ኤርትራ

ኢትዮጵያ

ሱዳን

ማእከላይ ምብራቕ

ሳይንስን ጥዕናን

ኣመና ፍቱዋት

ዜና

ቪድዮ

ተዓዘቡ

ራድዮ

ስምዑ

Tigrinya

ብኣሽሓት ዝቝጸሩ ብሕቡእ ዝወጹ ፋይላት ኡበር፡ እቲ ኩባንያ ንጸለውቲ ፖለቲከኛታት ብኸመይ ይጥቀመሎምን ካብ ሕጊ የምልጥ ከምዝነበረን ኣቃሊዖም። ካብ መንጐ እዞም ፖለቲከኛታት ፕረዚደንት ኤማኑወል ማክሮንን ኮሚሽነር ሕብረት ኤውሮጳ ዝነበረት ኒሊ ክሮይስን ዝኣመሰሉን እዮም።

ኡበር፡ ብሕቡእ ዝወጽኡ ፋይላቱ እንታይ ይሕብሩ?

መርመቲ ገበን ስቴቭናጅ - ዓዲ እንግሊዝ፡ ምስ ቅትለት'ቲ ኣብ ዝሓለፈ ሰሙን ሞይቱ ዝተረኽበ በረኸት ሰሎሞን ዝተባህለ ኤርትራዊ መንእሰይ ብዝተኣሳሰር ሽዱሽተ ሰባት ኣብ ቀይዲ ከም ዘእተው ኣፍሊጦም።

ብቕትለት 'ቲ ሞይቱ ዝተረኽበ ኤርትራዊ ሽዱሽተ ሰባት ኣብ ቀይዲ ኣትዮም

ብዘይሕጋዊ መገዲ ናብ ብሪጣንያ ኣትዩ ብጉያ ዝነገሰ ሞ ፋራሕ

እቲ ኮኾብ ኣትሌት ሓቀኛ ስሙ፡ ሑሴን ዓብዲ ካሂን ከምዝኾነን ብሪጣኒያዊ ዜግነት ግን፡ መሓመድ ፋራሕ ብዝብል ከምዝረኸበን ብሰኑይ ወግዓዊ ገይሩ’ሎ።

ቤት ጽሕፈት ውሽጣዊ ጉዳያት ብሪጣንያ ኣብ ዜግነት ሞ ፋራሕ?

መዓልታዊ ክሳብ 100ሽሕ ገያሾ ዘተኣናግድ ዝነበረ ኣብ ለንደን ዝዓበየ መዕርፎ ነፈርቲ ሂትሮ፡ ኣብ እዋን ኮቪድ ብዘጋጠመ ምስንኻል ኣቭየሺን ምእላይ ሰራሕተኛታትን መሳለጥያን ናብ ንቡር ክሳብ ዝመልሶ ንጻዕቂ በረራታት ከአንግድ ከምእተጸገመ ብምሕባር ሸየጥቲ ትኬት ትካላት (ኤጀንሲታት) ናይ ክረምቲ ቲኬት ምሻጥ ደው ንከብላ መምርሒ ኣመሓላሊፉ።

መዕርፎ ነፈርቲ ሂትሮ ንጻዕቂ በረራታት ከአንግድ ከምእተጸገመ  ሓቢሩ

መርማሪ ገበናት ኢያን ማክፐርሰን ኣብ ዝሃቦ ቃል "መበገሲ ናይዚ ኣብ ልዕሊ'ዚ ንእሽቶ መንእሰይ ዝተፈጸመ ጨካን መጥቃዕቲ ክሳብ ሕጂ ክርድኣና ኣይክኣለን ዘሎ" ኢሉ። 

ሞይቱ ዝተረኽበ መንእሰይ ኤርትራዊ ስደተኛ ምዃኑ ተረጋጊጹ

እቲ ኰኾብ ኦሎምፒክ፡ በቶም ካብ ጅቡቲ ሒዞምዎ ንብሪጣንያ ዝኣተው ሰባት መሓመድ ፋራሕ ዝብል ስም ከም ዝተዋህቦ ሓቀኛ ስሙ ግን ሑሴን ዓብዲ ካሂን ምዃኑ ንቢቢሲ ተዛሪቡ። 

ሞ-ፋራሕ፡ ሓቀኛ መንነቱ ኣግሂዱ

ሲቲ ንስተርሊንግ ኣብ 2015 ካብ ሊቨርፑል ብ49 ሚልዮን ፓውንድ ከምዘፈረመቶ ዝዝከር ኮይኑ፡ ኣብ ዝተሰለፈሎም 339 ጸወታታት 131 ሸቶታት ኣመዝጊቡ።

ቸልሲ ንራሂም ስተርሊን ካብ ማንቸስተር ሲቲ ክተፈርም ተሰማሚዓ

ፖል ካጋሜ ኣብቲ ብ2024 ንኽግበሮ መደብ ዝተታሕዘሉ ምርጫ እንደገና ንፕረዚደንት ከምዝወዳደር ኣብ ፈረንሳ ንዝርከብ መደበር ተለቪዥን ተዛሪቡ።

ፖል ካጋመ ንዝቕጽሉ 20 ዓመታት ንፕረዚደንትነት ክወዳደር ድልየት ከምዘለዎ ሓቢሩ

ውረድ ደይብ ዝመልኦ ፖለቲካዊ ጕዕዞ ቀዳማይ ሚኒስተር ብሪጣንያ ቦሪስ ጆንሰን ንገለ ክፋሉ ነቕርበልኩም።

ውረድ ደይብ ዝበዝሖ ጉዕዞ መሪሕነት ቦሪስ ጆንሰን  

ቀዳማይ ሚኒስተር ቦሪስ ጆንሰን፡ ደገፍ ኣባላት ባይቶኡ ስኢኑ፡ ካብ ስልጣኑ ይወርድ ኣሎ። ከመይ ኢሉ እዩ ግን ናብዚ ደረጃ’ዚ ወዲቝ?

ንውድቀት ቦሪስ ጆንሰን ዝመርሑ ሓሙሽተ ጕዳያት እንታይ እዮም?

ኣብ 1967 ኣብ ዒራቕ ዝተወለደ ብምዃኑ ናብቲ ብ1980ታት ኣብ መንጐ ኢራንን ዒራቕን ዝተወለዐ ኲናት፡ ንኽዋጋእ ክለኣኽ ዝኽእለሉ ኵነታት ከምዝነበረ ይዛረብ።

ናዲም ዛሃዊ፡ ካብ ዒራቓዊ ስደተኛ ክሳብ ቻንስለር ብሪጣንያ  

“መኪናይ ኣብ መደቀሲ ክፍልኺ’የ ደው ዘብላ” ዘዋሪ መኪና

“መኪናይ ኣብ መደቀሲ ክፍልኺ’የ ደው ዘብላ” 

ልዕሊ 30 ኣባላት ካቢነ ሚኒስተራትን ኣብ ልዕሊኡ ዘለዎም እምነት ከምዝጎደለ ብምግላጽ ኣብ ውሽጢ ክልተ መዓልታት ካብ መዝነቶም ድሕሩ ምውራዶም'ዩ ስልጣኑ ከረክብ ተሰማሚዑ ዘሎ።

ብሪጣንያ፡ ቦሪስ ጆንሰን ካብ ስልጣኑ ክወርድ ከምዝወሰነ ኣፍሊጡ

ሓንቲ ኣደ ጡብ ኣጥቢኺ ብዝብል ካብቲ መሐንበሲ ጋብላ ክትባረር ስለዝተገብረት ከምዝተዋረደት ገለጻ። ሳራ ላፒን ኣብ ደንቢግሻየር፡ ብሪጣንያ፡ ስልጠና ምሕንባስ ወለድን ዕሸልን እናተሳተፈት እንከላ እያ ንወዲ ሓሙሽተ ወርሒ ወዳ ካሌል ጡብ ክተጥብው ጀሚራ። 

ጡብ ኣጥቢኺ ብዝብል ካብ መሐንበሲ ጋብላ ዝተባረረት ኣደ

ትማሊ፡ ቻንስለር ሪሺ ሱናክን ሚኒስተር ጥዕና ሳጂድ ጃቪድን ኣብ ውሽጢ ናይ ዓሰርተ ደቓይቕ ፍልልይ ካብ መዝነቶም ክወርዱ እንከለው፡ ካልኦት ሚኒስተራትን ኣማኸርትን እቲ ቀዳማይ ሚኒስትር’ውን ስዒቦምዎም።

ቅልውላው መሪሕነት ብሪጣንያ፡ 17 ሚኒስተራትን ኣባላት ካቢነን ካብ መዝነቶም ወሪዶም

ኣብ ዝተፈላለዩ ዓለም-ለኻዊ ውድድራት ጽባቐ ተሳቲፋ ብዙሕ ሽልማታት ዝረኸበት ሞዴል ሰለማዊት ተኽላይ ኣብዚ ሕጂ እዋን ኣብ ዓዲ ኢንግሊዝ ዕቑባ ከምዝሓተት ገሊጻ። ንሳ ካብ ፈረንሳይ ናብ ዓዲ ኢንግሊዝ ኣብ ዝሰገረትሉ ግዜ ካብ ሕልንኣ ዘይጠፍኡ ተጓንፎታት ከምዝረኣየት ሓቢራ።

"ሰላም'ዩ ዘድልየና" ሞዴል ሰለማዊት ተኽላይ

እቲ ሰራዊት፡ ዝጥቀመሎም ማሕበራዊ መራኸቢታት ብዘይተፈልጠ ኣካል “ከም ዝተሰርሰሩ” ብምግላጽ ኣብ ድሕነት ሓበሬታ “ጥቡቕ ቁጽጽር” ከም ዝገብርን ነቲ ዘጋጠመ ጸገም ፍታሕ ንምርካብ ይሰርሕ ከም ዘሎን ገሊጹ።

ገጻት ትዊተርን ዩትዩብን ሰራዊት ብሪጣንያ ብሰርሰርቲ ተጠቒዖም

ንዝኾነ ደጋፊ ሊቨርፑል ብዛዕባ ሓድሽ ውዕል መሓመድ ሳላሕ ንተወሳኺ ሰለስተ ዓመት እንታይ ከም ዝሓስብ ሕተትዎ እሞ ዝተሓዋወሰ እፎይታን ሓጎስን ክትረክብ ኢኻ።
ኣብ 2017 ካብ ኢጣልያዊት ክለብ ኤኤስ ሮማ ካብ ዝግዕዝ ኣብ ውሽጢ ሓደ ዓመት፡ ኣብ ፕረምየር ሊግ ዝበዝሐ ሸቶታት ዘመዝገበ "ንጉስ ግብጺ" ኮይኑ። 

መሓመድ ሳላሕ፡ ንምንታይ ሓድሽ ውዕል ሊቨርፑል ካብ ኩዕሶ እግሪ ሓሊፉ የዛርብ ኣሎ?

ሓባራዊ ሃብቲ ምስ ብሪጣንያ ታሪኻዊ ምትእስሳር ዘለወን ሃገራት ዝሓዘ ማሕበር እዩ። ሓባራዊ ሃብቲ ኣብ ፈለማ ከም ክበብ ግዝኣታት ብሪጣንያ ኰይኑ'ኳ እንተ ተመስረተ፡ ዝተፈላለያ ሃገራት ኣባል ዝኾናሉ ኣሰራርሓ ኣመሓይሹ እዩ። ግዝኣት ፈረንሳ ዝነበራ ጋቦንን ቶጎን፡ መበል 55ን 56ን ኣባላት ሓባራዊ ሃብቲ ኰይነን ኣለዋ።

ግዝኣት ፈረንሳ ዝነበራ ሃገራት ስለምንታይ ምስ ሃገራት ሓባራዊ ሃብቲ ይጽንበራ ኣለዋ?

ኣብ ዓባይ ብሪጣንያ ዝርገሐን መልከፍትን ኮቪድ ብቐጻሊ ይውስኽ ከምዘሎ ፡እዋናዊ ኣሃዛት ቤት-ጽሕፈት ሃገራዊ ስታቲስቲክስ (ONS) ይሕብር ።

ኮቪድ፡ ኣብ ዓባይ ብሪጣንያ ብቐጻሊ ይውስኽ ኣሎ

ብሰንኪ እዚ ኵናት ዝስደት ዘሎ ትግራዋይ መከርኡ ይርእይ ከምዘሎ ኣብ ጉዕዞይ ብዓይነይ ዝረኣኽዎ መሪር ሓቂ’ዩ። ክንደይ መከራን ፀገምን ኣብ ዝባንና ተዳዕኒኑና ጥራሕ ዘይኮነስ፡ ፎቖዶ መገድን ባሕርን ሂወት ክንከፍል’ውን ተገዲድና። ጉዕዞና ብፀልማት ዝግበር ጉዕዞ ጥራሕ ኣይነበረን፡ ደልሃመት ሞት ዝዓሰሎ ኮይኑ ረኺበዮ። 

'ኣሕዋተይ ኣብ ባሕሪ ክጥሕሉ ብዓይነይ ርእየ': ሚስ ግራንድ ኢንተርናሽናል ሰላማዊት ተኽላይ

ሚንስትሪ ውሽጣዊ ጉዳያት ዘካይዶ ዘሎ ፈተነ ን12 ኣዋርሕ ግብራዊ ዝኸውን ኮይኑ፡ መንግስቲ 'ሓደገኛ ወይ ኣገደስቲ' ብዝብሎም መገድታት ዝኣትዉ ስደተኛታት ከምዝስጎጉ ተገሊፁ'ሎ።

ብሪጣንያ ንገለ ስደተኛታት ኤለክትሮኒክ መፍለዪ ክትገጥመሎም ምዃና ተገሊፁ

መዓልቲ ኣቦታት ኣብ ብዙሕ ከባቢታት ዓለም፡ ኣብ ሳልሰይቲ ሰንበት ናይ ወርሒ ሰነ ይኽበር። በዚ ከኣ ሎምዘበን ጽባሕ ሰንበት 19 ሰነ ክበዓል እዩ። 

ሕብረት እንግሊዝ/ዓባይ ብሪጣንያ