તમે આ વેબસાઇટનું ટેક્સ્ટ-ઓન્લી વર્ઝન જોઈ રહ્યા છો જે ઓછો ડેટા વાપરે છે. તમામ ફોટા અને વીડિયો સાથેનું વેબસાઇટનું મુખ્ય વર્ઝન જુઓ.
ચિલીમાં ભયાનક દાવાનળ, આખું શહેર તબાહ, ગાડીઓ ખોખું બની
- લેેખક, બીબીસી ન્યૂઝ વર્લ્ડ
- પદ, ..
- પ્રકાશિત
ચિલીમાં તાજેતરમાં તેના ઇતિહાસમાંની સૌથી ભયંકર આગ લાગી. આ આગમાં અંદાજે 64 લોકોએ જીવ ગુમાવ્યો છે.
આ દાવાનળ વાલ્પેરાઇસો, ઓ'હિગિન્સ અને અરાઉકાનિયાનાથી ફેલાઈને શહેર સુધી પહોંચી ગયો હતો.
3000થી 6000 જેટલાં ઘરો આગમાં બળીને ખાખ થઈ ગયાં છે. હાલમાં બચાવ કામગીરી ચાલુ છે અને આગથી પ્રભાવિત વિસ્તારોમાં બચાવદળને પહોંચવામાં મુશ્કેલી પડી રહી છે.
રાષ્ટ્રપતિ ગેબ્રિયલ બોરિકે કટોકટીની સ્થિતિ જાહેર કરી છે. ચિલીમાં મૃત્યુઆંક હજુ પણ વધવાની ધારણા છે અને 370થી વધુ લોકો હજુ પણ ગુમ છે.
4 ફેબ્રુઆરીના રોજ 1400 અગ્નિશામકો સહિત લશ્કરી કર્મચારીઓ અને હજારો સ્વયંસેવકોને બચાવ કામગીરીમાં તહેનાત કરાયા છે.
જે વિસ્તારો આગથી પ્રભાવિત થયા છે ત્યાં ઉનાળાની રજાઓ માણવા મોટી સંખ્યામાં લોકો આવતા હોય છે.
ચિલી 2010ના ભૂકંપ પછી સૌથી મોટી કટોકટીનો સામનો કરી રહ્યું છે. 2010ના ભૂકંપમાં 432 લોકો માર્યા ગયા હતા.
ચિલીની સરકારે લોકોને અસરગ્રસ્ત વિસ્તારમાં ન જવા કહ્યું છે અને બચાવ ટુકડીઓની કામગીરીમાં અડચણ ન પડે એ માટે કેટલાક વિસ્તારોમાં કર્ફ્યૂ જાહેર કરાયો છે
End of સૌથી વધારે વંચાયેલા સમાચાર
ગેબ્રિયલ બોરીકે એક્સ પર જાહેરાત કરી હતી કે આ સમયે અમારી પ્રાથમિકતા છે લોકોનો જીવન બચાવવાની, લાગેલી આગને ઓલવવાની, મૃત લોકોના મૃતદેહોને કાઢવાની, આશ્રયસ્થાનોમાં પીડિતોને તાત્કાલિક સહાય પૂરી પાડવાની, પોલીસ અને સશસ્ત્ર દળો દ્વારા જાહેર વ્યવસ્થાની બાંહેધરી અને તપાસ કરવા માટે મૂળભૂત માહિતી એકત્રિત કરવાની.