Türkiyədəki COP31 sammitinə kimlər gəlib?
Türkiyə Prezidenti Recep Tayyip Erdoğan saçını darayır, qonaqları qarşılayır, zarafat edir, İlham Əliyevin qolundan tutur.
Azərbaycandan iki il sonra COP, yəni BMT-nin iqlim dəyişikliyi üzrə beynəlxalq konfransına Türkiyə ev sahibliyi edir.
Bəs Bakıda keçirilən COP29-la müqayisədə Antalyaya hansı dünya liderləri gəlib?
Recep Tayyip Erdoğan həm Bakıda keçirilən COP29-da iştirak etmişdi, həm də indi Antalyadakı COP31-ə ev sahibliyi edir. Azərbaycan Prezidenti İlham Əliyev də Antalya Liderlər Sammitinə qatılıb və sammitin ailə fotosunda yer alıb.
Bakıya gəlməyib Türkiyəyə gedən qonşu ölkə rəhbərlərindən biri Ermənistanın baş naziri Nikol Paşinyandır.
O, Antalyadakı tədbirə qatılıb, həmçinin COP31-in yüksək səviyyəli seqmentində çıxışçılar sırasında göstərilib.
Qonşu ölkələrdən İranı Bakıda vitse-prezident təmsil etmişdi. Antalyaya isə ölkənin Prezidenti Məsud Pezeşkian gedib.
Braziliya Prezidenti Luiz Inácio Lula da Silva və Avropa Komissiyasının Prezidenti Ursula von der Leyen də Bakıya gəlməmişdi, lakin Antalyada iştirak ediblər.
Böyük Britaniyanın Baş naziri Keir Starmer COP29-da Bakıda iştirak etmişdi. COP31-də isə Böyük Britaniyanı Andy Burnham təmsil edib.
ABŞ Prezidenti Donald Trump ilk prezidentliyi dövründən COP sammitlərinə qatılmayıb. O, ilk prezidentliyi zamanı ABŞ-ı Paris İqlim Sazişindən çıxarıb. ABŞ Joe Bidenın prezidentliyi dövründə sazişə qayıtsa da, Donald Trump 2025-ci ildə ikinci dəfə hakimiyyətə gəldikdən sonra ölkənin sazişdən yenidən çıxarılması prosesini başladıb. Donald Trump Antalyadakı COP31 sammitinə də gəlməyib.
