అరవింద్ కేజ్రీవాల్: ‘ఉచితాలు రద్దు చేయాలంటున్నారు.. కేంద్రం దగ్గర డబ్బంతా ఎటు పోయింది?’

లైవ్ కవరేజీ

1. 11 ఆగస్టు 2022గత 24 గంటల్లో 16,299 కరోనా కేసులు

   గత 24 గంటల్లో దేశవ్యాప్తంగా 16,299 కరోనా కేసులు నమోదయ్యాయి. ఇదే సమయంలో 19,431 మంది కోలుకున్నారు.

   ప్రస్తుతం దేశంలో 1,25,076 కరోనా కేసులు యాక్టివ్‌గా ఉన్నాయి. పాజిటివిటీ రేటు 4.58శాతంగా ఉంది.

2. 11 ఆగస్టు 2022ఆ ఊరిలో కుక్కలన్నీ కోటిశ్వరులే

   ఆ ఊరిలో కుక్కలు మాములువి కావు. వాటికి కోట్ల రూపాయల ఆస్తులుంటాయి.

   ఎకరాల కొద్దీ పొలాలుంటాయి. వాటికి ఆ ఊర్లో ప్రజలు ప్రతి రోజూ కడుపునిండా తిండి పెడతారు.

   అంతటి రిచ్ డాగ్స్ ఉన్న ఆ ఊరి కథేంటో మీరూ చూడండి.

3. 11 ఆగస్టు 2022ఇన్‌కం ట్యాక్స్ విభాగం దాడుల్లో రూ.56 కోట్ల నగదు, 32 కేజీల బంగారం పట్టివేత

   మహారాష్ట్రలో ఉక్కు, వస్త్ర, స్థిరాస్తి వ్యాపారుల ఇళ్ల మీద ఆదాయపు పన్ను విభాగం చేసిన దాడుల్లో సుమారు రూ.56 కోట్ల నగదు, 32 కేజీల బంగారం, వజ్రాలు, ముత్యాలు లభించాయి.

   జల్నాలో ఈ నెల ఒకటి నుంచి 8 మధ్య ఈ దాడులు జరిగాయి.

   రూ.100 కోట్ల బినామీ ప్రాపర్టీని కూడా సీజ్ చేసినట్లు అధికారులు వెల్లడించారు.

   పట్టుబడిన నగదును లెక్కించడానికి 13 గంటలు పట్టినట్లు వార్తా సంస్థ ఏఎన్‌ఐ రిపోర్ట్ చేసింది.

4. 11 ఆగస్టు 2022జమ్మూ కశ్మీర్: మిలిటెంట్ల దాడిలో ముగ్గురు సైనికులు మృతి, మోహిత్ కందారి, బీబీసీ కోసం

   రజౌరీ జిల్లాలోని దరహాల్ ప్రాంతంలో ఉండే భారత సైనిక శిబిరం మీద మిలిటెంట్లు దాడి చేశారు.

   ఈ ఘటనలో సైనికులు, మిలిటెంట్ల మధ్య కాల్పులు చోటు చేసుకున్నాయి. ఇద్దరు మిలిటెంట్లను చంపివేయగా ముగ్గురు సైనికులు కూడా మరణించినట్లు సైనిక అధికారులు తెలిపారు.

   మిలిటెంట్లు చనిపోయినట్లు జమ్మూ అడిషనల్ డీజీపీ ముకేశ్ సింగ్ కూడా ధ్రువీకరించారు.

   దరహాల్ పోలీసు స్టేషన్‌కు 6 కిలోమీటర్ల దూరంలో సైనిక శిబిరం ఉంది.

   ప్రస్తుతం ఆ ప్రాంతంలో అదనంగా భద్రతా దళాలను మోహరించారు. చుట్టుపక్కల పరిసరాల్లో శోధాలు జరుపుతున్నారు.

5. 11 ఆగస్టు 2022హలో, గుడ్ మార్నింగ్!

   బీబీసీ న్యూస్ తెలుగు లైవ్ పేజీకి స్వాగతం. స్థానిక, జాతీయ, అంతర్జాతీయ వార్తల లైవ్ అప్‌డేట్స్ కోసం ఈ పేజీని చూస్తూ ఉండండి.

   నిన్నటి లైవ్ పేజీ కోసం ఇక్కడ క్లిక్ చేయండి.