ኤርትራ

ኢትዮጵያ

ሱዳን

ማእከላይ ምብራቕ

ሳይንስን ጥዕናን

ኣመና ፍቱዋት

ዜና

ቪድዮ

ተዓዘቡ

ራድዮ

ስምዑ

Tigrinya

ከምዚ ዓይነት ጎስጓሳት ናብም ኣብ ወጻኢ ሃገራት ዝርከቡ ብርክት ዝበለ ቁጽሪ ዘለዎም ኢትዮጵያውያን ዳያስፖራ ዘነጻጸረ'ዩ። ብፍላይ ኣብ ሰሜን ኣመሪካ ዝርከቡ ኢትዮጵያውያን ልቦምን ጅብኦምን ከምዘፍሰስሉ ይንገር። 

ኢትዮጵያ፡ ኣብ 48 ሰዓታት 1.6 ሚልዮን ዶላር ዝተወፈየሉ ማሕበር ግብረሰናይ 

ኤሪክ ራይት ሆልደር ጁንየር፡ ኣብ ሓምለ 2019፡ ኣብ ደቡብ ሎስ ኣንጀለስ ኣብ ዝርከብ መኽዘን ክዳውንቲ ንሃስል(ኤርሚያስ ኣስገዶም) ብምቕታሉ ብቐዳማይ ዲግሪ ቅትለት ተፈሪዱ።

ቀታሊ ስነ ጥበባዊ ኤርትራዊ-ኣመሪካዊ ኒፕሲ ሃስል ን60 ዓመት ክእሰር ተፈሪዱ

ሓደ ዓቢ ስራሕ ሩስያዊ ሰኣሊ ዋሲሊ ካንዲንስኪ ድሕሪ ሒደት ሰሙናት ኣብ ለንደን ኣብ ዝካየድ ሓራጅ ክብረወሰን ዝሓዘ ዋጋ ክረክብ ይኽእል እዩ። ብድሕሪ እቲ መሸጣ ግን ናይ ሓንቲ ስድራቤት ዛንታ ሓዘንን ጅግንነትን ኣሎ።

ህይወት ንእሽቶ ጓል ዘድሓነት ምስጢራዊት ክፍሊ

እዛ ኣብ ኤውሮጳ፡ ብቕብኣ፡ ስነ-ጽሑፍን ግጥምን ልዑል ስም ዘትረፈት ማርታ ነሲቡ፡ ብ1931 እያ ካብ ርኹባት ስድራ-ቤት ኣብ ኣዲስ ኣበባ ተወሊዳ። ወላዲኣ ደጃዝማች ነሲቡ ዘኣማኑኤል ኣብ ዘበን ሃይለስላሰ ካብቶም ስሙያት ሰበስልጣን ስለዝነበሩ ማርታ ብሕንቃቐ እያ ትዓቢ ነይራ።  

ማርታ ነሲቡ ዘኣማኑኤል: ኣብ ኤውሮጳ ስም ኣጥርያ ዝሓለፈት ስነ-ጥበባዊት

ደራሲት ራሄል ኣፍወርቂ በታ ዝሓረየታ ገጸ ባህሪ ኣቢላ ኣብ ኩሉ ኤርትራዊ ስድራ ቤት ዘጋጥም ተሞክሮ ማሕበራዊ ሂወት፡ ምስ ዓወትን ውድቀትን ዝመጽእ ሓጎስን ሓዘንን፡ ጸቕጢ መዘናን ውሽጣዊ ድሌትን፡ ጭንቀትን መፍትሒኡን ተዘንቱ። 

ኣታዊ መጽሓፋ ኣብ ኤርትራ ብናይ ደም ካንሰር ንዝሳቐዩ ሕጻናት ዘወፈየት ደራሲት

ሊሎይድ ዲቮሬክስ ሪቻርስ ቀንዱ ስርሑ ኣኽባሪ ሕጊ ኮይኑ፡ ደራሲ ናይ ምኳን ባህጊ ስለዝነበሮ ድሕሪ ናይ 14 ዓመታት ጻዕሪ ቅድሚ 11 ዓመት ሓንቲ መጽሓፍ ኣሕቲሙ፡ እንተኾነ ንዝሓለፈ 11 ዓመት እታ መጽሓፍ ዋለ ሓደ ጠለብ ናይ ኣንበብቲ ክትረክብ ኣይክኣለትን።
ንኹሉ መዓልቲ ኣለዎ ከምዝብሃል ግን ንኣቶ ሊሎይድ ዲቮሬክስ ሪቻርስ’ውን መዓልቲ ርሒሳትሉስ እታ መጽሓፉ ኣብ ሓደ ለይቲ ኣዝያ ተጠላቢት መጽሓፍ ኮይና።
ከመይዶ በልኩም፤ ከመይ ይብል ለባም። 

ጓሉ ኣብ ቲክቶክ ብዝገበረቶ መወዓውዒ ምሻጥ ኣብያ ዝነበረት መጽሓፉ ቀዳመይቲ ዝዀነትሉ ኣቦ

ለምን ሲሳይ፡ ንዓለሙ ብግጥሚ ዝጐበጠ ጐብለል

ትማሊ ቀዳም 04 ለካቲት 2023፡ ኣብ መስመር ኣስመራ ምጽዋዕ፡ ከባቢ ዓርበ ረቡዕ ብሓደጋ መኪና ዝዓረፈት ስምይቲ ኤርትራዊት ስነ-ጥበባዊት መንእሰይ ሻም ጌሹ፡ ሎሚ ሰኑይ 06 ለካቲት ሓመድ ኣዳም ከምእትለብስ ምንጭታትና ካብ ኣስመራ ሓቢሮም።

ስምይቲ ኤርትራዊት ስነጥበባዊት ሻም ጌሹ ብሓደጋ መኪና ዓሪፋ

ውርይቲ ድምጻዊት ቢዮንሰ፡ ኣብ ግራሚ ኣዋርድ 32 ግዜ ብምዕዋት፡ ኣብ ታሪኽ እቲ ሽልማት ዝበዝሐ ግዜ ዝተዓወተት ብምዃን ክብረ ወሰን ጨቢጣ።

ቢዮንሰ ኣብ ግራሚ ኣዋርድ 32 ግዜ ብምዕዋት ክብረ ወሰን ጨቢጣ

12 መጋቢት፡ ከዋኽብቲ ተዋሳእቲ ንመበል 95 ሽልማት ኣካዳሚ ኣብ ሆሊዉድ ክእከቡ እዮም፤ ብዛዕባ እቶም ፍሉጣት ወርቃውያን ሓወልትታት ግን ክንደይ ዝኣክል ትፈልጡ?

ብዛዕባ ሓወልቲ ኦስካር ዘይንፈልጦም ሽዱሽተ ነገራት

ብክእለት ፒያኖ ምስ ሞዛርት ዝዳረግ ኦቲዞም

እዛ ቋንቋ እናመሃረት ብስራሕ ርእሳ ክኢላ ትናበር ዝነበረት ወጋሕታ፡ ኣብ 2011 ንስደት ኣምሪሓ፤ ብድሆታት ስደት ንዓቕማን ዓቕላን ምስ ተፈታተኖ፡ ንኣውሮጳ ክትሰግር ብምድረ በዳ ሰሃራ ነቲ ድራር ዓሳ ክገብራ ዝኸእል ከቢድ ጕዕዞ ባሕሪ ኣሃዱ ኢላ ፈለመቶ። 
ዓቕማን ክእለታን ብምዕባይ ከኣ ሕጂ ኣዝያ ብልጽቲ ቀባኢት ኰይና ንስእልታታ እናሸጠት ክትነባበር ጀሚራላ።

ወጋሕታ፡ ብቅብኣ ስምዒታ እትገልጽ ስደት ዘይሰዓራ ኤርትራዊት ሞያዊት

ሰራሕቲ ፊልም ኤርትራ፡ ‘ሞያዊ ግዴታ’ ስለዝኾኖም ’ምበር ካብ ዩትዩብ ትርጉም ዘለዎ  ኣታዊታት ከምዘይረኽቡ እዮም ዝሕብሩ።
ኣብዚ ቀረባ ግዜ ግን ‘ካቢ ፕላስ’ ዝተባህ መኽሰብ ዘይብሉ ትካል፡ እኹል ምወላ ብምሃብ ንሰራሕቲ ፊልም ከተባብዕ ስለዝጀመረ፡ ብዙሓት ሰራሕቲ ፊልም ፊልምታቶም ኣብዚ ከፊልካ ዝርኣዮ መተግበሪ [ኣፕሊኬሽን] ንምጽዓን ይጓየዩ ኣለዉ። ነዚ ሓሳብ ዘበገሰ ከኣ መንእሰይ ኣልኣዛር ዮሴፍ ሓሸሊት'ዩ።

ብሽግርን ጸበባን ዘይጸዓድ ተበላሓቲ መስራቲ 'ካቢ' መንእሰይ ኣልኣዛር ዮሴፍ 

ኣብ ለንደን ሓደ ዝኣረገ ስርሓት ዕንጨይቲ ዝእክብ ውልቀሰብ፡ ኣብ እዋን ዘበነ በረድ፡ ሃደንቲ ንምንታይ ኣብ ባዓቲ ይስእሉ ከምዝነበሩን ነቲ ኣሳእል ንምንታይ ይጥቀምሉ ከምዝነበሩን ንምርዳእ ዝሕገዝ ግድል ፈቲሑ።

ሓደ ተራ ሰብ 20 ሽሕ ዓመታት ዝገበረ ግድል ስእሊ በዓቲታት ፈቲሑ

ካብ ዙርያ ኣፍሪቃ ዝተረኽበ ምሩጽ ስእልታት ናይዚ ሰሙን።

ውቁባት ስእልታት ኣፍሪቃ፡ ማርያም ደዓሪት፣ ሓዘንተኛታትን ተዋሳእትን

ኣብ ፊልም ሮመዮን ጁልየትን ቀንዲ ገጸ ባህሪ ሒዞም ዝተዋስኡ ሊዮናርዶን ኦሊቭያን ኣብታ ፊልም ጥራሕ ነብስና ተራኢና ኢና ብምባል፡ ድሕሪ ሓምሳ ዓመታት ምዝርጋሕ ናይታ ፊልም 500 ሚልዮን ዶላር ካሕሳ ሓቲቶም።

ፊልም ሮመዮን ጁልየትን ዝዓየዩ ተዋሳእቲ፡ ድሕሪ 50 ዓመት ካሕሳ ሓቲቶም

ኣብ ስርሓቲ ሙዚቃ ኢንግሊዘኛ ልዑል ዝና ዘትረፈት ድምጻዊት ሰሊን ድዮን ኣብ ኢንስታግራም ኣብ ዝዘርገሐቶ መልእኽቲ ብሰንኪ ጥዕናዊ ጸገማት ኣብ ናይ ሙዚቃ መድረኻት ክትቐርብ ከምዘይከኣለት ኣፍሊጣ። 

ውርይቲ ድምጻዊት ሰሊን ድዮን ብዛዕባ ዘጋጠማ ሕማም እንታይ ኢላ?

‘ስነ ግጥሚ ትርግታ ልቢ እቶም ካልኦት ስርሓተይ እመስለኒ’ እትብል ገብርኤል፡ ዝተፈላለየ ተውህቦ ዘለዋን  ስርሓታ ቀዲሞም ብግጥሚ ከምዝውለዱ ትኣምን።
‘መብዛሕትኡ ግዜ ብግጥሚ እየ ስእሊ ዝጅምር፤ ብእኡ እየ ፊልም ዝጅምር። ግጥሚ ምጽሓፍ እዩ ቀዲሙ ዝመጸለይ፡ እቲ ዝጸሓፍክዎ ድማ ብቅብኣ ወይ ኣኒሜሽን እገልጾ።’ 
ሓወልቲ ኣኽሱምን መስጊድ ነጋሽን ዝኣመሰሉ ታሪኻዊ ቅርስታት ኣብ ስእልታታን ፊልምታታን ዘንጸባረቐት፡ ብዝሐ-ሞያዊት፡ ኣብ መቐለ ተወሊዱ ካብ ዝዓበየ ኣቦን ኣፍሪቃውን ህንዳውን መበቈል ካብ ዘለዋ ጀማይካዊት ኣደን ኣብ ኣሜሪካ ተወሊዳ ዝዓበየት እያ።
ምስኣ ዝተገብረ ሰፊሕ ወግዒ፡ እንሆ፤

ሓበሻውን ጀማይካውን መበቈላ ብስእሊ እትገልጽ ገብርኤል ፍረወይኒ ተስፋየ

መዝገብ ታሪኽ ብሉፃት ሰባት መፅሄት ታይም ንድሕሪት ተመሊስና እንትንግንፅል፡ ጀርመናዊ ውልቀ መላኺ ነበር ኣዶልፍ ሂትለር ኣብ 1938 ፣ ፕረዝደንት ሩስያ ቭላድሚር ፑቲን ኣብ 2007 ኣቆፃፅራ ኣውሮጳውያን ተዓወትቲ መፅሄት ታይም ኰይኖም ንረኽቦም።

ፕረዚደንት ዩክረይን ብሉፅ ሰብ መጽሔት ታይም 2022 ኰይኑ

ዮናታን ዱላ፡ ሓይሊ ብዘለዎ ፍሉይ ደርፍታቱን ቅዲ ሳዕስዒቱን ዝፍለጥ፣ ናይ ገዛእ ርእሱ ፍሉይ ኣከዳድናን ኣቀማቕማን ኣማዕቢሉ ዘዘውትር፡ ኣብ ሓጺር ግዜ ህቡብነት ዘጥረየ ወናም ድምጻዊ እዩ።
ዱላ፡ ካብታ ትሽዓተ ውሉዳት ዘፍረየት ስድራቤት ሕንሳስልደት ኰይኑ፡ ብ 1984 ኣብ ኣስመራ ማይተመናይ ተወሊዱ ዝዓበየን፡ ንፉዕ ተጻዋታይ ኵዕሶ እግሪ እዩ ነይሩ።
ኣብ 2016፡ ‘ቦባ’ ምስ ዝተባህለ ሓደ ጕጅለ ሙዚቃ ኤርትራ ድሕሪ ምጽንባሩ ግን፡ ዕቝር ስነጥበባዊ ተውህቦኡን ዓቕሙን ከውጽእ ዕድል ረኺቡ፤ ኣብቲ ዓመት ዝሰርሓ “ኣብ ልበይ ኣሎ ምስላ” እትብል ደርፉን፡ ኣዝዩ ፍሉይን መሳጥን ሳዕስዒታን ኣቢሉ እዩ ምስ ህዝቢ ተላልዩ።

ውሩይ ድምጻዊ ዮናታን ታደሰ - ዱላ ዓሪፉ

ሓንቲ ካብ ትእምርቲ ሰማንያታት ተባሂላ እትግለጽ ህብብቲ ኣሜሪካዊት ደራፊትን ተዋሳኢትን ኢሪን ካራ ኣብ 63 ዓመታ ዓሪፋ።

ስምይቲ ደራፊትን ተዋሳኢትን 80ታት ኢሪን ካራ ‘ብዘይተፈልጠ’ ሞይታ

78 ዓመት ዝዕድመኡ ሽማግለ ህቡብ ተዋስኣይ ፊልም ‘ስኲድ ገይም’ ኦ ዮንግ ሱ፡ ኣብ 2017 ንሓንቲ ጓል ኣንስተይቲ ብዘይግቡእ መንገዲ ብምትንካዩ ብጾታዊ ትንኮያ ከም ዝተኸሰሰ ሰበስልጣን ቤት ፍርዲ ደቡብ ኮርያ ገሊጾም።

ህቡብ ተዋስኣይ ስኲድ ገይም ብጾታዊ ትንኮያ ተኸሲሱ

“ክሳብ ሕጂ ካብ ዝመጽኣና፡ ካብቲ ዘሕተምናዮ ዝገደፍናዮ ይበዝሕ። እቲ ብኣና ዝሕተም ባዕልና ኢና ነርትዖ፡ ኣብ ቋንቋ ንግደስ ኢና፣ ብትግርኛ ዝግለጽ ነገር ካልእ ባዕዳዊ ቋንቋ ክሕወሶ ኣይንደልን” ይብል ቴድሮስ።
ኣሕታሚ እምኩሉ ክሳብ ሕጂ ብትግርኛ፡ ትግረ፡ ብእንግሊዝኛ፡ ብኣምሓርኛ ብቋንቋታት ሽወደንን ኖርወይን ብሓፈሻ 35 ዝኸውን መጻሕፍቲ ባዕሎም ኣርቲዖም ከምዘሕተሙን፤ ልዕሊ 20 ኸኣ ብኻልኦት ኣርትዖት ተገይሩሎም ብኣሕታሚ እምኩሉ ዝተሓተሙን እዮም።
ኣብ ኣሕታሚ እምኩሉ ካብ ዝተሓተሙ መጽሓፍቲ፡ “ዝሑል ኲናት” ትብል ብደራሲ ዓብዱሰላም መሓመድ ጻዕዳ ተደሪሳ፡ 3000 ቅዳሓት ተሓቲማ ዝተዘርግሐትን፡ ክሳብ ሕጂ እታ ዝበዝሐ ቅዳሓት ዝተሓትመት መጽሓፍ ከምዝዀነት ቴድሮስ ይሕብር።
“ካብ ዘሕተምናየን መጻሕፍቲ ናይ ይርግኣለም ፍስሃ ናይ ግጥሚ መጽሓፍ ክሳብ 2000 ቅዳሓት ተሸይጣ ኣላ፤ ብማእከላይ ገምጋም ኣብ መጀመርታ ክሳብ 500 ቅዳሕ ኢና ነሕትም። ናይ ደንደን ሰሎሙን “ንጉስ ገበን” እትብል መጽሓፍ ከኣ ክልተ ግዜ ክትሕተም ክኢላ” ይብል ቴድሮስ።  ኣብ ኤርትራኸ?

ናጽነት ሓሳባት ንምድንፋዕ ዕላማ ሒዙ ኣብ ሽወደን ዝተመስረተ ኤርትራዊ ትካል ‘እምኵሉ’

ፈቨንን ሄለንን፡ ‘ከሽመል ግርባ’ ኣብ ዝበሃል መዓስከር ስደተኛታት ሱዳን ተወሊደን፡ ፕሮስፒተርያን ቤተክርስትያን ሮቸስተር ኒውዮርክ ብዝገብሮ መደብ ምሕጋዝ ስደተኛታት ድማ፡ ኣብ ካልኣይ ዓመተ ልደተን ምስ ወለደን ናብ ኣሜርካ ዝተሰደዳ  ኤርትራውያን መናቱ ኣሕዋት እየን።
ኣብ ኣሜሪካ ዓብየን፡ ተማሂረን ዓወት ብምጕንጻፍ ‘2-4-1’ ኢለን ዝሰመያኦ ትካል መጸባበቒ ክሳብ ክኸፍታ በቒዐን።
እዘን ማናቱ ክኢላታት መጸባበቒ፡ ኣቓልቦ ኦፕራ ዊንፍሪ፡ ቦቢ ብራውንን ካልኦት ዓበይቲ ዓለምና ክስሕባ ክኢለን፤ ብኸመይ እየን ግን ናብዚ ደረጃ'ዚ በጺሐን?


ኣርት/ ስነ ጥበብ