ખેડૂત પ્રદર્શન : 6 તારીખે સમગ્ર દેશમાં ચક્કાજામ- ખેડૂતોનું એલાન

લાઇવ કવરેજ

1. 1 ફેબ્રુઆરી 2021બજેટ 2021-22ની મહત્ત્વની વાતો

   • 2023 સુધી બ્રૉડ ગેજનું સંપૂર્ણ વીજળીકરણ
   • રેલવેએ રાષ્ટ્રીય રેલયોજના બનાવી છે

2. 1 ફેબ્રુઆરી 2021ખેડૂત પ્રદર્શન : 6 તારીખે સમગ્ર દેશમાં ચક્કાજામ- ખેડૂતોનું એલાન

3. 1 ફેબ્રુઆરી 2021બજેટ 2021-22ની મહત્ત્વની વાતો

   • 1016 કિમી મેટ્રો 27 શહેરોમાં બની રહી છે
   • ગત છ વર્ષમાં ઊર્જા ક્ષેત્રમાં સુધારો થયો
   • વીજળી વિતરણ ક્ષેત્રમાં હરીફાઈ થશે
   • ગ્રાહકો પાસે વીજળી કંપનીના વિકલ્પ હશે

4. 1 ફેબ્રુઆરી 2021બજેટ 2021-22ની મહત્ત્વની વાતો

   • આત્મનિર્ભર સ્વાસ્થ્ય ભારત યોજના હેઠળ 64,180 કરોડ રૂપિયાની ફાળવણી
   • અમૃત યોજનાને આગળ વધારાશે અને તેના માટે 2,87,000 કરોડની ફાળવણી
   • કોરોના વાઇરસની રસી માટે 35 હજાર કરોડ રૂપિયાની ફાળવણી
   • સ્વાસ્થ્ય ક્ષેત્રના બજેટને 137 ટકા વધારવામાં આવ્યું

5. 1 ફેબ્રુઆરી 2021બ્રેકિંગ, કોરોના વાઇરસની રસી માટે બજેટમાં 35 હજાર કરોડ રૂપિયાની ફાળવણી

   કોરોના વાઇરસની રસી માટે બજેટ 2021માં 35 હજાર કરોડ રૂપિયાની ફાળવણી, આ સિવાય હેલ્થકેર માટે નાણામંત્રી નિર્મલા સીતારમણે શું જાહેરાત કરી?

6. 1 ફેબ્રુઆરી 2021બ્રેકિંગ, બજેટ 2021-22ની મહત્ત્વની વાતો

   • ભારત 100થી વધુ દેશોને કોવિડ-19નું સુરક્ષાક્વચ આપી રહ્યું છે
   • ભારત પાસે આ સમયે બે રસી ઉપલબ્ધ છે
   • એ જાણકારીથી રાહત મળી રહી છે કે જલદી અન્ય બે રસી પણ મળી જશે

7. 1 ફેબ્રુઆરી 2021બ્રેકિંગ, બજેટ 2021 : નિર્મલા સીતારમણનું બજેટભાષણ શરૂ

   લોકસભામાં નાણામંત્રી નિર્મલા સીતારમણ બજેટ રજૂ કરી રહ્યાં છે. જુઓ લાઇવ

8. 1 ફેબ્રુઆરી 2021બજેટ 2021 : શું ખર્ચને પહોંચી વળવા મોદી સરકાર પાસે પૂરતી આવક છે?

   સરકારની કમાણીનો સૌથી મોટો રસ્તો છે ટૅક્સ. એક ડાયરેક્ટ અને બીજો ઇનડાયરેક્ટ.

   ડાયરેક્ટ એટલે એ ટૅક્સ જે કમાણી કરનાર કે લેણદેણ કરનાર સીધા ભરે છે અને તેની જવાબદારી કોઈ ત્રીજાને ટ્રાન્સફર કરી શકાતી નથી. તેમાં ઇન્કમટૅક્સ અને કૉર્પોરેટ ટૅક્સ કે કંપનીઓના ઇન્કમટૅક્સ સામેલ છે.

   ઇનડાયરેક્ટ ટૅક્સ એ હોય છે, જેની ચુકવણી કરનાર પહેલાં ખરીદી કરનારા પાસેથી વસૂલે છે. જેમ કે સેલ્સ ટૅક્સ, જેના સ્થાને હવે જીએસટી આવી ગયો છે, એક્સાઇઝ અને કસ્ટમ ડ્યૂટી.

   એ પણ જાણો કે સરકારને પૈસા ક્યાંથી મળે છે?

9. 1 ફેબ્રુઆરી 2021બજેટ 2021 : મોદી સરકાર સામે શું છે પડકારો?

   કેન્દ્રીય નાણામંત્રી નિર્મલા સિતારમણ આજે બજેટ રજૂ કરશે. આ બજેટમાં લોકો અનેક પ્રકારની અપેક્ષાઓ રાખીને બેઠા છે.

   આ વખતનું બજેટ અભૂતપૂર્વ હશે તેવો માહોલ પેદા કરવામાં આવી રહ્યો છે.

   ત્યારે જાણો કે સરકાર સામે શું-શું પડકારો છે?

10. 1 ફેબ્રુઆરી 2021નાણામંત્રી નિર્મલા સીતારમણ પહેલી વાર ટૅબલેટ પર બજેટ રજૂ કરશે

    નાણામંત્રી નિર્મલા સીતારમણ અને રાજ્ય નાણામંત્રી અનુરાગ ઠાકુર કેન્દ્રીય બજેટ રજૂ કરતાં પહેલાં નાણામંત્રાલયની સામે આવ્યાં હતાં.

    પહેલી વાર ભારતનું સામાન્ય બજેટ વહીખાતાની જગ્યાએ ટૅબલેટ પર રજૂ કરાશે.

    તેમજ બધા સાંસદોને બજેટની ડિજિટલ કૉપી પણ અપાશે.

11. 1 ફેબ્રુઆરી 2021લોકોની અપેક્ષા અનુરૂપ બજેટ હશે- અનુરાગ

    નાણામંત્રી (રાજ્ય) અનુરાગ ઠાકુરે સોમવારે સવારે કહ્યું કે આગામી બજેટ લોકોની અપેક્ષા પ્રમાણે હશે.

    તેઓએ કહ્યું કે "સૌનો સાથ, સૌનો વિકાસ મંત્ર પર ચાલનારી સરકારે આત્મનિર્ભર ભારત પૅકેજની જાહેરાત કરીને દેશને એક નવી દિશા આપી છે. અને દેશને મહામારીથી બચાવીને અર્થવ્યવસ્થાને ઝડપથી પાટા પર લાવવાનું કામ કર્યું છે."

    તો અનુરાગ ઠાકુર સોમવારે સંસદમાં વર્ષ 2021-2022ના કેન્દ્રીય બજેટ અગાઉ પોતાના નિવાસસ્થાને પૂજા કરતા જોવા મળ્યા હતા.

12. 1 ફેબ્રુઆરી 2021આ બજેટમાં સામાન્ય લોકોને શું અપેક્ષા છે?

13. 1 ફેબ્રુઆરી 2021નાણામંત્રી નિર્મલા સીતારમણ બજેટ રજૂ કરવા માટે સંસદ પહોંચ્યાં

    નાણામંત્રી નિર્મલા સીતારમણ વર્ષ 2021-22નું સામાન્ય બજેટ રજૂ કરવા માટે સંસદ પહોંચી ગયાં છે.

14. 1 ફેબ્રુઆરી 2021નાણામંત્રી નિર્મલા સીતારમણ કેન્દ્રીય બજેટ રજૂ કરશે

    1 ફેબ્રુઆરી એટલે કે આજે કેન્દ્રીય નાણામંત્રી નિર્મલા સીતારમણ કેન્દ્રીય બજેટ રજૂ કરશે.

    પહેલી વાર પેપરલેસ બજેટ રજૂ કરવામાં આવશે.

    કેન્દ્રીયમંત્રી નિર્મલા સીતારમણે કેટલાક દિવસ પહેલાં યુનિયન બજેટ મોબાઇલ ઍપ જાહેર કરી હતી, જેમાં બજેટ સંબંધિત બધા દસ્તાવેજ ડિજિટલ રૂપમાં ઉપલબ્ધ થશે.

    નાણામંત્રી લોકસભામાં સવારે 11 વાગ્યે બજેટ રજૂ કરશે. આ તેમનું ત્રીજું બજેટ હશે.

    કોરોના મહામારી શરૂ થયા બાદ આ દેશનું પહેલું કેન્દ્રીય બજેટ હશે.

    વડા પ્રધાન નરેન્દ્ર મોદી કહી ચૂક્યા છે કે બજેટને કોવિડને કારણે લાગેલા લૉકડાઉનની અસરને ઓછી કે દૂર કરવાના પ્રયાસમાં રૂપમાં જોવાશે.

    અગાઉ નાણામંત્રીએ શુક્રવારે ગત વર્ષનું નાણાકીય આર્થિક સર્વેક્ષણ જાહેર કર્યું હતું, જેમાં આગામી વર્ષમાં જીડીપી 11 ટકા રહેવાની શક્યતા જણાવી હતી.

15. 1 ફેબ્રુઆરી 2021

    નમસ્કાર! બીબીસીના આ ખાસ કવરેજમાં તમારું સ્વાગત છે. આજે વર્ષ 2021-2022 માટે લોકસભામાં સામાન્ય બજેટ રજૂ કરાશે. બજેટ સંબંધિત તમામ મહત્ત્વની જાણકારી માટે આ લાઇવ પેજ પર જોડાયેલા રહો.