انڈیا میں ایک دن میں پونے چار لاکھ نئے متاثرین، پاکستان میں مزید 151 ہلاکتیں

لائیو کوریج

1. 27 اپريل 2021بریکنگ, انڈیا میں تین لاکھ 23 ہزار سے زیادہ نئے مریض، 2771 اموات

   

   ،تصویر کا ذریعہGetty Images

   انڈیا میں گذشتہ 24 گھنٹوں کے دوران ایک بار پھر تین لاکھ سے زائد نئے مریض سامنےآئے ہیں۔ انڈیا کی وزارت صحت کی جانب سے جاری کردہ اعداد و شمار کے مطابق گذشتہ 24 گھنٹوں میں کورونا کے 323144 نئے مریض سامنے آئے ہیں جبکہ 2771 مزید ہلاکتیں ہوئی ہے۔

   انڈیا میں کورونا کی دوسری لہر نے تباہی مچا رکھی ہے اور گذشتہ ایک ہفتے سے زائد کے دوران ملک میں متاثرین کی یومیہ تعداد تین لاکھ سے زیادہ ہے۔

   انڈیا کی وزارت صحت کے مطابق انڈیا میں مجموعی طور پر176,36,307 افراد کورونا سے متاثر ہو چکے ہیں جبکہ ایک لاکھ 97 ہزار سے زائد اموات ہو چکی ہیں۔

   ملک میں کورونا کے بڑھتے مریضوں کے باعث صورتحال بہت سنگین ہو چکی ہے، دہلی اور ممبئی جیسے بڑے شہروں سمیت ملک کے بیشتر شہروں کے ہسپتالوں میں مریضوں کو داخل کرنے کی گنجائش ختم ہونے کے ساتھ ساتھ ملک میں آکسیجن کی فراہمی کا سنگین بحران جاری ہے۔

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

2. 27 اپريل 2021برطانیہ کی جانب سے بھیجے گئے 100 وینٹیلیٹرز انڈیا پہنچ گئے

   

   ،تصویر کا ذریعہ@MEAIndia

   انڈیا کی وزارت خارجہ کا کہنا ہے کہ برطانیہ جانب سے کورونا وائرس کے باعث پیدا ہونے والے سنگین حالات سے نمٹنے کے لیے برطانیہ کی جانب سی بھیجی گئی امداد انڈیا پہنچ گئی ہے۔

   برطانیہ کی جانب سے انڈیا کو بھیجی گئی امداد کی پہلی کھیپ میں 100 وینٹیلیٹرز، 95 آکسیجن سلنڈرز، اور ضروری ادویات شامل ہیں۔

   ایک روز قبل برطانیہ کے وزیر اعظم بورس جانسن نے کہا تھا کہ وہ انڈیا کو 600 طبی آلات بطور امداد بھیجیں گے جن میں 300 سے زائد آکسیجن سلنڈرز شامل ہیں۔

   انڈیا کو امداد کی کل نو کھیپ بھیجی جائیں گی جس میں سے پہلی کھیپ منگل کی صبح دہلی پہنچ گئی ہے۔

   انڈیا میں کورونا وبا کی دوسری لہر نے تباہی مچا رکھی ہے اور گذشتہ ایک ہفتے کے دوران ملک میں یومیہ متاثرین کی تعداد تین لاکھ سے زائد ہے۔

   ملک میں آکسیجن کی فراہمی کا سنگین بحران ہے اور حکومت اس سے نمٹنے کی ہر ممکن کوشش کر رہی ہے۔

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

3. 27 اپريل 2021پاکستان میں گذشتہ 24 گھنٹوں میں 142 اموات، 4487 نئے مریض

   

   ،تصویر کا ذریعہGetty Images

   پاکستان میں کورونا کی تیسری لہر میں شدت آتی جا رہی ہے اور گذشتہ 24 گھنٹوں میں ملک میں کورونا کے 4487 نئے مریضوں کی تصدیق ہوئی ہے جبکہ 142 افراد کی وائرس کے باعث ہلاک ہوئے ہیں۔

   کورونا کے باعث سب سے زیادہ ہلاکتیں صوبہ پنجاب ہوئی ہیں۔ ملک میںاس وقت فعال کیسز کی تعداد 87 ہزار سے زیادہ ہو چکی ہے۔

   حکومت نے عوام سے احتیاطی تدابیر پر سختی سے عمل کرنے کا کہا ہے اور ایس او پیز پر عملدرآمد کروانے کے لیے پاکستانی فوج کی بھی مدد طلب کی ہے۔

   ملک میں کورونا کی حالیہ لہر میں شدت کے باعثملک کے ہسپتالوں پر دباؤ بڑھ رہا ہے۔

   دوسری جانب وفاقی حکومت نے آج سے ملک میں 40 سال اور اس سے زائد عمر کے افراد کی کورونا ویکسینیشن کی رجسٹریشن کا آغاز کر دیا ہے۔

4. 27 اپريل 2021دوستوں کو افطار پارٹی دینے پر خیبر پختونخوا کے وزیر صحت تیمور سلیم جھگڑا کے خلاف مقدمہ

   

   ،تصویر کا ذریعہSOCIAL MEDIA

   پاکستان کے صوبے خیبر پختونخوا کے وزیر صحت تیمور سلیم جھگڑا کو کورونا وبا کے دوران دوستوں کے لیے افظار پارٹی مہنگی پڑ گئی ۔ پشاور کی ضلعی انتظامیہ نے وزیر صحت ، نجی ریسٹورٹ کے مالک اور مینیجر کے خلاف مقدمہ درج کر لیا ہے۔

   یہ ایف آئی آر اسسٹنٹ کمشنر متنی عادل ایوب کی مدعیت میں کورونا ایس او پیز کی خلاف ورزی کرنے پر تھانہ سر بند میں درج کی گئی ہے۔

   سوشل میڈیا پرکل رات یہ خبر وائرل ہوئی کہ حجرہ ریسٹورنٹ کورونا ایس او پیز کی وجہ سے بند تھا لیکن صوبائی وزیر نے دوستوں کے لیے ریسٹفورنٹ کھول کر افطاری دی۔

   سوشل میڈیا پر گردش کرنے والی اس مختصر عبارت میں یہ لکھا گیا تھا کہ ضلعی انتظامیہ صرف غریبوں کی دکانوں کو بند کرانے اور جرمانے عائد کرنے پر لگی ہوئی ہے اب ان کے خلاف کون ایکشن لے گا۔

   اس کے بعد ضلعی انتطامیہ متحرک ہوئی اور رات دیر سے یہ ایف آئی آر درج کی گئی ہے۔ اس بارے میں ضلعی انتظامیہ کی جانب سے بیان بھی جاری ہوا ہے جس میں کہا گیا ہے کہ قانون سے بالا تر کوئی نہیں جو بھی حکومتی احکامات کی خلاف ورزی کرے گا ان کے خلااف کارروائی ہوگی۔

   ڈپٹی کمشنر پشاور کی جانب سے جاری بیان میں کہا گیا ہے سارا ملبہ عوام پر ڈال دیا جاتا ہے۔

   عوام ہزار بار احتیاط کرے گی لیکن ایسی تصاور دیکھ کر عوام کو شک ہوتا ہے کہ اگر یہ جان لیوا ہے تو کیا ان لوگوں کو جان کی فکر نہیں ہے۔

   سوشل میڈیا پر یہ خبروائرل ہوئی تو اس وقت وہ تصاور بھی جاری ہوئیں جس میں صوبائی وزیر صحت تیمور سلیم جھگڑا اور ان کے ساتھ افطاری کے لیے بیٹھے ہیں۔

   پاکستان میں جب سے کورونا وائرس کی وبا آئی ہے صوبائی وزیر صحت تیمور سلیم جھگڑا خود بار بار ذرائع ابلاغ اور عوامی مقامات پر کورونا وائرس سے بچاؤ کے لیے احتیاط برتنے کی تلقین کرتے رہے ہیں اور اس بارے میں سوشل میڈیا پر بھی بڑے متحرک نظر آتے ہیں۔ روزانہ صبح سویرے ٹویٹر پر وہ کورونا وائرس کے اعداد وشمار جاری کرتے ہیں اور یہ بتانے کی کوشش کرتے ہیں کہ وائرس پھیل رہا ہے اور اس سے محتاط ہونے کی ضرورت ہے۔

5. 27 اپريل 2021کیا خام مال کی کمی نے انڈیا کی ویکسین کی پیداوار کو متاثر کیا؟

6. 27 اپريل 2021وہ شخص جو اپنا سونا اور گاڑی بیچ کر لوگوں کو آکسیجن پہنچا رہا ہے

7. 26 اپريل 2021بلوچستان میں 15 دن تک پانچ اور اس سے زیادہ افراد کے اجتماع پر پابندی

   حکومت بلوچستان نے کورونا کی تیسری لہر میں اضافے کے پیش نظر پانچ یا پانچ سے زائد افراد کے اجتماع سمیت ہر قسم کے اجتماعات اور جلسے جلوسوں پر پابندی عائد کی ہے۔

   محکمہ داخلہ حکومت بلوچستان کے ایک نوٹیفیکیشن کے مطابق یہ پابندی 15 یوم کے عائد رہے گی۔

   اس سے قبل اعلان ہوا تھا کہ ہائی اسکولز اور ہائیر سیکنڈری سکولز بھی عید تک بند رہیں گے۔

   سیکریٹری تعلیم حکومت بلوچستان کی جانب سے جاری ہونے والے ایک نوٹیفیکیشن کے مطابق ہائی سکولز کی بندش کا فیصلہ کورونا کی تیسری لہرمیں کیسز میں اضافے کے پیش نظر کیا گیا ۔ تاہم نویں اور دسویں جماعت کے امتحانات معمول کے مطابق جاری رہیں گے۔ اس سے قبل مڈل تک تعلیمی اداروں کو بند کیا گیا تھا۔

   

8. 26 اپريل 2021سپین کی ’بل ریس‘ دوسرے سال بھی ملتوی

   

   ،تصویر کا ذریعہReuters

   سپین کے شہر پامپلونہ نے جالیس برس سے جاری بِل ریس کو کورونا وائرس کی وجہ سے ملسلسل دوسرے سال ملتوی کر دیا ہے۔

   سان فرمن فیسٹیول جس میں گانا گایا جاتا ہے، ڈانس کیا جاتا ہے اور شراب نوشی ہوتی ہے کو اپنے شیڈیول کے مطابق رواں برس جولائی میں منعقد ہونا تھا۔

   میئر شہر کے مئیر انریک مایا نے ایک پریس کانفرنس میں اس کا اعلان کیا۔

   انھوں نے رپورٹرز کو بتایا کہ اس تقریب کا انعقاد ’بہت زیادہ خطرے‘ کا باعث ہو سکتا ہے کیونکہ ابھی جن لوگوں کو ویکسین لگ سکی ہے ان کی تعداد بہت کم ہے۔

9. 26 اپريل 2021امریکی شہری شاید اس بار گرمیوں میں یورپ میں چھٹیاں گزار سکیں

   

   ،تصویر کا ذریعہReuters

   ہو سکتا ہے کہ اس بار کی گرمیوں میں وہ امریکی شہری جنھوں نے مکمل طور پر ویکسین لگوا لی ہے وہ یورپی ممالک کا سفر کر پائیں۔

   یورپین کمیشن کی صدر ارسلہ وان ڈیر نے نیو یارک ٹائمز کو بتایا ہے کہ ایسا ہو سکتا ہے اگر دونوں جانب سے ایک ہی ویکسین کی تصدیق کی جائے۔

   تاہم ان کا کہنا تھا کہ ان کو ابھی اس بارے میں کوئی حتمی ٹائم ٹیبل نہیں ملا اوراس کا انحصار وبائی صورتحال پر ہوگا۔

   خیال رہے کہ یورپی ممالک نے امریکہ سے اپنے ہاں غیر ضروری سفر پر ایک سال سے زیادہ عرصے سے پابندی عائد کر رکھی ہے۔

   امریکہ نے ابھی تک سیر و تفریح کے لیے یورپی یونین اور برطانیہ کے سفر پر پابندی لگا رکھی ہے۔ اس بارے میں کچھ تجاویز تو موجود ہیں کہ جن سے ان پابندیوں کو ہٹایا جا سکتا ہے لیکن اس ضمن میں ابھی کوئی بھی اعلان نہیں ہوا۔

10. 26 اپريل 2021فوج کے اہلکار بھی کورونا کو کنٹرول کرنے کے لیے انتظامیہ اور پولیس کے ہمراہ تعینات

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

    پاکستان کے مختلف شہروں میں حکومت کی جانب سے ایس او پیز کے نفاذ کو یقینی بنانے کے لیے فوج کی خدمات بھی لی جا رہی ہیں۔

    پاکستان تحریک انصاف کے ٹوئٹر اکاؤنٹ سے صوبہ خیبر پختونخواہ کی کچھ تصاویر شیئر کی گئی ہیں جہاں پولیس اور انتطامیہ کے اہلکاروں کے علاوہ عوامی مقامات اور مارکیٹس میں فوجی اہلکار بھی دکھائی دے رہے ہیں۔

11. 26 اپريل 2021مودی اور بائیڈن کی کورونا سے نمٹنے اور انڈیا کو ویکسین کے خام مال کی سپلائی پر تفصیلی بات چیت

    انڈیا کے وزیراعظم نریندر مودی نے کہا ہے کہ انھوں نے امریکی صدر سے گفتگو میں ویکسین کے لیے خام مال اور ادویات کی بلا رکاوٹ اور موثر طور پر فراہمی کی اہمیت پر زور دیا ہے۔

    سماجی رابطوں کی ویب سائٹ ٹوئٹر پر اپنے پیغام میں نریندر مودی نے کہا کہ انڈیا اور امریکہ کی شعبہ صحت میں شراکت داری کووڈ کے عالمی چیلنج سے نمٹ سکتی ہے۔

    نریندر مودی نے کہا کہ ان کی امریکی صدر جوبائیڈن سے آج نتیجہ خیز گفتگو ہوئی ہے۔ ان کا کہنا تھا کہ ہم نے دونوں ملکوں میں کوویڈ کی بدلتی ہوئی صورتحال پر تفصیل سے بات کی ہے۔ ان کا کہنا تھا کہ میں نے امریکہ کی جانب سے انڈیا کو دی جانے والی امداد پر ان صدر جو بائیڈن کا شکریہ ادا کیا۔

    خیال رہے کہ امریکا کا کووڈ ویکسین سے متعلق خام اشیا انڈیا کو درآمد کرنے پر مبینہ طور پر پابندی سے متعلق ہنگامے کے بعد بالآخر گذشتہ روز امریکی حکومت نے اس کی فراہمی کی اجازت دے دی تھی۔

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

12. 26 اپريل 2021کراچی اور حیدر آباد میں کورونا وائرس کے مثبت کیسز کی شرح میں اضافہ

    سندھ حکومت کے ترجمان مرتضیٰ وہاب صدیقی کا کہنا ہے کہ سندھ میں گذشتہ سات دنوں میں 90564 ٹیسٹ کیے گئے جن میں سے 5845 افراد میں کورونا کی تشخیص ہوئی ہے۔

    سماجی رابطوں کی ویب سائٹ ٹوئٹر پر اپنے پیغام میں ان کا کہنا تھا کہ کراچی ڈویژن میں کورونا وائرس کے پوزیٹو کیسز کی شرح دس اعشاریہ چار نو فیصد اور ڈسٹرکٹ حیدرآباد میں پندرہ اعشاریہ دو پانچ فیصد ہے۔

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

13. 26 اپريل 2021سندھ کے تمام تعلیمی ادارے 17 مئی تک بند

    سندھ حکومت کی جانب سے جاری نوٹیفکیشن کے مطابق 27 اپریل سے 17 مئی تک پہلی سے بارہویں جماعت تک کے تمام سرکاری اور نجی تعلیمی ادارے بند رہیں گے۔

    سکول ایجوکیشن اینڈ لٹرری ڈیپارٹمنٹ کی جانب سے جاری مراسلے میں تعلیمی اداروں کو کہا گیا ہے کہ وہ بچوں کو آن لائن پڑھائیں اور واٹس ایپ/ ای میل یا پھر ہفتے میں ایک بار جو بھی مناسب و محفوظ طریقہ کار ہو اس کے تحت طلبا و طالبات کو ہوم ورک دیں۔

14. 26 اپريل 2021ایران میں ایک روز میں 496 ہلاکتیں

    

    ،تصویر کا ذریعہEPA

    ایران کے سرکاری اعداد و شمار کے مطابق ملک میں ایک روز میں 496 افراد کورونا وائرس کے باعث ہلاک ہوئے۔ کورونا وائرس کی وبا پھوٹنے کے بعد سے اب تک ایک دن میں ہلاکتوں کی یہ سب سے زیادہ تعداد ہے۔

    وزارت صحت کا کہنا ہے کہ حالیہ اعدادو شمار میں 70070 افراد ہلاک ہو چکے ہیں جبکہ 20 لاکھ سے زیادہ کورونا سے متاثر ہو چکے ہیں۔

    بی بی سی فارسی کی تحقیق کے مطابق سرکاری اور غیر سرکاری طور پر جاری ہونے والے بیانات سے ظاہر ہوتا ہے کہ اصل کورونا متاثرین اور ہلاکتوں کی تعداد کہیں زیادہ ہو سکتی ہے۔

    تہران میں کورونا سے نمٹنے کے لیے ہیڈ کوارٹر میں ڈپٹی ڈایریکٹر نادر تواکولی نے کہا کہ اگلے دو ہفتوں میں ہسپتالوں میں مریضوں کی تعداد زیادہ ہو گی۔

    ان کا کہنا تھا کہ اس وقت تہران کے ہسپتالوں میں 1400 افراد داخل ہو رہے ہیں اور وہاں آئی سی یو میں مزید مریضوں کے لیے جگہ نہیں ہے۔

15. 26 اپريل 2021بریکنگ, بلوچستان میں عید الفطر تک تمام سکولز بند کرنے کا فیصلہ

    کورونا کے کیسز میں اضافے کے پیش نظر بلوچستان میں بھی ہائی سکولز اور ہائیر سیکنڈری سکولز کو فوری طور پر عید الفطر تک بند رکھنے کا فیصلہ کیا گیا ہے۔

    سیکریٹری تعلیم حکومت بلوچستان کی جانب سے جاری ہونے والے ایک نوٹیفیکیشن کے مطابق ہائی سکولز کی بندش کا فیصلہ کورونا کی تیسری لہر میں کیسز میں اضافے کے پیش نظر کیا گیا ہے۔ تاہم نویں اور دسویں جماعت کے امتحانات معمول کے مطابق جاری رہیں گے۔

    خیال رہے کہ اس سے قبل مڈل تک تعلیمی اداروں کوبند کیا گیا تھا۔

16. 26 اپريل 2021کورونا کی بگڑتی صورتحال، چین کی انڈیا کو مدد کی پیشکش

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

    چین نے انڈیا میں کورونا کے باعث بگڑتی ہوئی صورتحال پر تشویش کا اظہار کیا ہے۔

    چین کی وزیر خارجہ ہوا چنینگ نے کہا ہے کہ اگر انڈیا ہمیں اپنی مخصوص ضروریات سے آگاہ کرے تو ہم اس کی مدد کے لیے تیار ہیں۔

    خیال رہے ک انڈیا میں 35 لاکھ سے زیادہ کورونا کیسز اتوار کو رپورٹ ہوئے۔

    دارالحکومت دلی کے ہسپتالوں میں مریضوں کے لیے بستر اور آکسیجن سپلائی کی شدید قلت کا سمانا ہے۔ بہت سے لوگ اپنی جانیں گنوا چکے ہیں۔

    چین کے علاوہ برطانیہ، امریکہ، فرانس، جرمنی اور پاکستان نے بھی انڈیا کو مدد کی پیشکش کی ہے۔

17. 26 اپريل 2021’پاکستان فوج عوام کی صحت اور تحفظ کے لیے ہر ممکن اقدامات کرے گی‘

    

    ،تصویر کا ذریعہGetty Images

    پاکستانی فوج کے ترجمان ادارے آئی ایس پی آر نے کہا ہے کہ پیر کی صبح سے ملک کے مختلف شہروں میں حکومت کے احکامات کے تحت ہر سول ادارے کی معاونت کے لیے فوج کے اہلکار تعینات کر دیے گئے ہیں۔ انھوں نے بتایا کہ فوج آئین کی دفعہ 245 کے تحت طلب کی گئی ہے۔

    آئی ایس پی آر کے ترجمان میجر جنرل بابر افتخار نے یپر کی شام ایک مختصر پریس کانفرنس میں کہا کہ پاکستان فوج عوام کی صحت اور تحفظ کے لیے ہر ممکن اقدامات کرے گی۔

    ان کا کہنا تھا کہ کورونا وبا کے دوران پاکستانی فوج ایمرجنسی رسپانڈنٹ کے طور پر دیگر قانون نافذ کرنے والے اداروں کی معاونت کرے گی۔

    ان کا کہنا تھا کہ کورونا کی یہی صورتحال بر قرار رہی تو انڈسٹری کیلئےمختص آکسیجن بھی صحت کےشعبےکووقف کرنا پڑسکتا ہے۔

    ان کا کہنا تھا کہ ملک کے 51 شہروں میں کورونا مثبت کیسزکی شرح 5 فیصد سے بھی زیادہ ہے۔

    ملک میں چند ایسے ہسپتال بھی ہیں جہاں 90 فیصد سے زیادہ وینٹی لیٹرز زیر استعمال ہیں۔

    ان کا کہنا تھا کہ ملک بھرمیں570 افراد وینٹی لیٹر پرہیں اور 3400 مریضوں کی حالت نازک ہے۔

    ڈی جی آئی ایس پی آر کے مطابق آئین کے آرٹیکل245کے تحت ملک بھر میں ہر انتظامی ڈویژنز کی سطح پر ایک ٹیم تعینات کر دی گئی ہے۔ جس کی سربراہی بریگیڈئیر رینک کے آفیسر کریں گے۔

    ان کا کہنا تھا کہ ہرضلع کی سطح پر لیفٹیننٹ کرنل کی سربراہی میں آرمی ٹروپس سول انتظامیہ کی مدد کریں گے ۔

18. 26 اپريل 2021پابندیوں میں نرمی: سکاٹ لینڈ کے قحبہ خانوں کے ملازمین اور کسٹمرز کے لیے خوشی کا دن

    

    ،تصویر کا ذریعہGetty Images

    دنیا میں ڈرنک کرتے ہوئے لوگ ایک دوسرے کو ’چیرز‘ بولتے ہیں لیکن سکاٹ لینڈ میں یہ لفظ بدل کا سلانچہ بن جاتا ہے جس کا مطلب ہے ہیلتھ یعنی صحت۔

    یہ شاید کچھ جلدی ہے لیکن اس وقت سکاٹ لینڈ میں لوگ چار ماہ کے انتظار کے بعد بالآخر بار میں ڈرنک کرنے میں کامیاب ہو چکے ہیں اور یہ ان کے لیے خوشی کے لمحات ہیں۔

    بار سٹاف کے لیے یہ اپنے کام کی جگہ پر پھر سے ویکلم کیے جانے جیسا ہے جھوں نے سردیوں کا مشکل وقت کاٹا ہے۔

    سکاٹ لینڈ میں کورونا کے ضابطہ اخلاق میں نرمی کیے جانے میں اب شراب بار کے باہر بیٹھ کر پی جا سکتی ہے۔ کیفے، پب اور ریسٹورنٹس کو اجازت ہے کہ وہ رات بارہ بجے تک اِن ڈور بھی خوراک سرو کر سکتے ہیں تاہم یہ نرمی شراب سرو کرنے کے لیے نہیں ہے۔

    

    ،تصویر کا ذریعہGetty Images

19. 26 اپريل 2021موت کے منڈلاتے سائے میں ڈری سہمی دلی کا آنکھوں دیکھا حال

20. 26 اپريل 2021ویسکین کی بروقت فراہمی کا مسئلہ، یورپین کمیشن کا ایسٹرازینیکا کے خلاف قانونی کارروائی کا آغاز

    یورپین کمیشن نے ایسٹرازینیکا ویکسین کمپنی کے خلاف قانونی کارروائی کا آغاز کر دیا ہے۔

    یورپین کمیشن نے کہا کہ ہے اس نے ویکسین بنانے والی کمپنی اسٹرازینیکا کے خلاف جمعے کو قانونی کارروائی کا آغاز کیا تھا۔

    یورپین کمیشن کا موقف ہے کہ اسٹرازینیکا کے پاس ویسکین کی ڈیلوری کو وقت پر فراہم کرنے کا قابل بھروسہ منصوبہ نہیں ہے۔

    خبر رساں ادارے روئٹرز نے یورپی کمیشن کی ترجمان کی پیر کو ہونے والی پریس کانفنس کی رپورٹ دی ہے۔

    ویکسین بنانے والی کمپنی اور یورپی کمیشن کے درمیان اس معاملے پر کئی مہینوں سے تنازع چل رہا ہے۔

    اب اس پیش رفت کی تصدیق سٹیلا کیریاکیڈیس نے کی ہے جو یورپی یونین میں کمشنر برائے ہیلتھ اینڈ فوڈ سکیورٹی ہیں۔

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام