Кыргызстан

Дүйнө

Аялзат

Башкы бет

Видео жаңылыктар

Видео

Биздин видеолор

Kyrgyz

Аксы районунун Кара-Камыш айылынын тургундары президент Садыр Жапаровго кайрылып, аталган аймакта алтын казууга берилген лицензия маселесин карап чыгууну сурашууда.

Аксы: айыл тургундары алтын казууга каршы чыгууда

Кыргызстандын президенти Садыр Жапаров БУУнун трибунасында Ысык-Көлдү сактоо боюнча маселе көтөрдү. Ал эл аралык каржы институттарын демилгени колдоого чакырып, атайын траcстык фонд түзүүгө чакырды. Айрым эксперттер өлкө жетекчисинин бул сунушун колдосо, башкалары көлдүн экологиясына, анын тегерегиндеги курулуш иштерине көңүл бурулушу керек деп эсептейт. 

"Өзүңөр эмне кылып жатасыңар деп сурашы мүмкүн". Жапаровдун БУУдагы билдирүүсү талкууда

Кыргызстандын президенти Садыр Жапаров 22-апрелде Астанада өтүп жаткан Регионалдык экологиялык саммитте сүйлөп жатып, Борбор Азиядагы суу ресурстарын пайдалануу, бөлүштүрүү жана компенсациялоо маселелерине көңүл бурду. 

Садыр Жапаров: Кыргызстанда мөңгүлөрдүн аянты 16% кыскарды

Бишкек шаарынын айрым тургундары соңку эки ай ичинде коммуналдык кызматтар үчүн төлөмдөрдүн кескин көбөйүп кеткенин айтып даттанууда. Маселе коомдук сайттарда дагы кызуу талкууланып, парламент трибунасында да көтөргөндөр болду.

Коммуналдык төлөмдөн чыккан уу-дуу кептин учугу кайда барып такалат?

Кыргызстан менен Казакстандын чек арасынын бир ыптасын бөлүп турган Чүй дарыясынын бери жак жээгин бекемдөө 90-жылдардан бери чечилбей келе жаткан көйгөйлөрдүн бири. Дарыянын нугу жыл сайын өзгөрүп, бери көздөй жылып жатканы аны бойлой жайгашкан айыл тургундарын кабатыр кылууда. 

Чүй дарыясынын жээгин суу жей берсе кесепети оор болот

14-июлда Ошто көнөктөгөн нөшөрдөн улам сел жүрүп чогулган суулардан улам Ак-Буура дарыясы нугунан ашып, шаардын аймагындагы базарлардын бирин жайпап кетти. Анда эл ичинде жайма базар деп таанылган аймакты сел алганын көрүүгө болот. 

Ош: каптаган сел, сестенген эл

Кыргызстанда эки айдан ашык мезгилде эле эки жүздөн ашуун сел жүрдү. Он алты адамдын өмүрү кыйылды. 170 млн сомдон ашык зыян келди. Быйыл башка жылдарга салыштырмалуу селдин көп болуп жатканында климаттык өзгөрүүлөрдүн да таасири болууда. 

Кыргызстан селден миллиондогон зыян тартты

Кыргызстанда акыркы үч айда үч жүздөй сел катталган. Жаратылыш кырсыктары алып келген зыяндын көлөмү эсептелип бүтө элек. 
Он төрт адамдын, тагырагы эки үй-бүлөнүн өмүрүн алган Ноокат менен Кара-Кулжадагы сел азыр өлкөдөгү эң кейиштүү окуя болуп турат. Мамлекеттик кызматтар тилсиз жоонун алдын алса болмок деген сын пикирлер  көп болуп жатканда, Би-Би-Си өзгөчө кырдаалдар министринин орун басары Эделбек Кулматов менен байланышып, жооп алды.


"Жайлоонун баарына дамба кура албайбыз". Сел кырсыгынын алдын алууга болот беле? 

Апшыр-Атадагы апааттан каза болгондардын саны сегизге жетти. Алардын баары бир үй-бүлөдөн болгон. Алардын үчөө бир туугандар жана алардын апасы небереси менен, үчөө үй ээсинин карындашы менен эжесинин балдары. Казакстандын жарандары. Ушул эле үй-бүлөдөн дагы эки жаранды издөө иштери жүрүп жатат. Каза болгондордун эң жашы эки жашта болсо, улуусу кырк сегизде болгон.

Апшыр-Ата: сел бир үй-бүлөнүн өмүрүн алды

Казакстан дээрлик бир аптадан бери суу каптоонун кесепеттери менен күрөшүп жатат. Айрым аймактарга өзгөчө кырдаал жарыяланып, миңдеген адамдардын мал-жан, үй-жайын суу басып, президент жабыркагандардан кечирим сурады.

Жазында ташкын, жайында таңкыс. Казакстанды азапка салган суу 

Миллиондогон адамдар таза сууга жетпей жатканда, кээ бир адамдар бир бөтөлкө мөлтүр сууга канча ачка болсо да жүз эселеп кымбат төлөгөнгө даяр. Мөңгүлөрдөн, вулкандардан алынган мөлтүр кашка сууга чириген байлардын арасында суроо талап өсүп жатат.

"Алтын менен күмүшкө тең болосуң аккан суу": Чириген байлардын жашоосундагы жаңы тренд

Электр энергияны берүүдө чектөө киргизизилип, учурда жер-жерлерде маал-маалы менен электр жарыктары өчүрүлүүдө. Муну президент Садыр Жапаров “Токтогул” ГЭСи менен “Үч Коргон” ГЭСин кайра оңдоп-түзөө, жаңылоо менен байланыштырып, келерки күз-кышка карата жүрүп жаткан даярдык катары түшүндүрдү. 
Бул тапта күн сайын электр жарыгы алдын-ала эскертилбей өчүп калганына нааразы болгон видео кайрылуулар жана билдирүүлөр социалдык тармактарга улам сайын чыгууда. Мындан улам, өчүрүүлөр дагы канчага чейин уланат деген кооптонуулар дагы көбөйдү. 

Жарык өчө баштады. Президенттин жообу, эксперттердин ою

Сугат басаңдап калган кезде - августта Кыргызстан Казакстанга Киров суу сактагычынан сугатка суу берүүнү убактылуу токтотконун билдирди. Барган сайын Кыргызстанда сугат маалында суу тартыш болуп бара жатат. 
Бул өзгөчө 2021-жылы курч маселе болду эле, быйыл дагы суу тартыштыгы жергиликтүү дыйкандардын чоң баш оорусу болду. 

"Суу товар болсун". Борбор Азиядагы суу тартыштыгы 

Бул демилге Кыргызстандагы электр энергиясынын негизги булагы саналган Токтогул ГЭСинде суунун көлөмү жылдагыдан кыйла төмөн болгон учурга туш келди. Мындан сырткары тармак оор кризисти башынан кечирип, миллиарддаган сом карызы бар. Өзгөчө кырдаал үчүн түзүлгөн стратегияда кыргыз өкмөтү энергиянын кайра жаралуу булактарына басым жасаганы жатат.  

Энергетикадагы өзгөчө кырдаал: шамал, күн энергиясына өбөлгө түзөбү? 

"Бишкек суу канал" ишканасы «Көк-Жар» суу кампасында эки күнгө созула турган оңдоп-түзөө иштерин мөөнөтүнөн мурда бүтүрдү. Шаар бийлиги калаа тургундарына бул тууралуу алдын ала билдирип, шаарда биотуалеттерди да уюштуруп койгон. Буга карабастан шаардыктар мэрияга нааразылык билдиришти. 
Быйыл жаз-жайда Бишкекте таза суу тартыш болуп,  борборду суу менен камсыздоодогу көп көйгөйлөр ачыкка чыкты. 

Бишкекте суу көйгөйүн чечүүнүн аракети

Бишкектеги таза суу тартыштыгы Жогорку Кеңеште бүгүн дагы көтөрүлдү. Депутаттар Дастан Бекешов, Улан Примов жана Максатбек Сарбагышев бул тууралуу шаар мэринин маалымат беришин талап кылышты. 

Сууну кантип үнөмдөйбүз? 

Соңку жылдары Кыргызстандын борбору Бишкекте жана Чүйдүн айрым райондорунда жаз келери менен кургакчылык жана суу тартыштыгы көйгөйү чыгууда. 

“Мынчалык болгон эмес”: Бишкектеги таза суу тартыштыгы 

Чүй дарыясынын жээгин бекемдөөгө 50 млн сом каралып бөлүнгөнүн Финансы министрлиги маалымдады. Жогорку Кеңештин жыйынында дарыянын жээгин бекемдөө маселеси көтөрүлүп, дамбалар убагында курулбагандыктан суунун нугу бурулуп, гектарлаган жер коңшу өлкөгө өтүп кеткени айтылгандан кийин ишке каражат бөлүндү.

"Суу биз жакка улам жылып жатат": Чуу жараткан Чүй дарыясы

Жогорку Кеңеш өткөн аптада Кыргызстан менен Өзбекстандын ортосундагы чек ара боюнча макулдашууну карап, көпчүлүк добуш менен колдоп берди. 
Бирок аны кабыл алуу канчалык мыйзамдуу болду деп юристтер анализ жасап, ал эми оппозициялык күчтөр аны жокко чыгаруу үчүн эл аралык сотторго кайрыларын жарыялап жатышат.

Кемпир-Абад: келишимдер ратификацияланды, алымча-кошумчалар эске алынабы?

Өзгөн районунун Кызыл-Октябрь айылында Кемпир-Абад суу сактагычы боюнча өтүп жаткан элдик курултайда бир нече пунктан турган резолюция кабыл алынды. Негизгиси анда - Кемпир-Абад суу сактагычын коргоо комитети түзүлмөй болду.

К﻿емпир-Абад: кыргыз-өзбек чек арасы кантип чечилгени жатат?

Кыргыз-тажик чек арасындагы согуштан кийин алынган посттордун ызы-чуусу күчөп турганда, кыргыз-өзбек чек арасындагы "Кемпир-Абад" суу сактагычындагы талаштуу тилкелердин маселеси да курчуп баштады. Анын тагдыры Жогорку Кеңеште дагы бир жолу көтөрүлдү. Чек арага жакын Өзгөн районундагы айыл тургундары талаштуу тилкелер боюнча кандай чечимдер кабыл алынганы жөнүндө маалымат берүүнү талап кылышууда. 

"Сезимтал маселе". “Кемпир-Абаддын” кезеги келдиби? 

Ысык аба, куйкалаган күн. Ушундай учурда суусу жок калганыңызды ойлоп көрүңүз. Улгайгандарга, жаш балалууларга абал ого бетер оордук келтирет. Деген менен минтип бирөөлөр тамчы сууга зар болуп, чубуруп аккан түтүктүн көзүн карап олтурса, шаардын дагы бир жеринде дал ошол суу менен көк шиберин сугарып, килем, палас жууп же бассейнге чумкуп жүрөт.

"Эки күндүн биринде жок": Бишкектеги таза суу тартыштыгы 

Европа чөлкөмүн аптап катуу убайымга салды. Соңку мезгилде эле Испания менен Португалияда жүздөгөн адам ысыктан көз жумду. Адатта 40 градустан ашыптыр дегенде бизде деле ошондой эле го деп салыштырышыбыз мүмкүн. Бирок адистер абанын нымдуулугу, абанын басымы деген сыяктуу факторлорду эске алганда температуранын көрсөткүчү бирдей болгону менен таасири ар башка деп келишет.


Испаниядагы кыргыз: Ысыкты киши эле эмес, иттер да көтөрө албай калды

Жууку капчыгайындагы чокулардын биринен күр этип тоо жаңырта мөңгү көчтү. Баса белгилеп койчу жагдай, бул кар көчкүсү эмес, балким, бери дегенде жүз жылдап чогулган мөңгү. Мөңгү көчкөн учур видеого да тартылып калган. Бир караган кишиге көз жоосун алган кооздук. Көк мелжиген тоолор, ээ жаа бербей, кокту толо көчүп келе жаткан аппак көбүк өтө тез жүргөн коюу тумандай элес калтырат. Бирок бул канча жылдык кардын кору, таза суунун башаты көчтү дегенди түшүндүрөт. 