Mpụ na aghụghọ adọbala ụmụafọ Naịjirịa ise n'ụlọikpe na Kenya

Ndị uweojii na mba Kenya akpụpụla ụmụafọ Naịjirịa ruru ise ụlọịkpe taa bụ tọọsde maka ịzara ọnụ ha n' ebubo mpụ a kpọrọ 'Sim swap scam' na bekee.

Ego ha zuru n'aka ndị mmadụ ruru ọtụtụ puku shillings n'ọnụọgụgụ ego ndị mba Kenya.

Safaricom bụ ụlọọrụ ekwentị amaama na Kenya bụ ndị nke a kachasị metụta.

Dịka Sammy bụ otu onye na-eji safaricom akpọ ekwenti kọrọ ahụmihe ya na soshal midia.

Ọ sị na ndị a na-aghọ aghụghọ a kpọrọ n'elu ekwentị ọ zaa, mgbe o doghị ya anya ọ malitere ịkwụsị oku ahụ.

O mekwara ngwangwa kọwara ndị Safaricom tupu e si ebe ahụ zuru ego ya.

Ndị uweojii na-enyocha okwu a kwuru na ọ bụ ụfọdụ ndị mba Kenya na-enyere ha aka n'ime mpụ.

Mba Kenya bụ ebe ọtụtụ ndị mmadụ na-eji ihe akpọrọ 'Mobile money' akwụ ụgwọ ihe dị icheiche.