Ihe mere ọnwụ Chike Akunyili ji ewute anyị karịa - Ndị Agulu

Mgbe e biputara ya

Ụmụ Dọkịta Chike Akunyili apụtala katọọ ogbugbu nna ha na Nkpor n'ụbọchị Tuzde.

N'ozi nwa ya bụ Obumneme depụtara n'akara soshal mịdịa ya, o bere akwa arịrị maka ọnwụ nna ha, ma kwuo na ha nwere olileanya na ọnwụ papa ha agaghị ala n'iyi.

Ọ bụ ụmụ ya niile, nke gụnyere Dr. Ijeoma Akunyili, Dr. Edozie Akunyili, Dr. Somto Akunyili-Asuzu, Njideka Akunyili-Crosby, Chidiogo Akunyili-Parr, na Obumneme Akunyili binyere aka n'akwụkwọ ozi ahụ.

BBC Igbo gakwara obodo ya bụ Agụlụ, ebe ndị mmadụ kọọrọ anyị na obi adịghị ha mma maka ọnwụ Dkt. Chike Akunyili.