ਤੁਸੀਂ ਇਸ ਵੈੱਬਸਾਈਟ ਦਾ ਸਿਰਫ਼-ਟੈਕਸਟ ਵਰਜ਼ਨ ਦੇਖ ਰਹੇ ਹੋ ਜੋ ਘੱਟ ਡਾਟਾ ਵਰਤਦਾ ਹੈ। ਸਾਰੀਆਂ ਤਸਵੀਰਾਂ ਅਤੇ ਵੀਡੀਓ ਸਮੇਤ ਵੈੱਬਸਾਈਟ ਦਾ ਮੁੱਖ ਵਰਜ਼ਨ ਦੇਖੋ।
Solar eclipse : ਪੰਜਾਬ ਤੇ ਭਾਰਤ ਸਣੇ ਕਿੱਥੇ ਕਿਵੇਂ ਦਿਖਿਆ ਸੂਰਜ ਗ੍ਰਹਿਣ
ਭਾਰਤ ਵਿੱਚ ਸੂਰਜ ਗ੍ਰਹਿਣ ਦੇ ਵੱਖ-ਵੱਖ ਤਰੀਕੇ ਦੇ ਨਜ਼ਾਰੇ ਨਜ਼ਰ ਆਏ ।
ਦੇਸ਼ ਦੇ ਕੁਝ ਹਿੱਸਿਆਂ ਵਿੱਚ ਪੁਲਾੜ ਵਿੱਚ ਦਿਲਚਸਪੀ ਰੱਖਣ ਵਾਲੇ ਲੋਕ ਰਿੰਗ ਆਫ਼ ਫਾਇਰ ਜਾਂ ਅੱਗ ਦੇ ਛੱਲਾ ਦੇਖ ਪਾ ਰਹੇ ਸਨ।
ਲੋਕ ਆਪਣੇ ਘਰਾਂ ਦੀਆਂ ਛਤਾਂ ਉੱਤੇ ਚੜ੍ਹ ਕੇ ਸੂਰਜ ਗ੍ਰਹਿਣ ਨੂੰ ਵੇਖ ਰਹੇ ਸਨ।
ਸੂਰਜ ਗ੍ਰਹਿਣ ਕਦੋਂ ਦੇਖਿਆ ਜਾ ਸਕੇਗਾ?
ਖ਼ਬਰ ਏਜੰਸੀ ਪੀਟੀਆਈ ਨੇ ਕੋਲਕਾਤਾ ਸਥਿਤ ਐੱਮਪੀ ਬਿਰਲਾ ਤਾਰਾਮੰਡਲ ਦੇ ਨਿਰਦੇਸ਼ਕ ਦੇਬੀ ਪ੍ਰਸਾਦ ਦਵਾਰੀ ਦੇ ਹਵਾਲੇ ਨਾਲ ਦੱਸਿਆ ਸੀ ਕਿ ਸੂਰਜ ਗ੍ਰਹਿਣ ਦੀ ਸ਼ੁਰੂਆਤ ਰਾਜਸਥਾਨ ਦੇ ਘਰਸਾਣਾ ਵਿੱਚ ਸਵੇਰੇ 10:12 ਮਿੰਟ ਉੱਪਰ ਹੋਈ ਅਤੇ ਇਹ 11:49 ਵਜੇ ਤੋਂ ਦਿਖਣਾ ਸ਼ੁਰੂ ਹੋ ਗਿਆ ਅਤੇ 11:50 ਵਜੇ ਖ਼ਤਮ ਹੋ ਗਿਆ।
ਹਾਲਾਂਕਿ ਪਿਛਲੇ ਸਾਲ 26 ਦਸੰਬਰ ਵਾਂਗ, ਇਸ ਵਾਰ ਇਹ ਅੱਗ ਦਾ ਛੱਲਾ ਉਨ੍ਹਾਂ ਉਘੜਵਾਂ ਨਹੀਂ ਦਿਖਿਆ। ਦੇਬੀ ਪ੍ਰਸਾਦ ਦਵਾਰੀ ਦਾ ਕਹਿਣਾ ਸੀ ਕਿ ਇਸ ਵਾਰ ਇਹ ਛੱਲਾ ਕੁਝ ਤੰਗ ਸੀ ।
ਉਨ੍ਹਾਂ ਨੇ ਦੱਸਿਆ, "ਰਿੰਗ ਆਫ਼ ਫ਼ਾਇਰ ਸੂਰਜ ਗ੍ਰਹਿਣ ਉਦੋਂ ਹੁੰਦਾ ਹੈ ਜਦੋਂ ਸੂਰਜ, ਚੰਦ ਅਤੇ ਧਰਤੀ ਇੱਕ ਸੇਧ ਵਿੱਚ ਆਉਂਦੇ ਹਨ।"
ਅਸਲ ਵਿੱਚ ਇਹ ਪੁਲਾੜੀ ਘਟਨਾ ਚੰਦ ਦੇ ਸੂਰਜ ਅਤੇ ਧਰਤੀ ਦੇ ਵਿਚਕਾਰ ਆ ਜਾਣ ਕਾਰਨ ਵਾਪਰਦੀ ਹੈ।"
ਜਿਸ ਦੌਰਾਨ ਧਰਤੀ ਦੇ ਕੁਝ ਹਿੱਸਿਆਂ ਤੱਕ ਸੂਰਜ ਦੀ ਰੌਸ਼ਨੀ ਨਹੀਂ ਪਹੁੰਚਦੀ ਅਤੇ ਹਨੇਰਾ ਛਾ ਜਾਂਦਾ ਹੈ।
ਦੁਨੀਆਂ ਵਿੱਚ ਸਭ ਤੋਂ ਪਹਿਲਾਂ ਕਿੱਥੇ ਦਿਖੇਗਾ?
ਦੇਸ਼ ਦੇ ਬਹੁਤੇ ਹਿੱਸਿਆਂ ਵਿੱਚ ਇਹ ਸੂਰਜ ਗ੍ਰਹਿਣ ਅੰਸ਼ਿਕ ਤੌਰ 'ਤੇ ਹੀ ਦੇਖਿਆ ਗਿਆ । ਕੋਲਕਾਤਾ ਵਿੱਚ ਆਂਸ਼ਿਕ ਸੂਰਜ ਗ੍ਰਹਿਣ ਦੀ ਸ਼ੁਰੂਆਤ ਸਵੇਰੇ 10:46 ਵਜੇ ਹੋਈ ਅਤੇ ਇਹ 2:17 ਵਜੇ ਖ਼ਤਮ ਹੋ ਹੋਇਆ।
ਦਿੱਲੀ ਵਿੱਚ ਇਸ ਦੀ ਸ਼ੁਰੂਆਤ ਸਵੇਰੇ 10:20 ਵਜੇ ਹੋਇਆ ਅਤੇ ਇਹ 1:48 ਵਜੇ ਖ਼ਤਮ ਹੋ ਗਿਆ । ਪੰਜਾਬ ਵਿੱਚ ਵੀ ਲਗਭਗ ਇਸੇ ਸਮੇਂ ਸੀ।
ਮੁੰਬਈ ਵਿੱਚ ਇਸ ਦਾ ਸਮਾਂ 10 ਵਜੇ ਤੋਂ ਦੁਪਹਿਰ 1:27 ਵਜੇ ਤੱਕ ਸੀ । ਚੇਨਈ ਵਿੱਚ 10:22 ਤੋਂ 1:41 ਵਜੇ ਤੱਕ ਅਤੇ ਬੈਂਗਲੂਰੂ ਵਿੱਚ 10:31 ਵਜੇ ਤੱਕ ਇਹ ਸੂਰਜ ਗ੍ਰਹਿਣ ਦਿਖਿਆ।
ਅਫ਼ਰੀਕਾ ਮਹਾਂਦੀਪ ਵਿੱਚ ਕੌਂਗੋ ਦੇ ਲੋਕ ਦੁਨੀਆਂ ਵਿੱਚ ਸਭ ਤੋਂ ਪਹਿਲਾਂ 'ਅੱਗ ਦੇ ਛੱਲੇ' ਸੂਰਜ ਗ੍ਰਹਿਣ ਦੇਖਿਆ ਅਤੇ ਇਹ ਭਾਰਤ ਦੇ ਰਾਜਸਥਾਨ ਪਹੁੰਚਣ ਤੋਂ ਪਹਿਲਾਂ ਦੱਖਣੀ ਸੂਡਾਨ, ਇਥੋਪੀਆ, ਯਮਨ, ਓਮਾਨ, ਸਾਊਦੀ ਅਰਬ, ਹਿੰਦ ਮਹਾਂਸਾਗਰ ਅਤੇ ਪਾਕਿਸਤਾਨ ਤੋਂ ਹੋ ਕੇ ਗ਼ੁਜ਼ਰਿਆ।
ਭਾਰਤ ਤੋਂ ਬਾਅਦ ਤਿੱਬਤ, ਚੀਨ ਅਤੇ ਤਾਇਵਾਨ ਦੇ ਲੋਕ ਵੀ ਇਸ ਨੂੰ ਦੇਖਿਆ। ਪ੍ਰਸ਼ਾਂਤ ਮਹਾਸਾਗਰ ਦੇ ਵਿਚਕਾਰ ਪਹੁੰਚ ਕੇ ਸਮਾਪਤ ਹੋ ਗਿਆ।
ਇਹ ਵੀਡੀਓ ਵੀ ਦੇਖੋ