عالمی ادارہ صحت: موسم تبدیل ہونے سے کورونا وائرس ختم نہیں ہو جائے گا

لائیو کوریج

1. 27 جولائی 2020کورونا وائرس: ویتنام میں اپریل کے بعد وائرس کی واپسی

   

   ،تصویر کا ذریعہReuters

   اپریل کے بعد ویتنام میں پہلی بار کورونا وائرس کے چار نئے مریض سامنے آئے ہیں۔ چاروں افراد میں وائرس کی منتقلی مقامی سطح سے ہوئی ہے۔

   چار افراد میں اس وائرس کی تشخیص کے بعد دا نانگ شہر کو سیاحوں کے لیے بند کر دیا گیا ہے۔

   اب کوئی سیاح شہر میں 14 دن تک داخل نہیں ہو سکتا جبکہ 80 ہزار سیاحوں کی ملک سے واپسی کے لیے پروازوں کا انتظام کیا جا رہا ہے۔

   ویتنام کو اس وائرس کا کامیابی سے مقابلہ کرنے پر سراہا گیا تھا۔ ویتنام نے اس وائرس کے پھیلاؤ کو روکنے کے لیے شروع سے ہی اپنی سرحدیں بند کردیں تھیں۔ قرنطینہ جیسے اقدامات لاگو کرنے کے بعد متاثرین کی تلاش شروع کر دی تھی۔

   ویتنام میں اس وائرس سے 400 سے زائد افراد متاثر ہوئے جبکہ کوئی بھی ہلاکت نہیں ہوئی ہے۔

2. 27 جولائی 2020بریکنگ, اسلام آباد میں آج سے عید تعطیلات کے خاتمے تک تفریحی مقامات بند کرنے کا اعلان

   اسلام آباد کے ڈپٹی کمشنر حمزہ شفقات نے ٹویٹ کیا ہے کہ آج سے عید تعطیلات تک تفریحی مقامات بند رہیں گے۔

   انھوں نے عوام سے صبر کا مظاہرہ کرنے کی اپیل کی ہے۔

   اپنے ٹویٹ میں انھوں نے کہا ہے کہ سب سے گزارش ہے کہ فی الحال گھومنے پھرنے کا کوئی پلان نہ بنائیں۔ اس دفعہ تھوڑی سی تکلیف برداشت کر لیں اور انسانی جانیں بچائیں۔

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

3. 27 جولائی 2020پاکستان میں کورونا وائرس کی تازہ ترین صورتحال

   

   پاکستان میں گذشتہ 24 گھنٹوں میں 1176 افراد کورونا وائرس سے متاثر ہوئے ہیں جبکہ اس دوران اس وائرس سے کل 20 افراد ہلاک بھی ہوئے ہیں۔

   پاکستان نے گذشتہ 24 گھنٹوں میں کل 22،056 ٹیسٹ کیے ہیں۔ اس وقت تک کل ٹیسٹ کی تعداد 1,890,236 بنتی ہے۔

   پاکستان میں اس وقت کورونا وائرس کے کل مریضوں کی تعداد 274,249 ہے۔

   اس وائرس سے اب تک کل 5,842 ہلاکتیں ہو چکی ہیں۔ اس وقت 1,229 مریضوں کی حالت تشویشناک ہے۔ صوبہ سندھ میں کورونا وائرس متاثرین کی تعداد 118,311 ہے جبکہ پنجاب میں یہ تعداد 92,073 بنتی ہے۔

   بلوچستان میں متاثرین کی تعداد 11,601 جبکہ خیبر پختونخوا میں اس وائرس کے کل مریض 33,397 ہیں۔

   ملک کے دارالحکومت اسلام آباد میں متاثرین کی تعداد 14,844 بنتی ہے۔ پاکستان کے زیر انتظام کشمیر میں کورونا وائرس سے 2,034 جبکہ گلگت بلتستان میں 1,989 افراد متاثر ہوئے ہیں۔

4. 27 جولائی 2020برطانیہ: ہیتھرو ایئرپورٹ پر جراثیم کش روبوٹس نے کام شروع کر دیا

   

   برطانیہ کے ہیتھرو ایئرپورٹ پر عملے اور مسافروں کو کورونا وائرس کے خطرے سے بچانے کے لیے 'ڈس انفیکشن روبوٹس¬ لگا دیے گئے ہیں۔

   اس سے قبل اس کام کے لیے ہسپتال والی مشینیں یہاں لگائی گئی تھیں۔ انفیکشن سے نمٹنے کے لیے استعمال ہونے والی یہ مشینیں ائیرپورٹ کے ٹرمینلز کے ذریعہ حرکت کرتی ہیں جس میں غسل خانے اور لفٹوں جیسے زیادہ خطرے والی جگہوں کو جراثیم سے پاک کرتی ہیں۔

   یہ روبوٹس انتہائی تیز روشنی (الٹرا وائلٹ) کے ذریعے وائرس کو ہلاک کر دیتے ہیں اور پھر انھیں دوبارہ پیدا ہونے سے روکتے ہیں۔

5. 27 جولائی 2020کورونا اور عیدالاضحیٰ: خریداروں کو کیا احتیاطی تدابیر اختیار کرنی چاہییں؟

   ہر سال کی طرح اِس سال بھی عیدالاضحیٰ سے قبل مویشی منڈیوں میں جانوروں کی خریداری کی جا رہی ہے۔ پاکستان میں کورونا وائرس متاثرین کی تعداد دو لاکھ 64 ہزار سے زیادہ ہوچکی ہے اور حکام کی جانب سے بیوپاریوں اور خریداروں پر احتیاط کرنے کے لیے زور ڈالا جا رہا ہے۔

   کورونا کی وبا کے زمانے میں خریداروں کو منڈیوں میں کیا احتیاطی تدابیر اختیار کرنی چاہییں، جانیے ہمارے ساتھی کریم الاسلام کی اِس ڈیجیٹل ویڈیو میں۔

   YouTube پوسٹ نظرانداز کریں

   Google YouTube کا مواد دکھانے کی اجازت دی جائے؟?

   اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔

   YouTube پوسٹ کا اختتام

6. 27 جولائی 2020برطانوی یونیورسٹیوں میں طلبا کی واپسی شروع

   

   برطانیہ کی یونیورسٹیوں میں طلبا کی واپسی کا سلسلہ شروع ہو گیا ہے تاہم انھیں کچھ شرائط پر عمل کرنا ہوگا۔ یونیورسٹی میں بارز بند رہیں گی اور ماسک کی پابندی لازمی کرنا ہو گی۔

   زیادہ تر طالبعلم خزاں تک یونیورسٹی نہیں آنا چاہتے مگر ناٹنگھم یونیورسٹی کے ویٹرنری کے شعبے کے طالبعلموں نے ابھی سے دوباہ آنا شروع کر دیا ہے۔

   کورونا وائرس کے بعد اب برطانیہ میں تعلیمی ادارے کھل رہے ہیں اور یہ یونیورسٹی آنے والے اولین طالبعلم بن چکے ہیں۔

   یونیورسٹی کے رجسٹرار پال گریٹریکس کا کہنا ہے کہ ان طالبعلموں کا سماجی میل جول بہت محدود ہو جائے گا مگر یہ ایک بات غیر معمولی قسم کی صورتحال ہے۔

   ناٹنگھم یونیورسٹی میں ابھی 150 طالبعلم واپس آئے ہیں اور ان کی پڑھائی کے لیے انتظامیہ نے ببل سسٹم متعارف کرایا ہے یعنی وہ چھوٹے چھونے گروپس میں رہیں اور ایک ساتھ پڑھیں گے۔

   تاہم یونیورسٹی وائرس کے پھیلاؤ کو روکنے کے لیے اس نظام کو ببل کے بجائے گھریلو نظام قرار دیتی ہے۔

   اس طریقہ کار کے مطابق تین سے دس طالبعلم ایک ساتھ رہیں گے اور ان کے لیے سماجی فاصلہ رکھنے کی ضرورت نہیں ہو گی۔ ان کے لیے ماسک پہننے پر بھی پابندی عائد نہیں ہو گی۔ لیکن جب یہ دوسرے گروپس کے ساتھ ملیں گے تو پھر سماجی فاصلہ برقرار رکھنا لازمی ہو گا۔

7. 27 جولائی 2020کورونا وائرس اگر چمگادڑوں میں رہتا ہے تو وہ بیمار کیوں نہیں ہوتیں؟

   

   ،تصویر کا ذریعہOLIVIER FARCY

   سائنسدانوں نے دنیا کی چھ چمگادڑوں کے جینیاتی بلیو پرنٹ کی تشریح کی ہے جس سے ان کی ’غیر معمولی قوت مدافعت‘ کے اشارے ملتے ہیں اور یہ نظام ہی انھیں مہلک وائرس سے بچانے میں مددگار ثابت ہوتا ہے۔

   محققین کو ان معلومات کے ذریعے ان رازوں سے پردہ اٹھانے کی توقع ہے کہ چمگادڑ کیسے بیمار ہوئے بغیر کورونا وائرس رکھتی ہیں۔

   محققین کا کہنا ہے کہ اس سے موجودہ اور مستقبل کے وبائی امراض کے دوران انسانی صحت کی مدد کے لیے حل فراہم کیے جا سکتے ہیں۔

   یونیورسٹی کالج ڈبلن کی پروفیسر ایما تیلنگ کا کہنا ہے کہ ’شاندار‘ جنیاتی ترتیب سے پتا چلتا ہے کہ چمگادڑوں کا ’مدافعتی نظام بہت انوکھا‘ ہوتا ہے۔

   اور یہ سمجھنا کہ کس طرح چمگادڑ بیمار ہوئے بغیر وائرس کو برداشت کر سکتی ہیں، کووڈ۔19 جیسے وائرس کا علاج دریافت کرنے میں مددگار ثابت ہو سکتا ہے۔

   مزید پڑھنے کے لیے کلک کیجیے

8. 27 جولائی 2020انڈیا: بہار میں کورونا وائرس کے مریضوں میں تیزی سے اضافہ

   

   ،تصویر کا ذریعہGetty Images

   ماہرین صحت کے مطابق اعدادوشمار یہ ظاہر کرتے ہیں کہ انڈیا کی ریاست بہار میں تیزی سے کورونا وائرس پھیل رہا ہے۔ بہار ریاست میں ملک بھر کے مقابلے میں ٹیسٹنگ کی شرح کم ہے۔

   انڈین ریاست بہار کے زیادہ تر اضلاع میں کورونا وائرس کے مریضوں کے علاج کے لیے وینٹیلیٹرز تک دستیاب نہیں ہیں۔

   ماہرین کا کہنا ہے کہ بہار کے ہسپتالوں میں ایسے ڈاکٹر کی شدید کمی ہے جو وینٹیلیٹرز کو استعمال کرنے کی مہارت رکھتے ہیں۔ یہ بہت اہم ضرورت ہے اور ریاست کے اس کے بارے میں سوچنا چائیے۔

   

   ریاست کی حکومت اپنی ناکامی کو تسلیم کرنے کو تیار نہیں ہے اور ان کا یہ کہنا ہے کہ وہ جلدی سے اضافی صحت کی سہولیات کا انتظام کر رہی ہے۔

   ریاست بہار کا پرائمری ہیلتھ کیئر نظام بہت کمزور ہے اور کئی دہائیوں سے یہ نظر انداز کیا جاتا رہا ہے۔

   اس ریاست میں اعلی درجے کے چند ہی سرکاری اور نجی ہسپتال موجود ہیں جو مریضوں کا بروقت اور صیحح علاج کر سکتے ہیں۔ دلی اور ممبئی جیسے شہروں میں بھی تاخیر سے مریضوں کے داخلے کی وجہ سے اموات ہوئی ہیں لیکن ماہرین کو یہ خدشتہ ہے کہ بہار میں ایسی صورتحال میں اموات کئی گنا زیادہ ہو سکتی ہیں۔

   اس صورتحال میں مزید خرابی اس وقت پیدا ہوئی جب بہار کے کئی علاقوں میں سیلاب آنا شروع ہو گیا ہے۔

9. 27 جولائی 2020بی بی سی اردو کی لائیو کوریج جاری ہے!

   بی بی سی اردو کے تازہ لائیو پیج میں خوش آمدید۔ یہاں آپ کو پاسکتان سمیت دنیا بھر سے کورونا وایرس کے حوالے سے تازہ ترین خبریں، معلومات اور تجزیے ملیں گے۔

   گذشتہ ہفتے دنیا میں کیا ہوا؟ جاننے کے لیے کلک کیجیے۔

10. 24 اپريل 2020کورونا ٹیلی تھون: وزیر اعظم کی احساس ٹرانسمیشن میں مولانا طارق جمیل اور جاوید میانداد کے بیانات پر سوشل میڈیا پر بحث