'கடைசி ஓவரில் வெல்வது தோனி மட்டுமல்ல, அமித் ஷாவும்தான்' - நெட்டிசன்கள் கலாட்டா

மகாராஷ்டிரா மாநில அரசியலில் சனிக்கிழமை காலையில் ஏற்பட்ட திடீர் திருப்பம் குறித்து சமூகவலைத்தளங்களில் ஏராளமான பதிவுகள் வலம் வருகின்றன.

சிவசேனை தலைமையிலான ஆட்சி அமையும் என்று பேசப்பட்டுவந்த சூழலில் யாரும் எதிர்பாராத வண்ணம், மீண்டும் பாஜகவின் தேவந்திர பட்னவிஸ் முதல்வராக இன்று (சனிக்கிழமை) காலை பதவியேற்றார்.

இதனையடுத்து சமூக வலைத்தளங்களில் பாஜகவின் அரசியல் செயல்பாடுகளுக்கு ஆதரவாகவும், எதிராகவும் பல பதிவுகள் பகிரப்பட்டன.

குறிப்பாக மத்திய உள்துறை அமைச்சரும், முன்னாள் பாஜக தேசிய தலைவருமான அமித் ஷாவை, முன்னாள் இந்திய கிரிக்கெட் கேப்டன் மகேந்திர சிங் தோனியுடன் ஒப்பிட்டு பல பதிவுகள் வெளியிடப்பட்டன.

'கிரிக்கெட்டில் கடைசி ஓவர்களில் வெல்ல வேண்டுமானால் தோனியை தொடர்பு கொள்ளவேண்டும். அதேவேளையில் அரசியலில் கடைசி சில மணி நேரங்களில் வெல்ல வேண்டுமானால் அமித் ஷாவை தொடர்பு கொள்ளவேண்டும்' என்று நிஷா ஜா என்பவர் ட்விட்டரில் பதிவு செய்துள்ளார்.

இதேபோல் மேலும் பல பதிவுகள் ட்விட்டரில் பகிரப்பட்டன.

அமித்ஷாவுடன் செஸ் விளையாட பிரபல செஸ் வீரர் விஸ்வநாதன் ஆனந்த் மறுத்துவிட்டார் என்று நகைச்சுவையாகவும் சிலர் பதிவிட்டுள்ளனர்.

அதேவேளையில் நவம்பர் 30 வரை பெரும்பான்மையை நிரூபிக்க அவகாசம் கொடுத்தது என்? இது பாஜக குதிரைப்பேரம் செய்யவே வழிவகுக்கும் என்றும் சில ட்விட்டர்வாசிகள் பதிவு செய்துள்ளனர்.

அதேவேளையில் பாஜகவை கிண்டலடித்தும் சில பதிவுகள் வெளிவந்துள்ளன.

பிற செய்திகள்:

சமூக ஊடகங்களில் பிபிசி தமிழ்: