ኤርትራ

ኢትዮጵያ

ሱዳን

ማእከላይ ምብራቕ

ሳይንስን ጥዕናን

ኣመና ፍቱዋት

ዜና

ቪድዮ

ተዓዘቡ

ራድዮ

ስምዑ

Tigrinya

ኢትዮጵያ፡ ካብ ሶማልያን፡ ኤርትራን ዱቡብ ሱዳንን ዝመጽኡ ልዕሊ 900,000 ስደተኛታትን ሓተትቲ ዕቑባን ኣአንጊዳ ዘላ ሃገር ምዃና ጸብጻባት ሕቡራት ሃገራት ይሕብር። ኣስታት 18 ሚእታዊት ካብዚኦም ኤርትራውያን ምዃኖም ሓበሬታ ትካል ስደተኛታት እቲ ውድብ ዩ-ኤን-ኤች-ሲ-ኣር ይጠቅስ።


ኣመሪካ ኣብ ኢትዮጵያ ንዝርከቡ ስደተኛታት እትህቦ ረዲኤት ክትቅጽሎ ምዃና ኣፍሊጣ

“እቶም ሓረስቶት ተስፋ ቈሪጾም ኣለዉ፤ ክሳብ ሕጂ ኣስታት 4 ሽሕ ሓረስቶት ናበይ ከም ዝኸዱ ኣይተፈልጠን። ክንነቀሳቐስ ከለና ገዛኦም ተዓጽዩ ንረኽቦ። ነበርቲ እቲ ከባቢ እውን መንግስቲ ብቕልጡፍ ክረድኦም ይምሕጸኑ ኣለው።" ኣብቲ ከባቢ ሕማማት’ውን ብሰፊሑ ከም ዝተኸሰተ፤ ብተወሳኺ ኣብቲ ከባቢ ሰፊሕ ለበዳታት ከምዘሎን እውን ይንገር።

ኣብ ክልል ኣምሓራ ብውሑድ 18 ሰባት ብደርቂ ከም ዝሞቱ ተገሊጹ 

ኣብ ምብራቓዊ ሊብያ ከተማ ደርና ኣብ ዝርከብ ናይ ሓደ ሆስፒታል መዕረፊ መካይን፡ ናይ ሓደ ካብቶም ብዙሓት ግዳያት መረዳእታ የጻፍፉ ኣለዉ።እዚ ስራሕ እዚ ካብቶም ኣብዚ እዋን ኣዝዮም ጠቐምትን ኣጨነቕትን ስራሕቲ እዩ። እቲ ሰብኣይ ኣብ ባሕሪ ንሓደ ሰሙንስለዝጸንሐ መንነቱ ክፍለ ኣይተኽኣለን። ሽዑ ንጉሆ እዩ ኣብቲ ገማግም ተገሊፉ ተረኺቡ።


መንነቶም ክፍለጥ ዘይተኻእለ ሬሳታት ሓደጋ ውሕጅ ሊብያ

ካልኦት 20 ሽሕ ሰባት ሃለዋቶም ዘይተፈልጠ'ውን ሞይቶም ክኾኑ ከምዝኽእሉ ከንቲባ ናይታ በቲ ባህርያዊ ሓደጋ ኣዝያ ዝተሃስየት ከተማ ደርና ዓብደልመናም ኣልጋሓይቲ ተዛሪቡ። ትካላት ምድሓን ህይወት፡ ሬሳታት ናይቶም ብውሕጅ ናብ ባሕሪ ተጸሪጐም ዝተወስዱ ግዳያት ንምውጻእ ኣብ ህጹጽ ስራሕ ተጸሚዶም ይርከቡ።

ዕልቕልቕ ሊብያ፡ ቁጽሪ ምውታት 11 ሽሕ በጺሑ

ድሕሪ ናይ ነዊሕ እዋን መራሒ እታ ሃገር ነበር ሙዓመር ገዳፊ ኣብ 2011 ካብ ስልጣን ምውጋዱ እታ ሃገር ኣብ ክልተ መንግስታት ዝተኸፈለት ኮይና፡ ኣብ መንጎ ዝተፈላለዩ ጉጅለታት ብዝካየዱ ውግኣት ክትሕመስ ጸኒሓ።
ቀዳማይ ሚኒስተር ዓብዱል ሓሚድ ድበይባህ፡ ነቲ ብሕቡራት ሃገራት ዝድገፍ ትሪፖሊ ማእከሉ ዝገበረ መንግስቲ ሃገራዊ ሕብረት ይመርሕ።


ተቐናቐንቲ መንግስታት ሊብያ ‘ኣብ ሰብኣዊ ሓገዝ ግን ይተሓጋገዙ’ ኣለዉ

ኣብ እዋን እቲ ብሽም ዳኒኤል ዝፍለጥ ሆቦብላ፡ ብሰንበት ሓደ ግድብ ምፍራሱ ስዒቡ እታ ከተማ ብውሕጅ ምዕልቕላቓ ብውሑድ 2300 ሰባት ሞይቶም።

እቶም ብሓያል ውሕጅ ዝሞቱ ሊብያውያን ብጃምላ ተቐቢሮም

ኣብ ሞሮኮ ብዘጋጠመ ሓያል ምንቅጥቃጥ ምድሪ ቁጽሪ ዝሞቱ ልዕሊ 2000 ከም ዝበጽሐ ተገሊጹ።

ምንቅጥቃጥ ምድሪ ሞሮኮ፡ ቍጽሪ ዝሞቱ ሰባት ልዕሊ 2000 በጺሑ

ኣብ ደቡባዊት ኤስያ እትርከብ ባንግላድሽ ብሰንኪ ናህሪ ዋጋ ሸቐጣት ዜጋታት ብፍላይ ኣብ ትሑት መነባብሮ ዝነብሩ ሰባት ኣመና ተሃስዮም። ኣዶታት ደቀን ሰኣን እኹል መግቢ ኣብ ቅድሚ ዓይነን ይበኽይወን።

'ብሰንኪ ጥምየት ደቀይ ይበኽዩ’ለዉ' ባንግላድሻዊት ኣደ

ኣብ ትግራይ ትካላት ረድኤት፡ ንጽጉማት ተባሂሉ ዝመጽአ ሓገዝ ብኣመሓደርቲ ይጠፋፋእ ኣሎ ብምባል ረድኤት ምቕራብ ካብ ዘቋርጹ ጸኒሖም ኣለዉ። 

ትግራይ፡ ‘ንምንባር መግቢ ንልምን ኣለና’

ፕሮግራም መግቢ ሕቡራት ሃገራትን ዩኤስኤይድን ብሰንኪ እቲ ኲናት ንዝተሃስዩ ከባቢ 6 ሚልዮን ነበርቲ ትግራይ ረድኤት ክልእኹ እኳ እንተጀመሩ፡ እቲ ረድኤት ተጨውዩ ኣብ ዕዳጋታት ይሽየጥ ምህላው ድሕሪ ምርግጋጾም እዮም ነቲ ሓገዝ ደው ኣቢሎምዎ።

ትግራይ፡ ረድኤት ድሕሪ ምቁራጹ ብውሕዱ 1400 ሰባት ብጥሜት ሞይቶም

ኣብ ትግራይ፡ መሳርሕታት ሕክምና ሓፈሻዊ ሕክምና ሆስፒታል ኵሓ ከም ዝተዘመተ ተፈሊጡ። እቶም ዝተዛመቱ እቲ ባዮሜትሪ ዝበሃል መሳርሒ ሕክምና፡ ኣብ ትግራይ ኣብ ሓፈሻዊ ሕክምና ሆስፒታል ኵሓ ጥራይ ዝርከብን ኣብ ትግራይ ክሽየጥ ዘይክእልን ከምዝዀነ ፖሊስ ሓቢሩ። ብተወሳኺ፡ እዞም መሳርሒታት ሕክምና ምስ ተሰረቝ ኣብ ከተማ መቐለ ኣብ ዝርከቡ ማእከላት ሕክምና ዓይኒ ተፍትሽ ከም ዘካየደን ናብ ካልኦት ክልላት ከይወጽእ ኣብ ኬላታት’ውን ተፍትሽ ይካየድ ከምዘሎ ኣዛዚ ፖሊስ ኲሓ ሓቢሩ።

ትግራይ፡ መሳርሕታት ሕክምና ሓፈሻዊ ሆስፒታል ኵሓ ተዘሚቱ

ውድብ መግቢ ዓለም፡ ኣብ ሓደ ዞባ እታ ሃገር ቀረብ ረድኤት ዳግማይ ክጅምር ከም ዝወሰነ ኣፍሊጡ። እቲ ትካል ሰሉስ ኣብ ዘውጽኦ መግለጺ፡ ኣብታ ንኣስታት ክልተ ዓመት ኣብ ኲናት ሓድሕድ ዝጸንሐት ክልል ትግራይ፡ ብሓድሽ መስርሕ ክትትል ወሰኽ ቀረብ ተጀሚሩ ምህላዉ ኣፍሊጡ።


ሕቡራት ሃገራት ኣብ ኢትዮጵያ ብፍላይ ኣብ ትግራይ ዝገብሮ ሓገዝ ዳግማይ ጀሚሩ

ፕረዚደንት ብላድሚር ፑቲን ኣብ መኽፈቲ ናይቲ ኣብ ከተማ ፒተርስበርግ ዝካየድ ዘሎ ዋዕላ ሩስያን-ኣፍሪቃን ኣብ ዘስምዖ መደረ፡ ኤርትራ ንትርከበን ሽዱሽተ ሃገራት ኣፍሪቃ ኣብ ዝመጽእ ሰለስተ ኣዋርሕ ነቲ እኽሊ ክርከብኦ ምዃነን'ውን ፑቲን ጠቒሱ።

ሩስያ ንኤርትራ ብናጻ ስርናይ ክትህባ ምዃና ፕረዚደንት ፑቲን ቃል ኣትዩ

ፕረዚደንት ሩስያ ቪላድሚር ፑቲን፡ ሩስያ ካብ ዩክረይን ናብ ኣፍሪቃ ዝለኣኽ እኽሊ ክትክእ ዓቕሚ ከም ዘለዋ ገሊጹ። 

ዩክረይን ናብ ኣፍሪቃ እትልእኾ እኽሊ ክትክእ'የ – ሩስያ

ኣይጂኤም፡ ሓደ ካብቶም ኣብ ዓለምና ዝፍለጡ ኣብ ጸረ ዘይሕጋዊ ምስግጋር ሰባት ዝነጥፉ ትካላት ክኸውን ከሎ ኣብ ዝሓለፉ ክልተ ዓመታት ኣስታት 100 ሚልዮን ዶላር ዓመታዊ ምወላ ረኺቡ’ዩ። እንተዀነ ግን ቢቢሲ ዘካየዶ መርመራና፡ እቲ ትካል ዘይሕጋዊ ምስግጋር ሰባት ከምዘሎ ዳርጋ ዝዀነ መርትዖ ኣብ ዘይነበረሉ ኵነታት ገለ ቆልዑ ካብ ስድራቤቶም ከምዝኣለየ የመልክት። 

ግርምቢጥ ምስጢር ብሓይሊ ምውሳድ ህጻናት ካብ ስድራኦም እንታይ እዩ?

ኣብ ኣተገባብራ ስምምዕ ሰላም ፕሪቶርያ ርኡይ ክፍተታት ከምዘሎ ‘አፍሪካንስ ፎር ዘ ሆርን’ ዝተባህለ ጥምረት ሲቪላዊ ማሕበራት ገሊጹ። እቲ ንኽልተ ዓመት ዝቐጸለ ደማዊ ኲናት ብሰላም ንኸብቅዕ ህወሓትን ፌደራል መንግስትን ኣብ ዝሓለፈ ዓመት ኣብ ፕሪቶርያ ስምምዕ ሰላም ከም ዝፈጸሙ ዝዝከር እዩ። ነዚ ስምምዕ ሰላም ዝገምገመ አፍሪካንስ ፎር ዘ ሆርን፡ ምስ ብዙሓት ሰባት ዝተገብረ ቃለ መሕትት፡ ዝተፈላለየ ህዝባዊ ሓበሬታ፡ ርኡይ ክፍተታትን ለበዋታትን ዘጠቓለለ 25 ገጻት ዘለዎ ጸብጻብ’ዩ ኣውጺኡ። 

ኣብ ኣተገባብራ ስምምዕ ሰላም ፕሪቶርያ ‘ዓበይቲ ክፍተታት’ ከምዘለዉ ተገሊጹ

ኣብ ኢትዮጵያ ተፈናቐልትን ስደተኛታትን ዝርከቡዎም  ልዕሊ 20 ሚልዮን ሰባት ህልውነኦም ኣብ ሰብኣዊ ሓገዝ ዝተመርኮሰ ከምዝኾነ ዝሓበረ ኤምኤስኤፍ፡ ‘‘ነፍሰ ጾራት፣ ሓደሽቲ ወላዳት፣ ትሕቲ 5 ዓመት ህጻናትን ኤችኣይቪ ዘለዎምን ንዝለዓለ ሓደጋ ተቓሊዖም’’ ኢሉ፡፡

ትካል ዶብ ኣልቦ ሓካይም፡ ኣብ ኢትዮጵያ ዝተቛረጸ ሰብኣዊ ሓገዝ ብቕልጡፍ ክጅመር ጸዊዑ

ኣብ ትግራይ 728 ሰባት ብሰንኪ ጥምየት ከም ዝሞቱ ይግለፅ ኣሎ። እዚ ሞት ድማ ትካላት ሰብኣዊ ረድኤት - ፕሮግራም ምግቢ ዓለምን ዩኤስአይድን ናብ ትግራይ ዝልእኽዎ ሓገዝ ድሕሪ ምቁራጾም ዝሰዓበ ምዃኑ፡ ሓላፊ ስግኣት ሓደጋ ኣመራርሓ ትግራይ ዶክተር ገብረሂወት ገብረእግዚኣብሄር ንቢቢሲ ተዛሪቡ።

ኣብ ትግራይ ልዕሊ 720 ሰባት ብሰንኪ ጥምየት ሞይቶም ተባሂሉ

ዓለምለኻዊያን ትካላት ረዲኤት - ፕሮግራም መግቢ ዓለም፡ ትካል ልምዓት ኣሜሪካ - እቲ ንኢትዮጵያ ዝወሃብ ዝነበረ ሓገዝ መግቢ ካብ ኣፍ ተጠቀምቲ እናተመንጠለ ንኻልእ ዕላማ ስለዝውዕል ክቋረጽ ከም ወሰኑ ይዝከር። እቶም ኣብዚ ተግባር’ዚ ዝኽሰሱ ኣካላትን መንግስታትን ነዚ ክሲ ምላሽ’ኳ እንተሃቡሉ፡ ሳዕቤኑ ኣብቲ ተጸባዪ ረዲኤት ዝዀነ ህዝቢ ግን ከቢድ ምዃኑ ርኡይ እዩ። እዚ ጉዳይ’ዚ ግን ከመይ ኢሉ እዩ ማዕቢሉ፣ ግቡእ ግብረመልሲ ንምሃብን መስርሕ ዕደላ ረዲኤት ንምቕጻልን ዝግበር ዘሎ ጻዕሪታት ከ እንታይ ይመስል?

ስርቂ መግቢ ረዲኤትን ምቍራጽ ቀረብን ካበይ ናበይ?

ሮይተርስ ንሓደ ላዕለዋይ በዓል ስልጣን ውድብ ፕሮግራም መግቢ ዓለም ጠቒሱ ከምዝሓበሮ፡ እቲ ውድብ ተጠቀምቲ ረዲኤት ዝዀኑ ሰባት ብኸመይ ከም ዝምረጹ ዝለዓለ ስልጣን እንተረኺቡ፡ ኣብ ዝመጽእ ሓምለ ኣብ ኢትዮጵያ ብፍላይ ድማ ኣብ ትግራይ ምዕዳል ሓገዝ መግቢ ክጅምር ተስፋ ከምዘለዎ ኣፍሊጡ።

ውድብ መግቢ ዓለም፡ ኣብ ትግራይ ረድኤት ምሃብ ከምዝጅመር ኣሚቱ

ድሕሪ ውድቀት ስርዓት ደርግ፡ ንኣስታት ሰለስተ ዓሰርተታት ዓመታት ከም ኣካል ምዕራብ ትግራይ ኰይኑ ዝጸንሐ ከባቢታት፡ ወልቃይት፡ ጸገዴን ቃፍታ ሑማራን፡ ድሕሪ’ቲ ኣብ 2020 ዝተወልዐ ኲናት ትግራይ፡ ብሓይልታት ኣምሓራ ብሓይሊ ተታሒዙ፡ እቲ ጉዳይ ክሳብ ሕጂ መዕለቢ ኣይረኸበን። ሓደ ካብቶም ቀንዲ ነዚ ሕቶ ዘልዕሉ ሰባት ኮሎኔል ደመቀ ዘውዱ እዩ። እቲ ብሂዩማን ራይትስ ዎች፡ ብግህሰት ሰብኣዊ መሰላት ዝኽሰስ ኮሎኔል፡ ምክትል ኣመሓዳሪን ሓላፊ ክፍሊ ሰላምን ጸጥታን ‘ወልቃይት ጸገዴ ሰቲት ሑመራ’  ተባሂሉ ዝተሰየመ፡ ኣብ ትሕቲ ክልል ኣምሓራ ዝርከብ ዞባ እዩ።

ኮሎኔል ደመቀ ዘውዱ፡ ብዛዕባ ምዕራብ ትግራይን ዝቐረበሉ ክስን እንታይ ይብል?

ማይ ብድሮን ዝወሃቦም ዘሎ ዩክሬናውያን

ብሰንኪ’ቲ ኣብ ክልል ትግራይ ዝተኻየደ ኲናት ክልተ ዓመት፡ ልዕሊ ሓደ ሚልዮናት ሰባት ሞይቶም፡ ካብ መረበቶም ተፈናቒሎምን ተጸበይቲ ረዲኤትን ኰይኖም ኣለዉ። ብመሰረት ወዕል ፕሪቶርያ ኣብታ ክልል ተዛማዲ ሰላምን ንግዳዊ ንጥፈታትን’ኳ እንተተራእየ፡ ብፍላይ እቶም ካብ ኣባይቶም ዝተመዛበሉ ብኣሽሓት ዝቝጸሩ ህዝቢ ግን ክሳብ ሕጂ ተጸበይቲ ህጹጽ ሓገዝ እዮም።

 ትግራይ፡ "ኣይቐትላ ኣየሕውያ ቁንጣሮ ረድኤት ክንጽበ ሳዕሪ ፀሪና"

መንግስቲ ኢትዮጵያ፡ ኣህጉራዊ ትካል ሓገዝ ልምዓት ሕቡራት መንግስታት ኣመሪካ (ዩኤስኤኣይዲ) ቀረብ ረድኤት ንምቁራጽ ዝወሰዶ ውሳነ 'ፖለቲካዊ' እዩ ብምባል ተቓውሞኡ ኣስሚዑ። ቅድሚ ሒደት መዓልታት፡ ዩኤስኤኣይዲ ኣብ ኢትዮጵያ ብዝሒ ዘለዎ ረድኤት ኣብ ዘይመዓልኡ ስለዝወዓለ ነታ ሃገር ዝልግሶ ዝነበረ ረድኤት ከም ዘቋረጸን ኣፍሊጡ ነይሩ።