BBC News, తెలుగు
కంటెంట్‌కు వెళ్లండి

సీజేపీ ఉద్యమం ఇకపై ఏ మలుపు తీసుకుంటుంది?

ప్రధాన ఎన్నికల కమిషనర్ జ్ఞానేశ్ కుమార్‌ను పదవి నుంచి తొలగించే వరకు ప్రతిరోజూ జంతర్ మంతర్ వరకు ర్యాలీ నిర్వహిస్తామని సీజేపీ ప్రకటించింది. అభిజీత్ దీప్కే, అశుతోష్ రాంకా, సౌరవ్ దాస్ భద్రతపై సీజేపీ ఆందోళన వ్యక్తంచేసింది. మరోవైపు దిల్లీలో పోలీసుల చర్యలపై ఐక్యరాజ్యసమితి మానవ హక్కుల విభాగం ఆందోళన వ్యక్తంచేసింది. నిరసనకారులను బేషరతుగా విడుదల చేయాలని డిమాండ్ చేసింది.

సారాంశం

  • జ్ఞానేశ్ కుమార్‌‌ను పదవి నుంచి తొలగించేవరకూ ప్రతిరోజూ జంతర్ మంతర్ వరకు ర్యాలీ నిర్వహిస్తామని సీజేపీ తెలిపింది.
  • దిల్లీలో పోలీసుల చర్యలపై ఐక్యరాజ్యసమితి మానవ హక్కుల విభాగం ఆందోళన వ్యక్తంచేసింది. నిరసనకారులను బేషరతుగా విడుదల చేయాలని డిమాండ్ చేసింది. అటు అభిజీత్ దీప్కే, అశుతోష్ రాంకా, సౌరవ్ దాస్ భద్రతపై సీజేపీ ఆందోళన వ్యక్తంచేసింది.
  • ఏఐఎస్ఏ జాతీయ అధ్యక్షురాలు నేహా బోరాను అదుపులోకి తీసుకున్న దిల్లీ పోలీసులు విడిచిపెట్టారు.
  • విజయవాడలో ఆందోళన చేస్తున్నఏపీ పీసీసీ అధ్యక్షురాలు షర్మిలతో పాటు వామపక్షాల నేతలను పోలీసులు అదుపులోకి తీసుకున్నారు.
  • కాక్రోచ్ జనతా పార్టీ ప్రతినిధులు అభిజిత్ దీప్కే, సౌరవ్ దాస్, అశుతోష్ రాంకాలను దిల్లీ విమానాశ్రయంలో పోలీసులు అదుపులోకి తీసుకున్నారు.
  • దిల్లీలోని జంతర్-మంతర్‌కు వస్తున్న నిరసనకారులను పోలీసులు అడ్డుకుని, అదుపులోకి తీసుకుంటున్నారు.
  • కాక్రోచ్ జనతా పార్టీ నిరసన ప్రదర్శన నేపథ్యంలో జంతర్‌మంతర్, అలాగే దాని చుట్టుపక్కల ప్రాంతాల్లో దిల్లీ పోలీసులు ఆంక్షలను కఠినతరం చేశారు.
  • న్యూదిల్లీ, హజ్రత్ నిజాముద్దీన్ రైల్వే స్టేషన్ల నుంచి రాకపోకలు సాగించే 250కి పైగా రైళ్లను రద్దు చేశారు.
  • రష్యా నుంచి అమెరికాకు డీజిల్‌ దిగుమతి చేసుకునే ఒప్పందాన్ని అధ్యక్షుడు డోనల్డ్ ట్రంప్ ప్రకటించారు.
  • డీజిల్ దిగుమతి ఒప్పందం పుతిన్‌కు బహుమతి అని, అంతం కావాల్సిన యుద్ధాన్ని పొడిగించే పెట్టుబడి అని యుక్రెయిన్ అధ్యక్షుడు జెలియన్ స్కీ అన్నారు.

లైవ్ కవరేజీ

  1. రష్యాతో డీజిల్ దిగుమతికి అమెరికా ఒప్పందం

    డోనల్డ్ ట్రంప్, అమెరికా, రష్యా, డీజిల్

    ఫొటో సోర్స్, Anna Moneymaker/Getty Images

    ఫొటో క్యాప్షన్, అమెరికా, ప్రపంచ మార్కెట్ల కోసం డీజిల్‌ను తక్షణమే సరఫరా చేయడానికి పుతిన్ అంగీకరించారని ట్రంప్ అన్నారు.

    ఇంధన ధరలను తగ్గించాలనే ఒత్తిడిని ఎదుర్కొంటున్న అధ్యక్షుడు డోనల్డ్ ట్రంప్, రష్యా నుంచి అమెరికాకు డీజిల్‌ దిగుమతి చేసుకునే ఒప్పందాన్ని ప్రకటించారు.

    అమెరికా, ప్రపంచ మార్కెట్ల కోసం 3 లక్షల టన్నుల డీజిల్‌ను తక్షణమే సరఫరా చేయడానికి పుతిన్ అంగీకరించారని, నవంబర్‌లో 5 లక్షల టన్నులు, ఆ తర్వాత మరో మిలియన్ టన్నులు ఇస్తారని ట్రంప్ తెలిపారు.

    శుక్రవారం నాటి ఈ నిర్ణయంపై యుక్రెయిన్ అధ్యక్షుడు జెలియెన్‌స్కీ ఆగ్రహం వ్యక్తం చేశారు. ఇది పుతిన్‌కు బహుమతి అని, అంతం కావాల్సిన యుద్ధాన్ని పొడిగించే పెట్టుబడిగా అభివర్ణించారు.

    ఈ ఒప్పందంలో భాగంగా రష్యన్ డీజిల్ ఎగుమతులపై ఆంక్షలను అమెరికా ట్రెజరీ ఏప్రిల్ 7 వరకు ఎత్తివేసింది. అయితే, అమెరికా బ్యాంకుల్లో ఉన్న మిగతా రష్యన్ ఆస్తులపై ఆంక్షలు అలాగే ఉన్నాయి.

    యుక్రెయిన్ దాడుల కారణంగా దెబ్బతిన్న రిఫైనరీల పనితీరును బట్టి, త్వరలోనే మరో 3 మిలియన్ టన్నుల రష్యన్ డీజిల్ సరఫరా అవుతుందని ట్రంప్ తన ట్రూత్ సోషల్ పోస్ట్‌లో పేర్కొన్నారు.

  2. గుడ్ మార్నింగ్

    బీబీసీ తెలుగు లైవ్ పేజీ అప్‌డేట్లకు స్వాగతం,

    నేను బీబీసీ ప్రతినిధి వద్ది ప్రభాకర్. మధ్యాహ్నం 2 గంటల వరకు ముఖ్యమైన వార్తలను మీకు అందిస్తాను.

    నిన్నటి లైవ్ పేజీ కోసం ఈ లింక్‌ను క్లిక్ చేయండి.