तुम्ही या वेबसाइटची फक्त मजकूर असलेली आवृत्ती पाहत आहात, जी कमी डेटा वापरते. सर्व फोटो आणि व्हिडिओंसह वेबसाइटची मुख्य आवृत्ती पाहा.
कोरोना व्हायरस विषयीचे महाराष्ट्र, देश आणि जगातले सर्व ताजे अपडेट्स
नागपूरमध्ये लॉकडाऊनचे नियम मोडणाऱ्या भाजीपाला विक्रेत्यांवर कारवाई करण्यात आली. बाजारात फक्त 10 वाहनांना परवागनी होती. पण इथं जास्त वाहने जमा झाली होती. ती हटवून त्यांच्यावर कारवाई करण्यात आली, अशी माहिती पोलीस निरीक्षक विजय अकोट यांनी दिली.
काल ( 27 एप्रिल रोजी) पंतप्रधान नरेंद्र मोदी आणि देशातील सर्व मुख्यमंत्र्यांची व्हीडिओ काँफरन्सिंगद्वारे बैठक पार पडली.
उपमुख्यमंत्री अजित पवार यांच्या अध्यक्षतेखाली 9 एप्रिल 2020 रोजी झालेल्या मंत्रिमंडळाच्या बैठकीत महाराष्ट्र विधान परिषदेच्या एका रिक्त जागेवर विद्यमान मुख्यमंत्री उद्धव ठाकरे यांची नियुक्ती करण्याची शिफारस करण्याचा निर्णय घेतला होता व तशी शिफारस राज्यपालांकडे करण्यात आली होती.
याव्यतिरिक्त काल दिवसभरात जे घडलं ते तुम्ही बीबीसी मराठीच्या कालच्या लाइव्ह पेजवर पाहू शकता.
कसे आहात? घरीच आहात ना? कोरोनाला पळवून लावण्यासाठी लॉकडाऊनच्या नियमांचं काटेकोर पालन करणं आवश्यक आहे. राज्य, देश तसंच आंतरराष्ट्रीय पातळीवरील कोरोनाचे सगळे अपडेट्स तुम्हाला इथे मिळत राहतील. काळजी घ्या.
महाराष्ट्रात आतापर्यंत कोरोनाचे 8 हजार 68 रुग्ण, 342 जणांचा मृत्यू झाला आहे. देशभरात गेल्या 24तासांत1,396 नवे रुग्ण, एकूण 27,892बाधित झाले आहेत.
जगभरात कोरोना पॉझिटिव्ह रुग्णांची संख्या 28 लाखांच्या पुढे गेली आहे. कोरोनामुळे मृत्यू होणाऱ्यांची संख्या दोन लाखांच्या पुढे गेली आहे. आतापर्यंत 185 देशांमध्ये कोरोना व्हायरस पसरला आहे.
अमेरिकेत कोरोनाचे सर्वाधिक 9 लाख 54 हजार 182 रुग्ण आढळले असून 54 हजार 388 जणांचा मृत्यू झाला आहे. काश्मीरमध्ये हायस्पीड इंटरनेटवर 11 मे पर्यंत बंदी असणार आहे.
उद्धव ठाकरेंच्या आमदारकीसाठी मंत्रिमंडळाची पुन्हा राज्यपालांना विनंती राज्य सरकार व्यापारी वर्गाला दिलासा देण्यासाठी जीएसटी कायद्यात सुधारणा करणार.
आज दिवसभरातील ताज्या घडामोडी बीबीसीच्या लाइव्ह ब्लॉगवर पाहता येतील.