ਤੁਸੀਂ ਇਸ ਵੈੱਬਸਾਈਟ ਦਾ ਸਿਰਫ਼-ਟੈਕਸਟ ਵਰਜ਼ਨ ਦੇਖ ਰਹੇ ਹੋ ਜੋ ਘੱਟ ਡਾਟਾ ਵਰਤਦਾ ਹੈ। ਸਾਰੀਆਂ ਤਸਵੀਰਾਂ ਅਤੇ ਵੀਡੀਓ ਸਮੇਤ ਵੈੱਬਸਾਈਟ ਦਾ ਮੁੱਖ ਵਰਜ਼ਨ ਦੇਖੋ।
ਦੁਨੀਆਂ ਭਰ ਵਿੱਚ ਕੋਰੋਨਾਵਾਇਰਸ ਦੇ ਮਾਮਲੇ ਲਗਾਤਾਰ ਵਧ ਰਹੇ ਹਨ। ਭਾਰਤ ਵਿੱਚ ਪੀੜਤਾਂ ਦੀ ਗਿਣਤੀ 23 ਹਜ਼ਾਰ ਤੋਂ ਪਾਰ ਅਤੇ ਮ੍ਰਿਤਕਾਂ ਦੀ ਗਿਣਤੀ 718
ਦਿ ਟੈਲੀਗ੍ਰਾਫ਼ ਮੁਤਾਬਕ ਯੂਕੇ ਦੇ ਸਿਹਤ ਮੰਤਰੀ ਮੈਟ ਹਨਕੌਕ ਦਾ ਕਹਿਣਾ ਹੈ ਕਿ ਯੂਕੇ ਵਿੱਚ ਬਣੇ ਕਿਸੇ ਵੀ ਟੀਕੇ ਦੀ ਵਰਤੋਂ ਪਹਿਲਾਂ ਯੂਕੇ ਦੇ ਨਾਗਰਿਕਾਂ ਨੂੰ ਹੀ ਮਿਲਣੀ ਚਾਹੀਦੀ ਹੈ।
ਡਾਊਨਿੰਗ ਸਟ੍ਰੀਟ ਤੇ ਵਿਗਿਆਨੀ ਸਲਾਹਕਾਰ ਟੀਕੇ ਦੀ ਵਰਤੋਂ ਸਬੰਧੀ ਕੋਈ ਵੀ ਵਾਅਦਾ ਕਰਨ ਤੋਂ ਇਨਕਾਰ ਕਰ ਰਹੇ ਹਨ।
ਪਰ ਸਿਹਤ ਮੰਤਰੀ ਚਾਹੁੰਦੇ ਹਨ ਕਿ ਯੂਕੇ ਦੇ ਨਾਗਰਿਕ ਜੋ ਕਿ ਦੋ ਵੈਕਸੀਨ ਪ੍ਰੋਗਰਾਮਾਂ ਲਈ ਫੰਡ ਦੇ ਰਹੇ ਹਨ, ਜੇ ਇਹ ਟੀਕਾ ਕਾਮਯਾਬ ਹੁੰਦਾ ਹੈ ਤਾਂ ਉਨ੍ਹਾਂ ਨੂੰ ਹੀ ਪਹਿਲਾਂ ਇਸ ਦੀ ਵਰਤੋਂ ਦਾ ਮੌਕਾ ਮਿਲਣਾ ਚਾਹੀਦਾ ਹੈ।
ਇੱਕ ਕੋਰੋਨਾਵਾਇਰਸ ਟੀਕੇ ਦਾ ਟਰਾਇਲ ਓਕਸਫੋਰਡ ਵਿੱਚ ਸ਼ੁਰੂ ਹੋ ਗਿਆ ਹੈ। 800 ਵਿੱਚੋਂ ਦੋ ਵਲੰਟੀਅਰਾਂ ਨੂੰ ਇਹ ਟੀਕਾ ਲਾਇਆ ਗਿਆ ਹੈ।
ਇਨ੍ਹਾਂ ਵਿੱਚੋਂ ਅੱਧੇ ਲੋਕਾਂ ਨੂੰ ਕੋਵਿਡ-19 ਟੀਕਾ ਲਾਇਆ ਜਾਵੇਗਾ ਜਦੋਂਕਿ ਬਾਕੀ ਅੱਧੇ ਲੋਕਾਂ ਨੂੰ ਇੱਕ ਕੰਟਰੋਲ ਵੈਕਸੀਨ ਦਿੱਤਾ ਜਾਵੇਗਾ ਜੋ ਕਿ ਮੈਨਿਨਜਾਇਟਿਸ ਦਾ ਇਲਾਜ ਕਰਦੀ ਹੈ।
ਇਸ ਟਰਾਇਲ ਦੌਰਾਨ ਵਲੰਟੀਅਰਜ਼ ਨੂੰ ਨਹੀਂ ਦੱਸਿਆ ਜਾਵੇਗਾ ਕਿ ਉਨ੍ਹਾਂ ਨੂੰ ਕਿਹੜਾ ਟੀਕਾ ਲਾਇਆ ਗਿਆ ਹੈ ਪਰ ਡਾਕਟਰਾਂ ਨੂੰ ਪਤਾ ਹੋਵੇਗਾ।
ਓਕਸਫੋਰਡ ਯੂਨੀਵਰਿਸਟੀ ਦੀ ਇੱਕ ਟੀਮ ਵੱਲੋਂ ਤਿੰਨ ਮਹੀਨਿਆਂ ਵਿੱਚ ਇਹ ਟੀਕਾ ਬਣਾਇਆ ਗਿਆ ਹੈ।
ਕੋਰੋਨਾਵਾਇਰਸ ਮਹਾਂਮਾਰੀ ਕਾਰਨ ਇਸਲਾਮ ਦੀਆਂ ਕਈ ਪਵਿੱਤਰ ਥਾਵਾਂ ਰਮਜ਼ਾਨ ਮੌਕੇ ਸੁਨਸਾਨ ਪਈਆ ਹਨ।
ਜੇਰੂਸਲੇਮ ਦੀ ਅਲ-ਅਕਸਾ ਮਸਜਿਦ ਦੇ ਡਾਇਰੈਕਟਰ ਅਤੇ ਇਮਾਮ ਸ਼ੇਖ ਓਮਰ ਅਲ-ਕਿਸਵਾਮੀ ਦਾ ਕਹਿਣਾ ਹੈ, “ਇਸਲਾਮ ਦੇ ਇਤਿਹਾਸ ਵਿੱਚ ਇਹ ਬਹੁਤ ਦੁਖ ਵਾਲਾ ਸਮਾਂ ਹੈ।”
ਭਾਰਤ ਵਿੱਚ ਕੋਰੋਨਾਵਾਇਰਸ ਦੇ ਕੁੱਲ ਪੌਜ਼ਿਟਿਵ ਮਾਮਲੇ 23,077 ਹੋ ਗਏ ਹਨ ਜਦੋਂਕਿ 718 ਲੋਕਾਂ ਦੀ ਮੌਤ ਹੋ ਗਈ ਹੈ।
ਸਿਹਤ ਮੰਤਰਾਲੇ ਮੁਤਾਤਬਕ ਇਨ੍ਹਾਂ ਵਿੱਚੋਂ 4749 ਇਲਾਜ ਤੋਂ ਬਾਅਦ ਠੀਕ ਹੋ ਚੁੱਕੇ ਹਨ।
ਪਿਛਲੇ 24 ਘੰਟਿਆਂ ਵਿੱਚ 1684 ਨਵੇਂ ਮਾਮਲੇ ਸਾਹਮਣੇ ਆਏ ਹਨ 37 ਮੌਤਾਂ ਹੋਈਆਂ ਹਨ।
ਮਹਾਰਾਸ਼ਟਰ ਵਿੱਚ ਸਭ ਤੋਂ ਵੱਧ ਮਾਮਲੇ ਹਨ। ਇੱਥੇ ਕੁੱਲ ਪੌਜ਼ਿਟਿਵ ਮਾਮਲੇ 6430 ਹਨ।
ਪਾਕਿਸਤਾਨ ਵਿੱਚ ਰਮਜ਼ਾਨ ਦੀ ਸ਼ੁਰੂਆਤ ਸ਼ਨੀਵਾਰ ਨੂੰ ਹੋ ਗਈ।
ਹਾਲਾਂਕਿ ਸਰਕਾਰ ਨੇ ਘਰਾਂ ਵਿੱਚ ਰਹਿ ਕੇ ਨਮਾਜ਼ ਪੜ੍ਹਣ ਦੇ ਨਿਰਦੇਸ਼ ਦਿੱਤੇ ਸਨ ਪਰ ਮੌਲਵੀਆਂ ਨੇ ਕਿਹਾ ਕਿ ਸੋਸ਼ਲ਼ ਡਿਸਟੈਂਸਿੰਗ ਦਾ ਧਿਆਨ ਰੱਖ ਕੇ ਮਸਜਿਦ ਵਿੱਚ ਨਮਾਜ਼ ਪੜ੍ਹੀ ਜਾਵੇਗੀ।
ਇਸ ਮੌਕੇ ਦੇਸ ਦੀਆਂ ਕਈ ਮਸਜਿਦਾਂ ਵਿੱਚ ਸਪਰੇਅ ਕੀਤੀ ਗਈ।
ਕੋਰੋਨਾਵਾਇਰਸ ਲਈ ਸੰਭਾਵੀ ਐਂਟੀਵਾਇਰਲ ਦਵਾਈ ਕਥਿਤ ਤੌਰ ’ਤੇ ਪਹਿਲੇ ਕਲੀਨਿਕਲ ਟਰਾਇਲ ਵਿੱਚ ਅਸਫਲ ਹੋ ਗਈ ਹੈ।
ਉਮੀਦ ਕੀਤੀ ਜਾ ਰਹੀ ਸੀ ਕਿ ਰੈਮਡੀਸਿਵਾਇਰ ਨਾਮਕ ਦਵਾਈ ਕੋਵਿਡ -19 ਦਾ ਇਲਾਜ ਕਰ ਸਕਦੀ ਹੈ।
ਪਰ ਇਕ ਚੀਨੀ ਤਜੁਰਬੇ ਵਿੱਚ ਸਾਹਮਣੇ ਆਇਆ ਹੈ ਕਿ ਦਵਾਈ ਸਫਲ ਨਹੀਂ ਹੋ ਸਕੀ। ਵਿਸ਼ਵ ਸਿਹਤ ਸੰਗਠਨ ਦੁਆਰਾ ਗਲਤੀ ਨਾਲ ਛਪੇ ਦਸਤਾਵੇਜ਼ਾਂ ਅਨੁਸਾਰ ਇਹ ਜਾਣਕਾਰੀ ਮਿਲੀ ਹੈ।
237 ਮਰੀਜ਼ਾਂ ਵਿੱਚੋਂਕੁਝ ਨੂੰ ਦਵਾਈ ਦਿੱਤੀ ਗਈ, ਕੁਝ ਨੂੰ ਪਲੈਸਬੋ। ਇੱਕ ਮਹੀਨੇ ਤੋਂ ਬਾਅਦ ਪਲੈਸਬੋ ਲੈਣ ਵਾਲੇ 12.8% ਮਰੀਜਾਂ ਦੇ ਮੁਕਾਬਲੇ, ਦਵਾਈ ਲੈਣ ਵਾਲੇ 13.9% ਮਰੀਜ਼ਾਂ ਦੀ ਮੌਤ ਹੋ ਗਈ।
ਸਾਈਡ-ਇਫੈਕਟਸ ਕਾਰਨ ਟਰਾਇਲ ਨੂੰ ਜਲਦੀ ਹੀ ਰੋਕ ਦਿੱਤਾ ਗਿਆ ਸੀ।
ਗਿਲਿਅਡ ਸਾਇੰਸਜ਼,ਦਵਾਈ ਬਣਾਉਣ ਵਾਲੀ ਅਮਰੀਕੀ ਕੰਪਨੀ ਨੇ ਡਬਲਯੂਐਚਓ ਦੀ ਪੋਸਟ 'ਤੇ ਨੂੰ ਗਲਤ ਕਰਾਰ ਦਿੱਤਾ ਹੈ।
ਐੱਨਡੀਐੱਮਏ ਨੇ ਟਵੀਟ ਕਰਕੇ ਇੱਕ ਅਜਿਹੇ ਡਿਫਰੈਂਟਲੀ ਏਬਲਡ ਸ਼ਖਸ ਦੀ ਸ਼ਲਾਘਾ ਕੀਤੀ ਜੋ ਕਿ ਲੋਕਾਂ ਨੂੰ ਮੁਫ਼ਤ ਵਿੱਚ ਮਾਸਕ ਬਣਾ ਕੇ ਵੰਡ ਰਿਹਾ ਹੈ।
ਭਾਗਬਾਨ ਤੰਤੀ ਇੱਕ ਦਰਜੀ ਹੈ ਜੋ ਓੜੀਸ਼ਾ ਦੇ ਕੋਰਾਪੁਟ ਜ਼ਿਲ੍ਹੇ ਵਿੱਚ ਲੋੜਵੰਦਾਂ ਨੂੰ ਮਾਸਕ ਵੰਡਦਾ ਹੈ।
ਬਚਪਨ ਵਿੱਚ ਹੀ ਭਾਗਬਾਨ ਨੂੰ ਪੋਲੀਓ ਹੋ ਗਿਆ ਸੀ ਅਤੇ ਲੱਤਾਂ ਨੇ ਕਮ ਕਰਨਾ ਬੰਦ ਕਰ ਦਿੱਤਾ ਸੀ।
ਦਿੱਲੀ ਨੌਇਡਾ ਡਾਇਰੈਕਟ ਫਲਾਈਵੇਅ 'ਤੇ ਪੁਲਿਸ ਆਉਣ-ਜਾਣ ਵਾਲੇ ਲੋਕਾਂ ਦਾ ਥਰਮਲ ਚੈੱਕ ਕਰ ਰਹੀ ਹੈ।
ਥਰਮਾਮੀਟਰ ਗਨ ਰਾਹੀਂ ਇਹ ਚੈੱਕਅਪ ਕੀਤਾ ਜਾ ਰਿਹਾ ਹੈ।
ਤੁਹਾਨੂੰ ਦੱਸਦੇਈਏ ਕਿ ਦਿੱਲੀ ਤੋਂ ਨੌਇਡਾ ਵਿੱਚ ਦਾਖਲ ਹੋਣ ਲਈ ਸਿਰਫ਼ ਜ਼ਰੂਰੀ ਕੰਮਾਂ ਲਈ ਹੀ ਰਿਆਇਤਾਂ ਦਿੱਤੀਆਂ ਗਈਆਂ ਹਨ।
ਵੱਖ-ਵੱਖ ਦੇਸਾਂ ਵਿੱਚ ਰਹਿੰਦੇ ਪੰਜਾਬੀ ਲੌਕਡਾਊਨ 'ਚ ਕਿਵੇਂ ਬਿਤਾ ਰਹੇ ਹਨ ਜ਼ਿੰਦਗੀ?
ਕੀ ਹੈ ਪੰਜਾਬ ਬੈਠੇ ਘਰਦਿਆਂ ਲਈ ਉਨ੍ਹਾਂ ਦਾ ਫਿਕਰ, ਇਹ ਵੀਡੀਓ ਦੇਖੋ।
ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦਾ ਦਾਅਵਾ ਹੈ ਕਿ ਨਵਾਂਸ਼ਹਿਰ ਤੋਂ ਬਾਅਦ ਹੁਣ ਮੋਗਾ ਜ਼ਿਲ੍ਹਾ ਕੋਰੋਨਾਵਾਇਰਸ ਮੁਕਤ ਹੋ ਗਿਆ ਹੈ।
ਟਵੀਟ ਕਰਕੇ ਉਨ੍ਹਾਂ ਨੇ ਖੁਸ਼ੀ ਜਤਾਉਂਦਿਆਂ ਕਿਹਾ ਕਿ ਸੋਸ਼ਲ ਡਿਸਟੈਂਸਿੰਗ ਕਾਰਨ ਅਜਿਹਾ ਸੰਭਵ ਹੋ ਸਕਿਆ ਹੈ।
ਤ੍ਰਿਪੁਰਾ ਦੇ ਮੁੱਖ ਮੰਤਰੀ ਬਿਪਲਬ ਕੁਮਾਰ ਦਾ ਦਾਅਵਾ ਹੈ ਕਿ ਤ੍ਰਿਪੁਰਾ ਕੋਰੋਨਾਵਾਇਰਸ ਮੁਕਤ ਹੋ ਗਿਆ ਹੈ।
ਉਨ੍ਹਾਂ ਕਿਹਾ ਦੋ ਕੋਰੋਨਾਵਇਰਸ ਦੇ ਮਰੀਜਾਂ ਦੇ ਠੀਕ ਹੋਣ ਤੋਂ ਬਾਅਦ ਸੂਬਾ ਪੂਰੀ ਤਰ੍ਹਾਂ ਕੋਰੋਨਾ ਮੁਕਤ ਹੈ।
ਇੱਕ ਮਰੀਜ਼ ਪਹਿਲਾਂ ਹੀ ਠੀਕ ਹੋ ਗਿਆ ਸੀ ਜਦੋਂਕਿ ਦੂਜੇ ਨੂੰ ਠੀਕ ਹੋਣ ਤੋਂ ਬਾਅਦ ਛੁੱਟੀ ਦੇ ਦਿੱਤੀ ਗਈ ਹੈ।
ਯੂਰਪੀ ਯੂਨੀਅਨ ਦੇ ਆਗੂਆਂ ਨੇ ਯੂਰਪ ਦੀ ਆਰਥਿਕਤਾ ਨੂੰ ਮੁੜ ਸੁਰਜੀਤ ਕਰਨ ਲਈ ਅਰਬਾਂ ਰੁਪਏ ਦੀ ਐਮਰਜੈਂਸੀ ਸਹਾਇਤਾ ਦੀ ਯੋਜਨਾ ‘ਤੇ ਸਹਿਮਤੀ ਜਤਾਈ ਹੈ।
ਇੱਕ ਵੀਡੀਓ ਕਾਨਫਰੰਸ ਵਿੱਚ ਯੂਰਪੀਅਨ ਯੂਨੀਅਨ ਦੇ ਆਗੂ ਇੱਕ ਵੱਡੇ ਪੈਮਾਨੇ ਤੇ ਰਿਕਵਰੀ ਫੰਡ ਸਥਾਪਤ ਕਰਨ ਲਈ ਸਹਿਮਤ ਹੋਏ ਹਨ, ਜੋ ਕਿ ਬਲਾਕ ਦੇ ਸੱਤ ਸਾਲਾਂ ਦੇ ਬਜਟ ਦੇ ਕਰੀਬ ਹੈ।
ਯੂਰਪੀਅਨ ਕਮਿਸ਼ਨ ਨੂੰ ਹੁਣ ਆਪਣੀ ਵਿਸਥਾਰ ਜਾਣਕਾਰੀ 'ਤੇ ਕੰਮ ਕਰਨਾ ਹੋਵੇਗਾ।
ਉਨ੍ਹਾਂ ਨੇ ਇਹ ਵੀ ਪੁਸ਼ਟੀ ਕੀਤੀ ਹੈ ਕਿ 1 ਜੂਨ ਤੋਂ ਕੋਰੋਨਾਵਾਇਰਸ ਨਾਲ ਹੋਣ ਵਾਲੇ ਆਰਥਿਕ ਨੁਕਸਾਨ ਨੂੰ ਘਟਾਉਣ ਲਈ ਮੌਜੂਦਾ ਸਿਸਟਮ ਰਾਹੀਂ 540 ਅਰਬ ਯੂਰੋ ਦੀ ਵਿੱਤੀ ਸਹਾਇਤਾ ਜਾਰੀ ਕੀਤੀ ਜਾਏਗੀ।
ਜਰਮਨੀ ਦੀ ਚਾਂਸਲਰ ਐਂਗੇਲਾ ਮਾਰਕੇਲ ਨੇ ਕਿਹਾ ਹੈ ਕਿ ਉਨ੍ਹਾਂ ਦੇ ਦੇਸ ਨੂੰ ਕੋਰੋਨਾਵਾਇਰਸ ਦੀ ਲਾਗ ਨਾਲ ਨਜਿੱਠਣ ਲਈ ਚਲਾਕੀ ਅਤੇ ਸਾਵਧਾਨੀ ਨਾਲ ਕੰਮ ਕਰਨ ਦੀ ਲੋੜ ਹੈ।
ਮਾਰਕੇਲ ਨੇ ਕਿਹਾ ਕਿ ਇਹ ਸੰਕਟ ਅਜੇ ਸ਼ੁਰੂ ਹੋਇਆ ਹੈ।
ਮਰਕੇਲ ਨੇ ਕਿਹਾ, "ਅਸੀਂ ਇਸ ਵਾਇਰਸ ਨਾਲ ਲੰਬੇ ਸਮੇਂ ਲਈ ਜੀਉਣਾ ਹੈ। ਜਰਮਨੀ ਨੂੰ ਬਿਲਕੁਲ ਵੱਖਰੇ ਢੰਗ ਨਾਲ ਤਿਆਰ ਰਹਿਣਾ ਪਏਗਾ। ਭਾਵ ਅਸੀਂ ਯੂਰਪੀ ਯੂਨੀਅਨ ਦੇ ਬਜਟ ਵਿੱਚ ਉਮੀਦ ਤੋਂ ਵੱਧ ਸਾਡਾ ਯੋਗਦਾਨ ਹੋਵੇਗਾ।''
ਵੀਰਵਾਰ ਨੂੰ ਜਰਮਨੀ ਵਿੱਚ ਕੋਰੋਨਾਵਾਇਰਸ ਨਾਲ ਇਨਫੈਕਸ਼ਨ ਦੇ ਮਾਮਲੇ ਵੱਧ ਕੇ 148,046 ਹੋ ਗਏ ਅਤੇ ਮੌਤਾਂ ਦੀ ਕੁੱਲ ਗਿਣਤੀ ਵੀ 5,094 ਹੋ ਗਈ ਹੈ।
ਮਰਕੇਲ ਨੇ ਕਿਹਾ ਕਿ ਕੋਰੋਨਾ ਵਾਇਰਸ ਦੀ ਲਾਗ ਦੂਜੀ ਵਿਸ਼ਵ ਜੰਗ ਤੋਂ ਬਾਅਦ ਸਭ ਤੋਂ ਵੱਡੀ ਚੁਣੌਤੀ ਹੈ।
ਅਮਰੀਕਾ ਵਿੱਚ ਸੰਸਦ ਦੇ ਹੇਠਲ਼ੇ ਸਦਨ ਹਾਊਸ ਆਫ਼ ਰਿਪ੍ਰੈਜੈਂਟੇਟਿਵਸ ਵਿੱਚ 484 ਅਰਬ ਡਾਲਰ ਦੇ ਇੱਕ ਨਵੇਂ ਰਾਹਤ ਪੈਕੇਜ ਨਾਲ ਜੁੜਿਆ ਬਿਲ ਪਾਸ ਹੋ ਗਿਆ ਹੈ।
ਇਸ ਦਾ ਮਕਸਦ ਛੋਟੇ ਕਾਰੋਬਾਰਾਂ ਨੂੰ ਕਰਜ਼ਾ ਦੇਣਾ ਅਤੇ ਹਸਪਤਾਲਾਂ ਤੇ ਕੋਰੋਨਾਵਾਇਰਸ ਦੇ ਪਰੀਖਣ ਲਈ ਹੋਰ ਰਾਸ਼ੀ ਦੇਣਾ ਹੈ।
ਅਮਰੀਕਾ ਵਿੱਚ ਬੇਰੁਜ਼ਗਾਰੀ ਭੱਤੇ ਲਈ ਅਰਜ਼ੀ ਦੇਣ ਵਾਲੇ ਲੋਕਾਂ ਦੀ ਗਿਣਤੀ ਵੱਧ ਕੇ 2 ਕਰੋੜ 64 ਲੱਖ ਹੋ ਗਈ ਹੈ।
ਅਮਰੀਕਾ ਵਿੱਚ ਕੋਰੋਨਾਵਾਇਰਸ ਤੋਂ ਸੰਕਰਮਿਤ ਲੋਕਾਂ ਦੀ ਗਿਣਤੀ 8 ਲੱਖ 40 ਹਜ਼ਾਰ ਹੋ ਗਈ ਹੈ। ਲਗਭਗ 47 ਹਜ਼ਾਰ ਲੋਕਾਂ ਦੀ ਲਾਗ ਨਾਲ ਮੌਤ ਹੋ ਗਈ ਹੈ।
ਸਤਿ ਸ੍ਰੀ ਅਕਾਲ, ਬੀਬੀਸੀ ਪੰਜਾਬੀ ਦੇ ਲਾਈਵ ਪੇਜ ’ਤੇ ਤੁਹਾਡਾ ਸਵਾਗਤ ਹੈ।ਕੋਰੋਨਾਵਾਇਰਸ ਨਾਲ ਜੁੜੀ ਦੇਸ-ਵਿਦੇਸ਼ ਦੀ ਹਰ ਅਪਡੇਟ ਤੁਹਾਨੂੰ ਇਸ ਪੇਜ ’ਤੇ ਮਿਲੇਗੀ।ਆਓ ਜਾਣਦੇ ਹਾਂ ਹੁਣ ਤੱਕ ਕੀ ਹੋਇਆ:
ਵੀਰਵਾਰ ਦੀ ਹਰ ਅਪਡੇਟ ਲਈ ਇਸ ਲਿੰਕ ’ਤੇ ਕਲਿੱਕ ਕਰੋ।