హైదరాబాద్‌లో గణేశ్ నిమజ్జనం.. 8 ఫోటోలలో

ఖైరతాబాద్ గణేశ్ నిమజ్జనం ముగిసింది. శుక్రవారం ఉదయం సుమారు 9.30 గంటల ప్రాంతంలో ఖైరతాబాద్ నుంచి శోభాయాత్ర మొదలైంది.

అయితే, శుక్రవారం వేకువ నుంచే పెద్ద సంఖ్యలో భక్తుల రాక మొదలైంది.

శోభాయాత్ర మొదలయ్యే సమయానికి ఆ ప్రాంతమంతా భక్తులతో నిండిపోయింది.

నగరానికి చెందినవారే కాకుండా దూర ప్రాంతాల నుంచి కూడా పెద్దసంఖ్యలో భక్తులు ఈ శోభాయాత్రలో పాల్గొన్నారు.

వివిధ వేషధారణలో, డప్పులతో సందడి చేస్తూ కనిపించారు.

ఖైరతాబాద్‌లో మొదలైన ఈ శోభాయాత్ర టెలిఫోన్ భవన్, తెలంగాణ తల్లి చౌరస్తా మీదుగా సాగింది.

మధ్యాహ్నం 2 గంటల ప్రాంతంలో భారీ క్రేన్ల సహాయంతో హుస్సేన్‌సాగర్‌లో ఖైరతాబాద్ గణేశుడిని నిమజ్జనం చేశారు.

నిమజ్జనం నేపథ్యంలో పోలీసులు పెద్దఎత్తున ఏర్పాట్లు చేశారు.

ఎక్కడా ఎలాంటి అవాంఛనీయ సంఘటనలు జరగకుండా బందోబస్తు ఏర్పాటు చేశారు.

(బీబీసీ కోసం కలెక్టివ్ న్యూస్‌రూమ్ ప్రచురణ)

(బీబీసీ తెలుగును వాట్సాప్‌,  ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)