ਤੁਸੀਂ ਇਸ ਵੈੱਬਸਾਈਟ ਦਾ ਸਿਰਫ਼-ਟੈਕਸਟ ਵਰਜ਼ਨ ਦੇਖ ਰਹੇ ਹੋ ਜੋ ਘੱਟ ਡਾਟਾ ਵਰਤਦਾ ਹੈ। ਸਾਰੀਆਂ ਤਸਵੀਰਾਂ ਅਤੇ ਵੀਡੀਓ ਸਮੇਤ ਵੈੱਬਸਾਈਟ ਦਾ ਮੁੱਖ ਵਰਜ਼ਨ ਦੇਖੋ।
ਦਿੱਲੀ ਵਿੱਚ ਆਖ਼ਰ ਮੋਦੀ ਨੇ ਪਾਈ ਟਰੂਡੋ ਨੂੰ ਜੱਫ਼ੀ
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਆਖਰਕਾਰ ਸ਼ੁੱਕਰਵਾਰ ਨੂੰ ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਦਿੱਲੀ ਵਿੱਚ ਰਸਮੀ ਸਵਾਗਤ ਕੀਤਾ।
ਟਰੂ਼ਡੋ ਪਿਛਲੇ ਸ਼ਨੀਵਾਰ ਤੋਂ ਭਾਰਤ ਆਏ ਹੋਏ ਹਨ ਪਰ ਪ੍ਰਧਾਨ ਮੰਤਰੀ ਮੋਦੀ ਨੇ ਉਨ੍ਹਾਂ ਦਾ ਆਪ ਸਵਾਗਤ ਨਹੀਂ ਕੀਤਾ ਸੀ।
ਟਰੂਡੋ ਦੇ ਫਿੱਕੇ ਸਵਾਗਤ ਦੀ ਕੈਨੇਡਾ ਤੇ ਭਾਰਤੀ ਮੀਡੀਆ ਵਿੱਚ ਕਾਫ਼ੀ ਚਰਚਾ ਵੀ ਹੋਈ।
ਪਰ ਸ਼ੁੱਕਰਵਾਰ ਨੂੰ ਮੋਦੀ ਨੇ ਟਰੂਡੋ ਨਾਲ ਮੁਲਾਕਾਤ ਕੀਤੀ ਤਾਂ ਉਨ੍ਹਾਂ ਆਪਣੇ ਰਵਾਇਤੀ ਅੰਦਾਜ਼ ਵਿੱਚ ਗਰਮਜੋਸ਼ੀ ਵਾਲੀ ਜੱਫ਼ੀ ਪਾਈ ਅਤੇ ਪਿੱਠ ਥਪ-ਥਪਾਈ।
ਮੋਦੀ ਟਰੂਡੋ ਦੀ ਨਿੱਕੀ ਬੇਟੀ ਨੂੰ ਉਵੇਂ ਹੀ ਮਿਲੇ ਜਿਵੇਂ ਉਹ ਬੱਚਿਆ ਨੂੰ ਆਮ ਤੌਰ ਉੱਤੇ ਮਿਲਦੇ ਹਨ।
ਮੋਦੀ ਨੇ ਬੱਚਿਆ ਨਾਲ ਹੱਥ ਮਿਲਾਏ ਅਤੇ ਇੱਕ ਦੇ ਕੰਨ ਵੀ ਖਿੱਚੇ।
ਇਸ ਮੌਕੇ ਦੋਵੇ ਦੇਸਾਂ ਦੇ ਸੀਨੀਅਰ ਮੰਤਰੀ ਵੀ ਹਾਜ਼ਰ ਸਨ ਅਤੇ ਕੈਨੇਡੀਅਨ ਪ੍ਰਧਾਨ ਮੰਤਰੀ ਨੂੰ ਗਾਰਡ ਆਫ਼ ਆਨਰ ਪੇਸ਼ ਕੀਤਾ ਗਿਆ ।
ਦੋਵਾਂ ਪ੍ਰਧਾਨ ਮੰਤਰੀਆਂ ਦੀ ਸਾਢੇ ਗਿਆਰਾਂ ਵਜੇ ਬੈਠਕ ਹੈ।