ગુજરાતમાં મેળો : રાજકોટના મેળાની ઝલક જુઓ તસવીરોમાં

ગુજરાતમાં જન્માષ્ટમી અને સાતમ-આઠમ નિમિત્તે અનેક જગ્યાએ મેળાઓ ભરાતા હોય છે. આ વર્ષે પણ અનેક જગ્યાએ મેળાનું આયોજન થયું છે.

નાનાં બાળકો, યુવાનો સહિત વડીલો પણ આ મેળાનો લાભ લેતા હોય છે.

મોટાં શહેરોમાં અને નાનાં ગામોમાં પણ પરંપરાગત રીતે મેળા યોજાતા હોય છે, જેમાં વિવિધિ રીતે સાંસ્કૃતિક ઝલક જોવા મળતી હોય છે.

રાજકોટમાં લોકમેળાનું આયોજન થયું છે અને આ મેળો સંપૂર્ણપણે રાજકોટ જિલ્લા કલેક્ટરની અધ્યક્ષતા હેઠળની 'લોકમેળા ટ્રસ્ટ' દ્વારા યોજવામાં આવે છે.

આ મેળામાં સ્થાનિક અને લોકકલાકારો દ્વારા લોકનૃત્ય આયોજિત કરવામાં આવ્યાં છે અને રાસ-ગરબા અને લોકસંગીત જેવા કાર્યક્રમો રજૂ થાય છે.

બીબીસી માટે કલેક્ટિવ ન્યૂઝરૂમનું પ્રકાશન