டெல்லியில் 'இந்தியா' கூட்டணி பேரணி - முக்கிய நிகழ்வுகளை காட்டும் புகைப்படத் தொகுப்பு

டெல்லியில் தலைமைத் தேர்தல் ஆணையர் ஞானேஷ் குமாருக்கு எதிராக உச்ச நீதிமன்றத்தை நோக்கிய எதிர்க்கட்சிகள் பேரணி நடக்கிறது. திட்டமிடப்பட்ட பாதையில் பேரணி சென்ற போது பாதி வழியில், அதாவது மண்டி ஹவுஸ் பகுதியில் காவல்துறையினர் தடுத்து நிறுத்தியதால் போராட்டக்காரர்கள் இந்திய கேட் பகுதியை நோக்கிச் சென்றனர்.

போராட்டக்காரர்கள் பகவான் தாஸ் மார்க் வழியாக உச்ச நீதிமன்றத்தை அடைய முயன்றனர், ஆனால் அந்த முயற்சி வெற்றிபெறவில்லை; அப்போது தள்ளுமுள்ளு சம்பவமும் ஏற்பட்டது.

பின்னர், பலத்த பாதுகாப்பு ஏற்பாடுகளையும் மீறி திலக் மார்க் வழியாக உச்ச நீதிமன்றத்தின் 'கேட் பி' நுழைவாயிலை ராகுல் காந்தி உள்ளிட்ட எதிர்க்கட்சித் தலைவர்கள் அடைந்தனர்.

போராட்டக்களத்தில் என்ன நடந்தது? என்பதை கண் முன்னே காட்டும் ஒரு புகைப்படத் தொகுப்பை பார்க்கலாம்.

- இது பிபிசிக்காக கலெக்டிவ் நியூஸ்ரூம் வெளியீடு