તમે આ વેબસાઇટનું ટેક્સ્ટ-ઓન્લી વર્ઝન જોઈ રહ્યા છો જે ઓછો ડેટા વાપરે છે. તમામ ફોટા અને વીડિયો સાથેનું વેબસાઇટનું મુખ્ય વર્ઝન જુઓ.
ગુજરાતી ફિલ્મોના ગાયક અને સંગીતકાર મહેશ કનોડિયાનું નિધન
ગુજરાત ફિલ્મજગતના સંગીતકાર અને ગાયક મહેશ કનોડિયાનું અવસાન થયું છે.
ગુજરાતી ફિલ્મજગત મહેશ કનોડિયાને તેમનાં ગીતો માટે વર્ષો સુધી યાદ રાખશે.
બીબીસી ગુજરાતી સાથેની વાતચીતમાં હિતુ કનોડિયાએ આ અંગે ખરાઈ કરી હતી.
મહેશ કનોડિયા જાણીતા ગુજરાતી અભિનેતા નરેશ કનોડિયાના ભાઈ હતા અને તેઓ ભાજપના સંસદસભ્ય પણ હતા.
વડા પ્રધાન નરેન્દ્ર મોદીએ મહેશ કનોડિયાના નિધન પર શોક વ્યક્ત કર્યો હતો.
તેમણે ટ્વીટ કરીને પોતાને કનોડિયાની સાંસદ તરીકેની પ્રભાવી કામગીરીના નજીકના સાથી ગણાવ્યા હતા.
વડગામના ધારાસભ્ય જિગ્નેશ મેવાણીએ પણ ફેસબુક પર શોક વ્યક્ત કરતા મહેશ કનોડિયાને દંતકથાસમા ગણાવ્યા હતા.
મહેશ કનોડિયાનો જન્મ મહેસાણા જિલ્લાના કનોડા ગામે થયો હતો. બાદમાં તેમનો પરિવાર અમદાવાદમાં આવી વસ્યો હતો.
End of સૌથી વધારે વંચાયેલા સમાચાર
મહેશ કનોડિયાને નાનપણથી સંગીત સાંભળવાનો અને ગાવાનો શોખ હતો.
અમદાવાદથી તેઓ મુંબઈ પહોંચ્યા હતા અને સંગીતની સફર શરૂ કરી હતી. તેઓ 15થી વધુ ગાયકોના અવાજ કાઢી શકતા હતા.
તેઓએ મહેશકુમાર ઍન્ડ પાર્ટીની શરૂઆત કરી હતી. જેના દેશવિદેશમાં 15000થી વધુ શો થયા હતા.પાર્ટીમાં તેઓ અલગઅલગ ગાયકોના અવાજ કાઢતા હતા અને નરેશ કનોડિયા સ્ટેજ પર ડાન્સ અને મિમિક્રી કરતા હતા.
બાદમાં તેઓએ અનેક ગુજરાતી ફિલ્મોમાં સંગીત આપ્યું હતું. ગુજરાતી ફિલ્મોમાં મહેશ-નરેશની જોડી ફૅમસ હતી.
તમે અમનેફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો