ኤርትራ

ኢትዮጵያ

ሱዳን

ማእከላይ ምብራቕ

ሳይንስን ጥዕናን

ኣመና ፍቱዋት

ዜና

ቪድዮ

ተዓዘቡ

ራድዮ

ስምዑ

ቀዳም ምሸት፡ ኣብ ከተማ ኣስመራ ናይ ሚሳይል መጥቃዕቲ ከምዝተፈጸመ ዝዝከር ኮይኑ መንግስቲ ክልል ትግራይ ሓላፍነት እቲ መጥቃዕቲ ወሲዱ ኣሎ።

ሎሚ ቅድሚ ቀትሪ ነፈርቲ ኲናት ኣብ መቐለ ደብዲበን

ቤት ጽሕፈት ኤምባሲ ኣመሪካ ኣብ ኤርትራ፡ ኣብ ኣስመራ ከቢድ ነትጒ ድሕሪ ምስምዑ ኣብ መርበብ ሓበሬታኡን ፈይስ ቡክን፡ ዜጋታቱ ኣድላይ ጥንቃቐ ክገብሩ ኣተሓሳሲቡ።

ኤምባሲ ኣሜሪካ: ኣብ ኤርትራ ዝርከቡ ዜጋታቱ ክጥንቁቑ ኣተሓሳሲቡ

ብምኽንያት እቲ ተፈጢሩ ዘሎ ቅልውላው፡ ኣብ ትግራይ ዝህሉ ምንቅስቓስ መጓዓዝያ ንርእሱ ኣስጋኢ እዩ።

ቅልውላው ኢትዮጵያ - ትግራይ፡ 'ንኡሽቶ ሓወይ መድሃኒት የድልዮ'ዩ'

ኣብቲ ናብ ቤት ጽሕፈት ጉዳያት ወጻኢ ዝጸሓፎ ደብዳበ፡ እቲ ኦል-ፓርቲይ ፓርላሜንታሪ ግሩፕ ፎር ኤርትራ ዝተባህለ ጉጅለ፡ ኣብ ኤርትራ ስርዓት ክቕይሩ ናይ ዝደልዩ ወገናት ልሳን ኮይኑ ዘገልግል ካብቶም ሒደት ጸላእቲ መንግስቲ ኤርትራ እዩ ክብል ከሲስዎ።

ኤምባሲ ኤርትራ ኣብ ዓባይ ብሪጣንያ፡ ነቲ ብኤፒፒጂ ዝተጻሕፈ ደብዳበ ነጺጉዎ

ቀዳማይ ሚኒስትር ዶክተር ኣብዪ ኣሕመድ፡ 4 ሕዳር 2020 ኣብ ሃገራዊ መደብር ዜና ቀሪቡ፡ እቲ ንክልል ትግራይ ዘመሓድር ዘሎ ሓይሊ ኣብ ልዕሊ ወተሃደራዊ መዓስከር ሰሜን እዚ መጥቃዕቲ ፈጺሙ ብምባል፡ ንሰራዊት ፈዴራል ኣድላዩ ዘበለ ወተሃደራዊ ስጉምቲ ክወስዱ ከም ዝኣዘዞም ዝዝከር እዩ።

ክራይስስ ግሩፕ፡ ኣብ ኢትዮጵያ ቶኵሲ ደው ንክብል ጸቅጢ ክግበር ተማሕጺኑ

ኣብዚ ሰሙን፡ ናብ ዝሓለፈ ሮቡዕ ኣብ ዘውግሕ ለይቲ፡ ኣብ መቐለ መንጎ ሓይልታት ጸጥታ ትግራይን ምክልኻል ሃገርን ጎንጺ ከም ዝነበረ ይፍለጥ። እቲ መጥቃዕቲ ተፈኒውዎ ዝብሃል ሰራዊት ምክልኻል ሰሜን እዚ ኣብ ጎኑ ከም ዝተሰለፈ ዝገልጽ መንግስቲ ክልል ትግራይ ብወገኑ፡ ትማሊ ኣብ ዝሃቦ መግለጺ እቲ ኲናት ብወገን ምዕራብ ትግራይ ይቕጽል ከም ዘሎ ሓቢሩ።

ወጥሪ መንግስታት ፈደራልን ክልል ትግራይን ብኸመይ'ዩ ናብዚ ዘለዎ ዓሪጉ?

ብ07 ጥሪ 1946፡ ካብ ኣቡኡ ተለንተ ወልደገብሪኤል ወልደገርግሽን ኣዲኡ ወይዘሮ ትበርህ ኣዳነ ኣብ ዓዲ ጭጉኑ ወረዳ ቖሓይን ተወሊዱ ኣብ ኣስመራ ዝዓበየ፡ ኣብ ኤርትራን ኢትዮጵያን ዝተማህረን ዝመሃረን፡ ገዲም ጋዜጠኛ "ሱዳን ናው" ነበር ኤርትራዊ ብርሃነ ወልደ ገብሪኤል ኣብ መበል 74 ዓመት ዕድመኡ ብዝሓደሮ ሕማም ኣብ ለንደን ዓሪፉ።

ገዲም ጋዜጠኛን ተጣባቒ ሰብኣዊ መሰላትን ኤርትራዊ ብርሃነ ወልደገብሪኤል ዓሪፉ

ቀዳማይ ሚኒስተር ኢትዮጵያ ኣብዪ ኣሕመድ፡ ሎሚ ኣብ ባይቶ ወከልቲ ህዝቢ ኢትዮጵያ ቀሪቡ ካብ ኣባላት ባይቶ ንዝቐረበሉ ሕቶታት ዝመለሰ ኾይኑ፡ ንቅዋም መንግስቱ’ውን ገሊጹ። ብተደጋጋሚ ካብ ኣባላት ባይቶ ካብ ዝቐረቡ ሕቶታት፡ ምስሕሓብ መንግስቲ ፌደራልን ክልል ትግራይን ዝምልከት ይርከቦ።

“ኣብ ትግራይ ምስ ዘሎ ሓይሊ ዘሎ ጉዳይ፡ ብሕግን ብሕግን ጥራይ ክምለስ'ዩ” ኣብዪ ኣሕመድ

ብፍላይ ኣብ ዞባ ደቡብ ሎሚ ንቢቢሲ ርእይቶኦም ዝሃቡ ሰባት፡ ኣብ መኾኒ: ኣብ ወረዳ ራያ ዓዘቦ ጣብያ ገነቴ፡ ኣብ ልዕሊ ግርሁ መሸላ ሓደጋ ከምዝወረደ ይገልፁ።

ሓይልታት ጸጥታ ትግራይን ሰራዊት ምክልኻል ሃገርን ኣብ መኸተ ኣንበጣ ወፊሮም

ኣብ ዝተፈላለያ ሃገራት ወጻኢ ዝነብሩ ኤርትራውያን ነቲ ብወራር ዕስለ ኣምበጣ ኣብ ትግራይ የጋጥም ዘሎ ሃስያ ንሓረስቶት ትግራይ ንምሕጋዝ ብጎፈንድሚ ገንዘብ የተኣኻኽቡ ኣለዉ።

ኤርትራውያን ኣብ መኸተ ወራር ኣንበጣ ትግራይ እንታይ ኣበርኪቶም?

ፕረዚደንት ኤርትራ፡ ኢሳይያስ ኣፈወርቂ ንናይ ሰለስተ መዓልታት ወግዓዊ ዑደት ስራሕ ናብ ኢትዮጵያ ከምዝኣተወ ይፍለጥ። ዝነበሮ ጻንሒት ብምዝዛም ድማ ተመሊሱ'ሎ።

ፕረዚደንት ኢሳይያስ ኣብ ኢትዮጵያ ዝገበሮ ዑደት ብምዝዛም ናብ ሃገሩ ተመሊሱ

ቀዳማይ ሚንስተር ኣብዪ ኣሕመድ ናብ ስልጣን ምስመጸአ እቲ ኣብ ሞንጎ ኢትዮጵያን ኤርትራን ዝጸንሐ ኩነተ ኣይሰላም ኣይኲናት ተቐይሩ ኣብ ሞንጎ ክልቲኤን ሃገራት ሰላም ነጊሱ ይርከብ። ነቲ ዝተገበረ ስምምዕ ሰላም ስዒቡ ድማ መራሕቲ እተን ሃገራት ብተደጋጋሚ ካብን ናብን መገሻታታት ይገብሩ ኣለዉ።

ብድሕሪ ስምምዕ ሰላም ዘለዉ መገሻታት ፕረዚደንት ኢሳይያስን ርክባት ምስ ሃገራት ኣፍሪቃን

እቶም ኣባላት ሃገራዊ ኣገልግሎት ዝነበሩ ኤርትራውያን፡ ካብ 2008 ክሳብ 2012 ኣብ ዝነበረ እዋን፡ ኣብ ዕደና ቢሻ ተገዲዶም ኣብ ዝሰርሕሉ ዝነበሩ እዋን፡ መሰላቶም ተጋሂሱ፡ ሕማቕ ኣተሓሕዛ ከም ዝነበሮም'ዮም ዝኸሱ።

ኣብ ልዕሊ ካናዳዊ ኩባንያ ኔቭሰን ተመስሪቱ ዝነበረ ክሲ 'ብስምምዕ' መዕለቢ ተገይሩሉ

ፕረዚደንት ኢሳይያስ ኣፈወርቂ ቀዳማይ ምኒስተር ኣብዪ ኣሕመድ ብዝገበረሉ ዕድመ ሎሚ ንጉሆ ናብ ኢትዮጵያ ኣትዩ ኣሎ። ፕረዚደንት ኢሳይያስ ንናይ ሰለስተ መዓልታት ዑደት ኣብ ኢትዮጵያ ከምዝጸንሕ፡ ሚኒስተር ዜና ኤርትራ ኣቶ የማነ ገብረመስቀል ኣብ ትዊተሩ ሓቢሩ።

ፕረዚደንት ኢሳይያስ ኣፈወርቂ ናብ ኢትዮጵያ ኣትዩ

ኢትዮጵያዊት ኣትሌት ለተሰንበት ግደይ፡ ትማሊ ኣብ ሰፔን ቫለንሽያ ኣብ ዝተኻየደ ውድድር ጉያ 5,000 ሜትር፡ 14፡06፡62 ግዜ ብምዝዛም ሓድሽ ክብረወሰን ዓለም ኣመዝጊባ። እቲ ክብረ ወሰን ብኢትዮጵያዊት ኣትሌት ጥሩነሽ ዲባባ ተታሒዙ ዝጸንሐ እዩ።

ኣትሌት ለተሰንበት ግደይ ድሕሪ ዘመዝገበቶ ሓድሽ ክብረወሰን ዓለም እንታይ ኢላ?

ኣብ ካልኣይ ውግእ ዓለም ኢጣልያውያን ጠቕሊሎም ምስ ወጽኡለን ከኣ ክንዲ ዓለምና ኣኺልና ኢና፡ ሓዳርና ክንወጽእ ኣብ ዝበላሉ፡ ሶማልያ ቆጽሊ ተነቢሩላ፤ ኤርትራ ግን ዓቕሚ ኣደመ-ሂዋን ኣይበጻሕክን ተባሂላ። ኤርትራ ኣብ 1993 ናጽነታ ብወግዒ ድሕሪ ምእዋጃ፡ ምስ ኩለን ጎረባብታ ኣይተቓደወትን።

ዝምድና ኤርትራን ሶማልያን ካበይ ናበይ?

ጋዜጣታት እታ ሃገር ወትሩ "ፌደራላዊ ምሕደራ ንናይጄሪያ መርገም'ዩ" "ፌደራላዊ ስርዓት የብቅዕ" ዝብሉ ኣርእስታት ዘለዎም ሕታማት ሒዘን እየን ዝወጽኣ።

60 ዓመት ኣብ ቃልሲ ሓድነትን ርግኣትን

ካብቶም ካብ ትግራይ ዝቐረቡ ሽዱሽተ ተወዳደርቲ: ዕርቂ እንደርታ ሒዙ ብውልቅኡ ዝቐረበ መለስ ሰለሞን ተዓዊቱ።

ዕርቂ እንደርታ: ብሉፅ ሃገር በቆል ስርዓት ዕርቂ ኮይኑ ተሓርዩ

እዘን ሃገራት ዝብኣሳላ ሓንቲ ዶብ ኣላ። ናይ ሕጂ ዘይኮነት ኣብ ግዜ ሕብረት ሶቭየት ዝነበረት ዶብ እያ።

ጠንቂ ደማዊ ኲናት ኣዘርባጃንን ኣርመንያን እንታይ’ዩ?

ካቢነ ሚኒስተራት ኤርትራ ድሕሪ ዕርቀ ሰላም ኢትዮ ኤርትራ፡ ብ28 መስከረም 2018 ምስተጋብአ ክሳብ ሕጂ ደጊሙ ኣይተኣከበን። ዜጋታት፡ ስለምንታይ እዩ ክሳብ ሕጂ ካቢነ ዘይተኣከበ? እንታይ ሓዲሽ ነገር ዝተረኽበ ኣሎ? እታ ሃገር ደኣ ብኸመይ እያ ትመሓደር ዘላ? ዝብል ሕቶ የልዕሉ እዮም።

ካቢነ ሚኒስተራት ኤርትራ ናበይ ኣበለ?

ሰንበት 20 መስከረም፡ ኣብ ሚላኖ ምቕማጦም ተጣበቕቲ ሰብኣዊ መሰላት፡ ካብ መስከረም 2001 ኣትሒዞም ን19 ዓመታት ብዘይ ንቡር መስርሕ ቤት ፍርዲ ተኣሲሮም ንዝተሰወሩ ብጉጅለ- 15 ዝፍለጡ መራሕቲ ሃገርን መንግስትን ነበር ገዳይም ተጋደልትን፡ ከምኡ እውን ርእይቶን ሓሳባትን እቶም ፖለቲከኛታት ኣብ ጋዜጣታቶም ንዘስፈሩ ኣሰናዳእቲ ጋዜጣኛታትን ዘኪሮምዎም።

ማእሰርቲ ሃይለ ወልደትንሳኤ (ድሩዕ) ብውላዱ እንክዝንቶ

ነብሲ ወከፍና ኣብዛ ፕላኔት እንነብር ሰባት ኮቪድ ብዝስመ ሓባራዊ ጸላኢ ንህደንን ንህደድን ኣሎና። ሓድሕዳዊ ጸገማት ብዘተን ልዝብን ክፍታሕ ይከኣል እዩ። ለበዳ ኮቪድ ግን ብሓባራዊ ዓቕምን ፍልጠትን ጥራሕ እዩ ዝግጠም።

'ናብ ሓድሕድና ዝትኮስ ጥይትን ቦምባን ክህሉ የብሉን'

ኢትዮጵያ ንግዝኣት ኤርትራ ንኽትጥቕልል፡ ንኤርትራውያን ደቀባት ሸፋቱ መልሚላ ንቐጽሪ ደለይቲ ናጽነት ተጻብኣቶ። ሓምድ ከኣ ነዚ ዅሉ ድሕሪ ምዕዛብ ኣብ ልዕሊ ኣንድነታውያን ጽልኢ ሓደሮ። ሽዑ ሽፍትነቱ ምስ ፖለቲካ ኣወሃሂዱ ክሰርሕ ከምዝጀመረ ሰነዳት ይሕብሩ።

ተራ መርበብ ሓበሬታ ዓዋተ ኣብ ህይወት ኤርትራውያን

ወጥሪ 20 ዓመት ዘሊቑ ዶባት ዛላምበሳን ሰርሓን ምስተኸፍተ ህዝቢ እቲ ጎደቦታት ንብዓት ናፍቖት እናነብዐ ተሓቛቚፉ ህዝቢ ዓለም ከኣ እቲ ንዓመታት ዝሰረተ ጽልኢ ብኽንድኡ ቅጽበት ክፍታሕ እዩ ዝብል ትጽቢት ግዲ ዘይጸንሖ ኮይኑ ድንቂ ፍጻሜ ክብል ብሓጎስ ጸምቢሉዎ። ሽዑ ቢቢሲ ትግርኛ ንተወለድቲ ክልቲአን ሃገራት ካብ ርሑቕን ቀረባን ኣዘራሪቡ ነይሩ። ሎሚ ድሕሪ ክልተ ዓመት ብዘሎ ምዕባለን ክውንነት'ከ እንታይ ይብሉ?

ስምምዕ ሰላም ኢትዮ - ኤርትራ