તમે આ વેબસાઇટનું ટેક્સ્ટ-ઓન્લી વર્ઝન જોઈ રહ્યા છો જે ઓછો ડેટા વાપરે છે. તમામ ફોટા અને વીડિયો સાથેનું વેબસાઇટનું મુખ્ય વર્ઝન જુઓ.
મહારાષ્ટ્ર વિધાનસભાનું શિયાળુ સત્ર શરૂ થઈ રહ્યું છે અને મુખ્ય મંત્રી ઉદ્ધવ ઠાકરે તેમાં ગેરહાજર રહેતા પ્રશ્નો ઊભા થયા છે.
તમે ઉનાળામાં જાનવરો માટે પંખા અને કૂલરની વ્યવસ્થા તો પ્રાણીસંગ્રહાલયમાં જોઈ હશે પણ શિયાળામાં ઠંડી વધે ત્યારે?
શિયાળાની ટાઢ વધી રહી છે ત્યારે આસામના કાઝીરંગામાં સેન્ટર ફૉર વાઇલ્ડલાઇફ રિહૅબિલિટેશન ઍન્ડ કન્ઝર્વેશનમાં હાથીનાં બચ્ચાંને ઠંડીથી બચાવવા માટે બ્લૅન્કેટ ઓઢાડવામાં આવ્યા.
સ્રોત- ANI
ઇઝરાયલે કહ્યું કે ઓમિક્રૉન વૅરિયન્ટથી સંક્રમણની નવી લહેરના કારણે તેમની યોજના વિશ્વનો એવો પ્રથમ દેશ બનવાની છે જ્યાં નાગરિકોને કોરોના રસીનો ચોથો ડોઝ આપવામાં આવશે.
ઇઝરાયલના આરોગ્યલક્ષી તજજ્ઞોએ 60 વર્ષથી વધુ ઉંમરના લોકો તથા સ્વાસ્થ્યકર્મીઓ માટે ચોથા બુસ્ટર ડોઝની ભલામણ કરી છે.
વડા પ્રધાન નફ્ટાલી બૅનેટે આ ભલામણને સ્વીકારીને અધિકારીઓને તેની તૈયારી કરવા કહ્યું છે.
આ નિર્ણય ત્યારે લેવામાં આવ્યો જ્યારે મંગળવારના રોજ ઓમિક્રૉન વૅરિયન્ટના કારણે ઇઝરાયલમાં પહેલું મૃત્યુ નોંધાયું છે.
સ્વાસ્થ્ય-મંત્રાલયે જણાવ્યું કે ઇઝરાયલમાં ઓમિક્રૉન વૅરિયન્ટના 340 કેસ નોંધાયા છે.
જોકે, વડા પ્રધાન-કાર્યાલાય તરફથી બીબીસીને જણાવવામાં આવ્યું હતું કે તેમને આશા છે કે પ્રશાસન દ્વારા રસીનો ત્રીજો ડોઝ મેળવનારા લોકોને ઓછામાં ઓછા ચાર મહિના પછી ચોથો ડોઝ લેવાની અનુમતિ આપવામાં આવશે.
નમસ્કાર! બીબીસી ગુજરાતીના આ લાઇવ પેજ પર આપનું સ્વાગત છે. અહીં આપને દિવસના તમામ મોટા સમાચારો અને અપડેટ રજૂ કરવામાં આવશે.