عالمی ادارہ صحت: موسم تبدیل ہونے سے کورونا وائرس ختم نہیں ہو جائے گا

لائیو کوریج

1. 27 جولائی 2020’عید پر ایس او پیز کی دھجیاں مت اڑائیں‘

   YouTube پوسٹ نظرانداز کریں

   Google YouTube کا مواد دکھانے کی اجازت دی جائے؟?

   اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔

   YouTube پوسٹ کا اختتام

   پاکستان میں گزشتہ چند ہفتوں سے کورونا وائرس کے کیسز میں کمی دیکھنے میں آ رہی ہے۔ لیکن اب بھی ماہرین کو اس بات کا ڈر ہے کہ اگر عید پر ایس او پی فالو نہ کیے گئے تو ملک میں کورونا وائرس کی دوسری لہر آ سکتی ہے۔ اس سے پاکستان کے صحت کے نظام کو کیا نقصان ہو سکتا ہے، یہ بتا رہی ہیں ڈاکٹر تمکنت منصور اس وی لاگ میں

2. 27 جولائی 2020بریکنگ, برطانیہ میں کورونا سے متاثرہ پہلا جانور: پالتو بلی کا کووڈ 19 کا ٹیسٹ مثبت

   

   ،تصویر کا ذریعہPA

   برطانیہ میں ایک پالتو بلی میں کووڈ 19 کی تشخیص ہوئی ہے۔ یہ پہلا جانور ہے جسے اس وائرس نے متاثر کیا ہے اور جس میں کووڈ 19 کا ٹیسٹ مثبت آیا ہے۔

   اس بات کی تصدیق برطانوی کے چیف وٹرنری ڈاکٹر نے کر دی ہے۔

   ماضی میں برطانوی حکومت نے کہا تھا کہ اس بات کے کوئی ٹھوس شواہد موجود نہیں کہ جانوروں سے انسانوں میں یا دوسرے جانوروں میں کورونا وائرس پھیل سکتا ہے۔ حکومت نے پالتو جانوروں کے مالکان کو اس حوالے سے بے فکر رہنے کا مشورہ دیا تھا۔

   تاہم بدھ کو ایک پالتو بلی کا ٹیسٹ مثبت آیا۔

   انگلینڈ کے محکمہ صحت نے لوگوں کو ہدایت جاری کی ہے کہ جانوروں کے پاس رہنے سے پہلے اور بعد میں اپنے ہاتھ دھوئیں۔

   چیف وٹرنری ڈاکٹر کا کہنا تھا کہ: ’یہ ایک نایاب واقع ہے۔ متاثرہ جانور نے طبی علامات ظاہر کی ہیں اور کچھ دنوں میں صحتیاب ہوجائے گا۔‘

   ’اس کے کوئی شواہد نہیں کہ پالتو جانور انسانوں کو وائرس سے متاثر کر سکتے ہیں۔ ہم اس کے باوجود صورتحال کا جائزہ لے رہے ہیں۔‘

3. 27 جولائی 2020برطانوی معیشت کی بحالی میں ’چار سال لگ سکتے ہیں‘

   

   ،تصویر کا ذریعہGetty Images

   برطانیہ کی معاشی بحالی اور کورونا کے بحران کے دوران ہونے والے نقصان کے حوالے سے کئی پیشگوئیاں کی گئی ہیں۔

   لیکن ایک حالیہ تحقیق میں ماہرین کا کہنا ہے کہ ملک کی معیشت سنہ 2024 سے قبل مکمل طور پر بحال نہیں ہوسکے گی۔

   ان کا کہنا ہے کہ بے روزگاری 3.9 فیصد سے بڑھ کر 9 فیصد تک جا سکتی ہے۔

   ان کا خیال ہے کہ رواں سال معیشت 11.5 فیصد کمی کا شکار ہوگی۔ گذشتہ ماہ انھوں نے آٹھ فیصد کمی کی پیشگوئی کی تھی۔

   صارفین چیزیں خریدنے میں احتیاط برتنے پر مجبور ہیں اور کاروبار کے شعبوں میں سرمایہ کاری کی کمی بھی نقصان پہنچا سکتی ہے۔

   تاہم ماہرین کا کہنا ہے کہ یہ کہنا تاحال قبل از وقت ہے کیونکہ کارآمد معلومات حالیہ چند عرصے میں سامنے آئی ہے۔

4. 27 جولائی 2020امریکہ میں سکول کھولنے سے متعلق بحث زور پکڑنے لگی

   

   ،تصویر کا ذریعہAFP

   ایک ایسے وقت میں جب امریکہ میں کورونا وائرس کے پھیلاؤ میں تیزی دیکھنے میں آ رہی ہے اور ملک میں گذشتہ کچھ دنوں سے یومیہ تقریباً 60 ہزار متاثرین کی تشخیص ہو رہی ہے ایسے میں یہ بحث بھی شروع ہو گئی ہے کہ کیا امریکہ میں تعلیمی ادارے مکمل طور پر دوبارہ کھول دیے جائیں یا آن لائن تعلیم کا سلسلہ جاری رکھا جائے۔

   امریکہ میں نیا تعلیمی سال اگست یا ستمبر سے شروع ہو گا۔

   امریکی صدر ڈونلڈ ٹرمپ جو اس وائرس سے متعلق اپنی حکمت عملی کی وجہ سے تنقید کی زد میں رہتے ہیں، کا کہنا ہے کہ وہ امریکی ریاستوں کے گورنرز سے کہیں گے کہ تعلیمی اداروں کو دوبارہ کھول دیا جائے۔

   امریکہ میں کورونا وائرس سے تقریباً 147,000 شہری ہلاک ہو چکے ہیں جبکہ متاثرین کی تعداد 42 لاکھ سے تجاوز کر گئی ہے۔

5. 27 جولائی 2020عالمی ادارہ صحت: کووڈ 19 دنیا بھر کے لیے صحت کی سب سے سنجیدہ ہنگامی صورتحال

   

   ،تصویر کا ذریعہGetty Images

   عالمی ادارہ صحت نے اعلان کیا ہے کہ کووڈ 19 کی وبا پوری دنیا کے لیے ’بلا مقابلہ صحت کی سب سے سنجیدہ‘ ہنگامی صورتحال ہے۔

   جنیوا میں پریس کانفرس سے خطاب کرتے ہوئے عالمی ادارہ صحت کے سربراہ ڈاکٹر ٹیڈروس نے کہا ہے کہ اقوام متحدہ کے ادارے کو کورونا وائرس کے کل تقریباً ایک کروڑ 60 لاکھ متاثرین کی اطلاع ملی ہے جبکہ اب تک چھ لاکھ 40 ہزار اموات ہوچکی ہیں۔

   ان کا کہنا تھا کہ ’عالمی وبا مسلسل شدت اختیار کر رہی ہے۔‘

   ’گذشتہ چھ ہفتوں میں کل متاثرین کی تعداد تقریباً دگنی ہوئی۔‘

6. 27 جولائی 2020رنگ برنگے ’ڈیزائنر‘ فیس ماسکس کا کاروبار

   YouTube پوسٹ نظرانداز کریں

   Google YouTube کا مواد دکھانے کی اجازت دی جائے؟?

   اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔

   YouTube پوسٹ کا اختتام

   کیا آپ بھی کورونا سے بچاؤ کے حفاظتی ماسکس کے پھیکے رنگوں سے اکُتا گئے ہیں؟ تو پریشان نہ ہوں۔ اب ایک پاکستانی کمپنی نے ایسے دیدہ زیب نت نئے ماسک متعارف کرائے ہیں جو آپ کی بورنگ زندگی میں رنگ بھر دیں گے۔

7. 27 جولائی 2020کورونا وائرس: پنجاب میں عیدالاضحیٰ پر نو روزہ لاک ڈاؤن کا اعلان

8. 27 جولائی 2020بریکنگ, عید اور محرم کے بعد لاک ڈاؤن کے حوالے سے بڑے فیصلوں کا عندیہ

   

   ،تصویر کا ذریعہPID

   وزیر اعظم پاکستان عمران خان نے اسلام آباد میں خطاب کرتے ہوئے عید اور محرم کے بعد لاک ڈاؤن کے حوالے سے بڑے فیصلوں کا عندیہ دے دیا ہے۔

   ان کو کہنا تھا کہ عید تک سب کو ذمہ داری لینا ہوگی تاکہ کورونا وائرس کے متاثرین کو کم رکھا جاسکے۔

   ’کاروبار کے شعبے اور دکانداروں کو کہوں گا کہ چہرے کے ماسک پہنیں۔۔۔ قربانی کی عید پر آن لائن قربانی کو ترجیح دیں۔ اگر آپ نے منڈیوں میں جانا ہی ہے تو ماسک پہن کر جائیں۔

   ’اگر کامیابی سے عید اور محرم گزر گئے تو ہم نے اب کاروباری مراکز کھولنا چاہتے ہیں۔ لوگ بہت تکلیف میں ہیں۔‘

   ان کا کہنا تھا کہ ’ریستوران مشکل میں ہیں۔ سروس سیکٹر مشکل میں ہیں۔ شادی ہال بند ہیں جن سے بڑے لوگوں کو روزگار ملتا ہے۔۔۔ اور سب سے زیادہ سیاحت کا شعبہ۔ یہ سیاحت کے لیے بہترین موسم ہے۔ صرف گرمیوں کے چار، پانچ مہینوں میں پیسا بنتے ہیں۔۔۔ اگر آپ نے عید پر احتیاط کر لی اور ہم علما سے کہہ رہے ہیں کہ محرم پر احتیاط کریں، تو اس کے بعد باقی زندگی آسان ہوجائے گی۔‘

   ’ہمیں اس سے سیاحت اور ریستوران کے شعبوں سے منسلک تمام کاروباروں کو بحال کرنے کا موقع مل سکے گا۔ اور پھر ہم نے تعلیمی ادارے کھولنے ہیں۔ عید اور محرم کے بعد اچھے نتائج آگئے تو سکول، کالج اور یونیورسٹیاں بھی ایس او پیز کے ساتھ کھول سکیں گے۔‘

9. 27 جولائی 2020بریکنگ, عمران خان: عید اور محرم پر احتیاط نہ کی تو متاثرین دوبارہ بڑھ سکتے ہیں

   

   ،تصویر کا ذریعہGetty Images

   عمران خان نے کہا ہے کہ دنیا اب تک کورونا وائرس کو سمجھ نہیں سکی ہے۔

   ’اگر آپ نے احتیاط نہ کی تو متاثرین اور اموات دوبارہ بڑھ سکتے ہیں۔ ایسا آسٹریلیا اور سپین میں ہوا۔‘

   وزیراعظم عمران خان نے بتایا ہے کہ دنیا بھر میں متاثرین کم ہونے کے بعد لاک ڈاؤن میں نرمی کی گئی اور متاثرین دوبارہ بڑھنے لگے۔

   ’میں آج آپ سب پاکستانیوں سے کہہ رہا ہوں کہ متاثرین میں کمی کے بعد عید الاضحیٰ اور محرم میں احتیاط نہ کی تو متاثرین دوبارہ بڑھ سکتے ہیں۔

   ’ہمیں شاید دنیا کے مقابلے کم نقصان پہنچا ہے۔ لیکن ہم پہلے ہی مشکل میں تھے۔‘

   عمران خان نے عوام سے عید اور محرم پر احتیاط برتنے کی تاکید کی ہے۔

   وہ کہتے ہیں کہ ’چھوٹی عید پر ہم نے احتیاط نہیں کی اور متاثرین بڑھے۔ اس سے صحت کے نظام اور طبی عملے پر بوجھ پڑا۔ ہم اب یہ دوبارہ نہیں چاہتے۔‘

   ’ساری دنیا میں بے روزگاری بڑھ گئی ہے۔ دوبارہ لاک ڈاؤن لگایا تو معیشت کو نقصان پہنچے گا۔‘

   ’پلاٹ اور سیمنٹ کی قیمتیں اوپر جا رہی ہیں۔ اس کا مطلب ہے معیشت ٹھیک راستے پر چل رہی ہے۔‘

   عمران خان کا کہنا ہے کہ ’چہرے کے ماسک سے سب سے زیادہ فرق پڑا ہے۔ اس کا کوئی خرچہ نہیں ہے۔ دنیا بھر میں کورونا ختم کرنے کے لیے یہ سب سے آسان طریقہ ہے۔‘

10. 27 جولائی 2020بریکنگ, عمران خان: مکمل لاک ڈاؤن ناممکن تھا، ہم نے لوگوں کو بھوک سے مرنے سے بچایا

    

    ،تصویر کا ذریعہPM OFFICE

    وزیر اعظم عمران خان نے اسلام آباد میں ایک خطاب کے دوران کہا ہے کہ ’مزدور کام کریں گے تو گھر پیسے دے سکیں گے۔ محنت کش کو بند کر دیں تو وہ بھوک سے مر جائیں گے۔

    ’ایسا کئی ملکوں میں ہوا۔ جیسے انڈیا میں کرفیو لگایا گیا۔ آج بھی وہاں ان اقدامات کے اثرات پائے جاتے ہیں۔‘

    وہ کہتے ہیں کہ ’جیسے ہی انڈیا نے لاک ڈاؤن کیا، محنت کش شہروں میں پھنس گئے۔ لاک ڈاؤن عملدرآمد کرانا مشکل ہوتا ہے۔‘

    ’امیر اور خوشحال علاقوں میں لاک ڈاؤن آسان ہوتا ہے۔ جس علاقوں میں پیسہ نہیں وہاں یہ اقدام مشکل ہے۔۔۔ پوری طرح لاک ڈاؤن ناممکن ہے۔‘

    عمران خان نے یہ بھی کہا کہ ’ہم سمارٹ لاک ڈاؤن میں آئے اور فیصلہ کیا کہ زرعی شعبے کو روکا نہیں جائے گا۔۔۔ معیشت کی بحالی کے لیے جب کاروبار کھولا تب اس وقت ہم پر بہت تنقید ہوئی۔۔۔ لیکن یہ فیصلہ ٹھیک ثابت ہوا۔‘

    کہ وہ یہ نہیں چاہتے تھے کہ کورونا سے بچاتے بچاتے لوگ بھوک سے مرجائیں۔

11. 27 جولائی 2020سعودی عرب: اس سال کا حج کیسا ہو گا؟

    

    ،تصویر کا ذریعہGetty Images

    سعودی عرب نے بدھ سے سالانہ حج کی میزبانی شروع کر دی ہے۔

    کورونا وائرس کی وجہ سے اس سال حالیہ تاریخ میں پہلی بار دیگر مماللک سے حج کے خواہشمند لاکھوں افراد کو روکا گیا ہے۔ اس سال بہت کم تعداد میں مسلمان حج ادا کریں گے۔

    اس سال کون حج میں شریک ہو سکے گا؟

    اس سال سعودی عرب میں مقیم دس ہزار سے زائد مسلمانوں کو حج کرنے کی اجازت ہو گی۔ گذشتہ برس 25 لاکھ حجاج خانہ کعبہ میں جمع ہوئے تھے۔

    وبا کے خطرے کے پیش نظر اس سال بڑی تعداد میں حج کے لیے دی جانے والی درخواستوں کو مسترد کیا گیا ہے۔

    

    ،تصویر کا ذریعہGetty Images

    اس سال احتیاطتی تدابیر کے طور پر حج کے پانچ دنوں کی کوریج کے لیے غیر ملکی میڈیا پر پابندی عائد کر دی گئی ہے۔

    سعودی عرب میں کورونا وائرس کی وجہ سے ڈھائی لاکھ سے زیادہ افراد متاثر ہوئے ہیں جبکہ دنیا بھر میں اس وائرس کے متاثرین کی تعداد ایک کروڑ اور ساٹھ لاکھ سے بڑھ گئی ہے۔

    مکہ میں حج کی غرض سے آنے والوں کو تمام احتیاطی تدابیر اختیار کرنا ہوں گی۔ ان کا جسمانی درجہ حرارت چیک کیا جائے گا اور انھیں قرنطینہ میں رکھا جائے گا۔

    شیطان کو کنکریاں مارنے کی سنت پوری کرنے کے لیے حجاج کو سٹریلایزڈ یعنی جراثیم سے پاک کنکریاں دی جائیں گی۔ اسی طرح ان کا احرام، جائے نماز اور ان کے کے استعمال کی ایسی اشیا پر جراثیم کش سپرے کیا جائے گا۔

    سماجی فاصلے کے اصول کی پابندی کرنا ہو گی۔

12. 27 جولائی 2020انڈیا میں کورونا وائرس متاثرین کی تعداد 14 لاکھ سے تجاوز کر گئی

    انڈیا میں کورونا وائرس متاثرین کی تعداد 14 لاکھ سے بڑھ گئی ہے۔ انڈیا متاثرین کی تعداد کے اعتبار سے اس وقت تیسرے نمبر پر ہے۔

    انڈیا میں صرف گذشتہ 24 گھنٹوں میں تقریباً 50 ہزار نئے متاثرین کی تشخیص ہوئی ہے۔ انڈیا میں جنوری سے پہلے مریض کی تشخیص سے لے کر آج تک اس وائرس سے 30 ہزار سے زائد ہلاکتیں ہو چکی ہیں۔

    جب کورونا وائرس کے متاثرین ابھی سینکڑوں میں ہی تھے کہ انڈیا نے مارچ میں سخت لاک ڈاؤن کا اطلاق کر دیا۔

    جون میں جب یہ وائرس پھیل رہا تھا تو لاک ڈاؤن کے خاتمے کا اعلان کر دیا گیا، جس کے بعد کچھ ریاستوں نے لاک ڈاؤن جسیے اقدامات اٹھائے۔

    اس وقت انڈیا میں کورونا وائرس سے صحت یاب ہونے والے افراد کی شرح 63 فیصد بنتی ہے۔

13. 27 جولائی 2020بریکنگ, پنجاب میں تمام مارکیٹیں آج رات سے نو دن کے لیے بند کر دی جائیں گی

    

    ،تصویر کا ذریعہGetty Images

    پاکستان کے سب سے بڑے صوبے پنجاب میں تمام مارکیٹیں آج رات سے بند کر دی جائیں گی۔ اس حوالے سے نوٹیفکیشن جاری کر دیا گیا ہے ۔

    عید الاضحٰی پر سیر و سیاحت کے لیے دوسرے شہروں اور صوبوں میں جانے پر پابندی رہے گی۔

    سکیریٹری پرائمری ہیلتھ کییئر کیپٹن ریٹائرڈ محمد عثمان کے مطابق صوبے بھر میں مارکیٹیں آئندہ نو دن تک بند رہیں گی۔

    پنجاب حکومت کے فیصلے کے مطابق تمام تعلیمی ادارے، ہوٹلز، ریستوران اور ہر قسم کے تفریحی مقامات بند رہیں گے۔۔

    سیکرٹری صحت کا کہنا ہے کہ عید پر مارکیٹوں سے کورونا وائرس پھیلنے کے پیش نظر مارکیٹیں بند کی جارہی ہیں مویشی منڈیوں میں بھی ایس او پیز پر سختی سے عمل کروایا جائے گا۔

14. 27 جولائی 2020سمارٹ لاک ڈاؤن کی سائنس کیا ہے؟

    کورونا وائرس کی عالمی وبا کے باعث پاکستان کے مختلف علاقوں میں سمارٹ لاک ڈاؤن کیاجارہا ہے۔ لیکن سمارٹ لاک ڈاؤن آخر لگایا کیسے جاتا ہے اور حکومت کو کیسے پتا چلتا ہے کہ کس علاقے کو بند کرنا ہے۔

    ہمارے ساتھی عمر دراز اور فرقان الٰہی نے اس ویڈیو میں یہی جاننے کی کوشش کی ہے۔

    YouTube پوسٹ نظرانداز کریں

    Google YouTube کا مواد دکھانے کی اجازت دی جائے؟?

    اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔

    YouTube پوسٹ کا اختتام

15. 27 جولائی 2020کورونا وائرس: چین کے ڈاکٹر نے دعویٰ کیا ہے ووہان کے حکام نے اہم معلومات چھپائیں

    

    ،تصویر کا ذریعہGetty Images

    چین میں ان ابتدائی ڈاکٹرز میں سے ایک جنھوں نے کورونا وائرس کے پھیلاؤ کی تصدیق کی تھی نے بی بی سی کو بتایا کہ ان کے خیال میں ووہان کے مقامی حکام نے اس وائرس سے متعلق معلومات چھپائی تھیں۔

    پروفیسر کوک یونگ یوین جنھوں نے ووہان میں بھی اس معاملے کی تحقیقات میں مدد فراہم کی تھی کا کہنا ہے کہ معلومات چھپانے کی غرض سے مقامی حکام نے ثبوت ضائع کر دیے جبکہ اب لیبارٹری کے نتائج کا عمل بہت سست ہوتا ہے۔

    ان کے مطابق جب ہم حنان کی سپر مارکیٹ میں گئے تو اس وقت تک یقیناً وہاں کچھ دیکھنے کو نہیں تھا کیونکہ مارکیٹ صاف کر دی گئی تھی۔ ان کے مطابق آپ کہہ سکتے ہیں کہ کرائم سین کو پہلے ہی خراب کر دیا گیا تھا کیونکہ سپر مارکیٹ کی صفائی کی جا چکی تھی جس وجہ سے ہم ایسی کسی چیز کا مشاہدہ نہ کر سکے جس سے یہ وائرس انسان میں منتقل ہوا ہے۔

    ان کے خیال میں انھیں شک ہے کہ مقامی سطح پر ان معلومات کو چھپایا گیا ہے۔ ان کے مطابق معلومات تک رسائی نہ ہونے کی وجہ سے اس وائرس کے بارے میں زیادہ معلومات جمع نہیں کی جا سکی ہیں۔

16. 27 جولائی 2020کورونا ویکسین سے متعلق جھوٹے اور گمراہ کن دعوؤں کی حقیقت

17. 27 جولائی 2020شمالی کوریا میں کورونا وائرس سے ’متاثرہ‘ شخص کا معمہ

    

    ،تصویر کا ذریعہGetty Images

    جنوبی کوریا نے کہا ہے کہ شمالی کوریا میں جسے کورونا سے متاثر ہونے والا پہلا شخص بتایا جارہا ہے، اسے پہلے سے کورونا نہیں تھا۔

    جس شخص پر کورونا سے متاثر ہونے کا شبہ ہے کہ وہ تین سال پہلے جنوبی کوریا فرار ہوگیا تھا اور وہ گذشتہ ہفتے ہی شمالی کوریا واپس آیا تھا۔

    اس شخص کے شمالی کوریا پہنچنے کے متعلق جنوبی کوریا نے بتایا کہ وہ پانی کے نکاسی والے پائپ کے راستے جنوبی جزیرے پر پہنچا اور پھر ایک میل تک تیر کر وہ شمالی کوریا پہنچا۔

    ویکینڈ پر شمالی کوریا نے کہا تھا کہ ان کے یہاں کووڈ 19 کا پہلا مشتبہ کیس پایا گیا ہے۔

    شمالی کوریا نے بتایا کہ مریض شمالی کوریا کا شہری ہے اور وہ جنوبی کوریا سے واپس آیا ہے لیکن جنوبی کوریا نے کہا ہے کہ 'نہ تو اس شخص کا نام کورونا سے متاثرہ افراد میں درج ہے اور نہ ہی وہ کسی متاثرہ شخص کے ساتھ رابطے میں آیا تھا۔'

    مبینہ 'مفرور' شخص کے رابطے میں آنے والے دو افراد کا ٹیسٹ کیا گیا ہے مگر ان میں کورونا وائرس کی تشخیص نہیں ہوئی ہے۔

    چین کے بعد جنوبی کوریا میں کورونا وائرس پھیلنے والا پہلا واقعہ ریکارڈ کیا گیا تھا۔ لیکن شمالی کوریا شروع سے ہی یہ کہتا رہا ہے کہ ان کے یہاں کورونا کا کوئی مریض نہیں ہے۔ تاہم کچھ تجزیہ کاروں کا خیال ہے کہ ایسا ممکن نہیں ہے۔

18. 27 جولائی 2020بریکنگ, پنجاب میں نو دن کے لیے سخت لاک ڈاؤن کا فیصلہ

    

    ،تصویر کا ذریعہPTV

    پنجاب کی کابینہ کمیٹی برائے کورونا کے اجلاس میں صوبے بھر میں نو دن کے لیے سخت لاک ڈاؤن کا فیصلہ کیا گیا ہے۔ لاک ڈاؤن کا اطلاق آج رات 12 بجے سے اگلے بدھ تک ہو گا۔

    پنجاب کے وزیر اطلاعات فیاض الحسن چوہان کا کہنا ہے کہ بکر منڈیوں کے لیے خصوصی ایس او پیز پر عمل دراآمد ہو گا۔ صوبائی وزیر کے مطابق تفریحی مقامات اور ریسٹورنٹ کو محرم الحرام کے بعد صورت حال کا جائزہ لینے کے بعد کھو ل دیا جائے گا۔

19. 27 جولائی 2020اپریل کے بعد چین میں کورونا وائرس کے نئے متاثرین کی سب سے زیادہ تعداد

    

    ،تصویر کا ذریعہAFP

    پیر کو چین میں تین ماہ میں سب سے زیادہ کورونا وائرس متاثرین کی تعداد کی تشخیص ہوئی ہے۔ یہ دوسری اور تیسری لہر کے خدشات کو بڑھا رہی ہے جو یورپی اور ایشیائی ممالک میں آ رہی ہے۔

    چین میں پیر کو 61 متاثرین کی تشخیص ہوئی ہے جو کہ اپریل سے اب تک سب سے زیادہ یومیہ تعداد بنتی ہے۔ چین میں کورونا وائرس دسمبر سے پھیلنا شروع ہوا۔

    اس وائرس کی دوسری لہر پر قابو پانے کے لیے چین کی حکومت نے سخت اقدامات اٹھائے۔

    نئے متاثرین میں سے 57 افراد کا تعلق سنکیانگ صوبے سے ہے جہاں کے دارالحکومت ارومچی میں جولائی کے وسط میں بھی متاثرین کی تشخیص ہوئی تھی۔

    شہر میں اتوار کو بڑے پیمانے پر ٹیسٹنگ کا سلسلہ شروع ہوا ہے۔ اس وقت 23 لاکھ سے زائد افراد کی سکریننگ کی جا چکی ہے۔

20. 27 جولائی 2020پاکستانی وزرا: ’عوام سے اپیل ہے کہ عید سادگی سے منائیں‘

    

    خیبر پختونخوا کے وزیر اعلیٰ محمود خان اور وفاقی وزیر اسد عمر کی پریس کانفرنس کرتے ہوئے عوام سے اپیل کی ہے کہ وہ عید سادگی سے منائیں۔

    وزیر اعلیٰ خیبر پختونخوا محمود جان نے کہا ہے کہ عید الاضحٰی کے موقع پر وبا پھیلنے کے خدشات ہیں عوام احتیاط کریں، عوام عید سادگی سے اور اپنے گھروں پر منائیں، اس عید پر کورونا سے ہلاک ہونے والوں کو خصوصی طور پر یاد کیا جائے۔ عید کے موقع پر ایس او پیز پر عملدرآمد کو یقینی بنایا جائے۔

    وزیر اعلیٰ کا کہنا تھا کہ 'میں نے خود بھی عید سادگی سے منانے کا فیصلہ کیا ہے اور اپنے کابینہ ممبران کو بھی عید سادگی سے منانے کی ہدایت کی ہے۔`

    

    ،تصویر کا ذریعہGetty Images

    ان کا کہنا تھا کہ عید کے موقع پر شہری سیاحتی مقامات کی طرف نہ جائیں۔ عید کے بعد سیاحتی مقامات کو کھولنے کے لیے این سی سی کے اجلاس میں مشاورت کی جائے گی۔

    پریس کانفرنس سے اپنے خطاب میں وفاقی وزیر اسد عمر نے کہا کہ صوبائی حکومت کے موثر اور بروقت اقدامات کی وجہ سے صوبے میں کورونا کیسز میں واضح کمی آئی ہے لیکن وبا کا خطرہ ابھی بدستور موجود ہے اس لیے احتیاط بہت ضروری ہے۔

    'حکومت جو بھی اقدامات اٹھا رہی ہے وہ عوام کی جانوں کو محفوظ کرنے کے لیے ہیں۔‘