قازقستان میں دوبارہ لاک ڈاؤن نافذ، پنجاب میں 646 نئے متاثرین، 13 ہلاکتیں

دنیا میں کورونا کے مریضوں کی تعداد ایک کروڑ 14 لاکھ سے تجاوز کر چکی ہے جبکہ پاکستان میں اب تک دو لاکھ 31 ہزار سے زیادہ لوگ متاثر ہو چکے ہیں۔ قازقستان میں کورونا کے متاثرین میں اضافے کے بعد دوبارہ لاک ڈاؤن نافذ کر دیا گیا ہے جبکہ امریکی ریاست ٹیکساس کے شہر آسٹن کے میئر نے خبردار کیا ہے کہ اگر کورونا کے متاثرین میں اضافہ ہوتا رہا تو اگلے دو ہفتوں میں ہسپتالوں میں بستر کم پڑ سکتے ہیں۔

لائیو کوریج

1 جولائی 2020راولپنڈی پولیس کی جانب سے تھیلیسیما متاثرین کے لیے خون کا عطیہ
،تصویر کا ذریعہRawalpindi Police
راولپنڈی پولیس کی جانب سے آج تھیلیسیمیا سے متاثرہ بچوں کے لیے خون کا عطیہ کیا گیا۔
راولپنڈی پولیس کے ایک اعلامیے کے مطابق ادارے کے افسران اور اہلکار تھیلیسیمیا سے متاثرہ بچوں کو خون عطیہ کرنے پاکستان تھیلیسیمیا سینٹراسلام آباد پہنچے، جہاں ڈی ایس پی ہیڈ کوارٹر اظہر شاہ کی سربراہی میں راولپنڈی پولیس، ڈولفن اور ایلیٹ سکواڈ کے 40 افسران و اہلکاروں نے بچوں کے لیے خون کے عطیات دیے۔
اس موقع پر راولپنڈی پولیس کے افسران نے تھیلسیمیا کے شکار بچوں کے ساتھ وقت بھی گزارا۔
اعلامیے کے مطابق کورونا وائرس کی وجہ سے خون کے عطیات میں کمی واقع ہوئی ہے جس کے باعث متعلقہ حکام نے سی پی او راولپنڈی محمد یونس سے رابطہ کیا تھا اور ان سے خون کے عطیات دینے کے لیے اپیل کی تھی۔
،تصویر کا ذریعہRawalpindi Police
،تصویر کا ذریعہRawalpindi Police
،تصویر کا ذریعہRawalpindi Police
1 جولائی 2020انڈین ریاست کرناٹکا کے ایک گاوٴں میں 47 بکریوں کو قرنطینہ کر دیا گیا
،تصویر کا ذریعہScreen Grab
انڈین ریاست کرناٹکا کے ایک گاوٴں میں کورونا وائرس کے حدشے کے پیش نظر 47 بکریوں کو قرنطینہ کیا گیا ہے۔
کرناٹکا کے توماکورو ضلع کے گوڈے کیرے گاوٴں میں ایک چرواہے کے کورونا ٹیسٹ مثبت آنے کے بعد اس کی چار بکریوں کی موت ہو گئی تھی۔
یہ دیکھ کر گاوٴں والوں کو فکر ہوئی اور انھیں اس بات کا خدشہ ہوا کہ بکریوں کی ہلاکت کی وجہ کووڈ 19 ہے۔ اس بارے میں مقامی انتظامیہ سے تفتیش کی درخواست کی گئی ہے۔
بنگلور سے تقریباً ایک سو پچیس کلومیٹر دور واقع اس گاوٴں کے رہائشیوں کی شکایت پر ضلع انتظامیہ نے چند اہلکاروں کو بکریوں کے سیمپل لینے بھیجا اور بکریوں کو قرنطینہ کر دیا گیا ہے۔
گاوٴں کے چند افراد کا مطالبہ ہے کہ بکریوں کا پوسٹ مارٹم کیا جائے تاکہ ان کی موت کی اصل وجہ واضح ہو سکے۔
کرناٹکا میں جانوروں کے علاج کے محکمے کے سیکرٹری پی منیوننن نے بی بی سی کو بتایا ’ہم نے بکریوں کو قرنطینہ میں اس لیے رکھا ہے تاکہ گاوٴں والوں کے دل میں کسی طرح کا خوف نہ رہے۔ حقیقت یہ ہے کہ ہم کسی بھی بات کو نظر انداز نہیں کر رہے ہیں، حالانکہ ماہرین یہ بات کہہ چکے ہیں کہ کورونا جانوروں کو متاثر نہیں کرتا ہے۔ تفتیشی رپورٹ آنے تک بکریوں کو قرنطینہ میں رکھا جائے گا۔‘
وائرالوجی کے ماہر پروفیسر چھدانند نے بی بی سی کو بتایا کہ ’اب تک ایسا کوئی کیس سامنے نہیں آیا ہے جس میں کسی انسان سے جانوروں میں یا جانوروں سے انسان میں کورونا وائرس پہنچا ہو۔ گاوٴں والوں کے پاس وائرس کے پھیلاوٴ کا زیادہ علم نہیں ہے۔ اس لیے ہمیں انھیں سمجھانا چاہیے تاکہ وہ خوفزدہ نہ ہوں۔ بکریوں کو قرنطینہ میں رکھ کر گاوٴں والوں کو محض تسلی دی جا رہی ہے۔‘
تاہم پی منیوننن نے جنوبی انڈیا کے بندروں کو ہونے والے مرض کائناسور فاریسٹ ڈزیز (کے ایف ڈی) کی مثال دیتے ہوئے کہا کہ ’یہ بیماری بھی تو بندروں کے ساتھ انسانوں کو بھی ہو جاتی ہے اس لیے امکانات بھلے 0.1 فیصد ہوں لیکن ہم اپنی طرف سے لاپرواہی نہیں کر سکتے ہیں۔‘
1 جولائی 2020بریکنگ, کورونا: دنیا بھر میں متاثرین کی تعداد ایک کروڑ پانچ لاکھ سے تجاوز کر گئی
دنیا بھر میں کورونا وائرس کے متاثرین کی تعداد ایک کروڑ پانچ لاکھ سے تجاوز کر گئی ہے۔
امریکی یونیورسٹی جان ہاپکنز کے اعدادوشمار کے مطابق اب تک کورونا وائرس سے سب سے زیادہ متاثرہ ملک امریکہ ہے جہاں متاثرین کی تعداد 26 لاکھ جبکہ اموات کی تعداد 127000 سے زیادہ ہے۔
امریکہ کے بعد سب سے زیادہ متاثرین برازیل میں ہیں جہاں یہ تعداد چودہ لاکھ کے لگ بھگ جبکہ وائرس سے اموات کی تعداد تقریباً 60 ہزار ہے۔
،تصویر کا ذریعہReuters
1 جولائی 2020بریکنگ, کورونا پابندیاں: عالمی سیاحتی صنعت کو 3.3 ٹریلین ڈالر کے نقصان کا امکان
،تصویر کا ذریعہReuters
اقوامِ متحدہ کے ایک مطالعے کے مطابق سیاحت سے ہونے والی عالمی آمدنی میں کورونا وائرس کو روکنے کے لیے لگائی جانے والی بندشوں کے باعث 3.3 ہزار ارب ڈالر کی کمی ہوگی۔
خبر رساں ادارے روئٹرز کے مطابق اقوامِ متحدہ کی جاری کردہ یہ رپورٹ سیاحت کی صنعت کے لیے تین منظرناموں پر مبنی ہے جس میں لاک ڈاؤن کے چار ماہ، آٹھ ماہ اور 12 ماہ تک جاری رہنے کے امکانات کا جائزہ لیا گیا ہے۔
ان منظرناموں میں منافعوں میں 1.17 ٹریلین، 2.22 ٹریلین اور 3.3 ٹریلین ڈالر کی کمی ہوگی جو دنیا کی عالمی جی ڈی پی کے 1.5 سے لے کر 4.2 فیصد تک ہے۔
تینوں منظرناموں میں سب سے زیادہ نقصانات امریکہ کے ہوں گے جس کے بعد چین کا نمبر ہے۔ تھائی لینڈ اور فرانس کا بھی 47 ارب ڈالر گنوانے کا امکان ہے۔
اس کے علاوہ جمیکا جیسے چھوٹے ممالک اپنی معیشت کے حجم کے مقابلے میں سب سے زیادہ بڑا نقصان اٹھائیں گے۔ جمیکا کو اپنی مجموعی قومی پیداوار میں 11 فیصد یا 1.68 ارب ڈالر کی کمی کا سامنا ہوگا۔
1 جولائی 2020پشاور کے دو علاقوں میں سمارٹ لاک ڈاؤن نافذ
اب سے کچھ دیر قبل ہم نے آپ کو مطلع کیا تھا کہ پشاور کے دو علاقوں سے سمارٹ لاک ڈاؤن ختم کر دیا گیا ہے۔ تاہم اسی دوران اطلاعات سامنے آئی ہیں کہ پشاور کے دو مزید علاقوں میں سمارٹ لاک ڈاؤن لگا دیا گیا ہے۔
جہاں گلبہار نمبر چار اور کوہی حسن خیل کے علاقوں سے کل سہہ پہر تین بجے لاک ڈاؤن ختم ہوگا، تو وہیں سرہ خاورہ اور شین ڈرنگ ماشوگگر کے علاقوں میں کل سہہ پہر تین بجے سے لاک ڈاؤن نافذ کیا جا رہا ہے۔
ڈپٹی کمشنر پشاور کے جاری کردہ حکمنامے کے مطابق یہ سمارٹ لاک ڈاؤن یہاں متاثرین کی تعداد میں اضافے کے پیشِ نظر لگایا جا رہا ہے اور ان علاقوں میں سمارٹ لاک ڈاؤن کے دوران داخلہ اور اخراج بند رہے گا۔
ان علاقوں میں صرف ضروری اشیاء خورد و نوش کی دکانیں، میڈیکل سٹور، جنرل سٹور، تندور اور ایمرجنسی خدمات کھلی رہیں گی جبکہ ان علاقوں کی مساجد میں صرف پانچ افراد کو باجماعت نماز پڑھنے کی اجازت ہو گی۔
حکمنامے کے مطابق علاقہ مجسٹریٹ اور پولیس کو سمارٹ لاک ڈاؤن پر عمل درآمد کے حوالے سے ہدایات جاری کر دی گئی ہیں، اور خلاف ورزی کرنے والوں کے خلاف قانونی کارروائی عمل میں لائی جائے گی۔
،تصویر کا ذریعہDeputy Commissioner Peshawar
1 جولائی 2020کورونا وائرس: انگلینڈ میں مزید 50 افراد ہلاک
،تصویر کا ذریعہGetty Images
انگلینڈ میں کورونا وائرس سے مزید 50 افراد ہلاک ہو گئے ہیں جس کے بعد انگینڈ میں وائرس سے اموات کی تعداد 28795 ہو گئی ہے۔
مرنے والے مریضوں کی عمریں 52 سے 97 برس کے درمیان تھیں۔
1 جولائی 2020پشاور: دو علاقوں میں سمارٹ لاک ڈاؤن کل دوپہر سے ختم ہوجائے گا
پشاور کی ضلعی انتظامیہ نے دو علاقوں میں سے سمارٹ لاک ڈاؤن ختم کرنے کا حکم جاری کردیا ہے۔
کوہی حسن خیل اور گلبہار نمبر چار میں سمارٹ لاک ڈاؤن وہاں پر کورونا وائرس متاثرین کی تعداد میں اضافے کے باعث لگایا گیا تھا پر اب ضلعی انتظامیہ کا کہنا ہے کہ وہاں متاثرین کی تعداد میں واضح کمی آئی ہے، چنانچہ کل یعنی دو جولائی کو دوپہر تین بجے سے ختم کیا جا رہا ہے۔
،تصویر کا ذریعہDeputy Commissioner Peshawar
1 جولائی 2020تھائی لینڈ میں بچوں کی سکول واپسی
تھائی لینڈ میں ماسک پہننے اور سماجی فاصلے کے نئے اصولوں کے ساتھ بچوں کے لیے سکول دوبارہ کھول دیے گئے ہیں۔
صرف سکول ہی نہیں بلکہ بدھ کے روز سے ملک میں شراب خانے اور کلبز بھی دوبارہ کھولے جا رہے ہیں۔
واضح رہے کہ تھائی لینڈ میں اب تک کورونا وائرس کے چار ہزار سے کم کیس سامنے آئے ہیں جبکہ اس سے ہلاکتوں کی تعداد صرف 58 ہے۔
،تصویر کا ذریعہAFP
،تصویر کا ذریعہEPA
1 جولائی 2020سندھ: نئے حکمنامے میں مزید کیا ہدایات جاری کی گئی ہیں؟
،تصویر کا ذریعہGetty Images
سندھ میں کاروبار کے اوقاتِ کار
- میڈیکل سٹورز اور ضروری خدمات کے علاوہ دیگر تمام کاروبار: ہفتے میں پانچ دن پیر سے جمعہ، صبح چھ بجے سے شام سات بجے تک
- ریستوران اور کیفے: پورا ہفتہ (صرف ٹیک اوے اور ڈیلیوری)۔ ٹیک اوے کے اوقات صبح چھ سے شام سات، ہوم ڈیلیوری شام سات سے رات 11 تک۔
اس دوران تمام لوگوں کو مندرجہ ذیل حفاظتی اقدامات اپنانے ہوں گے
- شام سات بجے سے صبح چھ بجے تک گھروں سے غیر ضروری طور پر باہر نکلنے سے پرہیز کیا جائے
- عوامی مقامات پر جاتے ہوئے چہرے پر ماسک لازماً پہنا جائے
- دوسرے لوگوں سے تمام وقت تین فٹ سے زیادہ کا فاصلہ برقرار رکھا جائے
- بار بار ہاتھ دھوئے جائیں یا مناسب ہینڈ سینیٹائزر کا استعمال کیا جائے
- کسی بھی ٹرانسپورٹ میں سفر کرتے ہوئے دوری کا خیال رکھا جائے
- دفاتر اور کام کی جگہوں پر ایس او پیز کی پابندی کی جائے
- صوبائی اور وفاقی حکومت کی جاری کردہ ایس او پیز کی پابندی کی جائے
1 جولائی 2020بریکنگ, سندھ: مختلف سرگرمیوں پر پابندیوں میں 15 جولائی تک توسیع کر دی گئی
،تصویر کا ذریعہGetty Images
حکومتِ سندھ کے آج جاری کردہ ایک حکمنامے میں کہا گیا ہے کہ 15 جولائی تک صوبے میں کورونا کا پھیلاؤ روکنے کی غرض سے مختلف سرگرمیوں پر پابندی جاری رہے گی۔
حکمنامے کے مطابق مندرجہ ذیل سرگرمیوں اور جگہوں کی بندش جاری رہے گی
- تعلیمی و تربیتی ادارے
- شادی ہال، کاروباری مراکز، نمائشی مراکز
- ایسے کھیل جس میں دوسروں کو چھونا پڑتا ہو، وہ سپورٹس کلب، جم اور کھیل کی سہولیات جو بند دروازوں کے پیچھے ہوں
- کھیلوں کے ٹورنامنٹ، چاہے کسی عمارت میں ہوں یا باہر
- ریستوران اور کیفے، تاہم ٹیک اوے اور ڈیلیوری کی اجازت رہے گی
- تھیم پارک، امیوزمنٹ پارک اور آرکیڈ
- بیوٹی پارلر اور سپا
- سینما اور تھیٹرز
- عوامی جلوس، تمام اقسام کے اجتماعات، مزارات
- سیاحت، سیاحوں کے ہوٹل
- بین الصوبائی ٹرانسپورٹ
حکمنامے میں مزید کہا گیا ہے کہ بین الشہر ٹرانسپورٹ (بین الصوبائی نہیں) کو سندھ ہائی کورٹ میں ٹرانسپورٹرز کی جانب سے دائر کردہ آئینی درخواست کو مدنظر رکھتے ہوئے محکمہ ٹرانسپورٹ کی سفارشات کی روشنی میں کھولا جائے گا۔
اس کے علاوہ حکمنامے کے تحت صوبائی حکومت یا ضلعی انتظامیہ کووڈ 19 کے ہاٹ سپاٹس میں کسی مخصوص یا تمام سرگرمیوں پر پابندی لگا سکتی ہے۔
،تصویر کا ذریعہGovt of Sindh
،تصویر کا ذریعہGovt of Sindh
1 جولائی 2020یوگینڈا میں ہزاروں پناہ گزینوں کو داخلے کی اجازت دی جائے گی
،تصویر کا ذریعہAFP
افریقی ملک کانگو کے اتوری خطے میں ایک ماہ سے زائد عرصے سے پھنسے ہزاروں بے گھر افراد کو بالآخر یوگینڈا نے انسانی ہمدردی کی بنیاد پر داخل ہونے کی اجازت دینے پر اتفاق کر لیا ہے تاہم انھیں پہلے 14 دن قرنطینہ مرکز میں گزارنا ہوں گے۔
اقوامِ متحدہ کے ادارہ برائے پناہ گزین افراد نے کہا ہے کہ یہ دیکھنے کے لیے کہ آیا ان افراد میں کسی کو کورونا وائرس تو نہیں، ان کے ٹیسٹ کیے جائیں گے۔
اس سے حکام کو یہ فیصلہ کرنے میں مدد ملے گی کہ انھیں کیمپوں میں کب منتقل کیا جا سکتا ہے۔
امدادی ایجنسیوں نے مہاجرین کی بستیوں میں معاشرتی دوری اور صفائی ستھرائی کو یقینی بنانے کی مشکلات کے بارے میں بات کی ہے۔ یوگینڈا میں تقریبا 900 تصدیق شدہ کیسز میں سے اب تک 52 پناہ گزینوں میں کووڈ ۔19 کی تشخیص ہو چکی ہے۔
اقوام متحدہ کا کہنا ہے کہ وہ کانگو میں بڑھتے ہوئے تشدد کی اطلاعات پر تشویش کا شکار ہے۔
1 جولائی 2020مغربی بلقان کے ممالک میں نئے یومیہ متاثرین کی ریکارڈ تعداد سامنے آنے لگی
،تصویر کا ذریعہEPA
مغربی بلقان کے ممالک نے کورونا وائرس کو پھیلنے سے روکنے کے لیے یورپ کے سخت ترین قواعد کا اطلاق کیا تھا۔ حکومتوں نے طویل ہفتہ وار چھٹیوں کے موقعے پر مکمل لاک ڈاؤن، یومیہ کرفیو اور ایک سے دوسرے شہر تک سفر پر بھی پابندی عائد کر دی تھی۔
اور سخت کنٹرول نے بظاہر نتائج بھی دیے اور خطے میں انفیکشن کی شرح یورپی اوسط سے بہت کم رہی۔ مونٹینیگرو نے تو یہاں تک اعلان کردیا کہ وہ یورپ کا واحد ملک ہیں جہاں کورونا وائرس کا ایک بھی متاثر موجود نہیں ہے۔
مگر پابندیوں میں نرمی کی وجہ سے کئی ممالک بشمول شمالی مقدونیہ اور بوسنیا میں یومیہ نئے متاثرین کی تعداد ریکارڈ کو چھونے لگی ہے۔ اور بھلے ہی سربیا اور مونٹینیگرو یورپی یونین کی گرین لسٹ میں شامل ہیں، مگر وہاں بھی نئے متاثرین سامنے آ رہے ہیں جس کی وجہ سے آسٹریا نے پورے مغربی بلقان خطے میں سفر سے خبردار کر دیا ہے۔
سربیا نے بھی صورتحال کو قابو سے باہر نکلنے سے روکنے کے لیے کچھ پابندیاں دوبارہ متعارف کروا دی ہیں۔ سربیا کے چیف ماہرِ وبائی امراض نے کہا ہے کہ 'ملک اس وقت وبا کے دوسرے عروج پر پہنچ رہا ہے۔'
1 جولائی 2020پنجاب: ’آکسیجن پلانٹس سے 10 سال میں آٹھ ارب کی بچت متوقع‘
،تصویر کا ذریعہGetty Images
کل ہم نے آپ کو پاکستان کے صوبہ پنجاب کی حکومت کے حوالے سے خبر دی تھی کہ حکومت کی جانب سے صوبے میں اپنے خود کے آکسیجن گیس کے پلانٹس لگانے کی منظوری دے دی گئی ہے۔
آج پنجاب کے محکمہ پرائمری اور سیکنڈری ہیلتھ کیئر نے بتایا ہے کہ صوبے بھر میں گیس کی سپلائی کے لیے آٹھ اضلاع میں آکسیجن پلانٹس لگانے کا ابتدائی منصوبہ تیاری کے حتمی مراحل میں داخل ہو چکا ہے۔
محکمہ صحت کے جاری کردہ اعلامیے کے مطابق 10 آکسیجن پلانٹس کی روزانہ 100 سلنڈر آکسیجن پیداوار کی صلاحیت ہوگی اور ماہانہ 30 ہزار آکسیجن سلنڈر بنائے جا سکیں گے۔
یہ منصوبہ صوبے بھر کے 125 ضلعی اور تحصیل ہیڈکوارٹر ہسپتالوں کی ضرورت پوری کر سکے گا۔
سرکاری اعلامیے میں بتایا گیا ہے کہ گذشتہ چار سالوں میں سالانہ اوسطاً ایک لاکھ 24 ہزار 549 سلنڈر جبکہ کُل چار سال میں چار لاکھ 98 ہزار 198 آکسیجن سلنڈر استعمال ہوئے۔
حکام کے مطابق جنوبی پنجاب میں آکسیجن پلانٹس لگانے کے لیے وہاڑی، مظفر گڑھ، ڈی جی خان اور لیہ جبکہ بالائی پنجاب میں اوکاڑہ، ٹوبہ ٹیک سنگھ، مرید کے، جہلم اور حافظ آباد کے اضلاع زیر غور ہیں۔
بتایا جا رہا ہے کہ آئندہ 10 سال میں اپنے آکسیجن پلانٹس لگانے سے تقریباً 3.81 ارب روپے خرچ آئے گا جبکہ 10 سال کے لیے مارکیٹ سے آکسیجن خریداری کے اخراجات تقریباً 11.50 ارب روپے ہوں گے، چنانچہ حکومت پنجاب کے اپنے آکسیجن پلانٹس لگانے سے 10 سال میں تقریباً آٹھ ارب روپے کی بچت ہو گی۔
محکمہ صحت کے مطابق منصوبہ بندی مکمل کر کے حتمی پلان کابینہ میں منظوری کے لیے پیش کی جائے گا۔
1 جولائی 2020پاکستان میں کورونا کے کیسز میں کمی کیوں نظر آ رہی ہے؟
پاکستان میں گزشتہ چند دنوں سے کورونا وائرس کے نئے کیسز کی تعداد میں کمی دیکھنے میں آئی ہے لیکن اس کے ساتھ ساتھ یہ بھی دیکھا گیا ہے کہ یومیہ ٹیسٹنگ کی تعداد بھی کم ہوئی ہے۔
کیا پاکستان میں واقعی کورونا وائرس کے کیسز میں کمی آئی ہے؟ کیا یہ سب حکومتی اقدامات اور سمارٹ لاک ڈاؤن کا نتیجہ ہے؟
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
1 جولائی 2020کراچی میں کورونا مریضوں کے لیے نئے ہسپتال کا قیام
،تصویر کا ذریعہGovt of Sindh
کورونا صورتحال کے پیشِ نظر گلستان جوہر میں قائم کردہ ہسپتال جمعے سے کام کرنا شروع کردے گا۔
سندھ کے محکمہ صحت کے جاری کردہ ایک اعلامیے میں یہ بتایا گیا ہے کہ 50 بستروں پر مشتمل اس ہسپتال میں ہائی ڈیپینڈنسی یونٹس کے علاوہ چھ بستروں کا آئی سی یو بھی شامل ہے۔
سرکاری اعلامیے میں وزیرِ صحت سندھ ڈاکٹر عذرا پیچوہو کے حوالے سے بتایا گیا ہے کہ اس ہسپتال میں وینٹیلیٹر کی سہولیات کے ساتھ ساتھ آکسیجن بھی دستیاب ہو سکے گی۔
اس کے علاوہ اس ہسپتال میں ایکسرے کی ضرورت کے سلسلے میں ریڈیولاجی کا شعبہ بھی بنایا گیا ہے۔
اعلامیے میں بتایا گیا ہے کہ کراچی کے ہی علاقے نیپا میں 200 بستروں پر مشتمل ہسپتال اس کے علاوہ ہے جس کا بھی جلد کام مکمل کرلیا جائے گا۔
حکومت کے مطابق اب کورونا کے مریضوں کو گلستان جوہر میں ڈاؤ یونیورسٹی اوجھا کیمپس ہسپتال، جوہر ہسپتال اور نیپا ہسپتال میں علاج کی سہولیات مل سکیں گی۔
،تصویر کا ذریعہGovt of Sindh
1 جولائی 2020بریکنگ, کورونا وائرس: پاکستان کے صوبہ سندھ میں 2139 نئے مریض، گذشتہ روز کا انفیکشن ریٹ 28 فیصد
پاکستان کے صوبہ سندھ میں گذشتہ 24 گھنٹوں کے دوران مزید 2139 نئے مریض سامنے آئے ہیں جبکہ 29 اموات بھی ہوئی ہیں۔
اس طرح صوبے میں کل متاثرین کی تعداد 86795 ہو گئی ہے جبکہ اب تک 1406 افراد اس وائرس سے ہلاک بھی ہوئے ہیں۔
اب تک صوبے میں 48527 افراد اس وائرس سے صحتیاب ہو چکے ہیں۔
آج صوبے میں 8201 ٹیسٹ کیے گئے۔ اس طرح گذشتہ روز انفیکشن ریٹ 28 فیصد رہا۔ اب تک صوبے میں 46 ہزار سے زائد ٹیسٹ کیے جا چکے ہیں۔
1 جولائی 2020جرمنی کی معیشت 2021 کے آخر تک سنبھلے گی: تھنک ٹینک
،تصویر کا ذریعہReuters
جرمنی کے سب سے بڑے تھنک ٹینک کے مطابق اس کی معیشت کو گذشتہ برس کے معیار پر واپس آنے میں ابھی مزید ڈیڑھ سال لگ سکتا ہے۔
آئی ایف او کا کہنا تھا کہ کورونا وائرس کے باعث میعشت کو ہونے والا نقصان جنگ عظیم کے بعد سے سب سے زیادہ ہے۔‘ جرمنی کی معیشت کی شرح نمو اپریل سے جون کے درمیان 11 اعشاریہ نو فیصد گری ہے۔
اس تھنک ٹینک کے مطابق یہ گرواٹ سنہ 2009 میں ہونے والی معاشی بحران سے دو گنا بدتر ہے۔
تاہم اس رپورٹ میں اس امید کا اظہار کی گیا ہے کہ 2020 میں کے باقی حصے میں شرح نمو بڑھے گی۔
تاہم بیروزگاری میں بتدریج اضافہ ہو گا اور اگلے کچھ ماہ میں 30 لاکھ کے قریب افراد بے روزگار ہو جائیں گے۔
1 جولائی 2020کوئٹہ: قواعد کی خلاف ورزی کرنے پر کورونا وائرس سیمپلز لینے والی پانچ لیبارٹریز سیل
بلوچستان کے دارالحکومت کوئٹہ میں مبینہ طور پر ایس او پیز کے بغیر کورونا کے ٹیسٹ کے لیے سیمپلز لینے والی بین الاقوامی معیار کے پانچ نجی لیبارٹریز کو سیل کردیا گیا۔
محکمہ صحت کے اہلکار ڈاکٹر محمد انور محمد شہی کے مطابق ایک ماہ قبل کوئٹہ شہرمیں قائم نجی لیبارٹریوں کو ایس او پیز سمیت دیگر ضوابط پرعملدرآمد کے لیے وارننگ لیٹر جاری کیا گیا تھا۔
ان کا کہنا تھا کہ جن لیبارٹریزکو سیل کردیا گیا وہ مقررہ ایس او پیز کے بغیر کورونا کے سیمپلز لے رہے تھے۔
ان کا کہنا تھا کہ ایس و پیز پر عملدرآمد کاجائزہ لینے کے ساتھ ساتھ پرائیویٹ لیبارٹریز میں استعمال ہونے والی مشنری کا بھی جائزہ لیا جارہا ہے ۔ واضح رہے کہ کوئٹہ زیادہ ترپرائیویٹ لیباریٹریز کورونا کا ٹیسٹ نہیں کررہے ہیں۔
1 جولائی 2020یونان میں سیاح لوٹ آئے
،تصویر کا ذریعہGetty Images
،تصویر کا کیپشنفائل فوٹو
یورپی ملک یونان میں سیاحوں سمیت پہلی پروازیں نے مختلف ایئرپورٹس پر اتریں۔
172 سیاحوں کو لے کر جرمنی سے ایک چارٹرڈ طیارہ صبح آٹھ بجے جبکہ اس کے چند منٹ بعد جمہوریہ چیک سے ایک اور طیارہ سیاحوں کو لے کر پہنچا۔
ملک میں برطانیہ اور سویڈن کے علاوہ دیگر تمام یورپی ممالک کے لوگوں کو ملک میں آنے کی اجازت ہے۔
ان تمام سیاحوں کو تمام حفاظتی انتظامات سمیت سکریننگ کے مرحلے سے بھی گزارا جاتا ہے۔
1 جولائی 2020کورونا وائرس کا ٹیسٹ کیسے ہوتا ہے؟
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
دنیا بھر میں مختلف ممالک الگ الگ طریقوں سے لوگوں کی ٹیسٹنگ کر رہے ہیں تاکہ کورونا وائرس کی تشخیص کی جا سکے اور متاثرین کی تعداد کے بارے میں معلوم ہوسکے۔
اس ڈیجیٹل ویڈیو میں آپ جان سکتے ہیں کہ ٹیسٹنگ کیا ہے اور یہ کیوں ضروری ہے۔۔۔