کورونا: امریکہ میں کیلیفورنیا کے بعد فلوریڈا سب سے زیادہ متاثرہ ریاست بن گئی

کورونا وائرس سے دنیا بھر میں متاثرہ افراد کی تعداد ایک کروڑ 60 لاکھ سے تجاوز کر گئی ہے. فلوریڈا میں مزید 9300 متاثرین کی تصدیق ہوئی ہے۔ کیلیفورنیا کے بعد یہ امریکہ کی سب سے زیادہ متاثرہ ریاست بن گئی ہے۔

لائیو کوریج

24 جولائی 2020ویتنام نے وبا کے خطرے کے باعث جنگلی جانوروں کی تجارت بند کر دی
،تصویر کا ذریعہGetty Images
ویتنام نے نئی وباؤں کے خطرے کو کم کرنے کے لیے ملک میں جنگلی جانوروں اور جنگلی جانوروں سے متعلق اشیا کی درآمد پر پابندی لگا دی ہے۔
خیال ہے کہ کووڈ۔19 کی وبا کا آغاز جنگلی جانوروں کی تجارت سے شروع ہوا تھا، اور چمگاڈروں سے شروع ہونے والی بیماری کسی دوسری نامعلوم سپیشیز جیسا کہ چوہے، مشک بلاؤاور پینگولین وغیرہ سے انسانوں میں آ گئی تھی۔
اس اقدام کی وجہ سے آن لائن پر بھی جنگلی جانوروں سے جڑی اشیا کی خرید و فروخت پر پابندی لگا دی گئی ہے۔
24 جولائی 2020پولینڈ میں ایک ماہ میں سب سے زیادہ متاثرین ریکارڈ, ایڈم ایسٹن، بی بی سی نامہ نگار، وارسا
،تصویر کا ذریعہAFP
پولینڈ کی وزارتِ صحت نےجمعہ کو کہا ہے ملک میں گذشتہ 24 گھنٹوں میں کووڈ۔19 کے 458 نئے کیسز ریکارڈ کیے گئے ہیں۔
اس ہفتے نئے متاثرین میں یومیہ اضافے کی بنیادی وجہ جنوبی پولینڈ کے اپر سلیسیا علاقے میں تین کوئلے کی کانوں میں وبا کا پھیلنا ہے۔ تاہم حکومت کا کہنا ہے کہ اس مرحلے پر تشویش کی کوئی ضرورت نہیں ہے۔
تازہ اعداد و شمار کی اشاعت سے پہلے نائب وزیرِ اعظم جدویگا ایملیوچ نے کہا کہ حکومت لاک ڈاؤن دوبارہ لگانے کی بات نہیں کر رہی اور جب بھی ضرورت پڑی مقامی طور پر وبا سے نمٹنے کی کوشش کرے گی۔
جمعہ کو رپورٹ ہونے والے متاثرین میں سے 184 یا 40 فیصد کا تعلق اپر سلیسیا سے تھا۔
پولینڈ میں کل کووڈ۔19 کے متاثرین میں سے تقریباً 16 فیصد کان کن ہیں، لیکن ان میں سے اکثر میں اس بیماری کو کوئی علامات نظر نہیں نظر آئی ہیں۔ وزارتِ صحت کے مطابق 97 فیصد سے زیادہ علامات کے بغیر ہیں۔ کل 6900 کان کن جن میں کورونا وائرس کی تشخیص ہوئی ہے 94 فیصد ابھی تک صحت یاب ہو چکے ہیں۔
24 جولائی 2020بریکنگ, سندھ میں کورونا کے 917 نئے متاثرین، 14 اموات
وزیر اعلیٰ سندھ سید مراد علی شاہ کے مطابق گذشتہ 24 گھنٹوں کے دوران صوبے میں کورونا وائرس کے 917 نئے متاثرین اور 14 اموات کا اضافہ ہوا ہے۔
اس وقت سندھ میں کورونا وائرس کے متاثرین کی مجموعی تعداد 116800 ہوگئی ہے۔ جبکہ اب تک اس عالمی وبا سے 2110 اموات ہوئی ہیں۔
سندھ پاکستان بھر میں کل متاثرین کے اعتبار سے سب سے زیادہ متاثرہ صوبہ ہے۔ تاہم یہاں اب تک 103491 افراد کووڈ 19 سے صحتیاب ہوچکے ہیں۔
ان کا کہنا تھا کہ ’10445 افراد گھروں میں اور 59 مراکز پر زیرِ علاج ہیں۔ 695 مریض مختلف ہسپتالوں میں زیر علاج ہیں۔ 428 مریضوں کی حالت تشویشناک بتائی جارہی ہے۔ 67 مریض وینٹیلیٹرز پر ہیں۔ آج 4089 مریض صحتیاب ہوئے۔‘
24 جولائی 2020انگلینڈ میں تین کروڑ افراد کو فلو کی ویکسین دی جائے گی
،تصویر کا ذریعہPA Media
برطانوی وزیر اعظم بورس جانسن نے کہا ہے کہ انگلینڈ میں تین کروڑ افراد کو موسم سرما سے قبل فلو کی ویکسین دی جائے گی تاکہ صحت کے نظام پر سے بوجھ ہٹایا جا سکے اور کورونا وائرس کی ممکنہ دوسری لہر کا مقابلہ کیا جا سکے۔
نئے قوانین کے مطابق انگلینڈ میں دکانوں کے اندر چہرے کو ڈھانپنا لازم ہو گا۔
برطانیہ میں جون کے دوران مختلف اشیا کی فروخت میں 13.9 فیصد اضافہ دیکھا گیا۔ لیکن ماہرین کے مطابق معیشت کی بحالی میں ابھی کچھ وقت لگے گا۔
وزیراعظم بورس جانسن نے کہا ہے کہ کورونا وائرس سے پیدا ہونے والے بحران میں بتدریج کمی کے بعد اب وہ چاہتے ہیں کہ ملک معمول کی زندگی اور بحالی کی طرف گامزن ہو۔
برطانوی حکومت رات 9 بجے کے بعد جنک فوڈ کے اشتہارات پر پابندی جیسے اقدامات سے ملک میں موٹاپے کی بیماری میں کمی کی کوششیں کر رہی ہے۔ کورونا وائرس کی عالمی وبا کے دوران اس مرض میں اضافے کا خدشہ ظاہر کیا جا رہا ہے۔
24 جولائی 2020سکول کھولنے کے فیصلے پر اساتذہ اور حکومت میں اختلاف
،تصویر کا ذریعہReuters
امریکہ کی ریاست فلوریڈا میں بڑھتے ہوئے کووڈ۔19 کے متاثرین کے ساتھ، وہاں کے اساتذہ نے مطالبہ کیا ہے کہ وہا کے سکول بند رہنے چاہیئں۔
گورنر ران ڈی سینٹیس نے اگست میں تمام سکول کھولنے کا فیصلہ کیا ہے۔
تاہم اساتذہ نے حکومت پر بچوں کو ’گنی پگز‘ سمجھنے اور ’تجربات‘ کے لیے استعمال کرنے کا الزام لگایا ہے۔
24 جولائی 2020اسلام آباد: گذشتہ روز کورونا کے ’نئے متاثرین کی شرح 1.8 فیصد رہی‘
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
پاکستان کے وفاقی دارالحکومت اسلام آباد میں گذشتہ روز کورونا وائرس کے 44 نئے متاثرین کی تصدیق ہوئی۔
ضلعی صحت کے افسر کا کہنا ہے کہ 2351 ٹیسٹ کیے گئے جن میں سے صرف 44 افراد کے نتائج مثبت آئے۔ ’ٹیسٹ مثبت آنے کی شرح صرف 1.8 فیصد رہی۔‘
ان میں 22 مرد اور 22 خواتین شامل ہیں۔
24 جولائی 2020سواب ٹیسٹ کے بارے میں بے بنیاد دعوؤں کی حقیقت
،تصویر کا ذریعہAL SEIB
دماغ کی حفاظت کرنے کے لیے کئی حفاظتی تہیں ہوتی ہیں۔ اس میں سب سے پہلے تو گردن ہی ہے۔ اس کے علاوہ بھی دماغ کئی حفاظتی جھلیوں اور سیال میں گھرا ہوا ہوتا ہے۔
خون کی وہ رگیں جو دماغ سے ملتی ہیں، وہ خلیوں کی تہوں میں گھری ہوتی ہیں جو خون میں شامل مالیکیولز کو دماغ تک پہنچنے سے روکتی ہیں جبکہ یہ آکسیجن اور غذائی اجزا کو دماغ تک جانے دیتے ہیں۔
ناک میں ڈالے جانے والے سویب کو دماغ کو خون سے محفوظ رکھنے والی تہہ تک پہنچنے کے لیے بافتوں کی متعدد تہوں کو توڑنا اور ایک ہڈی کو ڈرل کرنا ہوگا۔
مکمل تحریر
24 جولائی 2020ڈزنی نے کورونا کے باعث اپنی بلاک بسٹر فلموں کی ریلیز ملتوی کر دی
24 جولائی 2020کورونا وائرس: شہباز قلندر کے مزار کی بندش سے سیہون کی معیشت متاثر
پاکستان میں شہباز قلندر کے مزار کا شمار ملک کے بڑے مزارات میں ہوتا ہے مگر کورونا وائرس کی عالمی وبا کے باعث یہ مزار تقریباً پانچ ماہ سے بند ہے۔
اس بندش سے سیہون شہر کی معیشت کیسے متاثر ہو رہی ہے ، دیکھتے ہیں ریاض سہیل اور محمد نبیل کی اس رپورٹ میں۔
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
24 جولائی 2020چین میں مسافر پروازوں کی یومیہ تعداد میں اضافہ ہونے لگا
،تصویر کا ذریعہReuters
چین کے محکمہ شہری ہوابازی نے کہا ہے کہ چین میں یومیہ مسافر پروازوں کی تعداد کورونا وائرس سے پہلے کی سطح کے 80 فیصد تک پہنچ چکی ہے۔
یاد رہے کہ دنیا بھر میں کورونا وائرس کی وجہ سے سفر میں کمی ہوئی ہے جس کے باعث ہوابازی کی صنعت کو شدید خسارہ اٹھانا پڑا ہے۔
سول ایوی ایشن ایڈمنسٹریشن آف چائنہ نے کہا کہ 23 جولائی کو چینی ایئرلائنز نے 13 ہزار 59 پروازیں چلائیں۔
چین میں حالیہ چند دنوں میں کورونا کے نئے متاثرین سامنے آئے ہیں تاہم مقامی طور پر سفر میں اضافہ ہوا ہے کیونکہ سفری پابندیوں میں نرمی ہوئی ہے اور فضائی کرائے بھی کم ہوئے۔
اس کے علاوہ بیجنگ پہلے سے زیادہ بین الاقوامی پروازوں کو ملک میں داخلے کی اجازت دے رہا ہے تاہم تمام مسافروں کے لیے کورونا کے منفی ٹیسٹ کا حامل ہونا لازم قرار دیا گیا ہے۔
24 جولائی 2020کورونا وارڈ سے بی بی سی کی خصوصی دستاویزی فلم کیسے بنائی گئی؟
بی بی سی اردو کی فرحت جاوید اور موسیٰ یاوری نے پمز ہسپتال کے کورونا وائرس کے آئی سی یو سے خصوصی دستاویزی فلم پیش کی۔
اس فلم کی تیاری کے دوران انھیں کیا احتیاطی تدابیر اپنانی پڑیں، یہ دیکھیے اس ڈیجیٹل ویڈیو میں۔
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
پمز کے کورونا وائرس آئی سی یو سے بی بی سی اردو کی خصوصی دستاویزی فلم دیکھنے کے لیے اس لنک پر کلک کریں:https://bbc.in/39g0gEr
24 جولائی 2020کورونا وائرس: جنوبی افریقہ میں سرکاری سکول بند کیے جائیں گے
،تصویر کا ذریعہReuters
جنوبی افریقہ میں کورونا وائرس کے متاثرین کی تعداد میں اضافے کے بعد وہاں پر سرکاری سکولوں کو ایک ماہ کے لیے بند کر دیا گیا ہے۔
جانز ہاپکنز یونیورسٹی کے مطابق ملک میں کورونا کے مصدقہ متاثرین کی تعداد چار لاکھ سے تجاوز کر چکی ہے اور چھ ہزار سے زائد لوگ اب تک وہاں ہلاک ہو چکے ہیں۔
اس اقدام کا نفاذ پیر کے دن سے ہوگا اور غریب گھرانوں کے وہ طلبا جنھیں سکول کی جانب سے خوراک فراہم کی جاتی ہے، انھیں سکولوں کی بندش کے دوران بھی غذا دی جاتی رہے گی۔
صدر سیرل رامافوسا نے کہا کہ سکولوں کو بند کرنا وائرس کا پھیلاؤ روکنے کے لیے ضروری ہے۔
اس سے قبل سکول مارچ میں پہلے لاک ڈاؤن کے دوران بند کیے گئے تھے تاہم کچھ تدریسی سرگرمیاں گذشتہ ماہ کے اوائل میں دوبارہ شروع ہوگئی تھیں۔
24 جولائی 2020آئی پی ایل کے میچز ستمبر سے متحدہ عرب امارات میں ہوں گے
،تصویر کا ذریعہIPL
انڈین پریمیئر لیگ کرکٹ ٹورنامنٹ جو اس سال کورونا وائرس کی وبا کے باعث ملتوی کر دیا گیا تھا، اب ستمبر سے لے کر نومبر تک متحدہ عرب امارات میں ہوگا۔
آئی پی ایل کے چیئرمین برجیش پٹیل نے بتایا ہے کہ یہ ٹورنامنٹ 19 ستمبر سے شروع ہوگا اور اس کا فائنل آٹھ نومبر کو کھیلا جائے گا۔
برجیش پٹیل نے پریس ٹرسٹ آف انڈیا کو بتایا کہ آئی پی ایل کی گورننگ کونسل اگلے ہفتے کی ملاقات میں پروگرام کو حتمی شکل دے گا۔
متحدہ عرب امارات کے شہروں دبئی، ابوظہبی اور شارجہ میں تین بڑے کرکٹ کے میدان ہیں اور میچز انھی میدانوں میں ہونے کی توقع ہے۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
24 جولائی 2020انڈیا میں کورونا وائرس کے ایک دن میں 49 ہزار نئے متاثرین
،تصویر کا ذریعہReuters
انڈیا میں جمعے کو کورونا وائرس کے ریکارڈ 49 ہزار نئے متاثرین سامنے آئے ہیں جبکہ 740 افراد ہلاک ہوئے ہیں۔
یہ انڈیا میں اب تک متاثرین کی سامنے آنے والی سب سے بڑی تعداد ہے۔ ملک میں کورونا سے 30 ہزار سے زائد افراد ہلاک ہو چکے ہیں۔
مغربی ریاست مہاراشٹر سب سے زیادہ متاثرہ علاقہ ہے جہاں اب تک ساڑھے تین لاکھ سے زیادہ متاثرین سامنے آ چکے ہیں اور جن کا 60 فیصد ملک کے معاشی دارالحکومت ممبئی اور اس کے مضافاتی علاقوں سے تعلق رکھتا ہے۔
انڈیا میں طبی حکام کی جانب سے ہسپتال میں داخل مریضوں کے لیے دواؤں کی کمی کی شکایات بھی سامنے آ رہی ہیں۔
24 جولائی 2020’میں آکسفورڈ کی کورونا ویکسین کے تجربے کا حصہ ہوں‘
24 جولائی 2020استنبول کی آیا صوفیہ میں کورونا ایس او پیز کے ساتھ نمازِ جمعہ کی ادائیگی
،تصویر کا ذریعہGetty Images
ترکی کے شہر استنبول میں حال ہی میں دوبارہ مسجد قرار دی گئی عمارت آیا صوفیہ میں آج جمعے کی نماز ادا کی جائے گی۔
استنبول کے گورنر علی یرلیکایا نے نماز میں شرکت کرنے والوں سے اپیل کی کہ وہ اپنے ساتھ 'چہرے کے ماسک، جائے نماز، صبر اور سمجھ ساتھ لے کر آئیں۔'
ترکی کے وزیر مذہبی اُمور علی ارباس نے کہا کہ تقریباً ایک ہزار لوگ یہاں بیک وقت نماز ادا کر سکیں گے۔ انھوں نے کہا کہ اندر کچھ 'تبدیلیاں' کی گئی ہیں اور یہ جگہ پوری رات کھلی رہے گی۔
24 جولائی 2020عالمی ادارہ صحت کی امریکی وزیر خارجہ کے بیانات کی مذمت
،تصویر کا ذریعہGetty Images
عالمی ادارہ صحت نے امریکی وزیر خارجہ مائیک پومپیو کے 'ناقابل قبول' بیانات کی مذمت کی ہے جس میں انھوں نے کہا تھا کہ ڈبلیو ایچ او کو چین چلا رہا ہے۔
ڈبلیو ایچ او کے ڈائریکٹر جنرل ٹیڈروس ادھانوم غیبریسیئس نے کہا کہ یہ الزامات 'غیر مصدقہ، ناقابلِ قبول اور بے بنیاد ہیں۔'
انھوں نے کہا کہ ان کے ادارے کی توجہ 'ان بیانات سے متاثر نہیں ہوگی۔'
ڈبلیو ایچ او پر امریکی انتظامیہ کی جانب سے مسلسل تنقید کی جاتی رہی ہے اور امریکہ کے صدر ڈونلڈ ٹرمپ نے اس پر الزام عائد کیا ہے کہ ادارے نے بیجنگ کو اس وبا کے معاملے پر ڈھیل دیے رکھی۔
ٹرمپ نے مئی میں کہا تھا کہ چین کا 'عالمی ادارہ صحت پر مکمل کنٹرول ہے۔'
اس حوالے سے بی بی سی ریئلٹی چیک کے مضمون میں پڑھیے کہ صدر ٹرمپ کے عالمی ادارۂ صحت پر الزامات کی حقیقت کیا ہے۔
24 جولائی 2020انڈیا: کورونا سے متاثرہ لڑکی پر قرنطینہ مرکز میں ایک اور مریض کا جنسی تشدد
،تصویر کا ذریعہGetty Images
انڈیا کے دارالحکومت دلی میں کورونا وائرس کے قرنطینہ مرکز میں ایک 14 سالہ لڑکی کو مبینہ طور پر ایک اور مریض نے جنسی تشدد کا نشانہ بنایا ہے۔
19 سالہ ملزم اور اس واقعے کی مبینہ طور پر ویڈیو بنانے والے شخص کو پولیس کے مطابق گرفتار کر لیا گیا ہے۔
تینوں افراد میں کورونا وائرس کی تشخیص ہوئی تھی اور ان میں میں معتدل علامات تھیں۔ ان تینوں کو دس ہزار بستروں پر مشتمل انڈیا کے سب سے بڑے قرنطینے میں رکھا گیا تھا۔ یہ مبینہ واقعہ 15 جولائی کو پیش آیا تاہم اس کی خبر اب سامنے آئی ہے۔
پولیس نے اخبار انڈین ایکسپریس کو بتایا کہ انھوں نے دونوں افراد کے خلاف مقدمہ درج کر لیا ہے۔
انڈیا میں کورونا وائرس کے 12 لاکھ سے زیادہ مصدقہ متاثرین ہیں جو دنیا میں تیسری بڑی تعداد ہے۔ مگر یہاں کے قرنطینہ مراکز سے پہلی مرتبہ ایسی خبر سامنے نہیں آئی ہے۔
گذشتہ ہفتے ایک خاتون کو ممبئی کے ایک قرنطینہ مرکز میں مبینہ طور پر جنسی تشدد کا نشانہ بنایا گیا تھا جبکہ ریاست بہار کے شہر پٹنہ میں ایک آئسولیشن وارڈ کے اندر ایک کمسن لڑکی کا مبینہ طور پر ریپ کرنے پر ایک شخص کو گرفتار کیا گیا تھا۔
24 جولائی 2020آسٹریلیا کی آبادی میں سو سال کا کم ترین اضافہ متوقع
،تصویر کا ذریعہEPA
آسٹریلیا میں اس سال آبادی میں ہونے والا اضافہ سو سال کی کم ترین سطح پر ہوگا۔
سرحدی بندشوں اور امیگریشن میں تاخیر کی وجہ سے آبادی میں اضافہ سالانہ دو فیصد کے بجائے صفر اعشاریہ چھ فیصد رہے گا۔
کئی دہائیوں تک تارکینِ وطن کی وجہ سے آسٹریلیا کی آبادی میں اضافہ ہوا ہے اور نتیجتاً اس کی معیشت نے ترقی پائی ہے۔
گذشتہ روز آسٹریلیا کے محکمہ خزانہ کے ڈیٹا سے یہ بات سامنے آئی تھی کہ آسٹریلیا کی معیشت دوسری عالمی جنگ کے بعد سے اب تک کی بدترین صورتحال کی شکار ہے۔
حکومتی قرضہ ملک کی مجموعی قومی پیداوار کے ایک چوتھائی حصے تک پہن چکا ہے جو کہ 488 ارب آسٹریلین ڈالر کے برابر ہے۔
اس وقت آسٹریلیا میں حکومت کی تمام کوششیں وائرس کا پھیلاؤ روکنے پر مرکوز ہیں جس سے سب سے زیادہ میلبرن اور سڈنی متاثر ہو رہے ہیں۔
میلبرن میں کونٹیکٹ ٹریسنگ کے لیے مزید دو ہزار فوجی اہلکار بھیجے جائیں گے۔ ریاست وکٹوریا میں جمعے کو 300 نئے متاثرین سامنے آئے۔
24 جولائی 2020کورونا وائرس: چین میں تمام ٹینس مقابلے منسوخ کر دیے گئے
،تصویر کا ذریعہGetty Images
راوں سال چین میں انعقاد کے لیے طے شدہ تمام ٹینس مقابلوں کو کورونا وائرس کے خدشات کے پیشِ نظر منسوخ کر دیا گیا ہے۔ ان مقابلوں میں شنگھائی ماسٹرز اور ڈبلیو ٹی اے فائنلز شامل تھے۔
خبر رساں ادارے اے ایف پی نے وومین ٹینس ایسوسی ایشن (ڈبلیو ٹی اے) کے سربراہ سٹیو سائمن کے حوالے سے بتایا کہ انھوں نے اس فیصلے کا خیر مقدم کیا ہے تاہم ایونٹس کی منسوخی پر مایوسی کا اظہار بھی کیا ہے۔
ڈبلیو ٹی اے کا ووہان اوپن ایونٹ منسوخ ہوا ہے جو اکتوبر میں منعقد ہونا تھا۔ ایسوسی ایشن آف ٹینس پروفیشنلز (اے ٹی پی) نے کہا کہ وہ شنگھائی ماسٹرز اور بیجنگ میں منعقد ہونے والا چائنہ اوپن منسوخ کریں گے۔