Ukraine's president, Zelensky say Russian shelling dey affect evacuation for Mariupol

Live Coverage

1. 18 March 2022Netflix go begin test-charge customers wey share dia password wit pipo outside dia household

   

   Wia dis foto come from, Getty Images

   Netflix wan make pipo stop to dey share dia passwords wit friends and dem dey carry out one new effort wey fit make am stop.

   Di streaming service say e go soon launch one test wey e wan use crack down on password sharing outside di user household.

   “We don always make am easy for pipo wey live togeda to share dia Netflix account, wit features like separate profile and multiple streams for our standard and Premim plans”, Netflix tok for one blog ppost on Wednesday.

   “While dis don become popular, e don also create some confusion about wen and how pesin fit share Netflix. Sake of dis pipo dey share accounts between households and e dey affect our ability to invest in great new TV and feem for our members.”

   Dis test go start in di new week for three American kontris: Chile, Costa Rica and Peru.

   Through dis test, Netflix go start to let Standard and Premium plan customers add accounts for up to two people wey no dey live wit dem, and dem go pay extra monthly charges.

   Dis extra member go get dia own profile plus personal recommendations, login and password.

2. 18 March 2022African kontris come under fire for staying neutral on Ukraine war

   

   US ambassador to United Nations say African kontirs no fit remain neutral on di war for Ukraine.

   Linda Thomas-Greenfield remind BBC say for di General Assembly vote two weeks ago to frown on Russian invasion of Ukraine, 17 African kontris - half of di world total - abstained and anoda eight no vote at all.

   Di ambassador say e no get any nueutral ground, and say dis crisis no be just about Cold War competition between di West and Russia.

   Madam Thomas-Greenfield add say US bin dey plan to help find alternative sources of commodities wey kontris bin fit import from Russia.

   Di diplomat also say di US go support South Africa offer to mediate between Russia and Ukraine.

3. 18 March 2022Welcome to Friday big stories

   Good morning inside dis morning.

   TGIF!

   Make we begin wit our proverb of di day.

   "Life be like farm, na wetin you plant you go harvest."

4. 17 March 2022Na here we go march break..., Una bye-bye!

   

   Wia dis foto come from, Anambra goment

   Na here we go march break today with our live coverage of all di top tori dem from Nigeria and around di world.

   Make you scroll down to get all di updates of today, till we see una again tomorrow by 7:00am.

   But as we dey waka, we leave una with dis quote and foto of di newly sworn in Govnor of Anambra state, Prof. Charles Soludo.

   Im inauguration happun today and im say work don start for am immediately.

5. 17 March 2022Nigeria Presidential Aspirant Kingsley Moghalu condemn di 'drama' for Soludo inauguration, Videos dey fly upandan as small yawa wey involve two women gas for di swearing -in ceremony

   Article Information

   • • Author, Tamara Ebiwei
     • Role, BBC News Pidgin

   

   Nigeria Economist Kingsley Moghalu wey from Anambra state say belle no sweet am, as e hear di tori of wetin happun for Anambra State.

   E say inauguration ceremony no be wia any katakata or yawa suppose gas at all.

   Moghalu dey tok about di kwanta wey happun between Bianca Ojukwu and Ebele Obiano wey e wife of di former state govnor.

   E tell BBC Pidgin say e dey" embarrassing" as e condemn am totally.

   "I just weak wen I see dis kain tin dey happun for inauguration of Governor, I no know who slap who but e no good say dis kain tin happun in di first place" e tok

   "My own hope be say wetin dey quarel di two women make dem settle am, I don also see say Governor Soludo don apologise to di pipo of Anambra, so make we just leave am like dat, but e no good at all." E tok.

6. 17 March 2022'Dem dey lie give una' - Arnold Schwarzenegger tell Russians

   

   Wia dis foto come from, Getty Images

   Arnold Schwarzenegger don post one video message to Twitter wey ask Russians to push back against di pro-war narrative wey di Russian goment dey push forward.

   Inside one clip wey run for over nine minutes- wey pipo don view for over one million times in like two hours - Schwarzenegger speak of im love for Russia and recall trips to di kontri during im career as a bodybuilder.

   Di feem star and former California govnor tell Russians say dem "no dey tell dem di truth about di consequences of dsi war" and inform dem say "bombs dey rain down on innocent civilians".

   Di Terminator star conclude im tok by praising di thousands of Russia protesters wey dey detained by police in recent weeks, e tell dem say "di world don see your bravery", adding say "you be my heroes".

7. 17 March 2022Senator Stella Oduah react to 'face-off' between Bianca Ojukwu and Ebele Obiano

   Skip X post, 1

   Allow X content?

   Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

   Accept and kontinu

   Warning: Di BBC no dey responsible for di content of external sites.

   End of X post, 1

   Senator Stella Oduah wey dey represent Anambra North don react to di kasala wey happun during di inauguration of Prof. Charles Soludo today.

   Di senator tweet say she " condemn in strong terms, di unwarranted attack against di wife of di illustrious son and our very own Ikemba."

   Di senator also condemn wetin she say na di "vulgar language" wey di former first lady wife use against Bianca Ojukwu.

   Skip X post, 2

   Allow X content?

   Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

   Accept and kontinu

   Warning: Di BBC no dey responsible for di content of external sites.

   End of X post, 2

   Skip X post, 3

   Allow X content?

   Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

   Accept and kontinu

   Warning: Di BBC no dey responsible for di content of external sites.

   End of X post, 3

8. 17 March 2022Why Putin dey attack Ukraine?

9. 17 March 2022Report say Hushpuppi do $400,000 fraud inside US prison na fake news

   

   Wia dis foto come from, Hushpuppi

   Ramon Olorunwa Abbas aka Hushpuppi reported $400,000 fraud inside US prison no be true.

   US Department of Justice dismiss di report on Thursday wen dem react to di viral tori.

   Tori bin dey circulate for local media say di Instagram celebrity bin receive fresh charges.

   Director of Media Relations, United States Attorney's Office, Central District of California Mrozek Thom tell BBC Pidgin say di tori no dey true.

   But di viral tori bin claim say 'US prosecutors on Wednesday 16 March 2022 submit court documents wey show say im committed fraud and launder over $400k from behind bars.'

   More on di tori dey hia.

10. 17 March 2022Video show di moment wey yawa gas between Bianca Ojukwu and Obiano wife

    Video show di moments wey lead to di time wey yawa gas between Bianca Ojukwu and Ebelechukwu Obiano.

11. 17 March 2022'Slap and Bianca' be top trends for Nigeria social media

    'Slap' and 'Bianca' be top trend for Nigeria social media today.

    For Twitter alone, 'Slap' get more dan 50,000 tweets.

    Di two words begin trend afta yawa gas for di inauguration of Prof. Charles Soludo as govnor of Anambra state for Awka, di state capital.

    Di kasala burst between di wife of di outgoing govnor, Ebelchukwu Obiana and wife of Ikemba Odimegwu Ojukwu, Bianca Ojukwu.

    Skip X post, 1

    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of X post, 1

    Skip X post, 2

    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of X post, 2

    See more reactions to di trend.

    Skip X post, 3

    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of X post, 3

    Skip X post, 4

    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of X post, 4

12. 17 March 2022'Fix di light and fuel crisis' - Ortom fire Buhari

    Article Information

    • • Author, Dooshima Abu
      • Role, BBC Pidgin, Abuja

    

    Di Benue state Govnor, Samuel ortom don say wetin Nigerians need no be apology from president Muhammadu Buhari but for im to fix di light and fuel crisis wey di bite Nigerians.

    Di govnor tell BBC Pidgin say any apology wey no dey backed wit action no make any sense.

    Dis na as President Muhammadu Buhari tell Nigerians sorry on Wednesday on top di wahala wey fuel scarcity and power outage don cause.

    For statement wey im Senior Special Assistant on Media and Publicity Garba Shehu release, e say im goment bin don successfully comot dis wahala for dia seven years for power and na “dip for di hydroelectric generation wey clash with technical and supply palava for thermal stations” bin cause di blackouts.

    But govnor Ortom say di president no fit sidon for London dey apologise and ask why e no fix di light wahala before e travel go London.

    "Why you no go get blackout wen di moni wey dem suppose use to repair di machine to take bring light, pipo don don chop am"

    "Apology don bring light? apology don bring food? apology don provide security?" im kwesion.

13. 17 March 2022Russia dey accused of shelling cultural centre near Kharkiv

    

    Wia dis foto come from, PA Media

    Tori be say survivors escape from di theatre wey Russia bomb for di Ukrainian city of Mariupol.

    Despite pictures of destruction from di scene, tori be say many civilians wey bin dey take shelter for di basement bin survive di Wednesday attack.

    Dem bin set aside di ogbonge Soviet-era building wey dey for Mariupol city centre, next to di Sea of Azov waterfront, as designated shelter for civilians. Sergei Orlov, di city deputy mayor, say up to 1,200 pipo bin dey dia. Human Rights Watch, bin say di number dey between 500 and 800.

14. 17 March 2022Wetin dey happun for Ukraine?

    

    Wia dis foto come from, Getty Images

    In case you just dey join, see wetin you need to know about wetin dey happun for Ukraine.

    • Ukraine don accuse Russian forces say dem bomb one theatre wia civilians bin dey hide for di southern city of Mariupol.
    • Authorities for Ukraine also say at least 107 pikin dem don die since di begin of di invasion
    • Some 1.95 million pipo don run comot Ukraine to Poland since di war begin, di Polish Border Guard agency tok.

    • Ukrainian President Volodymyr Zelensky thank Germany for im assistance during one address for Berlin, but e tell lawmakers say dia support "come too late to stop war".
    • Di Kremlin tok say Russia negotiators dey put big energy into toks to reach potential peace deal with Ukraine.
    • Di Russian state TV journalist wey stage one anti-war protest during a live bulletin don tell BBC say she "no fit remain on di sidelines".
    • UK dey set to deploy di Sky Sabre missile system for Poland, along with 100 troops, Defence Secretary Ben Wallace don tok.

    • And Foreign Secretary Liz Truss tell BBC say "very, very strong evidence" dey say Russian President Vladimir Putin na "war criminal", afta comments wey US President Joe Biden make.

15. 17 March 2022'Fighting for Ukraine dey beta dan living here' - Nigerian volunteer

16. 17 March 2022Ghana Prez urge police to treat road accidents like pandemic

    President Nana Akufo-Addo talk Ghana Police Service say dem for find intelligent ways to deal with road accidents in de country.

    De Motor Traffice and Transport Department (MTTD) provisional data dey show say between January and February alone, road accidents kill 469 people.

    “We for treat road accidents like global pandemic den take more proactive responsible attitude to deal with am” Prez Akufo-Addo talk.

    He lament say de growing exposure of pedestrians den motorcycles to road traffic casualties no be something authorities go fit overlook.

    Last weekend alone, three accidents snatch lives of victims for Eastern, Volta Region den Ashanti Region of Ghana where one groom die on en wedding day.

    

    Wia dis foto come from, Other

17. 17 March 2022Anambra State Govnor: Charles Soludo don take oath of office

    

    Govnor Charles Soludo of Anambra State don announce say di goment go collabo with private citizens wey wan provide infrastructure for di pipo of di state.

    E tok dis one for inside im swear-in ceremony for Awka today.

    Check out some fotos from di inauguration ceremony for di Anambra state Govnor, Professor Charles Soludo wey happen on 17 March, 2022 for di Goment House, Awka.

    

    

    

18. 17 March 2022PDP appoint three man committee to resolve Edo PDP crises

    

    Wia dis foto come from, PDP Nigeria

    Di National Executive Committee NEC of di Peoples Democratic Party PDP don set up a three man Edo State Reconciliation Committee to resolve issues for Edo State chapter of di Party.

    Di crises for Edo PDP naim cause gbas-gbos between Governor Wike of Rivers State and Obaseki of Edo State.

    For Communique wey di National Publicity Secretary Sebo Ologunagba sign at di end of di NEC meeting, members of di committee include Governor of Benue State Samuel Ortom as chairman with Delta State Governor Ifeanyi Okowa and Bauchi State Governor Bala Mohammed as members.

    Di 12 point Communique also show say di PDP don approve electoral guidelines for di conduct of primary elections and timetable for di 2023 general elections.

    Di NEC also say sale of expression of interest and nomination forms go begin by 17 March 2023 and show di prices of forms for various elective positions from State Assembly to President.

    Dem approve 50% reduction for nomination fees for youths ages 25 to 30 years for di various elective positions.

    Di NEC observe say na corruption for APC dey cause di fuel scarcity and collapse of national grid wey don affect economic activities for di country.

19. 17 March 2022Jussie Smollett don comot prison on bail pending im appeal

    

    Wia dis foto come from, Reuters

    American actor Jussie Smollett don comot from Chicago jail on top bond afta dem bin sentence am to 150 days for prison.

    Di former Empire actor, 39, bin appeal di judgement wey im bin get on top say im lie to police say im bin dey as victim of hate crime.

    E bin need sign aa bond of im own recognizance for $150,000 before dem allow comot di Cook County Jail.

    E no tok anytin as im comot di jail but im lawyers say dem dey very happy with di appeal justice ruling.

    Oga Smollett don always tok say di hoax mata, wey happun for 2019 for Chicago, dey real.

    Di actor, wey be black and gay, bin claim for January 2019, say two pipo bin attack am as e bin dey waka later for night shout racial and homophobic absue on am come pour chemical substance on im bodi and tie rope for im neck.

    

    Wia dis foto come from, Getty Images

20. 17 March 2022Buhari don tell kontri pipo sorry on top fuel scarcity

    

    Wia dis foto come from, Buhari Sallau

    President Muhammadu Buhari tell Nigerians sorry on Wednesday on top di wahala wey fuel scarcity don cause.

    For statement wey im Senior Special Assistant on Media and Publicity Garba Shehu release, e say im goment bin don successfully comot dis wahala for dia seven years for power.

    President Buhari further add say “sufficient fuel supply don dey for some states wey don reduce queue for filling stations. For di coming days, we dey expect say dis go happun for di rest of di kontri.

    Di president also chook mouth on top di power outage for plenti parts of Nigeria.

    E say dem de handle di mata say na “dip for di hydroelectric generation wey clash with technical and supply palava for thermal stations” bin cause di blackouts.

    E tell Nigerians say di goment attention wey dem don chook inside dis mata dem go soon bear fruit.