Milatariga Iiraan oo shardi uga dhigay dib u furista Marinka Hormuz in Mareykanku ka baxo gobolka

Tebin toos ah

1. 15 Oktoobar 2026Qaramada Midoobay oo ku baaqday in Iran iyo Mareykanku toddobaadyada soo socda heshiis ka gaaraan marinka Hormuz

   Qaramada Midoobay ayaa sheegtay in haddii Iran iyo Mareykanku ay toddobaadyada soo socda ku heshiin waayaan in loo oggolaado maraakiibta bacriminta sida inay maraan marin-biyoodka Hormuz, xaaladda sugnaanta cuntada ee qaybo ka mid ah Aasiya iyo Afrika ay noqon doonto mid aad u daran.

   Qaramada Midoobay ayaa dagaalkii dhowaan dhacay kaddib dhistay guddi shaqo oo fududeynaya marinka bacriminta ee marin-biyoodka Hormuz.

   Hannaankii arrintaas loo sameeyay weli lama dhaqan-gelin, balse ku-xigeenka xoghayaha guud ee Qaramada Midoobay, Jorge Moreira da Silva, ayaa sheegay in la hawlgelin karo toddoba ilaa toban maalmood gudahood marka heshiis ay gaaraan Washington iyo Tehran.

   “Waa arrin aad muhiim u ah in heshiis la gaaro toddobaadyada soo socda, haddii kale waxaan lumin doonnaa xilliga beerashada,” ayuu yiri Moreira da Silva, oo wareysi ku bixiyay magaalada Bangkok, intii ay socdeen shirarka sannadlaha ah ee Sanduuqa Lacagta Adduunka (IMF) iyo Bangiga Adduunka.

   Afhayeen u hadlay Wasaaradda Arrimaha Dibadda Mareykanka, oo su’aalo ay weydiisay wakaaladda wararka ee Reuters ka jawaabayay, ayaa sheegay in ciidamada Mareykanku ay kumannaan maraakiib ganacsi ah ka caawiyeen inay maraan marin-biyoodka Hormuz.

   “Mareykanku wuxuu sii wadi doonaa tallaabooyin adag oo ka dhan ah dadaallada Iran ay ku carqaladeynayso xorriyadda isu-socodka maraakiibta ee marin-biyoodka Hormuz, isla markaana ay dhaqaalaha caalamka u adeegsanayso cadaadis,” ayuu yiri afhayeenku.

   Aqalka Cad iyo safaaradda Iran ee magaalada Bangkok kama aysan jawaabin codsiyo ay Reuters u dirtay oo ku saabsanaa jawaab arrintan ku saabsan.

2. 15 Oktoobar 2026Faahfaahinat dagaal saaka ak dhacay Buurhakaba

   

   Xigashada Sawirka, socail media

   Wararka ka imanaya degmaga Buurhakaba ayaa sheegaya in saka uu halkaasi ka dhacay dagaal.

   Dagaalka ayaa sida ay wararku sheegayaan dhacay ka dib markii ciidamo taabacsan madaxwaynihii hore ee Koonfur Galbeed Cabdi Casiis Laftagareen ay weerar soo qaadeen.

   Dagaalka ayaa imanaya xilli muddooyiinkii u dambeeyay ay ciidamada Laftagareen ay dhawr mar weeraro ku qaadeen magaalada Beydhabo oo fariisin u ah mamulka cusub ee sheekh adan Madoobe.

   Faahfaahinta dagaalka iyo waxa ka soo kordha halkan kala soco.

   Sheekooyinka kale ee aad sii akrin karto:

   Jahawareerka Trump ka haysta xasaradaha dunida ka aloosan, todobaadyo ka hor doorashada xilliga dhexe ee Maraykanka

   Israa'iil ma waxay muran kala dhex dhigtay Turkiga iyo waddan uu saaxiib dhaw la yahay muddo dheer?

   Sida xayawaanka dhilqaha uu u sababay in la hakiyo dulimaad diyaaradeed oo caalami ah

3. 15 Oktoobar 2026Cuntooyiinka "sababi kara" cudurka Kansarka

   

   Xigashada Sawirka, Getty Images

   Jirka bini'aadamku wuxuu u sameysan yahay qaab uu cuntada aan cunno u kala sooco. Cuntooyiinka inta badan la shiilo ayaa ah kuwa aan caafimaadkeenna ku wanaagsaneen, sida cilmi baarayaal caafimaad ay soo saareen.

   Faahfaahinta ku dhufo lifaaqa hoose

   Cuntooyiinka "sababi kara" cudurka Kansarka

4. 15 Oktoobar 2026Xuutiyiinta oo sheegay inay gantaal la beegsadeen diyaarad dagaal oo Sacuudigu leeyahay

   

   Xigashada Sawirka, AFP via Getty Images

   Afhayeenka milatariga kooxda Xuutiyiinta ee Ansar Allah, Yahya Saree, ayaa saqdii dhexe ee Khamiista sheegay in diyaarad dagaal oo nooca Typhoon ah oo Sacuudigu leeyahay lagu bartilmaameedsaday gantaal dhulka laga soo ganay oo hawada wax ku dhufta, xilli ay ku jirtay hawada gobolka Sacda ee Yemen.

   Saree ayaa sheegay in gantaalku uu diyaaradda si toos ah u haleelay, isla markaana ay halis ugu jirto inay burburto, sida uu hadalka u dhigay.

   Dhanka kale, warbaahinta xiriirka la leh Xuutiyiinta ayaa sheegtay in Sacuudigu weerarro ka fuliyay magaalada Sanca.

   Yahya Saree ayaa sidoo kale xaqiijiyay in kooxdu ay mar kale gantaal ballistic ah ku bartilmaameedsatay garoonka diyaaradaha caalamiga ah ee Boqor Khaalid ee caasimadda Riyadh, isaga oo sheegay in gantaalku uu si sax ah oo toos ah u haleelay bartilmaameedkiisa.

   Saree ayaa intaa ku daray in kooxdu ay hawlgal kale ku qaadday goobaha ay ciidamada Sacuudigu isugu yimaadaan ee Ras al-Ara iyo al-Mudharabah, iyadoo adeegsatay saddex gantaal oo ballistic ah.

   Waxa uu ku andacooday in weerarkaasi uu sababay dhimasho iyo dhaawac, isla markaana lagu burburiyay ama lagu naafoobiyay gaadiid dhowr ah.

   Sheekooyinka kale ee aad sii akrin karto:

   Jahawareerka Trump ka haysta xasaradaha dunida ka aloosan, todobaadyo ka hor doorashada xilliga dhexe ee Maraykanka

   Israa'iil ma waxay muran kala dhex dhigtay Turkiga iyo waddan uu saaxiib dhaw la yahay muddo dheer?

   Sida xayawaanka dhilqaha uu u sababay in la hakiyo dulimaad diyaaradeed oo caalami ah

5. 15 Oktoobar 2026CENTCOM: Waxaan burburinnay doontii sahanka ee Ilaalada Kacaanka Iran

   Taliska Dhexe ee Ciidamada Mareykanka ee gobolka, CENTCOM, ayaa bartiisa X ku baahiyay muuqaal muujinaya doon weyn oo xamuul ah oo xiriir la lahayd Iran, taas oo uu sheegay inuu ku burburiyay Badda Cumaan 6-dii October.

   CENTCOM ayaa sheegay in doontaasi ay ururinaysay xog sirdoon oo loo adeegsanayay bartilmaameedsiga maraakiibta ciidamada badda Mareykanka.

   War-saxaafadeedka ayaa lagu yiri: “Toddobadii bilood ee la soo dhaafay, Ilaalada Kacaanka Islaamiga ah ee Iran waxay si aan kala sooc lahayn u bartilmaameedsadeen kumannaan badmaaxiin rayid ah oo marayay biyaha gobolka, marka laga soo tago maraakiibta dagaalka ee ciidamada badda Mareykanka.”

   Sida uu sheegay CENTCOM, shaqaalihii doonta ayaa si nabad ah uga baxay ka hor inta aan la burburin, waxaana socda dadaallo dib loogu celinayo dalalkooda.

   Lama shaacin cidda iska lahayd doonta iyo dalalka ay u dhasheen shaqaalihii saarnaa.

   Sheekooyinka kale ee aad sii akrin karto:

   Jahawareerka Trump ka haysta xasaradaha dunida ka aloosan, todobaadyo ka hor doorashada xilliga dhexe ee Maraykanka

   Israa'iil ma waxay muran kala dhex dhigtay Turkiga iyo waddan uu saaxiib dhaw la yahay muddo dheer?

   Sida xayawaanka dhilqaha uu u sababay in la hakiyo dulimaad diyaaradeed oo caalami ah

6. 15 Oktoobar 2026Munaasabadaha waaweyn ee caalamiga ah ee Sacuudiga oo la baajiyay ama dib loo dhigay

   Iyadoo weerarrada Xuutiyiinta ee lagu beegsanayo garoomada diyaaradaha waaweyn ay weli socdaan, munaasabadaha waaweyn ee caalamiga ah ee Sacuudi Carabiya ayaa si isdaba joog ah loo baajinayaa, dib loo dhigaya ama loo wareejinayaa in qaab fogaal-arag ah lagu qabto.

   Garoonka diyaaradaha caalamiga ah ee Riyadh ayaa la sheegay in la xiray ilaa Sabtida.

   - Ciyaarta Al-Ahli iyo Al-Nasr, oo ah kooxda uu u ciyaaro Cristiano Ronaldo, ayaa dib loo dhigay. Ciyaarta oo ka tirsan horyaalka heerka koowaad ee Sacuudiga ayaa lagu waday in la qabto Khamiista.

   - Tartanka tennis-ka ee Six Kings oo la qorsheeyay inuu qabsoomo toddobaadka soo socda, laguna waday inay ka qayb galaan xiddigaha Novak Djokovic iyo Carlos Alcaraz, ayaa dib loo dhigay ilaa bisha Diseembar.

   - Shirka maalgashiga sannadlaha ah ee Sacuudiga, oo loo yaqaan “Davos-ka Saxaraha”, ayaa la filayaa in ku dhowaad laba toddobaad gudahood lagu qabto hab isku dhafan oo ay qaar ka mid ah ka qaybgalayaashu si toos ah u joogayaan, halka kuwa kalena ay khadka internetka kaga qaybgelayaan.

   Wakaaladda wararka ee AFP ayaa sheegtay in la tixgelinayo waddooyin kale oo dhulka iyo badda ah si martida loogu soo daadgureeyo.

   - Shirka Caalamiga ah ee Batroolka Adduunka, oo dhammaanaya Khamiista, ayaa isaguna qabsoomay iyadoo aysan ka soo qaybgelin madaxda sare ee shirkadaha shidaalka.

   Xaalad amni oo aad u adag ayaa ka jirta Sacuudi Carabiya, iyadoo Xuutiyiinta Yemen ay sheegeen inay mar kale gantaal ballistic ah ku bartilmaameedsadeen garoonka diyaaradaha caalamiga ah ee Riyadh.

   Sheekooyinka kale ee aad sii akrin karto:

   Jahawareerka Trump ka haysta xasaradaha dunida ka aloosan, todobaadyo ka hor doorashada xilliga dhexe ee Maraykanka

   Israa'iil ma waxay muran kala dhex dhigtay Turkiga iyo waddan uu saaxiib dhaw la yahay muddo dheer?

   Sida xayawaanka dhilqaha uu u sababay in la hakiyo dulimaad diyaaradeed oo caalami ah

7. 15 Oktoobar 2026Markab xamuul ah oo gantaal lagu dhuftay ayaa ku degay marin-biyoodka Hormuz

   

   Xigashada Sawirka, AFP

   Faahfaahin ayaa ka soo baxaysa markab konteenarro sida oo ku gooshayay calanka Singapore ayaa ku degay marin-biyoodka Hormuz, kaddib markii uu ku dhacay gantaal ama shay kale oo aan la aqoonsan, xilli uu marayay marin-biyoodkaas, sida ay sheegeen mas’uuliyiinta Singapore.

   Dhammaan 21-kii shaqaale ee saarnaa markabka GFS Pride ayaa la daadgureeyay, mana jirin cid wax ku noqotay weerarkii Talaadadii. Weerarka ayaa sababay burbur soo gaaray markabka iyo dab ka kacay, sida ay sheegtay Hay’adda Dekedaha iyo Badaha Singapore.

   Hay’addu waxay intaas ku dartay in markab kale oo konteenarro sida, laguna magacaabo GFS Giselle, oo isaguna sita calanka Singapore, uu Arbacadii waxyeello ka soo gaartay qaybta dibadda ee markabka kaddib markii uu ku dhacay shay aan la aqoonsan. Si kastaba ha ahaatee, markabku wuxuu gaaray meel ammaan ah oo maraakiibtu ku sugnaadaan, iyadoo dhammaan 22-kii shaqaale ee saarnaa ay badqabaan.

   Ilaalada Kacaanka Iran ayaa sheegay in markab uu ku dhacay miinooyin badeed, uuna ku degay xilli uu marayay marin ay ku tilmaameen mid “aan loo oggolayn” oo ku yaalla marin-biyoodka Hormuz.

   Sawirro kale ayaa muujinayay konteenarro badan iyo alaabtii ay sideen oo ku dul sabbaynaya biyaha.

8. 14 Oktoobar 2026Zelensky ayaa sheegay in wax digniin ah oo ku saabsan weerarrada aysan ka helin xulafadooda

   

   Xigashada Sawirka, Reuters

   Ukraine ayaa sheegtay in weerar kale oo weyn oo lagu qaaday kaabayaasheeda tamarta uu sababay in lix boqol oo kun oo qof ay koronto la’aan noqdaan.

   Ugu yaraan lix qof ayaa lagu dilay duqeymihii dhacay xalay kuwaas oo lagu beegsaday agagaarka magaalooyinka Kyiv iyo Kharkiv oo ku taal waqooyi-bari dalka.

   Madaxweynaha Ukraine, Volodymyr Zelensky, ayaa sheegay in habeenkii labaad oo xiriir ah aysan ciidamadiisu wax digniin ah oo ku saabsan weerarrada ka helin xulafadooda.

   Kyiv ayaa sidoo kale shirkadda SpaceX ee Elon Musk ku eedeysay in ay xaddidayso shabakaddeeda isgaarsiinta ee Starlink, taas oo carqaladaynaysa hawlgallada milatariga Ukraine ee ka socda furimaha dagaalka.

   Mareykanka ayaa beeniyay in uu joojiyay xogta sirdoon uu Ukraine la wadaago. Shirkadda SpaceX kama hadal arrintan.

   Dhanka kale, xoghayaha guud ee NATO ayaa sheegay in xubnaha isbahaysiga looga baahan yahay in ay wax badan ka qabtaan xoojinta difaaca cirka ee Ukraine. Isagoo ka hadlayay dalka Estonia, Mark Rutte, waxa uu sheegay in gardarrada Ruushka ee ka dhanka ah Ukraine aysan waxba iska badaleynin, wuxuuna xusay in xilliga qaboobaha uu soo dhow yahay.

   Rutte ayaa sidoo kale sheegay in weerarrada nooca isku-dhafka ah ee lagu qaado dalalka Yurub, kuwaas oo lagu eedeeyo Ruushka, ay muujinayaan tabar-darrada Moscow halkii ay ka muujin lahaayeen awooddeeda. Wuxuu intaas ku daray in weerarradaasi aysan ka hor istaagi doonin dalalka Yurub in ay sii taageeraan Kyiv.

   Sheekooyinka kale ee aad sii akrin karto:

   Jahawareerka Trump ka haysta xasaradaha dunida ka aloosan, todobaadyo ka hor doorashada xilliga dhexe ee Maraykanka

   Israa'iil ma waxay muran kala dhex dhigtay Turkiga iyo waddan uu saaxiib dhaw la yahay muddo dheer?

   Sida xayawaanka dhilqaha uu u sababay in la hakiyo dulimaad diyaaradeed oo caalami ah

9. 14 Oktoobar 2026Kenya ayaa kordhisay sicirka shidaalka

   

   Xigashada Sawirka, AFP

   Shacabka Kenya ayaa filaya in qiimaha shidaalka uu kordho kaddib markii hay’adda nidaamisa tamarta iyo shidaalka ee loo yaqaan EPRA ay ku dhawaaqday in la kordhinayo sicirka shidaalka.

   Isbeddelada cusub ee sicir shidaalka ayaa la dhaqangelin doono laga bilabao bishan Oktoobar ilaa iyo Nofembar.

   Hay’adda waxay ku sheegtay sababta kororka in ay ka timid shidaalka dibadda ka yimaado oo qaaliyoobay.

   Tallaabadan ayaa la filayaa in ay saameyn ku yeelato darawallada gaadiidka dadweynaha iyo ganacsiyada howlahooda maalin kasta ay ku tiirsan shidaalka.

   Kororka qiimaha naaftada ayaa laga yaabaa in uu saameyn weyn ku yeesho dhaqaalaha, maadaama naaftada ay isticmaalaan gaadiidka xamuulka qaada, basaska iyo gaadiidka kale ee ganacsiga. Waxay sidoo kale kordhin kartaa kharashka badeecadaha.

   Sheekooyinka kale ee aad sii akrin karto:

   Jahawareerka Trump ka haysta xasaradaha dunida ka aloosan, todobaadyo ka hor doorashada xilliga dhexe ee Maraykanka

   Israa'iil ma waxay muran kala dhex dhigtay Turkiga iyo waddan uu saaxiib dhaw la yahay muddo dheer?

   Sida xayawaanka dhilqaha uu u sababay in la hakiyo dulimaad diyaaradeed oo caalami ah

10. 14 Oktoobar 2026Singapore ayaa sheegtay in laba ka mid ah maraakiibteeda lagu weeraray marinka Hormuz, mid ka mid ahna uu degay.

    

    Xigashada Sawirka, IRGC

    Hay’adda Dekedaha iyo Arrimaha Badda ee Singapore ayaa shaacisay in laba markab oo xambaara kunteenarrada, kuwaas oo sitay calankeeda, ay bartilmaameedsadeen waxyaabo aan la aqoonsan oo la soo tuuray xilli ay marayeen marinka Hormuz.

    Ururka la socda howlaha ganacsiga badaha ee Britan ayaa ka hadlay dhacdada labo Markab oo marayay Marinka Hormuz.

    Hay'adda ilaalada amniga badda ee Ciidanka Badda UK ayaa sheegtay in laba markab oo ganacsi lagu dhuftay gantaallo aan la garanayn meel ay ka yimaadeen iyagoo marayay Hormuz Talaadadii.

    Sida ururka uu sheegay, dhacdadii ugu horreysay, waxaa lagu beegsaday markab xambaara konteenarada oo qaada 50,000 oo tan xilli uu galayay Marinka Hormuz.

    Ururka la socda howlaha ganacsiga badaha ee Britan ayaa sheegay in aan la soo sheegin dhimasho iyo dhaawac iyadoo markabkana ay u suuragashay in uu si badqab ah ku sii wato safarkiisa.

    Dhacdadii labaad waxay qabsatay markab xambaara konteenarada oo miisaankiisu yahay 19,000 oo tan, waxayna la duqeeyay xilli uu ka baxayay Marinka Hormuz, taasoo sababtay "waxyeello yar," balse lama soo sheegin wax dhimasho ama dhaawac ah oo soo gaaray shaqaalaha.

    Saacado ka hor ayey ciidamada Ilaalada Kacaanka Iran sheegeen in “markab xadguday” ay miino badeed kula qaraxday marinka Hormuz kaddibna uu dagay.

    Sheekooyinka kale ee aad sii akrin karto:

    Jahawareerka Trump ka haysta xasaradaha dunida ka aloosan, todobaadyo ka hor doorashada xilliga dhexe ee Maraykanka

    Israa'iil ma waxay muran kala dhex dhigtay Turkiga iyo waddan uu saaxiib dhaw la yahay muddo dheer?

    Sida xayawaanka dhilqaha uu u sababay in la hakiyo dulimaad diyaaradeed oo caalami ah

11. 14 Oktoobar 2026Booliska Jarmalka ayaa la wareegay Robot loo adeegsaday in uu faraxumeeyo gabar dhowr iyo toban jir ah

    

    Xigashada Sawirka, North Rhine Westphalia Police Cologne

    Booliiska Jarmalka ayaa bilaabay baaritaan ku saabsan laba dhalinyaro ah oo lagu eedeeyay in ay hagayeen Robot la sheegay in uu si xun u taataabtay gabar 16 jir ah.

    Booliska magaalada Colonge ayaa la wareegay Robotka lagu eedeeyay in uu taataabtay dabada gabadha taas oo keentay in ay qeyliso.

    Booliska gobolka North Rhine Westphalia ayaa sheegay milkiilaha Robetka oo 16 jir ah iyo saaxiibkii oo 19 jir ah in la rumeysan yahay in ay toos dhacdadan u geliyeen baraha bulshada.

    Sida lagu sheegay qoraal ay booliisku soo dhigeen Facebook-ga, Robotka oo dheerkiisu yahay 120 sentiimitir ayaa gabadha yar uga yimid dhanka dambe xilli ay saaxiibbadeed la joogtay, iyadoo waqtigu uu ku dhowaa saq dhexe.

    Booliisku waxay sheegeen in gabadhu ay joogtay meel laga iibsado cunto oo u dhow bartamaha magaalada.

    Marka laga soo tago robot-ka, booliisku waxay la wareegeen laba taleefan oo gacanta ah oo ay leeyihiin dadka looga shakisan yahay falkan. Waxay isku dayayaan in ay ogaadaan in qof uu si ula kac ah u maamulayay dhaqdhaqaaqa robot-ka xilliga dhacdada.

    Booliiska ayaa ka digay in faallooyinka qaarkood ee baraha bulshada ee ku saabsan kiiskan ay "noqon karaan dambi”.

    Sheekooyinka kale ee aad sii akrin karto:

    Jahawareerka Trump ka haysta xasaradaha dunida ka aloosan, todobaadyo ka hor doorashada xilliga dhexe ee Maraykanka

    Israa'iil ma waxay muran kala dhex dhigtay Turkiga iyo waddan uu saaxiib dhaw la yahay muddo dheer?

    Sida xayawaanka dhilqaha uu u sababay in la hakiyo dulimaad diyaaradeed oo caalami ah

12. 14 Oktoobar 2026IRGC ayaa sheegtay in ay heleen “hub kuwii hore ka casrisan”

    

    Xigashada Sawirka, EPA

    Ciidanka Ilaalada Kacaanka ayaa sheegay in Iran ay heshay "hub aad casri u ah" kaddib dagaalkii dhawaan dhexmaray iyaga iyo Mareykanka.

    “Intii uu socday dagaalkii afartanka maalmood, Iran waxay inta badan ku tiirsaneyd hubkeedii duugga ahaa balse wixii markaas ka dambeeyay waxay heshay hub aad casri u ah” ayuu yiri afhayeenka ciidamada Ilaalada Kacaanka, Hossein Mohebi.

    Afhayeenku ma uusan ka hadal faahfaahinta “hubkan aadka casriga u ah” ama sida ay ku heleen.

    Sarkaalka sare oo ka tirsan ciidamada IRGC ayaa intaas ku daray in "Iran ay diyaar u tahay in ay kaga jawaabto fal kasta oo gardarro ah oo dib u soo cusboonaada awood ka badan tii hore, Mareykankana wuxuu la kulmayaa cawaaqib ka xanuun badan kii hore”.

    Sida uu sheegay Mr. Mohebi, "Hadallada ka soo yeeraya mas'uuliyiinta Mareykanka ee ku saabsan in iskaashi-la'aan ay ka dhex jirta hoggaanka Iran ay yihiin kuwo gebi ahaanba been ah, oo lagu qancinayo ujeedka Washington ee guuldarada dagaalka”.

    Sheekooyinka kale ee aad sii akrin karto:

    Jahawareerka Trump ka haysta xasaradaha dunida ka aloosan, todobaadyo ka hor doorashada xilliga dhexe ee Maraykanka

    Israa'iil ma waxay muran kala dhex dhigtay Turkiga iyo waddan uu saaxiib dhaw la yahay muddo dheer?

    Sida xayawaanka dhilqaha uu u sababay in la hakiyo dulimaad diyaaradeed oo caalami ah

13. 14 Oktoobar 2026IRGC: Markab ayaa ku degay koonfurta Hormuz kaddib markii ay la qaraxday miino badeed

    

    Xigashada Sawirka, Getty Images

    Ciidanka Ilaalada Kacaanka Badda ee Iran ayaa sheegay in "markab xamuul oo xad-gudub sameeyay" ay la qaraxday miino badeed taallay Marinka Hormuz.

    Sida ay Waaxda Xiriirka Dadweynaha ee Ciidanka IRGC sheegeen, markabku wuxuu "isku dayayay in fasax la’aan uu maro marinka halista ah Hormuz" wuxuuna ku dhacay miino.

    Waxaa la sheegay in Markabku u dabqabsaday kaddib markii ay miinada la qaraxday.

    “Markaba siday in ka badan 2,500 oo konteenar ayaa subaxnimadii maanta ku degay biyaha koonfureed ee Marinka Hormuz, sababo la xiriira dab aad u xooggan”, ayaa laga soo xigtay ciidamada Ilaalada Kacaanka Iran.

    Hay’adaha kale ee la socda dhacdooyinka amniga ee marinka Hormuz ayaan weli soo saarin wax macluumaad ah oo ku saabsan dhacdadan ama suurtagalnimada in la dilay shaqaalihii saarnaa markabka.

    Sheekooyinka kale ee aad sii akrin karto:

    Jahawareerka Trump ka haysta xasaradaha dunida ka aloosan, todobaadyo ka hor doorashada xilliga dhexe ee Maraykanka

    Israa'iil ma waxay muran kala dhex dhigtay Turkiga iyo waddan uu saaxiib dhaw la yahay muddo dheer?

    Sida xayawaanka dhilqaha uu u sababay in la hakiyo dulimaad diyaaradeed oo caalami ah

14. 14 Oktoobar 2026Vatican-ka: Pope-ka oo laga helay kansarka sambabka, balse qalliinka lagu guuleystay

    

    Xigashada Sawirka, Reuters

    Vatican-ka ayaa sheegay in Pope Leo XIV laga helay kansarka sambabka, isla markaana qalliin lagu guuleystay lagaga saaray qaybta hoose ee sambabka midig.

    Pope-ka oo 71 jir ah ayaa Talaadadii qalliin socday 90 daqiiqo loogu sameeyay isbitaalka Gemelli ee magaalada Rome. Baaritaanno kaddib, waxaa laga helay nooc ka mid ah kansarka sambabka oo loo yaqaan adenocarcinoma.

    “Qalliinku si guul leh ayuu ku dhammaaday, wax dhibaato ahna ma dhicin,” ayuu Vatican-ku ku sheegay bayaan. Waxa uu intaas ku daray in Pope-ku uu si caadi ah u soo miyirsaday qalliinka kaddib, isla markaana qolkiisa dib loogu celiyay markii muddo kooban lala socday xaaladdiisa.

    Burada ayaa markii ugu horreysay la ogaaday intii lagu jiray baaritaan caafimaad oo joogto ah, sida uu Vatican-ku sheegay. Waxaa la filayaa in Pope-ku uu isbitaalka ku sii jiro muddo toddobaad ku dhow.

    Hore, dadweyne aad u badan ayaa saacado ku sugayay bannaanka isbitaalka si ay u arkaan Pope-ka.

    Waxay ku qaabileen sacab, salaamo iyo ducooyin caafimaad, iyagoo u gacan haadinayay una dhoolla-caddaynayay markii gaarigiisu marayay, isaga oo isaguna ka jawaabayay salaanta isagoo ka eegaya daaqadda dambe ee gaariga.

    Sheekooyinka kale ee aad sii akrin karto:

    Sida xayawaanka dhilqaha uu u sababay in la hakiyo dulimaad diyaaradeed oo caalami ah

    Israa'iil ma waxay muran kala dhex dhigtay Turkiga iyo waddan uu saaxiib dhaw la yahay muddo dheer?

15. 14 Oktoobar 2026Trump: Waxaa laga yaabaa in ay xad-dhaaf ahaayeen weerarrada lagu beegsanayo hoggaamiyeyaasha Iran

    

    Xigashada Sawirka, Alex Wong/Getty Images

    Madaxweynaha Mareykanka Donald Trump ayaa khudbad uu ka jeediyay isu-soo-bax olole doorasho ku sheegay in laga yaabo in ay xad-dhaaf noqdeen weerarrada lagu beegsanayo hoggaamiyeyaasha Jamhuuriyadda Islaamiga ah ee Iiraan intii uu socday dagaalkii 40-ka maalmood ahaa.

    Trump ayaa xalay taageerayaashiisa kula hadlay isu-soo-bax ka dhacay gobolka Ohio, wuxuuna yiri: “Waxaa laga yaabaa inaan xadka dhaafnay marka ay timaaddo hoggaamiyeyaasha Iiraan, sababtoo ah hadda ma garanayno cidda aan la macaamilayno.”

    Trump wuxuu hadalkiisa ula jeeday hoggaamiyeyaashii hore iyo saraakiishii sarsare ee Jamhuuriyadda Islaamiga ah ee lagu dilay dagaalkii Israa’iil iyo Mareykanka ay kula jireen Iiraan.

    Cali Khamenei, oo xilligaas ahaa hoggaamiyaha Jamhuuriyadda Islaamiga ah, ayaa maalintii koowaad ee dagaalka, 29-kii Maarso 2018, la dilay isaga iyo dhowr taliye oo sare oo milatari, oo ay ku jireen madaxa guud ee ciidamada iyo wasiirkii gaashaandhigga, iyo sidoo kale mas’uuliyiin siyaasadeed oo sar-sare, oo uu ku jiray xoghayihii Golaha Difaaca.

    Trump ayaa aaminsan in dilka dhowr hoggaamiye oo sare oo Iiraan ah uu sii adkeeyay in la ogaado cidda Mareykanku kala xaajoonayo arrimaha muhiimka ah.

    Hore ayuu u sheegay in weerarrada Mareykanka iyo Israa’iil ay horseedeen “isbeddel nidaam” oo ka dhacay Iiraan, wuxuuna dhowr jeer ku celceliyay in Mareykanku xiriir la leeyahay “hoggaamiyeyaasha cusub ee Iiraan”.

    Dhowr saacadood ka hor hadalka Trump, Madaxweyne ku-xigeenka Mareykanka JD Vance ayaa hadallo la mid ah u sheegay wakaaladda wararka ee Reuters.

    Wuxuu sheegay in Mareykanku aanu weli hubin sida go’aannada looga gaaro heerarka ugu sarreeya ee hoggaanka Iiraan, isla markaana habka go’aan-qaadashada dalkaasi aanu si cad ugu muuqan Mareykanka.

    Doorashada xilliga dhexe ee Mareykanka ayaa la qaban doonaa toddobaadka ugu horreeya ee bisha Nofeembar.

    Sheekooyinka kale ee aad sii akrin karto:

    Sida xayawaanka dhilqaha uu u sababay in la hakiyo dulimaad diyaaradeed oo caalami ah

    Israa'iil ma waxay muran kala dhex dhigtay Turkiga iyo waddan uu saaxiib dhaw la yahay muddo dheer?

16. 14 Oktoobar 2026IMF: Weerarrada Sacuudiga lagu qaadayo waxay saameyn taban ku yeelan karaan dadka dunida oo dhan

    Madaxa Sanduuqa Lacagta Adduunka (IMF) ayaa sheegay in weerarradii ugu dambeeyay ee lagu qaaday Sacuudiga ay saameyn taban ku yeelan karaan “qof kasta oo dunida ku nool”.

    Hadalkan ayaa yimid kaddib markii Xuutiyiinta Yemen ay gantaallo ku weerareen dhisme ku yaalla xarunta shirkadda weyn ee shidaalka ee Saudi Aramco, magaalada Dhahran ee bariga Sacuudiga.

    Sida ay sheegtay Aramco, weerarka ayaa lagu bartilmaameedsaday dhisme xafiisyo, waxaana waxyeello soo gaartay saddexda dabaq ee ugu sarreeya.

    Wasaaradda Tamarta Sacuudiga ayaa sidoo kale sheegtay in weerarku sababay dab kooban.

    Isla waqtigaas, waxaa la soo sheegay in afar qof ay ku dhaawacmeen firirka gantaallo ay difaaca cirka ee Sacuudigu ku qabteen hawada magaalada Riyadh, caasimadda dalkaasi.

    Shalay, Sacuudiga ayaa isaguna duqeyn ku qaaday bakhaar weyn oo shidaal lagu kaydiyo oo ku yaalla Sanca, caasimadda Yemen, taas oo ay gacanta ku hayaan Xuutiyiinta.

    Sheekooyinka kale ee aad sii akrin karto:

    Sida xayawaanka dhilqaha uu u sababay in la hakiyo dulimaad diyaaradeed oo caalami ah

    Israa'iil ma waxay muran kala dhex dhigtay Turkiga iyo waddan uu saaxiib dhaw la yahay muddo dheer?

17. 14 Oktoobar 2026Wasaaradda Maaliyadda Mareykanka oo Bank of America ku ganaaxday jebinta cunaqabateynta

    

    Xigashada Sawirka, Getty Images

    Wasaaradda Maaliyadda Mareykanka ayaa ku dhawaaqday inay Bank of America ku ganaaxi doonto lacag ka badan 1.2 bilyan oo doollar, kaddib markii lagu eedeeyay inuu jebiyay sharciyada ka hortagga lacagaha sharci-darrada ah iyo cunaqabateynta.

    Bank of America ayaa ah bangiga labaad ee ugu weyn Mareykanka.

    War qoraal ah oo ay wasaaraddu soo saartay ayaa lagu sheegay in bangigu uu ku guuldarreystay inuu soo sheego dhaqdhaqaaqyo maaliyadeed oo laga shakiyay, kuwaas oo qiimahoodu ka badan yahay shan bilyan oo doollar.

    Wasaaradda Maaliyadda Mareykanka ayaa sidoo kale sheegtay in, heshiis kale oo lagu soo afjaray arrintan, bangiga lagu ganaaxay 11 milyan oo doollar, taas oo la xiriirta xadgudubyo la tuhunsan yahay oo ka dhan ah barnaamijyada cunaqabateynta.

    Cunaqabateynahaasi waxaa ka mid ah kuwa saaran Iiraan iyo Ruushka, iyo sidoo kale tallaabooyinka la xiriira maandooriyaha iyo argagixisada caalamiga ah.

    Sheekooyinka kale ee aad sii akrin karto:

    Sida xayawaanka dhilqaha uu u sababay in la hakiyo dulimaad diyaaradeed oo caalami ah

    Israa'iil ma waxay muran kala dhex dhigtay Turkiga iyo waddan uu saaxiib dhaw la yahay muddo dheer?

18. 14 Oktoobar 2026Dhoofinta shidaalka Ciraaq oo korortay, xilli ay carqalad ka jirto isu socodka maraakiibta ee marin-biyoodka Hormuz

    

    Wasaaradda Shidaalka Ciraaq ayaa war ay soo saartay ku sheegtay in dhoofinta shidaalka ceeriin ee dalkaasi ay gaartay ku dhowaad 2.7 milyan oo fuusto maalintii.

    Afhayeenka wasaaradda, Salim Rakabi, ayaa wakaaladda wararka dowladda Ciraaq u sheegay in wasaaraddu ay ku dadaalayso sidii ay u ilaalin lahayd, isla markaana u kordhin lahayd xaddiga shidaalka la dhoofiyo, iyadoo ay jirto waxa uu ku tilmaamay “xiisad caalami ah oo dhanka tamarta ah oo ka taagan marin-biyoodka Hormuz”.

    Sida uu sheegay, dhoofinta shidaalka ceeriin ayaa si weyn u korortay, iyadoo bishii May ay ahayd qiyaastii 200,000 oo fuusto maalintii, halka ay hadda gaartay ku dhowaad 2.7 milyan oo fuusto maalintii.

    Waxa uu sidoo kale xusay in qorshayaal lagu kordhinayo dhoofinta shidaalka laga sii marinayo dekedaha waqooyiga iyo koonfurta dalka ay socdaan, si buuxdana looga faa’iideysto awoodda dhuumaha shidaalka ee isku xira Ciraaq iyo Turkiga.

    Sheekooyinka kale ee aad sii akrin karto:

    Sida xayawaanka dhilqaha uu u sababay in la hakiyo dulimaad diyaaradeed oo caalami ah

    Israa'iil ma waxay muran kala dhex dhigtay Turkiga iyo waddan uu saaxiib dhaw la yahay muddo dheer?

19. 14 Oktoobar 2026Sidee ayay afar sarkaal oo ka tirsanaa maamulkii hore, oo uu ku jiro Jeneraal Taddasa, uga baxsadeen gacanta TPLF?

    

    Xigashada Sawirka, .

    BBC-da ayaa xaqiijisay in afar sarkaal oo sarsare oo ka tirsan gobolka Tigray, oo uu ku jiro madaxweynihii ku-meelgaarka ahaa ee hore ee gobolka, Jeneraal Taddasa Warrada, ay ka baxsadeen gacanta Jabhadda Xoreynta Shacabka Tigray (TPLF), ayna ciidamada difaaca Itoobiya geeyeen magaalada Maqale.

    Saraakiishan ayaa la xiray kaddib markii TPLF ay u qaaday deegaanno ku dhow xadka Eritrea, sababo la xiriira dagaallada ka socda waqooyiga Itoobiya.

    Saraakiisha, oo uu ku jiro Jeneraal Taddasa, ayaa in ka badan toddobaad lagu hayay hoteello, guryo iyo goobo kale, iyadoo kolba meel loo wareejinayay. Sida uu sheegay sarkaal ka mid ah saraakiisha baxsatay, waxay ka baxsadeen deegaanka Ramdha ee ku dhow xadka Eritrea.

    Korneyl Tawalda G/Tinsaa'e, oo hore u ahaa madaxa laanta amniga milatariga ee gobolka Tigray, kana mid ah saraakiisha ka baxsatay gacanta TPLF, ayaa BBC-da laanta Tigrinya uga warramay sida uu u baxsaday iyo duruufihii uu ku jiray muddadii uu xirnaa.

    BBC: Xaggee ayaa la idinku hayay? Goorma ayaana Maqale la idinka qaaday, sideese wax u dhaceen?

    Korneyl Tawalda: Waxaa nalaga qaaday Maqale, waxaana nalagu xiray Aduwa iyo Aksum. Ma xasuusto maalinta saxda ah, balse waxay ahayd xilli ay dowladda Itoobiya ku dhowayd inay gasho Maqale. Waxaa nala qaaday shantii galabnimo. Habeenkii oo dhan ayaan lugaynaynay. Dabadeed, qaar naga mid ah waxaa la geeyay Aksum, halka qaar kalena la geeyay Aduwa.

    BBC: Haddaba, sidee ayaad ku baxsateen? Dad badan ayaa su’aashan isweydiinaya. Waxaa la sheegayaa in TPLF ay idin sii daysay.

    Korneyl Tawalda: Nama aysan sii dayn ee annaga ayaa iskeen u baxnay. Waxaan jeclaan lahaa inaanan hadda ka warramin dhammaan faahfaahinta sida aan u baxsanay. Kaligay kama hadli karo arrintaas. Waxaa wanaagsan in si tartiib tartiib ah looga hadlo sida aan ku baxsannay.

    Sheekooyinka kale ee aad sii akrin karto:

    Sida xayawaanka dhilqaha uu u sababay in la hakiyo dulimaad diyaaradeed oo caalami ah

    Israa'iil ma waxay muran kala dhex dhigtay Turkiga iyo waddan uu saaxiib dhaw la yahay muddo dheer?

20. 14 Oktoobar 20267 xeeladood oo kuu sahli kara shukaansiga baraha bulshada

    

    Xigashada Sawirka, Getty Images

    Inta badan dhalinyarada waxay lamaanahooda kula kulmaan bogagga Internet-ka, gaar ahaan baraha xiriirka bulshada, hase yeeshee badankood waxay la'yihiin xirfaddii ay guul uga soo hoyin lahaayeen xiriirkooda noocaas ku unkama.

    faahfaahinta ku dhufo lifaaqa hoose

    7 xeeladood oo kuu sahli kara shukaansiga baraha bulshada