ਤੁਸੀਂ ਇਸ ਵੈੱਬਸਾਈਟ ਦਾ ਸਿਰਫ਼-ਟੈਕਸਟ ਵਰਜ਼ਨ ਦੇਖ ਰਹੇ ਹੋ ਜੋ ਘੱਟ ਡਾਟਾ ਵਰਤਦਾ ਹੈ। ਸਾਰੀਆਂ ਤਸਵੀਰਾਂ ਅਤੇ ਵੀਡੀਓ ਸਮੇਤ ਵੈੱਬਸਾਈਟ ਦਾ ਮੁੱਖ ਵਰਜ਼ਨ ਦੇਖੋ।
ਟੇਮਜ਼ ਦਰਿਆ 'ਚ ਅਣਚੱਲਿਆ ਬੰਬ ਮਿਲਣ ਕਾਰਨ ਲੰਡਨ ਹਵਾਈ ਅੱਡਾ ਬੰਦ
ਟੇਮਜ਼ ਵਿੱਚ ਦੂਜੇ ਵਿਸ਼ਵ ਯੁੱਧ ਦਾ ਅਣਚੱਲਿਆ ਬੰਬ ਮਿਲਣ ਕਾਰਨ ਲੰਡਨ ਹਵਾਈ ਅੱਡਾ ਬੰਦ ਕਰ ਦਿੱਤਾ ਗਿਆ ਹੈ। ਬੰਬ ਲੰਡਨ ਦੇ ਸ਼ਹਿਰੀ ਹਵਾਈ ਅੱਡੇ 'ਤੇ ਚੱਲ ਰਹੇ ਵਿਕਾਸ ਕਾਰਜਾਂ ਦੌਰਾਨ ਮਿਲਿਆ।
ਏਅਰਪੋਰਟ ਦੇ ਬੁਲਾਰੇ ਅਨੁਸਾਰ ਏਅਰਪੋਰਟ ਨੂੰ ਪੂਰੇ ਦਿਨ ਵਾਸਤੇ ਬੰਦ ਰੱਖਿਆ ਗਿਆ ਹੈ ਤੇ ਸਾਰੀ ਉਡਾਣਾਂ ਰੱਦ ਕਰ ਦਿੱਤੀਆਂ ਹਨ। ਇਸ ਨਾਲ 16000 ਮੁਸਾਫ਼ਰ ਖੁਆਰ ਹੋਣਗੇ।
ਪੁਲਿਸ ਅਨੁਸਾਰ ਬੰਬ ਐਤਵਾਰ ਨੂੰ ਏਅਰਪੋਰਟ 'ਤੇ ਹੋ ਰਹੇ ਪਹਿਲਾਂ ਤੋਂ ਤੈਅ ਇੱਕ ਨਿਰਮਾਣ ਕਾਰਜ ਦੌਰਾਨ ਮਿਲਿਆ।
ਹਵਾਈ ਅੱਡੇ ਵੱਲੋਂ ਮੁਸਾਫ਼ਰਾਂ ਨੂੰ ਏਅਰਪੋਰਟ ਵੱਲ ਨਾ ਜਾਣ ਦੀ ਹਦਾਇਤ ਕਰ ਦਿੱਤੀ ਗਈ ਹੈ ਤੇ ਆਪਣੀ ਏਅਰ ਲਾਈਨਜ਼ ਨਾਲ ਸੰਪਰਕ ਕਰਨ ਵਾਸਤੇ ਕਿਹਾ ਹੈ।
ਰਾਤੀਂ ਦਸ ਵਜੇ ਮਾਹਿਰਾਂ ਤੇ ਰਾਇਲ ਸਮੁੰਦਰੀ ਫੌਜ ਨੇ ਇਸ ਬੰਬ ਦੇ ਅਣਚੱਲਿਆ ਹੋਣ ਦੀ ਪੁਸ਼ਟੀ ਕਰ ਦਿੱਤੀ ਹੈ ਜਿਸ ਮਗਰੋਂ ਸਥਾਨਕ ਸਮੇਂ ਮੁਤਾਬਕ ਰਾਤ ਦਸ ਵਜੇ ਹਵਾਈ ਅੱਡਾ ਬੰਦ ਕਰ ਦਿੱਤਾ ਗਿਆ। ਇਸ ਬੰਬ ਨੂੰ ਨਕਾਰਾ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ।
ਏਅਰਪੋਰਟ ਦੇ ਸੀਈਓ ਨੇ ਕਿਹਾ, ''ਮੈਂ ਮੰਨਦਾ ਹਾਂ ਕਿ ਯਾਤਰੀਆਂ ਨੂੰ ਮੁਸ਼ਕਿਲਾਂ ਪੇਸ਼ ਆ ਰਹੀਆਂ ਹਨ ਖਾਸਕਰ ਸਥਾਨਕ ਨਿਵਾਸੀਆਂ ਨੂੰ ਵੀ ਦਿੱਕਤਾਂ ਮਹਿਸੂਸ ਹੋ ਰਹੀਆਂ ਹਨ।''
''ਏਅਰਪੋਰਟ ਪ੍ਰਸ਼ਾਸਨ ਪੁਲਿਸ ਤੇ ਸਮੁੰਦਰੀ ਫੌਜ ਨੂੰ ਪੂਰਾ ਸਹਿਯੋਗ ਦੇ ਰਿਹਾ ਹੈ ਤਾਂ ਜੋ ਬੰਬ ਨੂੰ ਜਲਦ ਤੋਂ ਜਲਦ ਨਕਾਰਾ ਕੀਤਾ ਜਾ ਸਕੇ।''
ਪੁਲਿਸ ਨੇ 214 ਮੀਟਰ ਦਾ ਸੁਰੱਖਿਆ ਘੇਰਾ ਬਣਾਇਆ ਹੈ ਜਿਸ ਦੇ ਅੰਦਰ ਆਉਂਦੀ ਹਰ ਇਮਾਰਤ ਨੂੰ ਖਾਲੀ ਕਰਵਾਇਆ ਗਿਆ ਹੈ।