Anthony Joshua vs Pulev: Anthony Joshua akụpụla Kubrat Pulev ọkwụrụ n'anya
Ọkụọkpọ Anthony Joshua akpọrọ Unified world heavyweight champion ji ike na ndịdị kụpụ Kubrat Pulev ọkpụ n’anya nke mere na olileanya dị na ya na Tyson Fury nwerike ịlụ ọgụ ụwa na-eche kamgbe.
Mkpuchi Na Eme Ozugbo
Ozo Big Brother esonyerela otu egwu bọọlụ Juventus
Ebe foto si, Instagram Screen-grab
Ozo, onye so n'egwuregwu Big Brother Naija nke afọ 2020 esonyerela otu egwuregwu bọọlụ Juventus nke mba Itali
Nwaokorobịa a ezigbo aha ya bụ Ozoemena Chukwu kwupụtara nke a n'akara soshal midia ya dị iche iche.
Ọzọ kwuru na ahọrọla ya dịka onye nlekọta azụmahịa (Brand Manager) nke ụlọakwụkwọ ebe ndị Juventus na-azụpụta ndị na-agbara ha bọọlụ na Naịjirịa, nke a kpọrọ Juventus Academy na Bekee.
Skip X postHapụ X ihe dị na ya?Warning: BBC amaghị maka ihe ndị si n'ọbaozi ndị ọzọ.Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Kamgbe o sicha n'ụlọ Big Brother Naija pụta, ọnwa Ozo na-etisi nnọọ ike.
Ụlọọrụ izizi ya na ha nwere nkwekọrịta bụ ụlọọrụ ntaakụkọ egwuregwu bụ Super Sports.
Ya na ụlọọrụ ekwentị bụ Tecno nwekwara nkwekọrịta azụmahịa.
Nke ya na Juventus ugbua bụ nke onye ọbụla kpụ n'ọnụ ugbua.
Etu m si soro na ndị ọkaibe n'egwuregwu 'Basketball' - Zeke Nnaji
Argentina niile ederela jim jim maka olili Diego Maradona
Ebe foto si, CASA ROSADA
Nkọwa foto, Igbe ozu Diego Maradona dịka ndị mmadụ na-akwanyere ya ugwu ikpeazụ Puku kwuru puku mmadụ agbakọọla n'obi onyeisiala Argentina iji kwanyere Diego Maradona ugwu ikpeazụ.
Ụbọchị Tọzde bụ mmalite abalị atọ nke gọọmentị Argentina wepoụtara iji ruo uju maka Maradona, onye nwụrụ n'ụbọchị Wenezde ka ọ dị afọ iri isii (60 years).
Ọtụtụ na-ebe akwa, ndị ọzọ na-ekpe ekpere, ebe ụfọdụ ndị ọzọ na-efegharị akwa Maradona dịka ha na-agafe n'ebe a dọtara igbe ozu ya.
E ji ọkọlọtọ mba Argentina kechie igbe ozu ahụ ma were akwa Maradona ji gbaa bọọlụ wụkwasị n'elu ya.
A ga ekwe ka ndị mmadụ bịa kwanyere Maradona ugwu ikpeazụ ruo na mgbede Tọzde.
Ebe foto si, Getty Images
Nkọwa foto, Ama egwuregwu dị na Napoli ebe Maradona gbara bọọlụ oge ọ dị ndụ Ndị ezinụlọ Maradona na-eru ụjụ ọnwụ ya gụnyere ụmụ ya ise, na nwunye ya bụ Claudia Vilafane, onye ya na ya kewara n'afọ 2004 dịka ọ gachara afọ iri abụọ ha ji gbaa akwụkwọ.
Maradona bụ onye ndu ndị otu bọọlụ Argentina buru iko mba ụwa n'afọ 1986.
Oge Argentina zutere mba England n'agba nke osote ikpeazụ nke asọmpi iko mba ụwa afọ 1986, Maradona nyere goolu site n'iji aka ya kụkpuo bọọlụ na neetị, nke ọ kpọrọ 'Hand of God'.
Maradona gbakwaara otu 'Napoli' na mba Italy, na otu Barcelona nke mba Spain.
N'ụbọchị Tọzde, Napoli kwuru na ha ga-akpọzi ama egwuregwu ha aha Maradona.
Skip X postHapụ X ihe dị na ya?Warning: BBC amaghị maka ihe ndị si n'ọbaozi ndị ọzọ.Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Mgba okpuru ndị isi Ipob na-agba m agaghị amịta mkpụrụ - Uche Mefor
Ebe foto si, Uche Mefor/Facebook
Osote onyeisi otu 'Indigenous People of Biafra' bụ Uche Mefor ekwuola na ọtụtụ ndị isi otu ahụ na-agba ya mgba okpuru ma na-emetọkwa aha ya.
Mefor kwuru nke a n'akara 'Facebook' ya n'ụbọchị Tọzde, ma kwuo na mgba okpuru niile ahụ agaghị amịta mkpụrụ ọbụla.
O kwuru sị: "Ụnụ na-egbu onwe ụnụ oge. Ọtụtụ ihe onyonyo na mgbasaozi dị icheiche na-aga n'ihu ugbua iji metọọ aha m."
"Ndị isi IPOB ma maka nke a ma gbachikwa nkịtị ka ọ na-aga n'ihu. Ọ bụghị taa ka ọ malitere."
"Agaghị m agbachi nkịtị ka a na-atụgide m asị n'ọha, bịa na-arịọ m ka a nọrọ n'ime ụlọ kpaa ya."
"Ikuku ọjọọ a na-eku ugbua nwere ndị o si n'aka."
Mefor gara n'ihu kwuo na ụfọdụ na-egosi onwe ha dịka ndị ọma nakwa ndị ji ikike ọnwụ na ndụ, mana omume ha akwụghị ọtọ.
Ọ bụ eziokwu na onweghị onye Mefor kpọrọ aha, kama ọtụtụ na-ekwu na o nwere ike ịbụ Nnamdi Kanu ka ọ na-ekwu maka ya.
N'ọdị nso a, akụkọ na-ekwu na Mefor na ndị isi Ipob, ọkachasị onyeisi ha bụ Nnamdi Kanu, na-enwe nsogbu.
Ihe bụ iwe ndị dọkịta Imo steeti mere ha ji gbaa abụbụ ọrụ
Ebe akụkọ a si - Onye dere ya, Jessica Nwankwo
- Ndị mere akụkọ a, BBC Igbo, Lagos
Ndị dọkịta n’Imo steeti nọ na-abụbụ ọrụ kemgbe ụbọchị Monde maka ọnọdụ ụgwọ ọnwa ha na steeti ahụ.
Iwe ha dị ka onyeisioche ha bụ Okpara Chidiebere gwara BBC bụ na gọọmentị Imo steeti anaghị akwụlite ha ụgwọ ọnwa ọfụma.
Okpara kwuru na ha bụ ndị dọkịta degaara gọọmentị akwụkwọ ozi ịgwa ha maka ihe ndị bụ mkpa ha mana o nweghi onye zaghachiri ha.
Ihe ọzọ o kwuru bụ na ha nyere gọomentị izuụka iri abụọ iji mee ihe mana o nweghi ihe nwere isi nke mere na ha gbara abụbụ ọrụ.
Ihe ndị ọ gụkọrọ dịka iwe ha gụnyere:
- Akwụghị ụgwọ ọna ziri ezi
- Ịgba ndị dọkịta nọọrọ onwe ha nnukwu ego maka ịnwe igwe okwu, igwe television n'ụlọọgwụ ha nakwa ụgwọ ndị ọzọ.
- Ị napụ naanị otu ụlọakwụkwọ ahụike ha nwere na steeti ahụ ikike ịzụ ndị chọrọ ịbụ dọkịnta.
Onyeisioche CAF ga-eme mkpesa maka mmachi FIFA machiri ya
Ebe foto si, Getty Images
Onyeisi ngalaba bọolụ n’Afrịka bụ Ahmad Ahmad ekwuola na ọ ga-eme mkpesa gbasara mmachi nke ngalaba bọọlụ n’ụwa niile bụ FIFA machiri ya.
Ngalaba ahụ machiri Ahmad afọ ise maka ịda iwu ha tinyere site n’afọ 2017 rue afọ 2019.
Ahmad na-akwado ịzọ ọkwa ya ọzọ na ntuliaka otu CAF na-abịa n'ọnwa Maachị afọ 2021.
Atụọla onye ndọrọndọrọ ọchịchị kpọrọ ndị ọkaipe 'ndị iberibe' na mkpọrọ
Ụlọikpe ukwu na mba Uganda atụọla otu onye sobu azọ ọkwa onyeisila nga makana ọ ji ha mee akaja site n'ịkpọ ha "ndị iberibe".
Ivan Samuels Ssebadduka gara mkpọrọ afọ atọ maka imegide ụlọikpe, dịka ndị ntaakụkọ na mba ahụ siri kwuo.
Maazị Ssebadduka dere mkpesa nye Ụlọikpe Ukwu mba ahụ iji kwụsị atumatu mere ka ndị na-azọ ọchịchị onyeisiala na mba ahụ ịnata ikike n'aka ndị mmadụ site n'ibinye aka tupu ha etinye akwụkwọ.
Ọ chọkwara na ụlọikpe ahụ chabie atụmatụ mmachị ngagharị ngalaba na-ahụ maka ahụike tinyere n'ogige ndọrọndọrọ ọchịchị maka igbochi coronavirus
O kwuru ajọ okwu a oge ọ na-eme mkpesa ya n'ihu ụlọikpe a.
Ọkaikpe Ukwu Alfonso Owinyi-Dollo sị na onye ọbụla chọrọ ikwu maka ndị ọkaikpe kwuo nke mere n'eziokwu.
Ndị uweojii agbaala ulọ ndina Bobi Wine okirikiri
Ndị uweojii n'Uganda gbara ụlọ ndina ebe onye na-azọ ọchịchị Robert Kyagulanyi e ji Bobi Wine mara okirikiri.
Ihe a mere n'obodo Hoima di na ọdịda anyanwụ mba ahụ.
Bobi Wine dere n'akara Twitter ya na ya jiri ụzọ tere aka ga ya bụ obodo dịka ndị agha gbochiri ya.
Ọ sị, "ha so anyị gawa ụlọ ndina anyị ma gbaa ya okirikiri."
Ụlọ ntaakụkọ NTV nke Uganda dekwara n'akara Twitter ha "amabeghị ebumnuche ndị uweojii a.
Bobi Wine kere foto ndị uweojii no n'ihu ụlọ ndina ahụ.
Skip X postHapụ X ihe dị na ya?Warning: BBC amaghị maka ihe ndị si n'ọbaozi ndị ọzọ.Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Onyeisiala Donald Trump agbagharala Michael Flynn bụbu onye ndụmọdụ nchekwa ya
Skip X postHapụ X ihe dị na ya?Warning: BBC amaghị maka ihe ndị si n'ọbaozi ndị ọzọ.Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Michael Flynn bụbu onye ndụmọdụ gbasara okwu nchekwa onyeisiala Donald Trump eritela mgbaghara zuruoke n'aka ya.
Nke a pụtara ihe dịka Trump depụtara ya n'akara Twitter ya n'abalị ụbọchị Wenzde.
N'ozi ahụ, o kwuru na o nwere olileanya na na Flynna na ezinaụlọ ya ga-enwe ezumike 'Thanksgiving' magburu onwe ya.
Cheta na Flynn so na ndị enyemaka Donald Trump amara ikpe n'afọ 2017 maka ị tụrụ ngalaba FBI asị mgbe a na-enyocha mmekọrịta ha na ndị mba Rọshịa.
Nnọọnụ na peeji anyị taa
Anyị ji n'aka na unu tetara ọfụma.
Ebe a bụ ebe akụkọ dị ọkụ ka o si dị ọkụ na-akpọtụ.
Jisinu ike sonye anyị.
Foto Diego Maradona: Nlereanya maka ndụ dike a bụ ọkaibe na bọọlụ
Diego Maradona alaala mmụọ
Ebe foto si, Getty Images
Ọgba bọọlụ a ma ama bụ Diego Maradona alaala mmụọ.
Maradona nwụrụ n'ehihe Wenezde dịka o nwechara obi mgbawa nke Bekee kpọrọ 'Heart Attack'.
Ọ nọ n'ụlọọgwụ ebe a wara ya ụbụrụ na mbido ọnwa Nọvemba iji wepụ ọbara kpụkọrọ ya n'ụbụrụ.
Maradona bụ onye ndu ndị otu bọọlụ mba Argentina oge ha buru iko mba ụwa n'afọ 1966.
Ebe foto si, Getty Images
Nkọwa foto, Maradona duuru ndị Argentina bute iko mba ụwa n'afọ 1986 Maradona gbaara otu egwuregwu Barcelona nke mba Spen na Napoli nke mba Itali.
Ugboro iri itoolu na otu (91) ọ gbaara mba Ajentịna, o nyetere goolu iri atọ na otu (31).
E mechara chọpụta na Maradona na-agba anwụrụ ike, nke a mere e ji kwụsịtụ ya ịgba bọọlụ n'afọ 1991.
Mana n'afọ 1997 ka Maradona wụsara ọwa n'ịgba bọọlụ, wee malite ịkuzi akụzi.
Ebe foto si, Getty Images
E mere ya onye nkuzi bọọlụ ndị Argentịna n'afọ 2008, mana ọ pụrụ n'afọ 2010 oge mba Jamani meriri ha n'asọmpi iko mba ụwa nke afọ ahụ.
Ọ kụzikwara bọọlụ na mba United Arab Emirates nakwa Mexico tupu ọ laghachi n'Ajentina.
Lee ihe ọtụtụ na-ekwu banyere ya:
Zatarra kwuru na agaghị echefu Maradona echefu:
Skip X post, 1Hapụ X ihe dị na ya?Warning: BBC amaghị maka ihe ndị si n'ọbaozi ndị ọzọ.Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 1
Kanu Nwankwo kpọrọ ya Odogwu:
Skip X post, 2Hapụ X ihe dị na ya?Warning: BBC amaghị maka ihe ndị si n'ọbaozi ndị ọzọ.Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 2
A ga-emepe okeala Naịjirịa n'oge adịghị anya - Zainab Ahmed
Mịnịsta na-ahụ maka ego bụ Zainab Ahmed ekwuola na gọọmentị Naịjirịaga-emepe okeala Naịjirịa na mba ndị gbara ya gburugburu n’oge adịghị anya.
Ahmed kwuru nke a oge ndị ntaakụkọ na-agba ya ajụjụ ọnụ n'Abuja n'ụbọchị Wenezde.
O kwuru na kọmiti na-eleba ya bụ okwu anya ekwetala ka e mepee okeala ahụ ọzọ, ha ezigala akwụkwọ ozi ha na nke onyeisiala Muhammadu Buhari, mana ọ bụzi onyeisiala ga-ekwu kpọmkwem ụbọchị a ga-emepe ya.
Cheta na gọọmentị mechiri okeala Naịjirịa kamgbe ọnwa Ọgọstụ afọ 2019, n'ihi na ha sị na ọtụtụ na-esi ebe ahụ ebubata ọtụtụ ngwaahịa adigboroja, ọgwụ ike nakwa ngwa ọgụ dị icheiche.
Mba Scotland ga-amalite ịnye ụmụnwaanyị ngwa nsọ n'efu
Ebe foto si, Getty Images
Mba scotland abụrụla mba mbụ ga-amalite ịnye ngwa nsọ nwaanyị na-efu.
Ndị ụlọomeiwu mba ahụ kpebiri nke a na nzụkọ ha nwere n’ụbọchị Tuzde ma kwuo na ọ bụ okpuruọchịchị niile na mba ahụ ka ọ dịrị ịhụ na nke a bịara na mmezu.
Iwu a bụ nke ha malitere ịkpa maka ya kemgbe afọ 2016 mana ọ bụ ugbua ka ndị omeiwu niile nwere nkwekọrịta maka ya.
Ọ bụ onye omeiwu otu Labour bụ Monica Lennon bụ onye tụrụ atụmatụ a dịka ọ na-achọ ka "ngwa nsọ rute mmadụ niile aka".
Onye bụ 'Chika' ritere nhọpụta Grammy?
Ebe foto si, @oranicuhh/Twitter
Ọ bụ n'ụbọchị Tuuzde ka ewepụtara aha ndị ahọpụtara nwereike ịrịte ntụrụugo 'Grammy' n'afọ 2021 na-abịa.
Ụfọdụ ụmụ Naịjirịa nọ na aha ndị ahụ agụpụtara mana okwu ọtụtụ ndị mmadụ kpụ n'ọnụ ma na-ajụ onye ọ bụ bụ Chika.
Ebe foto si, @oranicuhh/Twitter
Onye bụ Chika?
- Chika Jane Oranika bụ nwa ada Igbo nne na nna ya bụ ndị Naịjirịa mụrụ n'obodo Alabama mba Amerịka.
- Ọ dị afọ 23
- Ọ bụ onye hụrụ egwu n'anya dịka ọ gbahapụrụ Mahadum South Alabama ka o nweike tinye uchu n'ihe gbasara egwu.
- O bụ ọdụdụ nwa n'etiti ụmụ nwaanyị atọ nne na nna ya mụrụ.
- Chika bụkwa onye na-eyi akwa ịgosi ndị mmadụ nke bụ 'Model' na Bekee
Nnọnụ na peeji anyị taa.
Unu abọọla chi?
Chebiri anyị maka akụkọ ndị dị mkpa si na mba ụwa niile apụta taa.
Ihe ị maghị maka Yakubu Gowon ọchịagha kachasị obere chịrị Naịjirịa
Ebe foto si, Getty Images
Nkọwa foto, Ọchịchị ya kachasị tee aka na ndị ọchịagha niile chịrị Naịjirịa Otu omeiwu na mba UK boro ọchịagha chịburu Naịjirịa bụ Yakubu Gowon ebubo maka npụ ego.
O kwuru nke a mgbe ndị omeiwu UK na-enyoba anya n'ihe mere n'oge ngagharịiwe EndSARS na Naịjirịa ma sị na ha kwesịrị ịta gọọmentị Naịjirịa ahụhụ maka agwa ha kpara.
Nke a mere aha Gowon ji na-ewu ndị mmadụ a na-ajụ kedụ etu o si bie ndụ n'oge ọ na-achị.
Ihe I kwesịrị ịma maka Yakubu Gowon
Yakuku Gowon bụ onye ndu kachasị obere chịrị Naịjirịa ma ndị ọchịchị nkịtị na ndịagha.
Ọ dị afọ 31 mgbe ọ chịrị Naịjirịa dịka ọchịagha site n'afọ 1966 ruo n'afọ 1975 mgbe ndịagha nara ọchịchị n'ike nke gburu Abubakar Tafawa Balewa, praịm minista Naịjirịa, Ahmadu Bello, Sardauna nke Sokoto na primia nke Ugwu, Samuel Akintola, Premia ndị ọdịdanyanwụ, Arthur Unegbe na ndị ọzọ.
Aka Gowon dị na nchutu n'ọchịchị ahụ dịka ọ ka si mba UK ebe ọ gara ọzụzụ n'ụlọakwụkwọ Junior staff college lọta.
Dịka e gbuchara ọchịagha Aguiyi Ironsi bụ onye were ọchịchị mgbe ha napụrụ ndị nkịtị ọchịchị n'ike, Gowon bụ onyeisi ọrụ mgbe ahụ weziri ọkwa ọchịagha Naịjirịa.
Gowon chịrị afọ itoolu tupu a chụpụ n'ọkwa mgbe ọ gara ọgbakọ ndị OAU na Kampala, ndị ahụ were ọchịchị nye Murtala Muhammad dịka ọchịagha ọhụrụ ebe Olusegun Obasanjo bụ osote ya.
A lụrụ agha Biafra nke a kpọrọ 'Nigerian civil war' oge Gowon na-achị mgbe mpaghara Ọwụwanyanwụ chọrọ ikewapụ zawa Biafra n'ihi mkpagbu na ihe ndị ọzọ.
A lụrụ agha Biafra ọnwa iri atọ ruo ụbọchị 13 nke ọnwa Jenụwarị Obasanjo nabatara nchili aka elu ndịagha Biafra.
Gowon gbara ọsọ gbaga mba United Kingdom, mgbe a chutuchara ya n'ọchịchị n'afọ 1975, ebe ahụ ka ọ nọ nwete agụmakwụkwọ Phd na ndọrọ ndọrọ ọchịchị na mahadum Warwick.
N'ọnwa Febụwarị 1976, onye agha bụ Buka Suka Dimka boro Gowon ebubo sị na aka ya dị n'ogbugbu ọchịagha Murtala Mohammed.
Gọọmentị mechara mere ọchịagha Gowon ebere gbaghara ya tinyekwara onye bụbu onyeisiala Biafra bụ Emeka Ojukwu n'oge ndị nkịtị bara ọchịchị nke Shehu Shagari bụ onyeisiala.
Na Nọveeba 2004, Gowon ritere nzere World Peace Prize site n'aka World Peace Prize Awarding Council maka ime ka udo chịa n'obodo na mwulite akụnaụba nakwa ịhazi ọgbakọ udo n'Afrịka.
"Gbajọọ nụ ime njem n'oge ekeresime maka ibute coronavirus"
Ebe foto si, Covid-19 Taskforce/Twitter
Ndị ọrụ gọọmentị na-ahụ maka coronavirus adụọla ụmụ Naịjịrịa ndụmọdụ ka ha ghara ime njem n’oge ekeresime maka ọghọm ibute nje coronavirus.
Otu ọtawaike onyeisiala n’ibuso coronavirus agha sị ka a gbahapụ ọgbakọ ọtụtụ mmadụ nwereike ikesasị ọrịa a.
Onyeisioche otu a bụ Boss Mustagha sị na ọnụọgụgụ ndị butere coronavirus na Naịjirịa na-ahụ arị elu ugbua nke ọtụtụ ha si n'ebe e nwere ọgbakọ ọtụtụ mmadụ.
O nyere ndụmọdụ ka ndị mmadụ gbajọọ ịla maka emume ekeresimesi ma kwuo na oge emume anaghị agwụ agwụ.
N'ime izuụka ole na ole a, ndị butere coronavirus na Naịjirịa bịara na-agbago elu mana o rughi nke mba dịka Amerịka na Yurope.
Nkeji Coronavirus
Gere akụkọ gbasara coronavirus dịka ọ dị n’Afrịka taa.
