Anthony Joshua vs Pulev: Anthony Joshua akụpụla Kubrat Pulev ọkwụrụ n'anya

Mkpuchi Na Eme Ozugbo

1. 18 Nọvemba 2020"Ụlọ anyị kuturu abụghị ụlọọgwụ kama ọ bụ ụlọ a gbahapụrụ ndị omekaome bizi"

   Odeakwụkwọ mgbasaozi Gọvanọ Hope Uzodinma bụ Ogwuwike Nwachukwu gwara BBC na ihe ha kuturu bụ ụlọ alawaaghara ndị omekome were mere ebe ozuzo ha.

   Ọ sị na o nweghi ụlọọgwụ ọbụla Okorocha rụrụ nke gọọmentị Uzodinma ha kuturu kama na ọ bụ ụlọ a na-arụchabeghi n'ọdọahịa Ekeukwu ọ kụturu wee na-arụ.

   Ogwubike sị na gọọmentị Uzodinma chọrọ iweghachite ahịa Ekeukwu n'ebe ahụ ọ nọ tupu Okorocha akụtuo ya.

   Mgbe a jụrụ ya maka okporoụzọ ọjọọ dị n'Imo Steetị, ọ sị na ọ bụ maka gọọmentị na-eche ka udummiri laa, ka ha nwee ike malite ọrụ n'ọkọchị.

   Na dị ka ọ na-ekwu ugbua, na ọrụ amalitela n'ọtụtụ okporoụzọ dị n'Imo Steetị ugbua.

   Ọnụ na-ekwuru Rochas Okorocha bụ Sam onwuamaedo sị na obi adịghị Okorocha mma maka ụlọọgwụ Uzodinma kuturu chọrọ ịrụ ihe ọzọ.

   Ọ sị na ọtụtụ ọrụ gọọmentị Okorocha ji ego ọhanaeze ndị Imo rụọ, gọọmentị ọzọ abata bịa na-akutusi ya.

   Na o nweghi onye ọ ga-adị mma n'obi chaa chaa.

2. 18 Nọvemba 2020Onyeisi PDP n'Ebonyi steeti sị na ya agaghị ekwe ka akpapụ ya

   Nsogbu adaala dịka Onyeisioche PDP n'Ebonyi steeti jụrụ ịhapụ oche ya.

   Ọkaiwu Onyekachi Nwebonyi kwuru na ya ga-agbagha mkposa ndị isi PDP etiti kposara kọmịtị ndị isi pati ahụ dịka Gọvanọ Dave Umahi hapụrụ pati ha gawa APC n'ụlọikpe, sị na o megidere iwu. Gọọmentị Imo steeti agọọla na ha kuturu ụlọgwụ Rochas Okorocha rụrụ n'Owere.

3. 18 Nọvemba 2020Ndị gọvanọ APC atọ zochiri Abakaliki maka ịnabata Umahi

   Ndị gọvanọ APC atọ awụchiela Abakaliki,isiobodo Ebonyi Steetị ịnabata Gọvanọ Dave Umahi n'ime otu.Nke a na-abịa dịka Umahi nakwado emume mwụfe ya site na PDP banye APC n'ụbọchị Tọsde 19 ọnwa Nọvemba, afọ 2020.

   Ndị gọvanọ ahụ gụnyere Mai Mala Bala nke Yobe Steetị, Abubakar Atiku Bagudu nke Kebbi nakwa Mohammed Badaru nke Jigawa Steetị.Osote gọvanọ Ebonyi Steetị bụ Kelechi Igwe na onyisi ụlọomeiwu Ebonyi bụ Francis Nwifuru nabatara ndị a n'ọdọụgbọelu Akanu Ibiam dị n'Enugwu.

   A na-atụ anya na ndị gọvanọ abụọ ọzọ ka ga-awuchi n'Ebonyi maka emume a.

4. 18 Nọvemba 2020PDP abaala ọgbakọ n'Abuja

   Ndị isi otu PDP abanyeela ọgbakọ.

   A mabeghị ihe ha na-akpa na ya bụ nzuko mana ọgbakọ ahụ na-abịa ka ọ gachara otu abalị Dave Umahi bụ Gọvanọ Ebonyi steeti ma bụrụkwa onye isi ndị gọvanọ Ọwụwa Anyanwụ hapụrụ pati ha gawa otu APC.

   Umahi gwara ndị ntaakụkọ na ihe mere ya pụọ bụ na ndị PDP na-emegbu ndị Igbo kemgbe afọ 1998 e hiwere pati ahụ na agbanyeghị ihe ndị Igbo tụnyerela iji kwado ya bụ pati.

5. 18 Nọvemba 2020Ụlọọrụ Naịjirịa dị na mba Jamini achụọla otu nwoke dinara nwaanyị maka akwụkwọ njem

   Ụlọọrụ Nigerian Embassy dị na Germany akụsịtụla otu onye ọrụ ha ma kwe nkwa na ọ ga-agabiga ntaramahụhụ iwu nyere ma a chọpụta na ọ wakporo nwaanyị dịka ebubo kwuru.

   Nke a na-eme dịka onyonyo fegharịrị n'elu soshal midia na-egosi nwoke ahụ ndị mmadụ na-akpọ (Chief Security Officer of Nigerian Embassy in Berlin Germany) na-arịọ ka ọ dịna nwaanyị tupu ọ rụọ ọrụ kwesiriịrụ.

   Chief Security Officer nke German Nigeria Embassy abanyela ofeọkụ maka ebubo mwakpo nwaanyịỤlọọrụ German Nigerian Embassy akwụsịtụla onyeisi ọrụ nchekwa ha bụ Martins ọrụ maka ebubo na ọ kwasoro nwaanyị iko maka inye ya akwụkwọ ikike njem.

   Dịka ọ dị ugbua, amalite nyocha banyere ihe mere na ya bụ onyonyo.

6. 18 Nọvemba 2020International Flights: Ewepụla mmachị amachiri ụgbọelu Lufthansa na ndị ọzọ' - Hadi Sirika

   Mịnịsta na-ahụ maka njem ụgbọelu bu Hadi Sirika edepụtala n'akara Twitter ya na ha na mịnịstry na-ahụ maka ahụike, CACOVID na ngalaba PTF na-agba mbọ ịhụ ma ha e nwereike ịmpepe ọdọ ụgbọelu Kano. Enugwu na nke Pọthakọt tupu afọ a agaa.

   N'otu aka ahụ ọ kwukwara na ha enyela ụlọọru ụgbọelu Lufthansa, Air France/KLM ikike ka ha bido ọrụ na Naijirịa.

   Ha nyekwara Qatar Airways ikike ka ha bido ọrụ n'ọdọ ụgbọleu nke dị n'Abuja.

7. 18 Nọvemba 2020Unu asaala chi

   Soro anyị taa maka akụkọ niile ga-amasị gị

8. 17 Nọvemba 2020Super Eagles agaala Sierra Leone kpọrọ ụkwụ ọcha lọta

   Isi apụtaraghị ndị Super Eagles nke Naịjirịa na njem ha mere na Free Town, Sierra Leone maka ịgba asọmpi itozuoke Iko Mba Ụwa.

   Nke a bụ dịka onweghi onye ike dị nye ibe ya goolu ka ọfọdụzie imeri n'asọmpi a dị n'etiti Super Eagles na ndị Sierra Leone.

   Ebumnobi ndị Super Eagles bụ ka ha merie iji mejụọ ndị Naịjirịa obi maka ọnyụpa ha gbara na mbụ mana nke a kụrụ afọ n'ala.

   Cheta na otu egwuregwu abụọ ndị a ji ọkpụ anọ gbaa onwe ha onye lawa onye lawa n'izuụka gara aga na Naịjirịa.

   Ugbua olileanya Super Eagles itozuoke n'asọmpi Iko Mba Afrịka (AFCON) nke afọ 2021 ka dị obere.

9. 17 Nọvemba 2020Gọvanọ Dave Umahi sị na onweghi mwute ọbụla ịhapụ PDP banye APC

   Gọvanọ Dave Umahi nke Ebonyi Steetị sị na onweghi mwute ọbụla maka ịhapụ Peoples Democratic Party mabanye n'All Progressive Congress.

   O kwuru nke a mgbe ọ na-agba ndị ntaakụkọ okwu n'Abakaliki ma sị na ọ bụ maka mmegbu ndị PDP na-emegbu ndị mpaghara Ọwụwanyanwụ.

   Ọ sị na mkpebi a abụghị maka na o nwere nkwa APC kwere ya kama ọ bụ ụzọ o nwereike iji gosi iwe ya na mmegbu PDP na-emegbu ndị Ọwụwanyanwụ kamgbe afọ 1998.

   Ọ sị na mwụfe ya a ga-eme ka anya mepee ndị PDP ka ha mara ọbụla naanị otu onye nwere ikike ime ihe ọbụla ọ chọrọ.

   Ọ katọkwara akụkọ na-ekwu na ọ bụ maka PDP jụrụ inye ya ohere ka ọ zọọ ọkwa onyeisiala n'afọ 2023 na-abịa abịa.

   Gọvanọ Umahi bụ onyeisi ndị govanọ Owụwanyanwụ sị na afọ juru ya n'ogogo o rurula na ndọrọ ndọrọ ọchịchị na ọ ga-alaghachị n'azụmaahịa ya ma ọ rịtuo n'ọkwa n'afọ 2023.

10. 17 Nọvemba 2020Gịnị na-esere ndị Ọkada, ndị agboro na ndị ọrụ nchekwa na Festac, Legọs?

    N’ehihie a ka akụkọ ọgbaghara dapụtara n’ebe a na-akpọ Apple Junction dị Festac nke Legọs Steetị.

    A malitere ịnụ ụda egbe aghara aghara, ịmụ ụkwụ ‘tire’ ụgbọala ọkụ nke mere ka ndị bi n’ogbe ahụ ji na-azọ isi onwe ha.

    Onye ntaakụkọ BBC Igbo bi nso n’ogbe ahụ sị kepu kepu ọ nụrụ bụ na ọgbaghara a bụ n’etiti ndị uweojii na ndị ọkwọ ụgbatumtum bụ Ọkada.

    Ọ sị na ọ nụrụ ụda egbe ma hụkwa dịka a mụnyere ọtụtụ ụkwụ ‘tire’ ụgbọala ọkụ.

    Ọ sị na ọ hụkwara ka ndị ọgbatumtum bucha ngwa ọgụ dị iche iche na-agba n’okporoụzọ.

    Akụkọ kwuru na ndị uweojii jichiri ọgbatumtum otu nwoke, nke mere ndị ọgbatumtum ọzọ na-eti mkpu sị ka e mechie uweojii “end police”.

    Na ndị a chọkwara ịgba ụlọọrụ ndị uweojii ahụ ọkụ nke mere ndị uweojii ji na-agba egbe iji chụsasịa ha.

    Ndị uweojii a mechisiri ụzọ e si abata maọbụ agafe n’ụlọọrụ ha.

    Onye ntaakụkọ BBC Igbo mekwara ka anyị mata na ndịagha ejupụtalan’ụzọ niile gbara ebe ahụ gburu gburu.

    Ọ sị na ụgbọala niile na-agbafe ebe ahụ tinyechara akwụkwọ ahịhịa ndụ ndụ n’ihu ụgbọala ha.

    Ọnụ na-ekwuru ndị uweojii na Legọs bụ Olumuyiwa Adejobi azaghị ekwentị ya mgbe BBC Igbo kpọrọ ya.

11. 17 Nọvemba 2020Gọọmentị Legọs adọọla ndị isi ụka aka na ntị ka ha gbochie coronavirus ịlọghachi ọzọ

    Gọọmentị Legọs steeti adọọla ndị ndu otu okpukperechi dị icheiche aka na ntị ka ha kpachapụ anya iji gbochie ọrịa coronavirus ịmalite ifesa ọzọ.

    Ọkwa a gọọmentị mara bụ ka ndị isi ụka gbaa mbọ hụ na ndị mmadụ na-edebe iwu niile etinyere maka mgbochi mfesa coronavirus.

    Kọmịshọna na-ahụ maka okwu gbasara ezinụlo na Legọs steeti bụ Anofiu Elegushi kwuru nke a ma sịkwa na gọọmentị Legọs ga-eri ndị ọbụla na-erubeghi isi n’usoro nchekwa ha hibere iwu.

    Elegushi kwuru sị: “Anyị niile ma nke ọma ihe mba dịka Amerịka, Fransi na Briten na-agabiga dịka coronavirus na-akpa mkpamkpa nke abụọ, anyị achọghị ka o mee ebe a”.

    Ọ rịọrọ ndị mmadụ ka ha na-eyi mkpuchi imi ha, na-akwọ aka ha ma na-enye mmadụ ibe ha ohere ziri ezi iji gbochie mkpamkpa ọrịa coronavirus.

12. 17 Nọvemba 2020Biden agbaala afa maka coronavirus

    N'ofesi, Onye ana atụanya na ọ ga-abụ onyeisiala mba Amerịka bụ Joe Biden ekwuola na ọ bụrụ na Donald Trump nke nọ n'ọchịchị ugbua ka jisike na-akpụ ụkwụ n'ala maka ịnyefe ya ọchịchị, na nje coronavirus nwereike Igbu ọtụtụ mmadụ.

    Biden sị na ya bụ ọrịa kwesiri ijikọ aka ọnụ, ọ bụghị ntisa Trump na ewete.

13. 17 Nọvemba 2020NLC agbaala egbe ọnụ maka ọnụahịa mmanụ ụgbọala riri elu

    Nigeria Labour Congress (NLC) bụ otu jikọtara ndị ọrụ niile na Naịjirịa adọọla gọọmentị aka na ntị ka ha were ọsọ were ije wechie ọnụego mmanụ ụgbọala ha buliri.

    Onyeisioche otu a bụ Ayuba Wabba katọrọ ya bụ mbuli mana onweghị ihe okwuru ga-eme ma gọọmenti ebudaghị ya.

14. 17 Nọvemba 2020'Ọnụahịa mmadụ ụgbọala ririelu ga-amara ndị mmadụ ahụ mgbe adịghị anya' - Timipre Sylva

    N'onu nke ya Minista na ahụ mmaka mmanụ agbidi nke nta bụ Timipre Sylva ekwuola na ya bụ ọnụahịa mmanụ ụgbọala riri elu ga-amara ndị mmadụ ahụ mgbe adịghị anya.

    Sylva sị na ọ bụ ọnụahịa mmanụ agbidi na-ebute ọnụahịa mmanụ ụgbala ji arị elu.

15. 17 Nọvemba 2020Unu asaala chie e! Taa bụ afọ. Afọ biko wetere anyị ihe ọma taa. Iseeee!

16. 16 Nọvemba 2020Ka chi fo

    N'ebe a ka anyị ga-apịachi nke taa.

    Echi ga-ewetara anyị ihe ọma.

    Ka emesịa.

17. 16 Nọvemba 2020A chọrọ m ịzụ Arsenal tie ha ịgba m tiri Enyimba - Orji Uzor Kalu

    Aka chịburu Abia steeti bụ Orji Uzor Kalu ekwuola na anya ya dị n'otu egwuregwu bọọlụ Arsenal nke mba Ịngland.

    Kalu kwuru nke a n'akara Facebook ya na mgbede Mọnde.

    O kwuru na ya chọrọ imere Arsenal ihe o meere otu egwuregwu bọọlụ Enyimba nke Aba oge ọ nọ n'ọchịchị.

    Cheta na Enyimba chakere nnọọ ka ọnwa oge Orji Uzor Kalu bụ gọvanọ Abia steeti.

    Kalu kwuru sị: "Ihe ọma niile anyị mere n'otu egwuregwu bọọlụ Enyimba malite n'afọ 2000 ruo 2007 mere ka mmasị m n'ebe egwuregwu bọọlụ nọ gbalie."

    "Dịka ide nke egwuregwu n'Afrịka, ana m eche echiche ịzụrụ oke pasentị iri atọ na ise (35%) n'Arsenal."

    "Ebumnobi anyị bụ ibuli iko Champions League nakwa iko Premier Legue dịka anyị si mee n'Enyimba."

    Malite n'afọ 2000 ruo 2007, Enyimba buru iko asọmpi bọọlụ Naịjirịa a kpọrọ 'Nigeria Premier League' ugboro ise: 2001, 2002, 2003, 2005, 2007.

    Ha bukwara iko 'Super cup' abụọ (2001 na 2003), iko 'Champions League' nke Afrịka abụọ (2003 na 2004) nakwa iko 'Super Cup' nke Afrịka abụọ (2004 na 2005)

    Orji Uzor Kalu abụghị onye Naịjirịa mbụ chọrọ ịzụta oke n'Arsenal.

    Ide ego bụ Aliko Dangote ekwukwaala ugboro ugboro na ya chọrọ ịzụrụ otu egwuregwu ahụ, mana o nwebeghị isi.

    Ka anyị lewenụ anya ma Orji Uzor Kalu ọ ga-etinye ego ya ebe o tinyere ọnụ ya.

18. 16 Nọvemba 2020'Ọgwụ mgbochi coronavirus kpatara ọnụahịa mmanụ ụgbọala ji gbagoo' - Mịnịsta

    Mịnịsta na-ahụ maka mmanụ agbidi bụ Timipre Sylva ekwuola na ọ bụ n'ihi nchọpụta a chọpụtara ọgwụ mgbochi coronavirus kpatara ọnụahịa mmanụ ụgbọala ji gbagoo na Naịjirịa.

    Sylva kwuru nke a oge ndị ntaakụkọ gbara ya ajụjụ ọnụ n'obi gọọmentị n'Abuja.

    Ọ kọwara sị: "Oge akụkọ pụtara na achọpụtala ọgwụ mgbochi Covid-19, nke a mere ka ọnụahịa mmanụ agbidi n'ahịa mbaụwa gbalie."

    "Ọ bụ nke a kpatara ọnụahịa mmanụ ụgbọala ji gbagoo na Naịjirịa, n'ihi na ọ bụ mmanụ agbidi ka e ji emepụta mmanụ ụgbọala."

    "N'oge mbụ, gọọmentị ji aka ha tinye ọnụahịa mmanụ ụgbọala na Naịjirịa, mana ọ dịghịzi etu ahụ ugbua n'ihi na gọọmentị emeela 'deregulation'."

    Mmanụ ụgbọala bụzị otu narị naịra na iri asaa (N170) maka otu lita ugbua. N'izuụka gara ọ bụ otu narị naịra na iri isii (N160).

19. 16 Nọvemba 2020Ọnụahịa ihe niile na Naịjirịa arịala elu ọjị - NBS

    Ngalaba ngụkọ na Naịjirịa bụ 'National Bureau of Statistics' ekwupụtala na ọnụahịa ọtụtụ ihe (inflation) agbagoola gafee pasentị iri na anọ na ụma abụọ (14.23%) n'ọnwa Ọkutoba.

    Nke a bụ mbuli ọnụ ahịa kacha njọ na Naịjirịa n'ime afọ abụọ na ọnwa isii.

    N'akwụkwọ ozi ndị NBS zipụtara n'ụbọchị Mọnde, ha kwuru na 'inflation' nọbụ na pasenti iri na atọ na ụma asaa (13.7%) n'ọnwa Sepụtemba.

    Kamgbe Naịjirịa kpọchiri oke ala ya n'afọ 2019, ọnụahịa ngwaahịa dị icheiche na-arị arị, mana nke a kawanyere njọ n'ihi ọrịa coronavirus nakwa ndatu ọnụahịa mmanụ agbidi na-adatu n'ụwa.

    Dịka ndị NBS si kwuo, otu n'ime ihe ndị ọnụahịa ya kacha rịa bụ ihe oriri dịka buredi, ọka, nduku, ji, anụ, azụ, mkpụrụosisi, akwụkwọ nri, na ihe ndị ọzọ.

    Ihe ọzọkwa gbaliri nnọọ elu bụ ọnụego njem ụgbọelu, ụlọọgwụ, njem ụgbọala, ọgwụ, ụgbọala, nruzi ụgbọala nakwa akụrụngwa e ji edozi ya.

    N'ọnwa Ọkutoba, ebe ihe kacha galaa ọnụ bụ na Sokoto, Edo, nakwa Akwa Ibom, mana ebe ọnụahịa arịchaghị elu bụ na Oyo, Taraba, na Jigawa.

20. 16 Nọvemba 2020Gọọmentị Legọs arịọla gọọmentị etiti ego iji dozie ihe e mebiri n'ọgbaaghara End SARS

    Gọọmentị Legọs steeti ekwuola na ihe e mebiri n'ọgbaaghara dapụtara dịka ndị ntorobịa mere ngagharịiwe 'End SARS' n'ọdị nso a.

    Gọvanọ Babajide Sanwo-Olu kwuru nke a n'ọgbakọ e nwere n'ụbọchị Mọnde iji kpaa etu a ga-esi mezie ọtụtụ ụlọorụ, ụgbọala nakwa akụrụngwa gọọmentị e mebiri.

    Ọ rịọrọ arịrịọ ka gọọmentị etiti wepụta ego pụrụ iche n'ime bọjeetị 2020 iji nyere Legọs steeti aka.

    Sanwo-Olu kwuru sị: "Ọgbaaghara a metụtara akụkụ niile anyị si ebi ndụ na Legọs steeti dịka ụlọọrụ gọọmentị nwe, ihe ọkpụkpụ e ji chọọ obodo mma, ụlọ ebe a na-echekwa ihe mgbe ochie, ụgbọala gọọmentị, nakwa ọtụtụ ụlọahịa na ụlọ obibi ndị mmadụ nkịtị."

    "Ọgbaaghara a adọghachila Legọs steeti azụ nnụkwurunnụ ijeri naịra, mana anyị nwere olileanya na anyị ga-apụta na nnukwu ọdachi a."

    Osote onyeisiala Naịjirịa bụ Yemi Osinbajo, nọkwa n'ọgbakọ a wee kwe nkwa na gọọmentị etiti ga-enye gọọmentị Legọs nkwado niile dị ha mkpa iji wulikwaa akụnụba steeti ahụ.

    Osinbajo kwuru na ndị ọchịchị Legọs kweskwara iwuli ntụkwasịobi ndị mmadụ nwere n'ebe ha nọ.