બાબરી મસ્જિદ વિધ્વંસ ચુકાદો : અડવાણી, ઉમા ભારતી, મુરલી મનોહર જોશી નિર્દોષ

લાઇવ કવરેજ

1. 30 સપ્ટેમ્બર 2020સી. આર. પાટીલે કહ્યું, 'ફરી સત્યનો વિજય'

   ભાજપના પ્રદેશાધ્યક્ષ સી. આર. પાટીલે ચુકાદા અંગે ટ્વીટ કરતાં લખ્યું, "ફરી એક વાર સત્યનો વિજય થયો છે. ભારતીય ન્યાયપ્રણાલીને વંદન. જય શ્રીરામ."

2. 30 સપ્ટેમ્બર 2020બ્રેકિંગ, આરોપના કલંકથી મુક્ત થયાં : સાધ્વી ઋતંભરા

   બાબરી મસ્જિદ વિધ્વંસ મામલામાં નિર્દોષ જાહેર થયા બાદ સાધ્વી ઋતંભરાએ કહ્યું, "ધર્મના કામમાં મોટા પડકારો આવે છે પણ ઇશ્વર સત્ય સાથે હોય છે.""ન્યાય થયો છે. અમને આનંદ છે કે કોર્ટે ધર્મના કાર્યને યોગ્ય ગણ્યું છે. આરોપના કલંકથી મુક્ત થઈ ગયાં."

3. 30 સપ્ટેમ્બર 2020બ્રેકિંગ, કોર્ટનો ઐતિહાસિક નિર્ણય : મુરલી મનોહર જોશી

   બાબરી મસ્જિદ વિધ્વંસના કેસમાંથી નિર્દોષ જાહેર થતાં ભાજપના વરિષ્ઠ નેતા મુરલી મનોહર જોશીએ કોર્ટના નિર્ણયને ઐતિહાસિક ગણાવ્યો.

   પત્રકારો સાથેની વાતચીતમાં તેમણે જણાવ્યું, "રામમંદિરનું નિર્માણ દેશના મહત્ત્વપૂર્ણ આંદોલનના રૂપે સામે આવ્યું હતું અને તેનો ઉદ્દેશ દેશની અસ્મિતા અને મર્યાદાને સામે રાખવાનો હતો."

4. 30 સપ્ટેમ્બર 2020ન્યાયની જીત થઈ છે - રાજનાથ સિંહ

   સંરક્ષણમંત્રી રાજનાથ સિંહે લખનૌની વિસેષ સીબીઆઈ અદાલતના ચુકાદાને વધાવતાં ટ્વીટ કર્યું હતું.

   ટ્વીટમાં તેમણે લખ્યું, "બાબરી મસ્જિદ વિધ્વંસ કેસમાં શ્રી લાલ કૃષ્ણ અડવાણી, કલ્યાણ સિંહ, ડૉ. મુરલી મનોહર જોશી, ઉમાજી સહિત 32 લોકો કોઈ પણ ષડયંત્રમાં સામેલ નહોતાં એ નિર્ણયને હું આવકારું છું. આ નિર્ણયથી સાબિત થયું કે મોડેથી જ ભલે પણ ન્યાયનો જીત થઈ છે."

5. 30 સપ્ટેમ્બર 2020પુરાવા એટલા નહોતા : લાલકૃષ્ણ અડવાણીના વકીલ

   બાબરી મસ્જિદ વિધ્વંસ મામલે લાલ કૃષ્ણ અડવાણીના વકીલ વિમલ શ્રીવાસ્તવે ચુકાદા બાદ કહ્યું, "તમામ આરોપીઓને નિર્દોષ જાહેર કરી દેવાયા છે. પુરાવા એટલા નહોતા કે તેમને આરોપી સાબિત કરી શકાય."

6. 30 સપ્ટેમ્બર 2020સારું થયું કે કોર્ટે તમામને નિર્દોષ જાહેર કર્યા : અંસારી

   અયોધ્યા જન્મભૂમિ આંદોલનના પક્ષકાર રહેલા હાશિમ અંસારીના પુત્ર ઇકબાલ અંસારી કહ્યું, "અમે કાયદાનું પાલન કરનારા મુસલમાન છીએ. સારું છે, જો કોર્ટે નિર્દોષ જાહેર કર્યા તો સારું છે. બહુ લાંબા સમયથી અટકેલો મામલો હતો, ખતમ થઈ ગયો. સારું થયું. આ ઠીક છે. અમે તો ઇચ્છિતા હતા કે પહેલાં જ આનો ચુકાદો આવે."

7. 30 સપ્ટેમ્બર 2020બ્રેકિંગ, મુસ્લિમ પર્સનલ લૉ બોર્ડ હાઈકોર્ટ જશે

   ઑલ ઇન્ડિયા મુસ્લિમ પર્સનલ લૉ બોર્ડ(AIMPLB)ના વકીલ ઝફરયાબ જિલાનીએ આ ચુકાદા બાદ જણાવ્યું કે કોર્ટે રજૂ કરાયેલા તમામ પુરાઓને અવગણ્યા હતા અને તમામ આરોપીઓને નિર્દોષ જાહેર કર્યા છે.

   તેમણે આ મામલે હાઈકોર્ટમાં જવાનું પણ જણાવ્યું છે.

8. 30 સપ્ટેમ્બર 2020બ્રેકિંગ, લાલ કૃષ્ણ અડવાણી સહિત તમામ આરોપીઓ નિર્દોષ

   બાબરી મસ્જિદ વિધ્વંસ મામલે લખનૌની સીબીઆઈની વિશેષ કોર્ટે તમામ આરોપીઓને નિર્દોષ જાહેર કરી દીધા છે.

   જેમાં લાલ કૃષ્ણ અડવાણી, ઉમા ભારતી સહિત 32 આરોપીઓ હતાં.

   ન્યાયાધીશ સુરેન્દ્રકુમાર યાદવે ચુકાદો વાંચતાં કહ્યું કે ઘટના પૂર્વાયોજિત ષડ્યંત્ર નહોતું. આ ઘટના અચાનક ઘટી હતી.

9. 30 સપ્ટેમ્બર 2020લખનૌમાં સુરક્ષાની વ્યવસ્થા કેવી?

   બાબરી મસ્જિદ વિધ્વંસ મામલે લખનૌમાં સીબીઆઈની વિશેષ કોર્ટ દ્વારા આજે ચુકાદો અપાઈ રહ્યો છે. જેને પગલે જૂની હાઈકોર્ટની ઇમારત ફરતે ભારે સુરક્ષાવ્યવસ્થા કરવામાં આવી છે. કોર્ટની ઇમારત તરફ આવતા તમામ રસ્તાઓ પર પોલીસે બૅરિકેડ મૂક્યાં છે અને ટ્રાફિકને ડાયવર્ટ કરી દેવાયો છે. પત્રકારોને પણ કોર્ટની ઇમારતમાં પ્રવેશવાની મંજૂરી નથી અપાઈ.

10. 30 સપ્ટેમ્બર 2020બાબરી મસ્જિદ વિધ્વંસ ચુકાદો : અડવાણી, ઉમા ભારતી, મુરલી મનોહર જોશી નિર્દોષ

11. 30 સપ્ટેમ્બર 20206 ડિસેમ્બર : જ્યારે બાબરી ધ્વંસના એક દિવસ પહેલાં 'રિહર્સલ' થયું

    ઉત્તર પ્રદેશના અયોધ્યાસ્થિત સોળમી સદીની બાબરી મસ્જિદ હિન્દુઓના ટોળાએ 1992ની છઠ્ઠી ડિસેમ્બરે તોડી પાડી હતી. એ પછી થયેલાં રમખાણોમાં અંદાજે 2,000 લોકોનાં મોત થયાં હતાં.

    એ ઘટનાના એક દિવસ પહેલાં બાબરી મસ્જિદ તોડી પાડવાનું 'રિહર્સલ' હિંદુ સ્વયંસેવકોના એક જૂથે કર્યું હતું. ફોટોગ્રાફર પ્રવીણ જૈન એ ઘટનાના સાક્ષી બનવા હિંદુ જૂથ સાથે જોડાયા હતા.

    'ધ ઇન્ડિયન એક્સપ્રેસ'ના ઍસોસિયેટ ફોટો એડિટર પ્રવીણ જૈને બીબીસીનાં અનસુયા બસુ સાથે વાત કરી હતી.

    પ્રવીણ જૈને દિવસે ક્લિક કરેલા ફોટોગ્રાફ્સ અને એ દિવસે બનેલી ઘટનાની વાતો અહીં પ્રસ્તુત છે :

12. 30 સપ્ટેમ્બર 2020બાબરી ધ્વંસ : કેવી રીતે તોડી પડાઈ મસ્જિદ, સાંભળો કારસેવકોની જુબાની

    6 ડિસેમ્બર, 1992 - ઇતિહાસમાં આ તારીખ અનેક કારણોસર યાદ રાખવામાં આવશે. જોકે આ તારીખ અને બાબરી ધ્વંસની ઘટના બાદ દેશભરમાં રમખાણો ફાટી નીકળ્યાં હતાં.

    જોકે ખરેખરમાં એ દિવસે શું બન્યું?

    કેવી રીતે બાબરીને તોડી પાડવા માટે ભાષણો થયાં? કેવી રીતે ઉશ્કેરાયેલા કારસેવકોએ બાબરી મસ્જિદ તોડી પાડી - સાંભળો આ સમગ્ર ઘટનાક્રમ બે પ્રત્યક્ષદર્દીઓની જુબાની.

    આ એ કારસેવકો છે, જેઓ એક સમયે RSS સાથે જોડાયેલા હતા.

13. 30 સપ્ટેમ્બર 2020અડવાણી, મુરલી મનોહર જોશી અને ઉમા ભારતી વીડિયો કૉન્ફરન્સિંગથી ચુકાદો સાંભળશે

    બાબરી મસ્જિદ વિધ્વંસ મામલામાં કોર્ટે લાલ કૃષ્ણ અડવાણી, મુરલી મનોહર જોશી, ઉમા ભારતી, મહંત નૃત્યગોપાલ દાસ સહીત છ આરોપીઓને કોર્ટમાં હાજર રહેવાથી છૂટ આપવામાં આવી છે. આ તમામ લોકો વીડિયો કૉન્ફરન્સ થકી ચુકાદો સાંભળશે.

14. 30 સપ્ટેમ્બર 2020બાબરી ધ્વંસ બાદ પાકિસ્તાનમાં શું થયું હતું?

    સોળમી સદીમાં મોઘલ બાદશાહ બાબરના સમયમાં બનેલી બાબરી મસ્જિદને 6 ડિસેમ્બર, 1992ના રોજ કારસેવકોની એક ભીડે તોડી પાડી હતી. એ બાદ સમગ્ર દેશમાં સાંપ્રદાયિક તોફાનો થયાં હતાં, જેમાં કેટલાય લોકો માર્યા ગયા હતા.

    માત્ર ભારતમાં જ નહીં,પાકિસ્તાનમાં પણ આ ઘટનાના પ્રત્યાઘાત પડ્યા હતા.

15. 30 સપ્ટેમ્બર 2020રામજન્મભૂમિ આંદોલન દરમિયાન ઉગ્રભાષણ કરી નેતા બનેલાં મહિલાઓ

    રામજન્મભૂમિ આંદોલન વખતે તમતમતાં ભાષણો કરીને પ્રભાવી મહિલા નેતાઓ તરીકે ઊપસી આવેલાં સ્ત્રીઓની આ કહાણી છે, અને એવી નારીઓની પણ કથા કે જેમણે બાબરી મસ્જિદ વિધ્વંસ પછી રમખાણોમાં પુરુષોની સાથે જ ભાગ લીધો હતો.

    આ સ્ટોરી વાંચવા માટે ક્લિક કરો :

16. 30 સપ્ટેમ્બર 2020અડવાણીની કોર્ટમાં હાજર ન રહેવા માટેની અરજી

    લાલ કૃષ્ણ અડવાણી, મુરલી મનોહર જોશી, ઉમા ભારતી, મહંત નૃત્યગોપાલ દાસ સહિત છ આરોપીઓ કોર્ટમાં રજૂ નહીં થાય. અંગત રીતે કોર્ટમાં રજૂ થવાના આદેશમાંથી છૂટ આપવા માટે તેમના વકીલ કોર્ટમાં અરજી કરશે.

17. 30 સપ્ટેમ્બર 2020આરોપીઓ કોર્ટ પહોંચ્યા

    બાબરી વિધ્વંસ કેસના ચુકાદાને પગલે સાધ્વી ઋતંભરા, વિનય કટિયાર, ચંપત રાય અને પવન પાંડે કોર્ટ પહોંચ્યાં

18. 30 સપ્ટેમ્બર 2020ન્યાયાધીશ સુરેન્દ્રકુમાર યાદવ કોણ છે?

    આજે 28 વર્ષ જૂના બાબરી મસ્જિદ વિધ્વંસના ગુનાહિક ખટલામાં ચુકાદો આવવાનો છે. સીબીઆઈની વિશેષ કોર્ટના ન્યાયાધીશ સુરેન્દ્રકુમાર યાદવ આ ચુકાદો આપશે.

19. 30 સપ્ટેમ્બર 2020અડવાણીએ સોમનાથથી રથયાત્રા કેમ કાઢી હતી?

    આ રથયાત્રાની શરૂઆત ગુજરાતના સોમનાથથી થઈ તે માત્ર એક સંયોગ હતો કે તેની પાછળ પણ કોઈ રાજકારણ હતું?સોમનાથ મંદિરને ક્યારથી રાજકીય સ્વરૂપ આપવાનું શરૂ થયું અને કેવી રીતે તેને હિંદુત્વનું પ્રતીક બનાવવામાં આવ્યું.

    સેંકડો વર્ષો જૂના ઇતિહાસને કારણે લોકોમાં ગુસ્સો જગાવવો અને બદલો લેવાની ભાવના સાથે એમનો સહકાર મેળવવો તે ભાજપની ટેક્નિક હતી.

    જ્યારે કનૈયાલાલ મુનશીની નવલકથાઓ આવી એ પછી સોમનાથ અને રાજકારણ વધુ નજીક આવ્યા કે કેમ? જાણો આ વીડિયોમાં વિગતવાર...

20. 30 સપ્ટેમ્બર 2020સીબીઆઈ કોર્ટ ફરતે ચુસ્ત સુરક્ષાબંદોબસ્ત

    લખનૌમાં સીબીઆઈની વિશેષ અદાલત બાબરી વિધ્વંસ મામલે ચુકાદો સંભળાવશે. જેને પગલે કોર્ટ ફરતે સુરક્ષા ચુસ્ત કરી દેવામાં આવી છે.

    બે અધિક સુપરિન્ટેન્ડન્ટ ઑફ પોલીસ, 13 ડેપ્યુટી સુપરિન્ટેન્ડન્ટ ઑફ પોલીસ સહિતના અધિકારીઓને અહીં તહેનાત કરી દેવામાં આવ્યા છે.