قازقستان میں دوبارہ لاک ڈاؤن نافذ، پنجاب میں 646 نئے متاثرین، 13 ہلاکتیں

دنیا میں کورونا کے مریضوں کی تعداد ایک کروڑ 14 لاکھ سے تجاوز کر چکی ہے جبکہ پاکستان میں اب تک دو لاکھ 31 ہزار سے زیادہ لوگ متاثر ہو چکے ہیں۔ قازقستان میں کورونا کے متاثرین میں اضافے کے بعد دوبارہ لاک ڈاؤن نافذ کر دیا گیا ہے جبکہ امریکی ریاست ٹیکساس کے شہر آسٹن کے میئر نے خبردار کیا ہے کہ اگر کورونا کے متاثرین میں اضافہ ہوتا رہا تو اگلے دو ہفتوں میں ہسپتالوں میں بستر کم پڑ سکتے ہیں۔

لائیو کوریج

2 جولائی 2020کورونا وائرس سے متعلق آپ کے سوالات اور ڈاکٹر فہیم یونس کے جوابات
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
کورونا کو لے کر ہم سب کے ذہن میں بہت سے سوالات ہیں۔ خاص طور پر پاکستان میں ٹائیفائیڈ اور کورونا کے بیچ تشخیص کرنے کے حولے سے کیا اقدام لیے جانے چاہئے؟
ایسے ہی کئی سوال ہم نے وبائی امراض کے ماہر ڈاکٹر فہیم یونس سے پوچھے۔
ان کے جواب جاننے کے لیے محمد ابراہیم کی یہ ویڈیو ملاحظہ کریں۔۔۔
2 جولائی 2020پاکستان، مصر اور انڈیا سمیت دیگر ممالک میں بھی دواساز کمپنیوں نے ریمڈیسیور کی پیداوار کا آغاز کر دیا
،تصویر کا ذریعہReuters
بدھ کے روز اس بات کا انکشاف ہوا تھا کہ امریکہ اگلے تین ماہ کی کورونا وائرس کے علاج میں استعمال ہونے والی دوا رریمڈیسیور کی تقریباً مکمل پیداوار خرید رہا ہے۔
تاہم پاکستان، انڈیا اور مصر میں بھی دوا ساز کمپنیوں کے پاس اس دوا کو بنانے کے لائسنس موجود ہیں۔
ماہرین کے مطابق ریمڈیسیور اس بیماری سے صحتیاب ہونے کا وقت کم کرتی ہے تاہم اس حوالے سے ابھی یہ معلوم نہیں ہو سکا کہ یہ جان بچانے میں کتنی مددگار ثابت ہوتی ہے۔
انڈیا کے شہر حیدرآباد میں ہیٹیرو لیبز نے بی بی سی تیلوگو کی دیپتھی باتھینی کو بتایا کہ وہ یہ دوا پہلے سے ہی بنا رہے ہیں۔ اس کے مطابق ان کی جانب سے انڈیا بھر کے ہسپتالوں کو 30 ہزار خوراکیں بھیجی جا چکی ہیں جبکہ آنے والے دو ہفتوں میں اسے بڑھا کر ایک لاکھ کرنے کا منصوبہ ہے۔
’پکستان میں صحت کے حکام کو امید ہے کہ یہ دوا جلد مقامی مارکیٹ میں دستیاب ہو گی۔ حکام نے بی بی سی اردو کے عمر ننگیانہ سے بات کرتے ہوئے بتایا کہ ریمڈیسیور فیروز سنز لیبارٹریز کی جانب سے بنائی جا رہی ہےاور یہ 15 جولائی سے مارکیٹ میں دستیاب ہو گی۔
سی این این کے مطابق جیلیئڈ کمپنی نے عام دوا ساز کمپنیوں کے ساتھ یہ معاہدے کیے ہیں تاکہ یہ 127 ترقی پذیر ممالک میں اس دوا کی دستیابی یقینی بنا سکیں۔
2 جولائی 2020’حکومتیں فضائی سفر سے متعلق ضرورت سے زیادہ محتاط رویہ اختیار کر رہی ہیں‘
،تصویر کا ذریعہEPA
سرحدوں کی بندش ہوابازی اور سیاحت کی صنعت کے لیے نقصان دہ ثابت ہوئی ہے یہی وجہ ہے کہ بین الاقوامی ایئرلائنز پروازوں کے آغاز کے لیے بیتاب ہیں۔
لاک ڈاؤن میں نرمی کے بعد متعدد ممالک ٹریول ببل بنانے یعنی حفاظتی علاقہ متعین کرنے کے بارے میں سوچ رہے ہیں۔
اسوسی ایشن آف ایشیا پیسیفک ایئرلائن کے ڈائریکٹر جنرل سبہاس مینن نے بی بی سی ایشیا بزنس رپورٹ کو بتایا کہ خطے میں حکومتیں ضرورت سے زیادہ محتاط رویہ دکھا رہی ہیں۔
ان کی جانب سے محدود سفر کے لیے تو فضائی حدود کھولی گئی ہیں لیکن عام عوام میں یہ اعتماد پیدا نہیں کیا گیا کہ وہ یہ سفر محفوظ رہ کر کر سکتے ہیں۔
انھوں نے کہا کہ حکام کو چاہیے کہ وہ عوام کے ساتھ بہتر رابطہ استوار کریں اور قرنطینہ کے حوالے سے شرائط ہٹائیں تاکہ لوگ پھر سے فضائی سفر کی جانب راغب ہو سکیں۔
2 جولائی 2020امریکہ میں کورونا وائرس کے حالیہ پھیلاؤ پر ڈاکٹر فاؤچی کو تشویش
،تصویر کا ذریعہGetty Images
امریکہ میں متعدی امراض کے سرکاری ماہر ڈاکٹر اینتھونی فاؤچی نے ملک میں کورونا وائرس کے حالیہ پھیلاؤ کے حوالے سے تشویش کا اظہار کیا ہے اور خبردار کیا ہے کہ اگر پھیلاؤ نہ روکا گیا تو وبا وسیع پیمانے پر پھیل جائے گی۔
انھوں نے بی بی سی ریڈیو 4 کے پروگرام ٹوڈے سے بات کرتے ہوئے کہا کہ ہمیں وبا نے بری طرح متاثر کیا ہے۔ یہاں کسی بھی ملک سے زیادہ کیسز اور اموات ہیں۔ اس وقت جو مشکل ہمیں درپیش ہے وہ یہ کہ ہم ملک اور معیشت کو دوبارہ کھولنے اور حالت معمول پر لانے کے باعث ہمیں امریکہ کی مختلف ریاستوں میں وائرس کے پھیلاؤ میں تیزی نظر آئی ہے۔
’ہمیں اس پر قابو پانا ہو گا ورنہ یہ وسیع پیمانے پر پھیل سکتا ہے۔‘
انھوں نے ایسے یورپی ممالک جو وائرس پر قابو پانے میں کامیاب ہوئے کا موازنہ امریکہ سے کرتے ہوئے کہا کہ انھوں نے لاک ڈاؤن کے دوران تقریباً 97 فیصد ملک بند کر دیا تھا جبکہ امریکہ میں کڑے لاک ڈاؤن کے دوران بھی صرف 50 فیصد ملک بند ہوسکا جس کی وجہ سے وبا کو پھیلنے میں مدد ملی۔
2 جولائی 2020پی ٹی ڈی سی کا موٹلز نارتھ لمیٹڈ بند کرنے، ملازمین کو برطرف کرنے کا فیصلہ
پاکستان میں سیاحت کے شعبے سے منسلک ادارے پی ٹی ڈی سی نے مسلسل مالی نقصان، وسائل کی کمی اور کووڈ 19 کی وبا کے باعث پیدا ہونے والی صورتحال کی وجہ سے موٹلز نارتھ لمیٹڈ کمپنی بند کرنے اور اس میں کام کرنے والے ملازمین کو برطرف کرنے کا فیصلہ کیا ہے۔
،تصویر کا ذریعہPTDC
2 جولائی 2020کیا چمگادڑ کورونا وائرس پھیلاتے ہیں؟
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
کیا چمگادڑ صرف بدنام ہیں یا وہ واقعی کورونا وائرس پھیلاتے ہیں؟
اس ویڈیو کے ذریعے جانیے۔
2 جولائی 2020کورونا وائرس: میلبرن میں جزوی لاک ڈاؤن کا آغاز
،تصویر کا ذریعہGetty Images
میلبرن میں تین لاکھ سے زائد افراد اس وقت لاک ڈاؤن میں ہیں جس کا نفاذ آج سے شروع ہو چکا ہے۔ اس لاک ڈاؤن کی وجہ شہر میں کورونا وائرس کے بڑھتے کیسز ہیں۔
جن علاقوں میں لاک ڈاؤن لگایا گیا ہے وہاں وکٹوریا کی ریاست کے 370 میں سے زیادہ تر کیسز موجود تھے جن میں 77 کی آج تصدیق ہوئی ہے۔
پولیس کی جانب سے لاک ڈاؤن والے علاقوں کے گرد رکاوٹیں کھڑی کی گئی ہیں جبکہ قواعد کی خلاف ورزی کرنے والوں کو جرمانے کیے جائیں گے۔
اب تک آسٹریلیا میں تقریباً آٹھ ہزار کے قریب کیسز سامنے آئے ہیں جبکہ 104 اموات بھی ہوئی ہیں۔
2 جولائی 2020انڈیا میں کووڈ 19 سے مرنے والوں کی لاشیں گڑھے میں ’پھینکے‘ پر سخت تنقید
،تصویر کا ذریعہGetty Images
کورونا وائرس کی وبا نے ہم سب کی زندگیوں پر گہرے اثرات مرتب کیے ہیں یہاں تک کہ اس کے اثرات موت کے بعد بھی نظر آ رہے ہیں۔
انڈیا بھر سے کئی ایسی تصاویر، خبریں اور ویڈیوز سامنے آئی ہیں جس میں لوگوں نے اپنے ہی خاندان کے وبا سے مرنے والے افراد کی آخری رسومات ادا کرنے سے انکار کر دیا تھا۔
اسی قسم کا ایک معاملہ حال ہی میں انڈیا کی جنوبی ریاست کرناٹک میں بھی پیش آیا ہے۔
کرناٹک کے بیلاری ضلع کے مضافات میں جس طرح لاشوں کو دفن کیا جارہا تھا اس کے بارے میں سوشل میڈیا پر کافی تنقید کی جارہی ہے۔
مزید جانیے بی بی سی ہندی کے لیے عمران قریشی کی اس تحریر میں۔
2 جولائی 2020دو ٹوک الفاظ میں تردید کرتا ہوں کہ پاکستان کورونا وائرس برآمد نہیں کر رہا: معید یوسف
،تصویر کا ذریعہTwitter/@YusufMoeed
،تصویر کا کیپشنفائل فوٹو
وزیرِ اعظم کے معاونِ خصوصی برائے قومی سلامتی معید یوسف کا کہنا ہے کہ پاکستان سے باہر جانے والوں تمام ایسے افراد جن میں کورونا وائرس کی علامات واضح ہیں انھیں اپنا ٹیسٹ کروانا ہو گا اور یہ پالیسی ہم پہلے ہی اپنا چکے ہیں۔
ان کا کہنا تھا کہ کچھ ممالک اور ایئرلائنز کی جانب سے یہ کورونا وائرس ٹیسٹ لازم قرار دیا گیا ہے۔
انھوں نے کہا کہ مسافروں کی اپنی ذمہ داری ہے کہ وہ پہلے دیکھ لیں کے وہ جن ممالک میں جا رہے ہیں وہاں کیا شرائط ہیں۔ انھوں نے کہا کہ اگر آپ ان ممالک چلے بھی جائیں تو وہ آپ کو ایئرپورٹ سے آگے نہیں جانے دیں گے۔
انھوں نے کہا کہ بدقسمتی سے اکا دکا واقعات ایسے ہوئے ہیں جس سے پورے ملک کی بدنامی ہوئی ہے۔
انھوں نے کہا کہ وہ دو ٹوک الفاظ میں تردید کرتا ہوں کہ پاکستان میں کورونا وائرس برآمد نہیں کر رہا ہے۔ ان کا مزید کہنا تھا کہ ہم ذمہ داری لے رہے ہیں لیکن چند غیرملکی اخباروں میں اس طرح خبریں بھی لگی ہیں جو غلط ہیں۔
2 جولائی 2020کیا کورونا وائرس کی دوسری لہر آ سکتی ہے؟
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
جہاں دنیا کے متعدد ممالک میں کورونا وائرس کی روک تھام کے لیے عائد پابندیوں میں نرمی ہو رہی ہے وہیں اس امر پر بھی توجہ مرکوز ہے کہ اس وبا کی دوسری لہر سے کیسے بچا جا سکتا ہے۔
2 جولائی 2020انڈیا میں متاثرین چھ لاکھ سے تجاوز کر گئے
،تصویر کا ذریعہGetty Images
انڈیا میں کورونا وائرس کے متاثرین چھ لاکھ سے تجاوز کر گئے ہیں جبکہ اب تک ملک میں 17834 اموات بھی ہوئی ہیں۔
اس حوالے سے ملک میں تازہ چیلنج ریاست آسام میں سیلاب کا بھی ہے جس کے باعث اب تک 15 لاکھ افراد اپنے گھر چھوڑنے پر مجبور ہو گئے ہیں۔
انفیکشنز کی تعداد میں تیزی سے اضافے کے باعث انڈیا کے صحت کے نظام پر بوجھ پڑا ہے۔
2 جولائی 2020انڈیا میں شادی کی تقریب سے 16 متاثر، دولہے کو جرمانہ
،تصویر کا کیپشنفائل فوٹو
مقامی میڈیا کے مطابق انڈیا کی ریاست راجھستان میں ایک شادی کی تقریب اس وقت مہنگی پڑی جب اس میں شرکت کرنے والے مہمانوں میں سے 16 کورونا وائرس سے متاثر ہوئے جن میں سے ایک کی موت بھی واقع ہو گئی۔
حفاظتی قواعد کی خلاف ورزی کرنے پر دولہے کے گھر والوں کو چھ لاکھ روپے جرمانہ ادا کرنا پڑا۔ ریاست میں ایک شادی میں 50 سے زیادہ مہمان بلانے کی اجازت نہیں ہوتی جبکہ این ڈی ٹی وی کے مطابق شادی میں 1000 سے زیادہ مہمانوں کو مدعو کیا گیا تھا۔
اس کے علاوہ دولہے کے خاندان کو ان 15 افراد کے علاج کے اخراجات اور 60 دیگر مہمانوں کے قرنطینہ کے انتظامات کی ذمہ داری اٹھانی پڑے گی۔ جس میں کھانے پینے کے علاوہ ایک قرنطینہ وارڈ میں دی جانے والی دیگر سہولیات شامل ہیں۔
گذشتہ ہفتے ریاست بہار میں ایک اور ایسی شادی بھی خبروں کی ذینت بنی تھی جہاں 100 سے زیادہ افراد میں کورونا وائرس کی تشخیص ہوئی تھی اور دولہا شادی کے ایک دن بعد ہلاک ہو گیا تھا۔
2 جولائی 2020پانی نہ ہونے کی صورت میں ہاتھوں کی صفائی کیسے یقینی بنائی جائے؟
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
ہم سب جانتے ہیں کہ کورونا وائرس سے بچاؤ کے لیے بار بار ہاتھ دھونا کتنا ضروری ہے۔ مگر چند افریقی ممالک ایسے بھی ہیں جہاں پانی بہت ہی کم یاب ہے۔
تو ایسی صورتحال میں محفوظ کیسے رہا جائے؟ اس حوالے سے عالمی ادارہ صحت کے گائے مبایو کا مشورہ دیکھیے اس ڈیجیٹل ویڈیو میں۔
2 جولائی 2020جاپان: ٹوکیو میں ایک دن میں 100 سے زیادہ نئے مریض
،تصویر کا ذریعہGetty Images
جاپان کے دارالحکومت ٹوکیو میں ایک دن 100 سے زیادہ نئے مریض سامنے آئے ہیں اور سرکاری ٹی وی چینل این ایچ کے کے مطابق جو کہ گذشتہ دو ماہ کہ دوران یومیہ انفیکشنز کی تعداد میں ریکارڈ اضافہ ہے۔
ایک کروڑ 40 لاکھ کی آبادی والے اس شہر میں آغاز میں یومیہ 20 نئِے کیس سامنے آرہے تھے لیکن 25 مئی کو ایمرجنسی ہٹنے کے بعد سے یہ تعداد 50 سے زیادہ ہو گئی ہے۔
اس ہفتے شہر کی حکومت کا کہنا تھا کہ وہ اعداد و شمار سے متعلق اہداف سے ہٹ کر ماہرین کی رائے کے بارے میں جاننے کی کوشش کریں گےتاکہ وائرس کے پھیلاؤ کو روکا جا سکے اور معیشت کو مزید تنزلی سے بچایا جا سکے۔
اس سے قبل ٹوکیو میں دو مئی کو 100 سے زائد نئے مریض سامنے آئے تھے۔
2 جولائی 2020’زوم تھکان‘: ویڈیو کالز کے بعد تھکن کا احساس کیوں ہوتا ہے؟
2 جولائی 2020انڈیا میں گذشتہ 12 روز میں دو لاکھ سے زیادہ نئے مریض
،تصویر کا ذریعہGetty Images
انڈیا میں وائرس کے پھیلاؤ میں بہت تیزی سے اضافہ دیکھنے میں آ رہا ہے اور گذشتہ 12 روز میں ملک میں دو لاکھ کے قریب نئے مریض سامنے آئے ہیں۔
اس صورتحال کے باعث وفاقی حکومت نے ریاستی حکومتوں سے کہا ہے کہ وہ ٹیسٹنگ کی تعداد میں اضافہ کریں۔
انڈیا میں مارچ میں لاک ڈاؤن کر دیا گیا تھا جب کیسز کی تعداد سینکڑوں میں تھی جبکہ جون کی ابتدا میں یہاں لاک ڈاؤن مکمل طور پر ختم کر دیا گیا تھا۔ گذشتہ ماہ وبا کے پھیلاؤ کے حساب سے بدترین تھا اور انفیکشنز میں 70 فیصد اضافہ ہوا تھا۔
ماہرین نے اس سے قبل خبردار کیا تھا کہ ملک میں جولائی اور جون کے درمیان مون سون سیزن کے دوران وبا کا عروج آئے گا تاہم ایسا لگتا ہے کہ اس کا آغاز ہو چکا ہے۔
انڈیا میں چند ریاستوں میں لاک ڈاؤن دوبارہ نافذ کر دیا گیا ہے۔ جبکہ کچھ ریاستیں اس بارے میں سوچ رہی ہیں۔
2 جولائی 2020ایکٹیمرا انجکشن سے سنا مکی تک: کوورنا کے علاج میں یہ سب کس حد تک مددگار؟
،تصویر کا ذریعہfacebook
دنیا بھر میں جہاں کورونا وائرس سے متاثرہ افراد کی تعداد دن بدن بڑھتی جا رہی ہے وہیں اس کی ویکسین کی تیاری کی کوششوں میں بھی تیزی آئی ہے۔
تاحال اس بیماری کا علاج دریافت نہیں کیا جا سکا ہے لیکن پاکستان میں اس وبا کے آغاز کے ساتھ ہی سوشل میڈیا پر ایسے پیغامات کی بھرمار دیکھی گئی جس میں مختلف ادویات، جڑی بوٹیوں یا پھر کھانے پینے میں روزمرہ استعمال ہونے والی اشیا کو اس بیماری سے صحت یابی میں مددگار یا پھر اس کا علاج ہی قرار دے دیا گیا۔
مزید جانیے ہماری نامہ نگار ترہب اصغر کی اس تحریر میں۔
2 جولائی 2020مجھے ماسکس سے کوئی مسئلہ نہیں: صدر ٹرمپ نے بیان تبدیل کر لیا
،تصویر کا ذریعہReuters
امریکی صدر ڈانلڈ ٹرمپ جو چہرے پر ماسک پہننے کے ایک عرصے سے مخالف تھے نے کہا ہے کہ ’انھیں ماسکس سے کوئی مسئلہ نہیں‘ اور وہ ماسک پہن کر لون رینجر کی طرح لگتے ہیں۔
تاہم انھوں نے کہا کہ کورونا وائرس کے پھیلاؤ کو روکنے کے لیے چہرے کو ڈھانپنا لازمی قرار نہیں دینا چاہیے۔
انھوں نے ایک مرتبہ پھر اندازہ لگایا کہ انفیکشن ’اچانک غائب‘ ہو جائے گا۔ گذشتہ روز امریکہ میں ایک دن میں ریکارڈ 52 ہزار سے زائد نئے مریض سامنے آئے تھے۔
ان کا یہ بیان فوکس نیوز کو دیا گیا تھا اور یہ ایک رپبلکن پارٹی کے رکن کی جانب سے اس بیان کے بعد سامنے آیا کہ صدر ٹرمپ کو ماسک پہننا چاہیے۔
2 جولائی 2020یاسر نواز کورونا وائرس سے کیسے صحتیاب ہوئے؟
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
ہدایتکار، اداکار یاسر نواز چند دن پہلے کورونا وائرس سے صحتیاب ہوئے ہیں ۔ ان کے مطابق ان کو یہ بیماری کیسے لگی؟
ٹیسٹ کے مثبت نتائج آنے کے بعد قرنطینہ کے دنوں میں ان کی مصروفیات کیا رہی ؟ اور انھوں نے بیماری کا مقابلہ کیسے کیا؟ سنتے ہیں ان کی زبانی اس وی لاگ میں
2 جولائی 2020بریکنگ, کورونا وائرس: پاکستان میں 4339 نئے مریض، مزید 78 اموات
پاکستان میں گذشتہ 24 گھنٹوں کے دوران 4339 نئے مریض سامنے آئے ہیں جبکہ 78 اموات بھی ہوئی ہیں۔
اس طرح ملک میں متاثرین کی کل تعداد دو لاکھ 17 ہزار سے زیادہ ہو گئی ہے جبکہ اب تک 4473 افراد ہلاک بھی ہوئے ہیں۔
اسی طرح ملک میں صحتیاب افراد کی کل تعداد 104694 ہو چکی ہے۔