Ọ̀pọ̀ èèyàn di àwátì lẹ́yìn tí ọkọ̀ ojú omi ńlá kọlù afárá l’Amẹrika

Akojọpọ awọn iṣẹlẹ kaakiri agbaye

Ìgbóhùnsáfẹ́fẹ́ tí ń lọ lọ́wọ́

Olumide Owaduge and Olubusola Afolayan

25 Òkùdu 2023Èèyàn márùn ùn kò àgbákò ikú lọ̀wọ̀ agbébọn ní Kenya
O kere tan eeyan marun un lo ku ti awọn afurasi agbebọn ikọ alakatakiti Al Shabab si danọ sun aimọye ile ni abule kan ni agbegbe Lamu lorileede Kenya.
Ileeṣẹ ọlọpaa jabọ pe awọn agbebọn yi ti wọn to ogun si ọgbọn ṣe ikọlu si abule naa lalẹ ọjọ Abamẹta ti wọn si fi ọbẹ du awọn eeyan ti ọwọ wọn tẹ nibẹ.
Arakunrin to moribọ ṣalaye fun awọn ọlọpaa pe niṣe lawọn agbebọn yi wọ aṣọ to farajọ ti awọn ọmọ ileeṣẹ ologun.
Ikọlu yi waye lẹyin ọṣẹ kan ti ọkọ awọn ọmọ ogun tẹ ado oloro kan ti wọn ri mọlẹ laarin oju ọna.
Awọn ọmọ ogun meji ku ti aimọye si farapa ninu isẹlẹ naa.
Agbegbe Lamu to jẹ ibi kan to wa lẹba aala ibode Kenya ati Somalia a maa koju ikọlu lemọlemọ lọwọ awọn ọmọ ikọ Al-Shabab.
Ọ́dun mẹsan sẹyin ni ẹmi eeyan ọọdunrun ṣofo ninu ikọlu ti wọn ṣe si ilu Mpeketoni lagbegbe Lamu.
Lati nkan bi ọdun mejila sẹyin si ni wọn ti sọ agadagodo si aala ibode orileede mejeeji yi.
Amọ laipẹ yi ni Minisita feto aabo labẹlẹ Kenya kede pe wọn yoo ṣi ibode to kọja ni Lamu,Garissa ati Mandera laarin ọọdunrun ọjọ.
25 Òkùdu 2023Ọwọ́ àjọ NDLEA tẹ 5,344.1Kg igbó nípìnlẹ̀ Eko
Awọn oṣiṣẹ ajọ to n gbogun ti lilo oogun oloro ni Naijiria, NDLEA, ti gbẹsẹ le igbó ti odinwọn rẹ le ni ẹgbẹrun marun-un kilogiraamu, 5, 344.1Kg nipinlẹ Eko.
Ninu atẹjade kan ti agbẹnusọ ajọ naa, Femi Babafemi fi sita, o ni ọwọ tẹ oogun oloro naa lẹyin ti iroyin tẹ ajọ NDLEA lọwọ pe ọkọ̀ akẹru kan yoo gba agbegbe Alpha Beach, loju ọna Epe si Lekki kọja.
“Awọn oṣiṣẹ NDLEA dena de ọkọ to ko oogun oloro ti ìwọ̀n rẹ jẹ́ 2434.1kg, ti wọn dì sinu aadọta àpo, ni owurọ kutu ọjọ Aje, ọjọ kọkandinlogun, oṣu Kẹfa."
Ṣugbọn awakọ rẹ fo jade ninu ọkọ to si sare ko sinu ọkọ awọn oṣiṣẹ alaabo to n ba a rinrinajo.
Yatọ si eyi, Ọgbẹni Babafẹmi sọ pe ọwọ tun tẹ awọn ọkunrin meji kan to jẹ ọmọ orilẹ-ede Ghana ni ogunjọ oṣu Kẹfa bakan naa, nibi ti wọn ti wa pẹlu iwọn 2,910kg igbo ni Alpha Beach bakan naa.
25 Òkùdu 2023Àwọn ọmọ orílẹ̀ èdè Nàìjíríà 126 mìíràn tún padà sílé láti Sudan nítorí ogun
Ijọba orilẹede Naijiria ti ko awọn ọmọ ilẹ yii mẹrindinlaadoje miiran pada sorilẹede yii lati Sudan nitori ogun abẹle to n ba ilu naa finra lọwọ.
Awọn eeyan yii lo gbera lati paapa ofurufu Sudan pẹlu baalu Tarco ti wọn si balẹ si paapa ofurufu Nnamdi Azikiwe niluu Abuja ni dede ago marun un ku isẹju diẹ lọjọ Satide.
Ajọ to n risi isẹlẹ pajawiri lorilẹede Naijiria, NEMA lo lewaju bi wọn se ko awọn eeyan naa kuro pẹlu ajọsepọ awọn ẹka ijọba miiran.
Bakan naa ni ogunlọgọ awọn ọmọ orilẹede Naijiria si wa ni orilẹede Sudan, ti wọn rawọ ẹbẹ si ijọba lati gbe wọn kuro lorilẹede naa sugbọn a ko ti le sọ boya ijọba yoo tẹiswaju ninu kiko awọn eeyan kuro ni Sudan.
25 Òkùdu 2023Àwọn ará ilẹ̀ Sierra Leone ń dúró de èsì ìdìbò sípò ààrẹ , aṣòfin tí wọ́n dìbò yàn
25 Òkùdu 2023A o fí ìgbà kánkan fí ìwé pé Wike láti darapọ̀ mọ́ ẹgbẹ́ APC Rivers
Ẹgbẹ oṣelu All Progressives Congress,APC ni ipinlẹ Rivers ti tako iroyin to gbode pe awọn fi iwe pe Gomina ipinlẹ naa tẹlẹ ri Nyesom Wike, lati wa darapọ mọ ẹgbẹ wọn.
Bẹẹ naa ni wọn ṣapejuwe awọn to n sọ ọrọ yi gẹgẹ bi ayederu ọmọ ẹgbẹ.
Ninu atẹjade kan ti akọwe ipolongo ẹgbẹ naa Darlington Nwauju fi sita, o ni niṣe ni oju n ti Wike lati wa darapọ mọ ẹgbẹ naa nitori ọrọ to ti sọ saaju pe ẹgbẹ alarun jẹjẹrẹ ni APC jẹ.
Nwauju tẹsiwaju pe iru eemọ ti Wike han awọn ọmọ ẹgbẹ lasiko ijọba rẹ to gẹgẹ bi ẹri wi pe Wike ko ni nkankan ṣe pẹlu ẹgbẹ APC ni Rivers.
Agbẹnusọ ẹgbẹ naa sọ pe ko si ohun to kan awọn olori ẹgbẹ naa ni Rivers pẹlu Wike ati pe awọn ko lọwọ si ipade kankan nibi ti awọn ''alẹnulọrọ'' ẹgbẹ ti sọ pe ki wọn ko ẹgbẹ le Wike lọwọ.
O wa kesi ẹnikẹni to ba ẹri fidio to ṣafihan ibi ti Wike ti n polongo fun ẹgbẹ awọn lasiko idibo ko mu ẹri naa jade sita.
O ni digbi lawọn wa lẹyin eto ati igbesẹ aarẹ Bola Ahmed Tinubu.
Lakotan o kilọ fawọn ọbayejẹ lati jawọ ninu lilo orukọ ẹgbẹ lati fi wa ojurere lọdọ aarẹ.
Ṣaaju ni igun ẹgbẹ naa kan ti sọ pe pipọ ni pọ yiyẹ ni yẹni ti Wike ba fẹ darapọ mọ ẹgbẹ awọn ṣugbọn wọn ni ko le wa jẹ ipo olori ẹgbẹ APC ni Rivers.
Kaakiri ni ọrọ ti n gbode nipa ohun ti Gomina tẹlẹ naa yoo ṣe bayii to ti kuro lori oye ni paapa boya yoo darapọ mọ ẹgbẹ APC tabi ko ni ri bẹ.
Wike fun ara rẹ ti sọ lọpọ igba pe oun ko nifẹ si ẹgbẹ APC nitori ẹgbẹ naa dabi apejuwe ẹni to ni aisan jẹjẹrẹ lara.
24 Òkùdu 2023Ọwọ́ tẹ àwọn ọmọlẹ́yìn Auxilliary mẹ́sàn-án fẹ́sùn ìdigunjalè! Àlàyé rèé
24 Òkùdu 2023Ohun tí a mọ̀ lórí ìkọlù tó wáyé lórumọ́jú ní Russia rèé
Yevegeny Prigozhin, olori ikọ Wagner ni o pe fun igbogun ti ikọ ọmọ ologun orilẹede Russia, to si ni awọn ko ni ipinnu lati gba ijọba lọwọ Aarẹ Vladimir Putin rara.
Prigozhin ni awọn ọmọ ologun oun ti n kuro lorilẹede Ukraine lati lọ gba akoso awọn agbegbe kan ni apa guusu Russia.
O fẹsun kan ikọ ọmọ ologun Russia pe wọn ṣe ikọlu nla si ikọ ọmọ ologun Wagner lorilẹede Ukraine, eyi ti ti ikọ ọmọ Russia ni irọ to jina si ootọ ni.
Ninu fọnran kan to gbe sori ayelujara, O ni ikọ Wagner ko dẹkun gbigbe igi dina awọn agbegbe kan, ti wọn yoo si morile ilu Moscow ayafi ti olori ikọ ologun Sergei Shoigu ati Valery Gerasimovn ba ṣe ipade pẹlu rẹ.
Awọn ọmọ ogun Russia ti balẹ si Moscow bayii, ti ọkọ ija si ti bẹrẹ si ni kaakiri ilu naa.
24 Òkùdu 2023Wo ìyá Ọgọ́rin ọdún tó ń ṣe ìdánwò kíláàsì Kejìlá
24 Òkùdu 2023Trinity Guy yóò fojú ba ilé ẹjọ́ lọ́jọ́ Ajé - Agbẹnusọ iléeṣẹ́ ọlọ́pàá
24 Òkùdu 2023Ikú àwọn ènìyàn márùn ún tó wà nínú ọkọ̀ ojú omi ‘Titan’ bá àgbáyé lójijì
Kaakiri agbaye ni wọn ti n fi ikini ibanikẹ̀dun ransẹ si awọn mọlẹbi eniyan marun un to ku ninu ọkọ oju omi Titan laipẹ yii.
Awọn marun un naa ni wọn di awati ninu ọkọ oju omi ni agbami Atlantic Ocean lorilẹede Amẹrika.
Lati Ọjọ Aiku ti ọkọ naa ti gbera lati lọ si isalẹ omi nibi ti ọkọ oju omi Titanic wọlẹ si ni ọdun 1912 ni wọn ti gburo wọn mọ.
Awọn ti wọn wa ninu ọkọ submarine naa ni arakunrin Stockton Rush, to jẹ ẹni ọdun mọkanlelọgọta to si tun jẹ adari ileeṣẹ OceanGate, oniṣowo Ilẹ Gẹẹsi to tun jẹ ọmọ ilẹ Pakistan, Shahzada Dawood, ati ọmọ rẹ Suleman, ati oniṣowo Ilẹ Gẹẹsi miran, Hamish.
Awọn marun un ọhun lọ fun igbafẹ ni lati lọ wo Titanic ọhun, amọ ọkọ wọn poora ti wọn si bẹrẹ si ni wa wọn fun ọjọ marun un.
Ninu atẹjade ti orilẹede Amẹrika fi lede ni wọn ti ni ko pẹ ti ọkọ oju omi naa gbera ti o gbina ninu okun naa.
Ileesẹ aarẹ Ilẹ Amerika, White House fi atẹjisẹ ransẹ si awọn mọlẹbi oloogbe naa, ti wọn si ba wọn kẹdun awọn mọlẹbi wọn to doloogbe.
Bakan naa ni ikọ ẹsọ alaabo omi ni Canada naa ni awọn ri afọku ibugbamu ni ọna marun un ti ko ju iwọ ẹsẹ 1,600 si Titanic ti wọn fẹ lọ wo ni isalẹ omi.
Awọn mọlẹbi awọn marun un to doloogbe naa fi atẹjade sita pe kaakiri gbogbo agbaye ni awọn eniyan ti n fi ibanikẹdun ranṣẹ si wọn.
24 Òkùdu 2023Mark Zukerburg tó ní ‘Facebook’ àti Elon Musk tó ní Twitter yóò wọ ìyá ìjà
Awọn meji to ni owo ati ọla julọ ni agbaye ni ẹka imọ ẹrọ, Elon Musk ati Mark Zukerberg ti gba lati figagbaga ni gbakeje ifẹṣẹkubiojo.
Mr Musk lo fi si oju opo Twitter rẹ pe ṣe Mark Zukerburg ṣetan lati wọ iya ija pẹlu oun.
Zukerburg to ni oju opo Facebook ati Instagram wa dahun si Musk pe ki o fi ibi ti ija naa yoo ti waye ṣọwọ si oun.
Lẹyin naa ni Musk tun dahun pe Vegas Octagon ni yoo ti waye.
Octagon naa ni ibi ti wọn ti n figagbaga ni idije Ultimate Fighting Championship (UFC), to si w ani agbegbe Las, Vegas ni Nevada.
Amọ Lẹyin naa ni Musk to jẹ ẹni ọdun mejilelaadọtawa fi lede pe oun ni ọna tuntun lati ja ti ounpe ni ‘’The Walrus’, to jẹpe oun ti oun yoo se ni lati sun le ori ẹni ti awọn jọ n ja lai se nkankan.
Eyi tunmọ si pe ẹfẹ ni Musk n se lati figagbaga pẹlu Zukerberg ni papa isere ifẹsẹkubiojo.
Bakan naa lo tun fikun un pe oun kii se ere idaraya afi ki oun lọ gbe awọn ọmọ oun ni ileẹkọ ki oun si maa ju wọn si oke.
Amọ Zukerburg to jẹ ẹni ọdun mọkandinlogoji ni o ti n gbaradi fun idije ifẹṣẹkubiojo naa.
Bakan naa ni awọn eniyan ti n sọrọ lori rẹ ni oju opo Twitter, ti wọn si n ṣe ẹfẹ nipa rẹ.
24 Òkùdu 2023Ìdí tí ìpínlẹ̀ Eko ṣe jẹ́ ọ̀kan lára àwọn ìlú tó burújù láti gbé ní àgbáyé rèé…
Ajọ eto karakata kan lagbaye ti sapejuwe ipinlẹ Eko gẹgẹ bi agbegbe kẹrin to buruju lati gbe ni agbaye.
Ajọ Economist Intelligence Unit ti wọn gbe atẹjade 2023 Global Liveability report jade lo sọ bẹẹ.
Ajọ naa lo ma n gbe awọn atẹjade bayii jade ni ọdọọdun labẹ ajọ Economist of London.
Atẹjade naa se agbeyẹwọ ilu mẹtaledinlaaadọsan.
Ni ọdun 2022, ipo keji ni ipinlẹ Eko se ninu awọn ipinlẹ ti ko see gbe ni agbaye, ti wọn si di ipo naa mu fun ọdun meji.
Amọ ajọ naa ni bio tilẹ jẹpe ipo kẹrin ni wọn se, awọn nkan t iyi pada ni awọn ilu bi Eko, ni orilẹede Naijiria ati ilu Algiers ni orilẹede Algeria.
Awọn ẹka eto ẹkọ ati ẹka eto ilera ti ni tẹsiwaju ju ti atẹyinwa lọ.
Ajọ naa se apejuweawọn ilu mejeeji gẹgẹ bi eleyii ti karakata wọn gbẹri soke, ti wọn si n ko awọn nkan amayẹdẹrun bi eto imusagbara lọ si oke okun.
Bakan naa ni ipinlẹ Eko ti jẹ anfaani idagbasoke ni ẹka epo rọọbi ni agbaye.
Awọn ilu ti ipinlẹ Eko se agba fun ni Algiers ni Algeria, Tripoli ni Libya ati Damascus ti n se olu ilu Syria.
Ajọ naa ni nitori idagbasoke ti awọn ri ni ẹka eto ẹkọ ati ẹka eto iwosan lo mu wọn goke agba lati ipo keji to buruju lati gbe si ipo keji.
Amọ ajọ naa fikun un pe iwa ajẹbanu ati iwa lilu owo ilu ni ponpo si peleke si ni ipinlẹ Eko.
23 Òkùdu 2023Tinubu polongo Nàìjíríà fáwọn olùdókoòwò àgbáyé ní Paris, ọ̀rọ̀ tó sọ rèé
23 Òkùdu 2023'Ìnira ni ìjọba máa kó bá aráàlú tí wọ́n bá fowó kún owọ iná'
23 Òkùdu 2023Ikọ̀ ọmọogun ti bẹ̀rẹ̀ sí ní wá àwọn agbébọn tó sekúpa ènìyàn 15 ní Plateau
Ijọba ipinlẹ Plateau ti ni awọn ẹsọ alaabo to fi mọ ikọ ọmọogun orilẹede Naijiria ti bẹrẹ si ni wa awọn agbebọn to sekọlu si ilu meji, ti wọn si pa eniyan marundinlogun ni ipinlẹ naa.
Iroyin ni awọn agbebọn naa pa agbẹ mẹfa ni agbegbe Riyom, ti wọn si pa eniyan mẹwaa ni agbegbe Mangu ni Ọjọ Iṣẹgun.
Awọn agbebọn ọhun lo sekọlu si ilu mejeeji ti wọn si pa awọn eniyan, ti wọn tun da ina sun awọn ile pẹlu.
Agbẹnuso fun gomina ipinlẹ naa, Gyan Bere ni awọn ikọ ọmọgun Naijiria pẹlu ọlọpaa ni wọn ti bẹrẹ si ni da abo bo awọn ara ilu ọhun.
Bakan naa lo ni wọn si tun ti bẹrẹ si ni tọ pasẹ awọn agbebọn ti wọn pa awọn eniyan ọhun.
O fikun un pe iru iṣẹlẹ bayii ti bẹrẹ si ni waye lati asiko ijọba to kuro ni ipo, ti eto aabo si ti dẹnukọlẹ ni ipinlẹ naa.
O ni awọn ko tii le sọ pato awọn agbebọn to se ikọlu naa, amọ ọwọ yoo tẹ wọn laipẹ.
Amọ iroyin miran ni ikọlu laarin awọn darandaran ati awọn agbẹ lo ma n fa iru iṣẹlẹ bayii.
Iwadii tun fikun un pe o kere tan igba eniyan lo ti ku lati Osu Karun un nitori ikọlu laarin awọn darandaran ati awọn agbẹ.
23 Òkùdu 2023‘’Ó kéré tán ọmọ Naijiria mílíọ̀nù mẹ́rin ló faragbá nínú ìṣẹ̀lẹ̀ omíyalé ní ọdún 2022’’
Ajọ to n risi iṣẹlẹ pajawiri lorilẹede Naijiria, NEMA ti o kere tan ọmọ Niajiria miliọnu mẹrin lo faragba ninu iṣẹlẹ omiyale, agbara ya ṣọọbu ni ọdun 2022.
Adari ajọ NEMA, Ahmed Mustapha Habib lo sọ bẹẹ lasiko ti wọn n se ifilọlẹ eto pajawiri fun awọn eniyan nipa ọrọ omiyale.
Habib ni o kere tan ọmọ Naijiria miliọnu mẹrin ni wọn se sababi iṣẹlẹ omiyale naa ni ọdun to kọja.
O fikun un pe iṣẹlẹ omiyale naa mu ẹmi awọn ọmọ Naijiria 665 lọ, ti omi si gba agbegbe to lẹ ni 944,989 hectares to jẹ oko awọn agbẹ ni Naijiria.
Adari ajọ NEMA naa fikun un pe lọna ati dawọ iru iṣẹlẹ naa duro ni ọdun yii, awọn n siṣẹ pọ pẹlu ajọ to n risi ọrọ oju ọjọ ni Naijria, Nimet ati ajọ to n risi ọrọ omi, Nigerian Water Resources Management Agency (NIHSA) fun ọna abayọ.
Bakan naa lo ni awọn ti ran awọn onimọ nipa omiyale lati kaakiri ipinlẹ mẹrindinlogoji ni Naijiria fun iwadii ati ayẹwọ finifini lati dẹkun omiyale naa.
Ajọ NEMA ni awọn ni igbagbọ pe gbogbo igbesẹ yii yoo fi aye silẹ fun ilanilọyẹ ati itanilolobo nipa omiyale ki iṣẹlẹ ọhun to waye.
23 Òkùdu 2023Gbogbo àwọn márùn ún tó wà nínú ọkọ̀ ojú omi Titan tí wọ́n wá ló ti kú!
Gbogbo awọn marun un to wa ninu ọkọ oju omi Submarine ti wọn wa lati Ọjọ Aiku lo ti dagbere fun aye bayii.
Atẹjade ti ileesẹ orilẹede Amerika to n risi eto abo ni oju omi, US Coast Guard fi lede lo sọ bẹẹ.
Ileeṣẹ to n risi ọkọ oju omi Titan naa ni awọn marun un ti wọn doloogbe naa fẹran lati maa sawari nkan tuntun.
Wọn ni gbogbo wọn ni wọn fẹran imọ lẹkunrẹrẹ.
Ileeṣẹ Coast Guard naa ni wọn ri afọku ọkọ oju omi naa ni ẹgbẹ ọkọ oju omi Titanic, ti wọn lọ wo ni isalẹ omi.
Owuro Ọjọbọ ni wọn sawari afọku ọjọ oju omi naa, ti o di awati lati Ọjọ Aiku.
Awọn ti wọn wa ninu ọkọ submarine naa ni arakunrin Stockton Rush, to jẹ ẹni ọdun mọkanlelọgọta to si tun jẹ adari ileeṣẹ OceanGate, oniṣowo Ilẹ Gẹẹsi to tun jẹ ọmọ ilẹ Pakistan, Shahzada Dawood, ati ọmọ rẹ Suleman, ati oniṣowo Ilẹ Gẹẹsi miran, Hamish.
Ẹni karun un ni Paul-Henry Nargeolet to jẹ agbaọjẹ onimọ nipa iwakusa, to si jẹ ẹni ọdun mẹtadinlọgọrin.
Lasiko ti ọgagun Rear Adiral John Mauger ti ileeṣẹ US Coast Guard n sọrọ loni awọn gbagbọ pe afọku ti awọn ri naa jẹ lati ara ọkọ oju omi ‘submarine’ ti wọn n wa naa.
22 Òkùdu 2023Ìjọba Nàìjíríà, ẹ yé jẹ gbèsè kún gbèsè mọ́ -DMO
22 Òkùdu 2023Iná jó ọjà pákó ní ìpínlẹ̀ Ogun
22 Òkùdu 2023Àwọn ọlọ́jà figbe ta ní ìpínlẹ̀ Ogun lẹ́yìn tí wọ́n dòwòpọ̀ pẹ̀lú iléeṣẹ́ ayánilówó kan

Ọ̀pọ̀ èèyàn di àwátì lẹ́yìn tí ọkọ̀ ojú omi ńlá kọlù afárá l’Amẹrika

Ìgbóhùnsáfẹ́fẹ́ tí ń lọ lọ́wọ́

25 Òkùdu 2023Èèyàn márùn ùn kò àgbákò ikú lọ̀wọ̀ agbébọn ní Kenya

25 Òkùdu 2023Ọwọ́ àjọ NDLEA tẹ 5,344.1Kg igbó nípìnlẹ̀ Eko

25 Òkùdu 2023Àwọn ọmọ orílẹ̀ èdè Nàìjíríà 126 mìíràn tún padà sílé láti Sudan nítorí ogun

25 Òkùdu 2023Àwọn ará ilẹ̀ Sierra Leone ń dúró de èsì ìdìbò sípò ààrẹ , aṣòfin tí wọ́n dìbò yàn

25 Òkùdu 2023A o fí ìgbà kánkan fí ìwé pé Wike láti darapọ̀ mọ́ ẹgbẹ́ APC Rivers

24 Òkùdu 2023Ọwọ́ tẹ àwọn ọmọlẹ́yìn Auxilliary mẹ́sàn-án fẹ́sùn ìdigunjalè! Àlàyé rèé

24 Òkùdu 2023Ohun tí a mọ̀ lórí ìkọlù tó wáyé lórumọ́jú ní Russia rèé

24 Òkùdu 2023Wo ìyá Ọgọ́rin ọdún tó ń ṣe ìdánwò kíláàsì Kejìlá

24 Òkùdu 2023Trinity Guy yóò fojú ba ilé ẹjọ́ lọ́jọ́ Ajé - Agbẹnusọ iléeṣẹ́ ọlọ́pàá

24 Òkùdu 2023Ikú àwọn ènìyàn márùn ún tó wà nínú ọkọ̀ ojú omi ‘Titan’ bá àgbáyé lójijì

24 Òkùdu 2023Mark Zukerburg tó ní ‘Facebook’ àti Elon Musk tó ní Twitter yóò wọ ìyá ìjà

24 Òkùdu 2023Ìdí tí ìpínlẹ̀ Eko ṣe jẹ́ ọ̀kan lára àwọn ìlú tó burújù láti gbé ní àgbáyé rèé…

23 Òkùdu 2023Tinubu polongo Nàìjíríà fáwọn olùdókoòwò àgbáyé ní Paris, ọ̀rọ̀ tó sọ rèé

23 Òkùdu 2023'Ìnira ni ìjọba máa kó bá aráàlú tí wọ́n bá fowó kún owọ iná'

23 Òkùdu 2023Ikọ̀ ọmọogun ti bẹ̀rẹ̀ sí ní wá àwọn agbébọn tó sekúpa ènìyàn 15 ní Plateau

23 Òkùdu 2023‘’Ó kéré tán ọmọ Naijiria mílíọ̀nù mẹ́rin ló faragbá nínú ìṣẹ̀lẹ̀ omíyalé ní ọdún 2022’’

23 Òkùdu 2023Gbogbo àwọn márùn ún tó wà nínú ọkọ̀ ojú omi Titan tí wọ́n wá ló ti kú!

22 Òkùdu 2023Ìjọba Nàìjíríà, ẹ yé jẹ gbèsè kún gbèsè mọ́ -DMO

22 Òkùdu 2023Iná jó ọjà pákó ní ìpínlẹ̀ Ogun

22 Òkùdu 2023Àwọn ọlọ́jà figbe ta ní ìpínlẹ̀ Ogun lẹ́yìn tí wọ́n dòwòpọ̀ pẹ̀lú iléeṣẹ́ ayánilówó kan