"இந்த குழந்தை நீண்ட நாள் உயிர் வாழாது என்றார்கள், இப்போது நான் முதுகலை பட்டதாரி" (காணொளி)

மதுரை திருப்பாலை பகுதியை சேர்ந்த 23 வயதான பார்கவி, பிறக்கும் போதே Collodian மரபணு குறைபாட்டால் பாதிக்கப்பட்டிருந்தார். இவரை மருத்துவர்கள் Collodian Baby என்று அழைக்கிறார்கள்.

Collodian மரபணு குறைபாடு காரணமாக பார்கவிக்கு சிறுவயதில் இருந்தே தினமும் உடலில் தோல் உரிந்து கொண்டே இருக்கும். மீண்டும் தோல் வளர தொடங்கும். இது தினமும் நிகழ்வதால் பார்கவிக்கு எப்போதுமே உடல் முழுவதும் தோல் உரிந்து கொண்டே இருக்கும். அதுவும் வெயிலில் நீண்ட நேரம் சென்றால் தோலில் இருந்து ரத்தம் வரத் தொடங்கும்.

பார்கவிக்கு Collodian குறைபாடு எலும்பு வரை தாக்கி இருப்பதால் அவரால் வேகமாக எழுதவோ, வேகமாக நடக்கவோ முடியாது.ஆனால் பார்கவியின் குரலில் அவர் பாடும் பாடல் நம் காதில் தேனாய் ஒலிக்கிறது. பாடகி ஆக வேண்டும் என்பதற்காக தினமும் பல்வேறு பாடல்களை பாடிப் பயிற்சிகளை மேற்கொள்கிறார் பார்கவி.

தயாரிப்பு - ஹேமா ராகேஷ்

ஒளிப்பதிவு - மதன்

படத்தொகுப்பு - ஜனார்த்தனன்

சமூக ஊடகங்களில் பிபிசி தமிழ்: