'Y' आणि 'U' अक्षरांनी असं उलगडलं अश्विनी बिद्रे हत्या प्रकरणाचं गूढ

अश्विनी बिद्रे-गोरे या महिला पोलीस अधिकाऱ्याची हत्या झाल्यामुळे साधारण 9 वर्षांपूर्वी संपूर्ण महाराष्ट्र हादरला होता.

अश्विनी यांचा मृतदेह, हत्येसाठी वापरण्यात आलेलं हत्यार आणि इतरही पुरावा हाती येत नसल्यामुळे हे प्रकरण अतिशय गुंतागुंतीचं झालं होतं. महिला आणि त्यातही एक पोलीस अधिकारी बेपत्ता झाल्यामुळे अनेक प्रश्नचिन्हं निर्माण झाले होते.

पण, पती आणि कुटुंबानं केलेला संघर्ष, सरकारी वकिलांनी योग्यरीतीनं मांडलेली बाजू आणि एका महिला पोलीस अधिकाऱ्यानंच अतिशय उत्तमरीतीनं केलेला तपास यामुळे अश्विनी बिद्रे-गोरे यांच्या हत्येचा आरोप असलेल्या अभय कुरुंदकर या बडतर्फ वरिष्ठ पोलीस निरीक्षकाला न्यायालयानं अखेर दोषी ठरवलं आहे.