ਤੁਸੀਂ ਇਸ ਵੈੱਬਸਾਈਟ ਦਾ ਸਿਰਫ਼-ਟੈਕਸਟ ਵਰਜ਼ਨ ਦੇਖ ਰਹੇ ਹੋ ਜੋ ਘੱਟ ਡਾਟਾ ਵਰਤਦਾ ਹੈ। ਸਾਰੀਆਂ ਤਸਵੀਰਾਂ ਅਤੇ ਵੀਡੀਓ ਸਮੇਤ ਵੈੱਬਸਾਈਟ ਦਾ ਮੁੱਖ ਵਰਜ਼ਨ ਦੇਖੋ।
ਸੰਦੀਪ ਸਿੰਘ ਕੈਲਾ: ਮੋਗੇ ਦਾ ਮੁੰਡਾ, ਜਿਸ ਬਾਰੇ ਅਮਰੀਕਾ ਵਿੱਚ ਪੜ੍ਹਾਇਆ ਜਾਵੇਗਾ - 5 ਅਹਿਮ ਖ਼ਬਰਾਂ
ਕੈਨੇਡਾ ਰਹਿੰਦੇ ਸੰਦੀਪ ਸਿੰਘ ਕੈਲਾ ਨੇ ਚਾਰ ਗਿਨੀਜ਼ ਵਿਸ਼ਵ ਰਿਕਾਰਡ ਆਪਣੇ ਨਾਮ ਕੀਤੇ ਹਨ। ਉਨ੍ਹਾਂ ਦੀਆਂ ਉਪਲਬਧੀਆਂ ਅਮਰੀਕਾ ਦੇ 'ਲਿਟਰੇਸੀ ਅਚੀਵ 3000 ਪ੍ਰੋਗਰਾਮ' ਦੇ ਸਿਲੇਬਸ 'ਚ ਸ਼ਾਮਲ ਹੋਣਗੀਆਂ।
ਸੰਦੀਪ ਸਿੰਘ ਕੈਲਾ ਮੋਗਾ ਦੇ ਪਿੰਡ ਬੱਡੂਵਾਲ ਦੇ ਰਹਿਣ ਵਾਲੇ ਹਨ। ਉਨ੍ਹਾਂ ਨੇ ਬਾਸਕੇਟਬਾਲ ਸਪਿਨਿੰਗ ਵਿੱਚ ਕਈ ਰਿਕਾਰਡ ਆਪਣੇ ਨਾਮ ਕੀਤੇ ਹਨ।
ਉਨ੍ਹਾਂ ਬਾਰੇ ਕੈਨੇਡਾ ਦੇ ਐਲਬਰਟਾ ਸੂਬੇ ਦੇ ਲੇਕਲੈਂਡ ਕਾਲਜ ਵਿੱਚ ਇੱਕ ਪਾਠ ਪਹਿਲਾਂ ਹੀ ਪੜ੍ਹਾਇਆ ਜਾ ਚੁੱਕਿਆ ਹੈ।
ਮਿਲੋ ਸੰਦੀਪ ਸਿੰਘ ਨੂੰ ਅਤੇ ਸੁਣੋ ਕਹਾਣੀ ਉਨ੍ਹਾਂ ਦੀ ਆਪਣੀ ਜ਼ੁਬਾਨੀ, ਵੀਡੀਓ ਦੇਖਣ ਲਈ ਇੱਥੇ ਕਲਿੱਕ ਕਰੋ।
ਇਹ ਵੀ ਪੜ੍ਹੋ:
ਸਪਰਮ ਵ੍ਹੇਲ ਦੀ ਉਲਟੀ ਸੋਨੇ ਤੋਂ ਵੀ ਮਹਿੰਗੀ!
ਕੀ ਤੁਸੀਂ ਕਲਪਨਾ ਕਰ ਸਕਦੇ ਹੋ ਕਿ ਕਿਸੇ ਜਾਨਵਰ ਦੀਆਂ ਉਲਟੀਆਂ ਸੋਨੇ ਤੋਂ ਵੀ ਕੀਮਤੀ ਹੋ ਸਕਦੀਆਂ ਹਨ। ਇਹ ਇੱਕ ਕਰੋੜ ਰੁਪਏ ਪ੍ਰਤੀ ਕਿਲੋ ਦੇ ਹਿਸਾਬ ਨਾਲ ਵੀ ਵਿਕ ਸਕਦੀ ਹੈ?
ਜੀ ਹਾਂ, ਅਜਿਹਾ ਹੋ ਸਕਦਾ ਹੈ, ਜੇਕਰ ਇਹ ਉਲਟੀ ਸਪਰਮ ਵ੍ਹੇਲ ਦੀ ਹੋਵੇ। ਅਹਿਮਦਾਬਾਦ ਦੀ ਪੁਲਿਸ ਨੇ ਹਾਲ ਹੀ ਵਿੱਚ ਸਪਰਮ ਵ੍ਹੇਲ ਦੀ ਸਾਢੇ ਪੰਜ ਕਿਲੋ ਉਲਟੀ (ਐਮਬਗਰਿਸ) ਨਾਲ ਤਿੰਨ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।
ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਇਸ ਦੀ ਅਨੁਮਾਨਤ ਕੀਮਤ ਲਗਭਗ ਸੱਤ ਕਰੋੜ ਰੁਪਏ ਹੈ।
ਇੱਥੇ ਕਲਿੱਕ ਕਰ ਕੇ ਜਾਣੋ ਕੀ ਹੈ ਸਪਰਮ ਵ੍ਹੇਲ ਦੀ ਉਲਟੀ ਦੇ ਸੋਨੇ ਤੋਂ ਵੀ ਮਹਿੰਗੀ ਵਿਕਣ ਦਾ ਰਹੱਸ।
ਜੂਹੀ ਚਾਵਲਾ ਨੂੰ 20 ਲੱਖ ਰੁਪਏ ਦਾ ਜੁਰਮਾਨਾ ਕਿਉਂ ਹੋਇਆ?
ਦਿੱਲੀ ਹਾਈ ਕੋਰਟ ਨੇ ਅਦਾਕਾਰਾ ਤੋਂ ਵਾਤਾਵਰਣ ਕਾਰਕੁਨ ਬਣੀ ਜੂਹੀ ਚਾਵਲਾ ਵੱਲੋਂ ਦਾਇਰ ਪਟੀਸ਼ਨ ਖਾਰਜ ਕਰ ਦਿੱਤੀ ਹੈ। ਜੂਹੀ ਚਾਵਲਾ ਨੇ ਦੇਸ਼ ਵਿੱਚ 5G ਟਾਵਰ ਲਗਾਉਣ 'ਤੇ ਰੋਕ ਲਗਵਾਉਣ ਲਈ ਇਹ ਪਟੀਸ਼ਨ ਪਾਈ ਸੀ।
ਅਦਾਲਤ ਨੇ ਆਪਣੇ ਫ਼ੈਸਲੇ ਵਿੱਚ ਕਿਹਾ ਕਿ ਪਟੀਸ਼ਨਰ ਨੇ ਅਦਾਲਤ ਦਾ ਸਮਾਂ ਖ਼ਰਾਬ ਕੀਤਾ ਹੈ ਅਤੇ 20 ਲੱਖ ਰੁਪਏ ਦਾ ਜੁਰਮਾਨਾ ਵੀ ਜੂਹੀ ਨੂੰ ਕੀਤਾ ਹੈ।
ਖ਼ਬਰ ਏਜੰਸੀ ਏਐੱਨਆਈ ਮੁਤਾਬਕ ਅਦਾਲਤ ਨੇ ਆਪਣੇ ਹੁਕਮਾਂ ਵਿੱਚ ਕਿਹਾ ਕਿ ਪ੍ਰਤੀਤ ਹੁੰਦਾ ਹੈ ਕਿ ਪਟੀਸ਼ਨ ਨਾਮਣਾ ਖੱਟਣ ਲਈ ਕੀਤੀ ਗਈ ਹੈ।
ਜੂਹੀ ਚਾਵਲਾ ਨੇ ਸੁਣਵਾਈ ਦਾ ਲਿੰਕ ਸੋਸ਼ਲ ਮੀਡੀਆ ਉੱਪਰ ਸਾਂਝਾ ਕਰ ਦਿੱਤਾ, ਜਿਸ ਦੀ ਵਜ੍ਹਾ ਨਾਲ ਸੁਣਵਾਈ ਵਿੱਚ ਤਿੰਨ ਵਾਰ ਵਿਘਨ ਪਿਆ।
ਇਹ ਅਤੇ ਸ਼ੁੱਕਰਵਾਰ ਦੀਆਂ ਹੋਰ ਅਹਿਮ ਖ਼ਬਰਾਂ ਤਫ਼ਸੀਲ ਵਿੱਚ ਪੜ੍ਹਨ ਲਈ ਇੱਥੇ ਕਲਿੱਕ ਕਰੋ।
ਡਰੱਗ ਮਾਫੀਆ ਅਲ ਚੈਪੋ ਦੀ ਪਤਨੀ ਦਾ ਅਰਸ਼ ਤੋਂ ਫਰਸ਼ ਤੱਕ ਦਾ ਸਫ਼ਰ
ਐਮਾ ਕੋਰੋਨੇਲ ਏਸਪੂਰੋ ਨਿਊਯਾਰਕ 'ਚ ਪੂਰੀ ਐਸ਼ੋ-ਅਰਾਮ ਵਾਲੀ ਜ਼ਿੰਦਗੀ ਬਤੀਤ ਕਰ ਰਹੀ ਸੀ। ਉਸ ਨੂੰ ਇਹ ਸੁੱਖ ਡਰੱਗ ਸਰਗਨਾ ਖਵਾਕਿਨ ਗੁਜ਼ਮੈਨ ਲੋਏਰਾ ਉਰਫ਼ ਅਲ ਚੈਪੋ ਨਾਲ ਵਿਆਹ ਕਰਨ ਤੋਂ ਬਾਅਦ ਹਾਸਲ ਹੋਏ ਸਨ।
ਫਿਰ ਉਹ ਗ੍ਰਿਫ਼ਤਾਰ ਹੋ ਗਈ ਅਤੇ ਉਸ ਨੂੰ ਵਰਜੀਨਿਆ ਦੀ ਇੱਕ ਜੇਲ੍ਹ 'ਚ ਭੇਜ ਦਿੱਤਾ ਗਿਆ ਸੀ।
ਉਸ ਦੀ ਵਕੀਲ ਮੈਰੀਅਲ ਕੋਲੋਨ ਮੀਰੋ ਨੇ ਦੱਸਿਆ ਕਿ ਇਸ ਸੈੱਲ 'ਚ ਆਪਣਾ ਸਮਾਂ ਬਿਤਾਉਣ ਲਈ ਐਮਾ 'ਰੋਮਾਂਟਿਕ' ਨਾਵਲ ਪੜ੍ਹਦੀ ਹੈ।
ਇਸ ਜੇਲ੍ਹ 'ਚ ਐਮਾ ਦੀ ਜ਼ਿੰਦਗੀ ਅਤੇ ਹਾਲਾਤ ਉਸ ਦੀ ਪਿਛਲੀ ਜ਼ਿੰਦਗੀ ਤੋਂ ਬਿਲਕੁਲ ਉਲਟ ਹਨ।
ਆਖਰ ਨਸ਼ਿਆ ਦਾ ਕਾਰੋਬਾਰ ਕਰਨ ਵਾਲੇ ਗਿਰੋਹਾਂ ਦੀ ਇਸ ਰਾਣੀ ਦਾ ਕੀ ਹਸ਼ਰ ਹੋਇਆ? ਪੜ੍ਹਨ ਲਈ ਇੱਥੇ ਕਲਿੱਕ ਕਰੋ।
ਔਰਤਾਂ ਅਤੇ ਬਾਂਸ ਵਾਤਾਵਰਨ ਕਿਵੇਂ ਨੂੰ ਬਚਾ ਸਕਦੇ ਹਨ
ਜਦੋਂ ਕੁੜੀਆਂ ਪੜ੍ਹਾਈ ਲਈ ਵਧੇਰੇ ਸਮਾਂ ਸਕੂਲਾਂ 'ਚ ਰਹਿਣਗੀਆਂ ਤਾਂ ਉਹ ਜਲਦੀ ਮਾਂ ਨਹੀਂ ਬਣਨਗੀਆਂ।
ਜੇਕਰ ਸਾਰੀਆਂ ਹੀ ਕੁੜੀਆਂ ਆਪਣੀ ਮੁੱਢਲੀ ਸਕੂਲੀ ਪੜ੍ਹਾਈ ਮੁਕੰਮਲ ਕਰਨ ਤਾਂ ਸਾਲ 2050 ਤੱਕ ਜਿੰਨੀ ਆਬਾਦੀ ਹੋਣ ਦਾ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ, ਉਸ ਦੀ ਤੁਲਨਾ 'ਚ ਦੁਨੀਆਂ ਭਰ 'ਚ 84 ਕਰੋੜ ਲੋਕ ਘੱਟ ਹੋਣਗੇ।
ਬਾਂਸ ਦੁਨੀਆਂ ਭਰ 'ਚ ਸਭ ਤੋਂ ਤੇਜ਼ੀ ਨਾਲ ਵਧਣ ਵਾਲਾ ਬੂਟਾ ਹੈ। ਇਹ ਇੱਕ ਦਿਨ 'ਚ ਇੱਕ ਮੀਟਰ ਤੱਕ ਵੱਧ ਸਕਦਾ ਹੈ ਅਤੇ ਦੂਜੇ ਰੁੱਖਾਂ ਦੇ ਮੁਕਾਬਲੇ ਇਹ ਕਾਰਬਨ ਵੀ ਵਧੇਰੇ ਤੇਜ਼ੀ ਨਾਲ ਖਿੱਚਦਾ ਹੈ।
ਇੰਜੀਨੀਅਰਡ ਬਾਂਸ ਤਾਂ ਸਟੀਲ ਨਾਲੋਂ ਵੀ ਵਧੇਰੇ ਮਜ਼ਬੂਤ ਹੋ ਸਕਦੇ ਹਨ।
ਬਾਂਸ ਦੇ ਉਤਪਾਦ ਸਟੀਲ, ਪੀਵੀਸੀ, ਐਲਮੀਨੀਅਮ ਅਤੇ ਕੰਕਰੀਟ ਦੇ ਬਦਲ ਵਜੋਂ ਸਾਹਮਣੇ ਆ ਰਹੇ ਹਨ।
ਧਰਤੀ ਨੂੰ ਬਚਾਉਣ ਲਈ ਤੁਸੀਂ ਕੀ ਕਰ ਸਕਦੇ ਹੋ ਵਿਸਥਾਰ ਵਿੱਚ ਪੜ੍ਹਨ ਲਈ ਇੱਥੇ ਕਲਿੱਕ ਕਰੋ।
ਇਹ ਵੀ ਪੜ੍ਹੋ: