ኤርትራ

ኢትዮጵያ

ሱዳን

ማእከላይ ምብራቕ

ሳይንስን ጥዕናን

ኣመና ፍቱዋት

ዜና

ቪድዮ

ተዓዘቡ

ራድዮ

ስምዑ

Tigrinya

 ሕሜቲ ንቢቢሲ ኣብ ዝዛረበሉ ዘሎ ሰዓት፡ ኣብ ካርቱም፡ ብሚልዮናት ዝቝጸሩ ሰባት ብሕጽረት መግቢ: ማይን ነዳድን ተሸጊሮም ኣለው።

ውግእ ሱዳን፡ 'ደብዳብ ደው ክሳብ ዝብል ዝርርብ የለን' ክብል ሕሜቲ ንቢቢሲ ገሊፁ

ዜጋታት ንምግዓዝ ኣብ ከባቢ ካርቱም ኣብ ዝርከብ ወተሃደራዊ መደበር ኣየር ትዓልብ ዝነበረት ነፋሪት ቱርኪ ከምዝተተኮሰላ ሚኒስትሪ ምክልኻል ቱርኪ ኣረጋጊጹ። 

ቅልውላው ሱዳን፡ ኣብ ልዕሊ ነፋሪት ቱርኪ ተተኲሱ

እቲ ቀዳማይ ሚኒስተር ብዓርቢ ብትዊተር ኣብ ዝዘርግሖ ሓበሬታ፡ "ዓቢይ ህዝቢ ሱዳን ሰላም የድልዮ'ዩ" ብምባል ምስ ኣዛዚ ሰራዊት ሱዳን ጀነራል ዓብደል ፋታሕ ኣልቡርሃንን ኣዛዚ ሓይልታት ህጽጹ ደገፍ (RSF) ጀነራል መሓመድ ሓምዳን ዳጋሎ - ሕሜቲን ምዝርራቡ ገሊጹ። 

ቀዳማይ ሚኒስተር ኣቢዪ ምስ ጀነራላት ሱዳን ተዘራሪቡ፡ ምቍራጽ ተዅሲ ተናዊሑ

እቲ ኣብ መንጐ ሰራዊት ሱዳንን መቐናቕንቱ ፍሉይ ሓይልን ዝተወልዐ ኲናት ብሰኑይ ብዝተበጽሐ ስምምዕ ምቍራጽ ተዅሲ ኣብ ብዙሕ ከባቢታት ሃዲኡ'ኳ እንተሎ፡ ኣብ ገለ ከባቢ ካርቱም ተዅሲ ከምዘሎ ጸብጻባት ኣመልኪቶም። እዚ ከምዚ ኢሉ እንከሎ ግን ሰራዊት እታ ሃገር ነቲ ዓርቢ ከብቅዕ ምዃኑ ዝግለጽ ስምምዕ ግዝያዊ ምቍራጽ ተዅሲ ከናውሖ ድልው ምህላው ተገሊጹ። ክልቲኦም ወገናት ዘላቒ ሰላም ንምምጻእ ዘለዎም ድልውነት ግን ዘጠራጥር ምዃኑ ይግለጽ። 

ሰራዊት ሱዳን ምቍራጽ ተዅሲ ንምንዋሕ ድልው ምህላው ገሊጹ

ኣብ ሱዳን ን72 ሰዓታት ምቍራጽ ተዅሲ ንምግባር ዝተበጽሐ ስምምዕ ይሕሎ'ኳ እንተሎ ኣብ ገለ ክፋላት እታ ሃገር ኲናት ይቕጽል ኣሎ።

ቅልውላው ሱዳን፡ ስምምዕ ምቍራጽ ተዅሲ እናተባህለ ሓሓሊፉ ኲናት ይቕጽል 

መርገጺ ጸለውቲ ሃገራት ዓረብ ኣብ ጉዳይ ሱዳን እንታይ እዩ?

ብክስታት ኣንጻር ሰብኣውነት ዝድለ ሱዳናዊ ፖለቲከኛ ነበር ምስ ካልኦት ብጾቱ ካብ ማእሰርቲ ከምዝወጸ ገሊጹ። 

ቅልውላው ሱዳን፡ ብገበናት ኵናት ዝድለ ጥርጡር ተፈቲሑ

እቲ ውድብ ብሰሉስ ንቢቢሲ ኣብ ዝሃቦ ሓበሬታ፡ ሰራሕተኛታት ናይቲ ቤተፈተነ ብሰንኪ'ቲ ተወሊዑ ዘሎ ግጭት ናብቲ ትካል ክኸዱ ከምዘይክኣሉን፡ ኩነታቱ ብንጹር ክፍለጥ ስለዘይተኻእለን ሻቕሎት ከምዘለዎም ገሊጹ። 

እዋናዊ ምዕባለታት ቅልውላው ሱዳን፡ ስግኣት 'ባይሎጂካዊ ሓደጋ' ኣብ ካርቱም

ኣብ ካርቱም ዝርከብ ኤምባሲ ኢትዮጵያ፡ ኣብ መንጎ ወተሃደራዊ መራሕቲ ሱዳን ብዝተፈጥረ ግጭት ብውሕዱ ሸሞንተ ኢትዮጵያውያን ከም ዝተቐትሉ ገሊጹ።

ኣብ ግጭት ሱዳን ብውሕዱ 8 ኢትዮጵያውያን ተቐቲሎም

ሱዳን፡ ኣብ መንጎ እቶም ጀነራላት ዘሎ ናይ ስልጣን ንሕንሕ ካበይ ዝጀመረ እዩ?

ኣብ ሱዳን ብፍላይ ኣብታ ቀንዲ ማእከል ኲናት ኰይና ዝቐነየት ካርቱም፡ ኵነታት እናጸንከረ ብምምጽኡ ብዙሓት ነበርቲ ነታ ከተማ ገዲፎም ይሃድሙ ከምዘለዉ ክንገር ጸኒሑ እዩ። እዚ ኰይኑ ግን፡ ኣብዚ ዝርአ ዘሎ፡ ህይወት ኣድሕን ህድማ፡ ሓያለ ኤርትራውያን ካብ ካርቱም ክሃድሙ እንከለዉ፡ ኣብ ከባቢ ከሰላ ኣብ ዝበጽሑሉ እዋን ብኣስገዳድ ናብ ኤርትራ ክኸዱ ይግበር ከምዘሎ ካብቲ ቦታ ዝተረኽበ ሓበሬታ የረጋጋጽ።

ካብ ካርቱም ዝሃደሙ ኤርትራውያን ‘ብግዴታ’ ንኤርትራ ይኣትዉ ኣለዉ

መንግስታት ብሪጣንያ፡ ኣሜሪካ፡ ፈረንሳን ካልኦትን ዲፕሎማሰኛታቶምን ስድራቤቶምን ካብ ሱዳን ምውጽኦም ዝገልጽ ዜና ኣብ ዝሓለፉ ክልተ መዓልታት ተሰሚዑ ኣሎ። እዚ ዝኾነ፡ እቲ ኣብ ዝሓለፈ ሰሙን ኣብ መንጎ ክልተ ተጻረርቲ ወተሃደራዊ ሓይልታት ኲናት ድሕሪ ምውልዑ ኮይኑ፡ ኣብ ርእሰ ከተማ ካርቱም ብዝተፈጸመ ደብዳብን ተዅስን ሓሙሽተ ሰራሕተኛታት ረድኤት ዝርከብዎም ብኣማኢት ዝቑጸሩ ሰባት  ተቐቲሎም እዮም። 

ሃገራት ብኸመይ እየን ዜጋታተን ካብ ዞባ ኲናት ዘውጽኣ 

ጸሓፊ ጉዳያት ወጻኢ ኣሜሪካ ኣንቶኒ ብሊንከን እቶም ኣብ ሱዳን ኣብ ኲናት ዝርከቡ ወገናት ካብ ፍርቂ ለይቲ - 24 ሚያዝያ ጀሚሩ ን72 ሰዓታት ዝጸንሕ ምቍራጽ ተዅሲ ክገብሩ ከምዝተሰማምዑ ገሊጹ። ኣብዚ ወርሒ ግጭት ካብ ዝለዓል ንደሓር እዚ እንተወሓደ ንሳልሳይ ግዜ ዝተኣወጀ ምቍራጽ ተዅሲ ኰይኑ፡ እቶም ካልኦት በርዒኖም እዮም። 
 ብሊንከን ኣብ ናይ ትዊተር መልእኽቱ፡ ነቲ ዝተበጽሐ ስምምዕ ብጽቡቕ ከም ዝቕበልዎ ብምግላጽ፡ ንቐዋሚ ምቍራጽ ተጻብኦን ሰብኣዊ ሓገዛትን ምስ መሻርኽቲ ኣካላት ክሰርሑ ምዃኖም ኣተንቢሁ።

ቅልውላው ሱዳን፡ ተቐናቐንቲ ሓይልታት ተዅሲ ደው ንምባል ተሰማሚዖም

ድሕሪ እቲ ንዓሰርተ መዓልታት ዝቐጸለ ኲናት፡ ተስፋ ዝቘረጹ ሰባት ካብ ርእሰ ከተማ እታ ሃገር ክወጽኡ ሓያል ጻዕሪ ይገብሩ ምህላዎም ማሕበር ቀይሕ መስቀል ሓቢሩ። እቶም ብዘይ መግብን ማይን ዝተረፉ ሰባት ነቲ ኵነታት ክጻወርዎ ከቢድ ከምዝዀነን፡ ኣብ ርእሲኡ ገሊኦም ሆስፒታላት ስራሕ ከምዘቋረጻን’ውን ይግለጽ፤ እቶም ካብ ካርቱም ዝወጹ ሰባት ካብ ጐደናታት ዘይተላዕሉ ሬሳታት ከምዘለው ተዛሪቦም።

ካርቱም፡ ዓቕለጽበታዊ ፈተነ ንምህዳም

ብዙሓት ሃገራት ሰራሕተኛታት ኤምባሲን ካልኦት ዜጋታተንን ንምውጻእ ይጓየያ ኣለዋ። ዛጊት 1,000 ዜጋታት ሃገራት ሕብረት ኣውሮጳ ካብ ሱዳን ከምዝወጹ ሓላፊ ጉዳያት ወጻኢ እቲ ሕብረት ጆሰፕ ቦረል ሓቢሩ። ፈረንሳ ኣብ ካርቱም በቲ ግጭት ብምስጋእ ኣብ ካርቱም ዝርከብ ኤምባሲኣ ክትዓጹ ተገዲዳ'ላ።

ቅልውላው ሱዳን፡ እዋናዊ ምዕባለታት 10ይ መዓልቲ 

ዲፕሎማሰኛታት ብሪጣንያን ስድራቤቶምን ብ"ዝተሓላለኸን ቅልጡፍን" ስርሒት ካብ ሱዳን ከም ዝወጹ ቀዳማይ ሚኒስተር ሪሺ ሱናክ ኣረጋጊጹ።

ቅልውላው ሱዳን፡ ዓባይ ብሪጣንያ ዲፕሎማሰኛታት ካብ ካርቱም ኣውጺኣ

ቅልውላው ሱዳን፡ ዲፕሎማሰኛታትን ዜጋታት ካልኦት ሃገራትን ይወጹ ኣለዉ

ፕረዚደንት ኣሜሪካ ጆ ባይደን፡ ሰራዊት ኣሜሪካ ዲፕሎማሰኛታታን ስድራቤቶምን ካብ ካርቱም ሱዳን ከምዘውጽአ ገሊጹ።

ቅልውላው ሱዳን፡ ኣመሪካ ዜጋታታ ካብ ካርቱም ኣውጺኣ

ሱዳን፡ እቲ ኣብ መንጐ ሰራዊት እታ ሃገርን፡ ሓይልታት ህጹጽ ደገፍን ዝካየድ ዘሎ ግጭት ጸንኪሩ ኣብ ዝቕጽለሉ ዘሎ ኣዋን፡ ኣብታ ሃገር ዝጸንሑ ዲፕሎማሰኛታትን ዜጋታትን ኣሜሪካ፡ ብሪጣንያ፡ ፈረንሳን ቻይናን ካብታ ሃገር ብነፋሪት ክወጽኡ ምዃኖም ሰራዊት ሱዳን ኣብ ዘውጽኦ መግለጺ ኣፍሊጡ። 

ቅልውላው ሱዳን፡ ወጻእተኛታት ካብ ሱዳን ክወጽኡ ምዃኖም ሰራዊት ሱዳን ኣፍሊጡ

እዚ ከምዚ'ሉ እንከሎ፡ ክልቲኦም ተጻባእቲ ንሰለስተ መዓልቲ ዝጸንሕ ምቁራጽ ተዂሲ ክግበር ከምዝተሰማምዑ ይግለጽ ኣሎ። እንተኾነ ግን፡ ሎሚ ምሸት'ውን ከተማ ካርቱም ካብ ድምጺ ተዂሲ ከምዘይዓረፈት ጸብጻባት ካብታ ከተማ ይገልጹ ኣለዉ።
እንተኾነ ግን፡ ሎሚ ምሸት'ውን ከተማ ካርቱም ካብ ድምጺ ተዂሲ ከምዘይዓረፈት ጸብጻባት ካብታ ከተማ ይገልጹ ኣለዉ።

ቅልውላው ሱዳን፡ እዋናዊ ምዕባለታት 7ይ መዓልቲ

ውግእ ሱዳን ከብቅዕ ዝጽውዕ ናይ ደገ ጸቕጢ ይውስኽ ኣሎ

ኣብ መንጎ ብጀነራል ኣል-ቡርሃን ዝምራሕ ሃገራዊ ሰራዊትን ብጀነራል ሕመድቲ ዝምርሑ ሓይልታትን ክካየድ ዝቐነየ ውግእ ሎሚ'ውን ኣብ ዝተፈላለያ ከተማታት እታ ሃገር ቀጺሉ ውዒሉ። ኣብቲ 6ይ መዓልቱ ሒዙ ዘሎ ውግእ ብውሕዱ 270 ሰባት ተቐቲሎም ኣለዉ።

ግጭት ሱዳን፡ እዋናዊ ምዕባለታት 6ይ መዓልቱ ዝቐጸለ ረጽሚ

ብሰንኪ'ቲ ኣብ ሱዳን ብፍላይ ኣብ ካርቱም ዝቕጽል ዘሎ ውግእ፡ ኤርትራውያንን ኢትዮጵያውያንን ዝርከብዎም ብኣሽሓት ዝቝጸሩ ሱዳናውያንን ዜጋታት ዝተፈላለያ ሃገራትን ዝዀኑ ሰላማውያን ሰባት ንርእሰ ከተማ እታ ሃገር - ካርቱም ገዲፎም ይሃድሙ ከም ዘለዉ ዝወጽ ዘሎ ሓበሬታታት የመልክት።
ሃገራት ድማ ዜጋታተን ንምውጻእ ዝተፈላለየ ጻዕሪታትን ርክባትን ይገብራ ምህላወን ይግለጽ ኣሎ።

ሰባት ካብ ካርቱም ይሃድሙ ኣለዉ፤ ኤርትራውያንን ኢትዮጵያውያንን ከ?  

እቲ ግጭት ቅድሚ ምውልዑ፡ ልዑል ወጥሪ'ዩ ነይሩ። ውግእ ክለዓል እዩ ተባሂሉ ግን ትጽቢት ኣይተገብረን። ሱዳናውያን፡ እቶም ጀነራላት ፍልልያቶም ብዘተ ክፈትሕዎ እዮም ዝብል እምነት ነይርዎም። ንሳቶም ግን ካልእ ጐነጻዊ መንገዲ መሪጾም፤ መጻኢ ሱዳን እውን ኣብ ሕቶ ኣትዩ። እዚ፣ ኵነታት በዚ እንተቐጺሉ ንጐረባብቲ ሃገራት ዝህልዎ ጽልዋ’ውን ኣቕሊልካ ዝርእ ኣይኰነን፤ በዚ መሰረት፡ ጐረባብቲ ሃገራት ኤርትራን ኢትዮጵያን ምስዚ ጉዳይ ሱዳን ዝህልወን ምትእስሳር ንምድህሳስ፡ ቢቢሲ ንኽልተ ተንተንቲ ፖለቲካ እዚ ዞባ ኣዘራሪቡሎ፤