Comadaidh, òrain mixtape agus Comann nam Pàrant

Available for 29 days

Tha an caractar comadaidh ainmeil Ali G, air a chluich le Sacha Baron Cohen, a’ tilleadh ann an sreath telebhisein ùr. ’S e caractar gu math connspaideach a th’ ann an Ali G, agus tha cuid dhen bheachd nach eil e iomchaidh san latha an-diugh. Tha dithis a tha an sàs ann an saoghal na comadaidh còmhla ri Emma gus beachdachadh air a bheil comadaidh san fharsaingeachd air a dhol ro fhada, no a bheil daoine dìreach ro fhurasta an goirteachadh. A-nochd, air-loidhne, bidh seisean ann eadar Comann nam Pàrant agus Bòrd na Gàidhlig, a’ toirt cothrom do dhaoine a tha a’ beachdachadh air an cuid chloinne a chur gu foghlam tro mheadhan na Gàidhlig barrachd ionnsachadh mu na cothroman agus na buannachdan a tha an lùib sin bho phroifeiseantaich san raon. Tha tuilleadh aig Innes MacCuithein bho Chomann nam Pàrant. Agus 's e Mìcheal Hill a tha air na h-òrain as fheàrr leis a thaghadh airson mixtape.