы “Ихсан” турак жай кооперативи болуп көрбөгөндөй жарнамалык өнөктүк жүргүздү. Компания кардарларын миллиондогон аудиоториясы бар блогер,  диний аалым жана вайнерлер аркылуу тартып жатты.

“Ихсан”: юрист жарнамачылардын да жоопкерчилигин эскертти

Бишкектин Свердлов райондук сотунда 13 жаштагы кызды зордуктоо боюнча отурум жабык өтүп, жабырлануучу тараптын жактоочуларынын өтүнүчү менен сот 12-июлга белгиленди.

"Педофилияны токтоткула!”:13 жаштагы кыздын зордукталышы 

Коомдук сайттарда президент Садыр Жапаровдун мурунку тарапташы,  учурда камакта отурган Мелис Аспековдун атынан  кезектеги билдирүү таратылып жатат.

Абактан кат: Мелис Аспековдун кезектеги билдирүүсүбү?

Коррупцияга шектелип, кызматынан четтетилген саламаттыкты сактоо министри Алымкадыр Бейшеналиев 2-июлга чейин тергөө абагында болот. Анын адвокаттары соттун бул чечимине каршы доо арыз даярдоодо.  

Бейшеналиевди беймаза кылган вакцина чыры  

Түркиянын Кыргызстандагы элчиси Кыргыз-Түрк “Манас” университетиндеги өткөргөн семинарга байланыштуу Кыргызстандын Тышкы иштер министрлиги өз иликтөөсүн баштады.   

Түрк элчисинин дооматы түрдүү ойго салууда

Кой-Таштагы дээрлик үч гектар жерди ээлеген мурунку президент Алмазбек Атамбаевдин үйү мамлекеттик менчикке өтүп жатат.

Талашка түшкөн Атамбаевдин хан-сарайы 

Бишкектин Биринчи май райондук соту 10-майда “коррупцияга” шектелген “Дастан” заводунун мурдагы жетекчиси Алексей Ширшовду 26-майга чейин үй камагына чыгаруу чечимин кабыл алды.  

Коррупцияга шектелген Алексей Ширшов үй камагына чыкты

Марттын башында Филадельфияда кубалоо учурунда 12 жашар баланы аркасынан атып өлтүргөн мурдагы полиция кызматкери киши өлтүрүүгө айыпталып, камакка алынды. 

АКШда 12 жашар баланы атып өлтүргөн полиция кызматкери камалды

Кыргызстандын Жогорку Сотунун төрайымы Нургүл Бакирова кызматынан өз ыктыяры менен кетүү жөнүндө арыз жазды. Ушундай маалымат Жогорку Соттун расмий сайтында жарыяланды. 

Жогорку Соттун төрайымы кызматтан кетүүгө арыз жазды

Индиянын Уттар-Прадеш штатындагы Аллахабад шаарынын жогорку соту 10 жаштагы эркек баланы оралдык секске мажбурлаган эркек кишинин абак жазасын кыскартты.