کورونا وائرس: اتوار کو دنیا بھر میں متاثرین کی تعداد میں ریکارڈ اضافہ

دنیا میں کورونا کے مریضوں کی تعداد ایک کروڑ 26 لاکھ سے تجاوز کر چکی ہے۔ پاکستان میں اب تک دو لاکھ 51 ہزار سے زیادہ افراد میں اس مرض کی تصدیق جبکہ 5265 ہلاکتیں ہوئی ہیں۔ عالمی ادارہ صحت کے مطابق اتوار کو دنیا بھر میں کورونا کے ریکارڈ دو لاکھ 30 ہزار سے زائد نئے مریض سامنے آئے۔

لائیو کوریج

12 جولائی 2020بلوچستان: ہوٹلوں کو ایس او پیز کے تحت لاک ڈاؤن سے رعایت دینے کا مطالبہ
بلوچستان کے تاجر رہنماﺅں نے ہوٹلوں اور ریستورانوں کے اندر لوگوں کو بیٹھنے کی اجازت نہ دیے جانے کے خلاف 14 اور 15 جولائی کو احتجاجی دھرنے کا اعلان کیا ہے۔
کوئٹہ میں ایک مشترکہ پریس کانفرنس میں انجمن تاجران بلوچستان کے صدر رحیم آغا اور تاجر رہنما اللہ داد ترین نے کہا کہ کورونا وائرس کے سبب نافذ لاک ڈاؤن کے دوران دیگر تمام شعبوں میں رعایتیں دی گئیں لیکن ہوٹلوں اور ریستورانوں میں ابھی تک گاہکوں کو بٹھانے کی اجازت نہیں دی جارہی ہے۔
ان کا کہنا تھا کہ اس سے ہوٹل اور ریسٹورینٹ مالکان شدید مالی مشکلات سے دوچار ہوگئے ہیں جبکہ سینکڑوں ملازمین اپنے روزگار سے محروم ہورہے ہیں۔
انھوں نے مطالبہ کیا کہ جب تک ایس او پیز کے تحت ریسٹورنٹس میں گاہکوں کو بیھٹنے کی اجازت نہیں دی جائے گی اس وقت تاجروں کے احتجاج کا سلسلہ جاری رہے گا۔
انہوں نے کہا کہ عید کے قریب آنے کے باعث دکانوں اور مارکیٹوں کے کھولنے کے اوقات میں توسیع کرکے اسے رات دس بجے تک بڑھایا جائے۔
ان کا کہنا تھا کہ رسیٹورنٹس مالکان سمیت تاجر برادری کو پولیس اور انتظامیہ کی جانب سے مبینہ طور پر تنگ کیا جارہا ہے۔ ان کا کہنا تھا کہ اب پولیس نے بغیر مجسٹریٹ کے دکانوں اور ریسٹورنٹس کو سیل کرنا شروع کردیا ہے جبکہ تاجروں کو گرفتار کرکے ہتھکڑیاں لگا کر عدالت میں پیش کیاجاتا ہے۔ انھوں نے کہا کہ ہم تاجروں کی عزت نفس کو مجروح ہونے نہیں دین گے۔
انھوں نے شادی ہالوں کو فوری طور پر کھولنے اور لاک ڈاون تاجروں کے خلاف عائد مقدمات ختم کرنے کا بھی مطالبہ کیا۔
12 جولائی 2020برطانیہ میں کیسز میں کمی ویکسین بنانے والے سائنسدانوں کے لیے بری خبر کیوں ہے؟, رچرڈ واری، اسسٹنٹ ایڈیٹر بی بی سی ہیلتھ
،تصویر کا ذریعہReuters
عام خیال یہی ہے کہ برطانیہ میں کیسز میں کمی ہر کسی کے لیے ایک اچھی خبر ہے تاہم ایک طبقہ ایسا بھی ہے جن کے لیے یہ خبر بری ہے، اور وہ ہے ویکسین بنانے کی کوششیں کرنے والے سائنسدان۔
پروفیسر روبن شیٹوک جو لندن کے امپیریئل کالج میں ویکسین پر تحقیق کی سربراہی کر رہے ہیں نے اتوار کے روز اس بات کو تسلیم کیا کہ ستمبر میں ویکسین کی دستیابی کے امکان اب انتہائی کم ہیں۔
پروفیسر سارہ گلبرٹ جو برطانیہ کی آکسفورڈ یونیورسٹی میں ویکسین پر تجربات کر رہی ہیں نے گذشتہ ماہ برطانیہ کے ایوانِ بالا کی سائنس اور ٹیکنالوجی کمیٹی سے بات کرتے ہوئے کہا کہ پھیلاؤ کی کم شرح بھی ویکسین بنانے کے عمل کی رفتار کم کر رہی ہے۔
اس حوالے سے مسئلہ یہ ہے کہ متعدد رضاکاروں کو وائرس سے متاثر کیا جاتا ہے تاکہ یہ دیکھا جا سکے کہ کیا ویکسین انھیں محفوظ رکھ پاتی ہے یا نہیں۔
اگر ان کے کسی وائرس سے متاثرہ شخص کے قریب ہونے کے امکانات کم ہوں تو اس بات کا پتا چلانا بھی بہت مشکل ہو گا کہ ویکسین کتنی مؤثر ہے۔
پروفیسر گلبرٹ نے کمیٹی کو بتایا کہ ’اب ہم ایک بڑے پیمانے پر سیفٹی امیونوجینسیٹی تحقیق تو کر رہے ہیں لیکن اس بات کے امکانات بہت کم ہیں کہ ہم اس کے ذریعے یہ پتا چلائیں کہ ویکسین کتنی مؤثر ہے۔
دنیا بھر میں اس وقت 200 گروپ ویکسین تیار کرنے کی دوڑ میں شامل ہیں اور ان میں سے 18 میں انسانوں پر کلینکل ٹرائل کیے جا رہے ہیں۔
زیادہ تر ماہرین کا ماننا ہے کہ بین الاقوامی کوششوں سے ویکسین تیار تو ہو جائے گی لیکن اگلے برس کے وسط سے پہلے نہیں۔
اگر ایسا ہو جائے تو یہ ایک بڑی سائنسی کامیابی ہو گی لیکن اس بات کی کوئی ضمانت نہیں ہے۔
12 جولائی 2020بریکنگ, امریکہ میں کورونا وائرس کا ایک اور ریکارڈ
،تصویر کا ذریعہGetty Images
امریکی صدر ڈونلڈ ٹرمپ نے بالآخر دباؤ کے سامنے ہار مانتے ہوئے عوام کے سامنے آتے ہوئے سنیچر کو ماسک پہن لیا۔ ان کے ڈیموکریٹک مخالف جو بائڈن نے ان پر ماسک نہ پہننے پر تنقد کی تھی۔ اور صدر پر اس مسئلہ پر سیاست کرنے کا الزام عائد کیا تھا۔ ان کا کہنا تھا کہ ’ذمہ داری کا مظاہرہ کرنے کے بجائے انھوں نے چار ماہ ضائع کیے‘۔
امریکہ کی دیگر صورتحال
- امریکہ میں کووڈ 19 کے 66528 نئے کیسز سامنے آئے جو کہ ایک روز میں متاثرین کی تعداد کا نیا ریکارڈ ہے۔
- ریاست لوزیانہ میں کیسز اس قدر بڑھ گئے ہیں کہ اب چار دیورای کے اندر بھی لوگوں سے ماسک پہننے کو کہا جا رہا ہے ۔ گورنر جان بیل ایڈورڈ نے بارز کو بند کرنے کے احکامات جاری کیے ہیں۔
- فلوریڈا میں والٹ ڈزنی ورلڈ کو کھول دیا گیا ہے اگرچہ وہاں کووڈ 19 کے کیسز میں اضافہ دیکھا جا رہا ہے۔
- جیزز کرائسٹ چرچ کے پادریوں سے کہا گیا ہے کہ وہ عوام میں جاتے ہوئے ماسک پہنیں۔
- جان ہاپکنز یونیورسٹی کے مطابق امریکہ میں کورونا وائرس کے مصدقہ کیسز کی تعداد 32 لاکھ سے تجاوز کر چکی ہے۔ جبکہ ایک لاکھ 35 ہزار افراد اس کے باعث ہلاک ہو چکے ہیں۔
12 جولائی 2020ڈیکسامیتھازون اور پلازمہ کا استعمال کب کرنا چاہیے؟
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
دنیا بھر کی طرح پاکستان میں بھی کورونا وائرس کے علاج کے بارے میں جاننے کی تگ و دو جاری ہے۔
جہاں ایک طرف ڈیکسامیتھازون دوا کو علاج کے لیے ایک اہم پیشرفت کا خطاب ملنے کے بعد وہ اب مارکٹ میں دستیاب نہیں ہے وہیں دوسری جانب پلازمہ ڈونیٹ کرنے کے بارے میں جیسے ہی اطلاع عام ہوئی تو لوگوں نے ایک لاکھ کی رقم کے عوض اپنے پلازمہ لوگوں میں بانٹے۔ لیکن ماہرین نے متنبہ کیا ہے کہ یہ تمام طریقہ اور ادویات اس وقت انڈر ٹرائل ہیں۔
ان کو کورونا وائرس کا مکمل علاج سمجھنا غلط ہے۔ اس بارے میں بی بی سی نے آغا خان یونیورسٹی ہسپتال کے شعبہ وبائی امراض کے سیکشن ہیڈ ڈاکٹر فیصل سے بات کی، انھوں نے اس تمام تر صورتحال کے بارے میں کہا دیکھیے اس ویڈیو میں
12 جولائی 2020ماسک پہننا ضروری تو ہے لیکن کون سا ماسک پہنیں؟
کورونا وائرس کے پھیلنے کا امکان سب سے زیادہ سانس کے ذریعے ہوتا ہے اس لیے ناک اور منہ کو ڈھانپنا ضروری ہے۔ اس مقصد کے لیے ماسک کے استعمال کا مشورہ دیا جاتا ہے۔ جانیے کہ کوں سا ماسک وائرس سے بچاؤ کے لیے زیادہ مؤثر ہے۔
12 جولائی 2020بریکنگ, 14 کھلاڑیوں میں کورونا وائرس کی تشخیص کے بعد برازیل میں فٹبال میچ منسوخ
14 کھلاڑیوں کا ٹیسٹ مثبت آنے کے بعد برازیل کا فٹبال میچ منسوخ کر دیا گیا۔
برازیل میں ہونے والے اس بڑے مقابلے کے آغاز سے چند گھنٹے قبل جب 14 کھلاڑیوں کے ٹیسٹ کی رپورٹ مثبت آئی تو یہ مقابلہ منسوخ کر دیا گیا۔
چیپکوینس کو سانتا کیتیرینا ریاستی چیمپیئن شپ کے کوارٹر فائنل کے دوسرے مرحلے میں آوئی کے خلاف کھیلنا تھا۔
یہ نہیں بتایا کہ یہ کونسی ٹیم تھی مگر آوئی کا کہنا ہے کہ ان کے تمام کھلاڑیوں کے ٹیسٹ نیگیٹو آئے ہیں۔ چیپکوینس نے اس بات پر کوئی تبصرہ نہیں کیا کہ اس کلب کے تمام کھلاڑیوں میں وائرس کی تصدیق ہوئی ہے۔
یہ ریاستی سطح کی چیمپین شپ آٹھ جولائی سے شروع ہوئی۔ واضح رہے کہ کئی کلبز نے اتنے زیادہ کورونا وائرس متاثرین کے ملک میں میچز کھیلنے پر خدشات کا اظہار کیا تھا۔
برازیل میں اس وائرس سے 18 لاکھ سے زائد افراد متاثر ہوئے ہیں جبکہ 71،000 سے زائد لوگ ہلاک ہو چکے ہیں۔
12 جولائی 2020ایشوریا رائے اور ان کی بیٹی ارادھیا بھی کورونا وائرس سے متاثر, امیتابھ اور ابھیشک بچن کی حالت تسلی بـخش
،تصویر کا ذریعہGetty Images
امیتابھ بچن اور ابھیشک بچن کے بعد ایشوریا رائے اور ان کی بیٹی ارادھیا میں بھی کورونا وائرس کی تشخیص ہوئی ہے۔
بی ایم سی کے ویسٹ میونسپل اسسٹنٹ کمشنر وشواس موٹے نے بی بی سی سے بات کرتے ہوئے ایشوریا اور ان کی بیٹی کے کورونا وائرس کے ٹیسٹ مثبت آنے کی تصدیق کر دی ہے۔
،تصویر کا ذریعہTwitter/@KKMPUTRAJAYA
خیال رہے کہ ایشوریا کے شوہر ابھیشک اپنے والد امیتابھ بچن کے ساتھ اس وقت ممبئی کی ناناوتی ہسپتال میں داخل ہیں اور ان دونوں میں گذشتہ روز اس وائرس کی تشخیص ہوئی تھی۔
ہسپتال کی انتظامیہ نے تصدیق کی ہے کہ اب دونوں بچن کی صحت تسلی بخش ہے۔ اپنے شوہر اور سسر میں اس وائرس کی تشخیص کے بعد ایشوریا رائے نے اپنا اور اپنی بیٹی کا بھی ٹیسٹ کرایا تھا جس کا رزلٹ آج مثبت میں سامنے آیا۔
،تصویر کا ذریعہTweet/@rajeshtope11
یہ کہا جا رہا ہے کہ ماں بیٹی دونوں میں اس وائرس کی علامات ظاہر نہیں ہوئی ہیں۔
مہاراشٹرا ریاست جس کا دارالحکومت ممبئی ہے کے وزیر صحت راجیش توپ نے اس بارے میں ٹویٹ پر تصدیق کی تھی۔ تاہم بعد میں انھوں نے اپنا یہ ٹویٹ ڈیلیٹ کر دیا تھا۔
12 جولائی 2020چین: کورونا وائرس کے سات مزید کیسز
چینی خبر رساں ادارے زنہوا نیوز کے مطابق سنیچر کو چین میں بیرونی منتقلی کے سات کیسز سامنے آئے۔
بتایا گیا ہے کہ مقامی طور پر کوئی مشتبہ کیس یا کوئی ہلاکت رپورٹ نہیں ہوئی۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
12 جولائی 2020برطانیہ میں 2021 کے ابتدا میں ویکیسن سامنے آ سکتی ہے؟
امپیریل کالج لندن کی ویکسین پر تجربات کرنے والی ٹیم کے سربراہ پروفیسر رابن شیٹک کا کہنا ہے کہ اگر حالات سازگار رہے تو کورونا وائرس کی ویکسین اگلے سال کی پہلی ششماہی میں پورے برطانیہ میں دستیاب ہو گی۔
اتوار کو سکائی نیوز کی صوفہ رج سے بات کرتے ہوئے ان کا کہنا تھا کہ ابھی تک 15 رضاکاروں کو یہ ویکسین لگائی جا چکی ہے اور اگلے چند ہفتوں میں مزید دو سو سے تین سو تک افراد کو بھی یہ ویکیسن لگائی جائے گی۔
ان کا کہنا تھا کہ ہمارے خیال میں اگر حالات سازگار رہتے ہیں تو ہمیں اس بارے میں اگلے سال کے ابتدا میں کسی نتیجے تک پہنچ سکتے ہیں۔
اگر یہ فرض کر لیا جائے کہ اس ویکسین کی خریداری کے لیے فنڈز دستیاب ہیں تو پھر ایسے میں اگلے سال کی پہلی ششماہی تک یہ ویکسین پورے برطانیہ تک پہنچ جائے گی۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
12 جولائی 2020جہاں کورونا وائرس سے کوئی ہلاکت نہیں ہوئی
دنیا میں کورونا وائرس کے نتیجے میں ہلاکتوں کی تعداد 565,351 ہو چکی ہے تاہم اب بھی ایسے ممالک، ریاستیں اور خودمختار جزیرے موجود ہیں جہاں کورونا سے کوئی ہلاکت نہیں ہوئی۔
جانز ہاپکنز یونیورسٹی کی جانب سے جاری تفصیلات کے مطابق ان ممالک میں ویتنام، یوگینڈا، مشرقی تیمور، سیشلز، بھوٹان، کمبوڈیا، ڈومینیکا، ایریٹریا، فجی، گرینیڈا، ہولی سی، لاؤس، منگولیا، پاپوا نیو گینی، سینٹ کٹس اینڈ نیوس، سینٹ لوشیا
12 جولائی 2020سماجی دوری کے ضابطے کی خلاف ورزیاں اور عوامی اجتماعات
X پوسٹ نظرانداز کریں, 1
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام, 1
پاکستان میں مکمل لاک ڈاؤن کے بجائے سمارٹ لاک ڈاؤن کے اقدامات جاری ہیں اور حکومت نے عوامی اجتماعات کے بجائے سماجی دوری کے ضابطے پر عمل کرنے کے احکامات دے رکھے ہیں۔
تاہم عوامی مقامات ہوں حکومتی سطح پر ہونے والی تقریبات ہوں پھر دیگر جگہیں سماجی دوری پر عمل کم ہی کیا جا رہا ہے۔
سماجی رابطوں کی ویب سائٹ ٹوئٹر پر اپنے آفیشل اکاؤنٹ سے جماعت اسلامی نے جو ٹویٹ کی ہے اس میں اپ لوڈ کی گئی تصاویر میں دیکھا جا سکتا ہے کہ بڑی تعداد میں لوگ سماجی فاصلے کے بغیر جمع ہو کر سراج الحق کی تقریر سن رہے ہیں۔
X پوسٹ نظرانداز کریں, 2
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام, 2
پی ٹی آئی کی رہنما اور وزیر مملکت برائے موسمیاتی تبدیلی زرتاج گل کی نے بھی گذشتہ روز فورٹ منرو کا دورہ کیا۔ وہاں بھی اسی طرح سے ایس او پیز کی خلاف ورزی دیکھنے کو ملی۔
ان کے دورے کی جو تصاویر سامنے آئی ہیں ان میں دیکھا جا سکتا ہے کہ سماجی فاصلے کا خیال رکھے بغیر لوگ ان کے استقبال کے لیے وہاں جمع ہو گئے ہیں۔
12 جولائی 2020سماجی کارکن ایرانی جیل میں کورونا سے متاثر، علاج سے محروم رکھنے کا الزام
،تصویر کا ذریعہAFP
زنجان کی جیل میں قید سماجی کارکن نرگس محمدی کورونا وائرس کی بیماری میں مبتلا ہو گئی ہیں۔
ایران کی ایک وکیل شیرین عبادی نے تصدیق کرتے ہوئے کہا ہے کہ نرگس محمدی کے جیل میں کورونا وائرس سے متاثر ہونے کی خبر ملی ہے۔
وکیل شیرین عبادی نے سوشل میڈیا پر اپنے ٹیلیگرام چینل پر نرگس محمدی کے خاندان کے افراد کا حوالہ دیتے ہوئے لکھا کہ نرگس محمدی جیل میں کورونا وائرس سے متاثر ہو چکی ہیں۔
ان کے خاندان کے مطابق انسانی حقوق پر کام کرنے والی کارکن کو سانس کی دشواری کی وجہ سے گردوں پر اس بیماری کے اثرات مرتب ہوئے ہیں۔ انھوں نے نرگس محمدی کی بگڑتی ہوئی صحت پر تشویش کا اظہارکیا ہے۔
نرگس محمدی کے خاندان کے مطابق وہ گذشتہ کئی برسوں سے گردوں کے مرض میں مبتلا ہیں اور اب کورونا وائرس کی وجہ سے ان کی صحت مزید خراب ہو چکی ہے اور اب وہ پہلے سے کہیں زیادہ خطرے میں ہیں۔
اطلاعات کے مطابق جیل حکام انھیں ٹیسٹ اور علاج کی سہولیات سے محروم رکھ رہے ہیں۔ خاندان والوں کے مطابق کئی دنوں سے نرگس محمدی کو علاج جیسے بنیادی حق سے بھی محروم رکھا جا رہا ہے۔
12 جولائی 2020راولپنڈی کے مختلف ہسپتالوں میں کورونا کے مریضوں کے لیے موجود بستر
راولپنڈی کے مختلف ہسپتالوں میں کورونا کے مریضوں کے لیے موجود بستر کی تعداد ڈپٹی کمشنر کی جانب سے جاری کی گئی ہیں۔
تفصیلات کے مطابق کل چھ ہسپتالوں میں 790 بستر موجود ہیں جن میں سے 104 پر کورونا کے مریض موجود ہیں جبکہ دیگر خالی ہیں۔
اتوار کو جاری ہونے والے اعداد و شمار کے مطابق صوبہ پنجاب کے ضلع راولپنڈی میں مجموعی ہلاکتوں کی تعداد 339 ہو چکی ہے۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
12 جولائی 2020کاش میں اپنے عزیز کو ہسپتال نہ بھیجتی!
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
پاکستان میں اس وقت کورونا کے مریضوں کے لیے ہسپتالوں میں بستروں، ادویات، طبی آلات اور وینٹیلیٹر کا حصول دن بہ دن مشکل ہوتا جا رہا ہے۔ اس بات کا اندازہ ہماری ساتھی ترہب اصغر کو اس وقت ہوا جب انھیں خود اپنے ایک عزیز کو ہسپتال میں داخل کروانے کے لیے بہت سے اعلیٰ حکام سے التجائیں کرنی پڑیں۔
اس دن کی کہانی سنیے ترہب اصغر کی ہی زبانی، اس پوڈکاسٹ میں۔۔
12 جولائی 2020سرینگر میں کورونا کے پھیلاؤ کو روکنے کے لیے اقدامات
انڈیا کے زیرِ انتظام کشمیر کے مرکز سرینگر میں کمشنر برائے ترقی اور مجسٹریٹ شاہد چوہدری نے سماجی رابطوں کی ویب سائٹ پر اپنے پیغام میں ان علاقوں کی فہرست جاری کی ہے جہاں کورونا کی وجہ سے خصوصی اقدامات کیے جا رہے ہیں۔
ان کا کہنا تھا کہ کوووڈ میں بڑے پیمانے پر اضافے کے پیش نظر ہمیں سری نگر کے مختلف علاقوں میں موثر پابندیوں کے لیے کنٹینمنٹ زون بنانا ہوگا۔
ان کا کہنا تھا کہ لوگوں کی صحت کے لیے عوامی سطح پر تعاون درکار ہوگا۔
ان علاقوں میں گلاب باغ، صورہ، عالمگری بازار، کھمبر ہروان سمیت دیگر متعدد مقامات شامل ہیں۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
12 جولائی 2020بالی وڈ اداکار انوپم کھیر کی والدہ میں کورونا وائرس کی تصدیق
بالی وڈ کے اداکار انوپم کھیر نے ٹوئٹر پر ایک ویڈیو پوسٹ کی ہے جس میں انھوں نے کہا کہ ان کی والدہ دلاری میں کورونا وائرس کی تصدیق ہوئی ہے جبکہ ان میں اس وائرس کی معمولی علامات ظاہر ہوئی ہیں۔
انوپم کے مطابق ان کی والدہ کو بھوک نہیں لگ رہی تھی اور وہ کچھ کھا پی نہیں رہی تھیں۔ جب ان کا سٹی سکین کرایا تو معلوم ہوا کہ وہ کورونا وائرس سے متاثر ہو چکی ہیں۔
انوپم کا اپنا ٹیسٹ نیگیٹو آیا ہے تاہم ان کے بھائی راجو، بھابی اور بھتیجی میں بھی اس وائرس کی تصدیق ہوئی ہے۔
آپ مزید تفصیلات انوپم کھیر کی اس ویڈیو میں سن سکتے ہیں
،تصویر کا ذریعہAnupam Kher
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
12 جولائی 2020ایران میں تمام تقریبات اور امتحانات پر پابندی عائد کر دی گئی
،تصویر کا ذریعہReuters
ایران کے صدر حسن روحانی نے اتوار کو تمام تقریبات پر پابندی عائد کردی ہے۔ ایران میں ایک بار پھر کورونا وائرس کے متاثرین کی تعداد میں اضافہ ہو رہا ہے۔
تاہم ایرانی صدر نے یہ واضح کیا ہے کہ معاشی سرگرمیاں رواں دواں رہیں گے۔ ان کا کہنا کہ ایران معیشت کو بند کرنے کا متحمل نہیں ہو سکتا۔
واضح رہے کہ امریکی پابندیوں کی وجہ سے ایران کی معیشت پہلے ہی سے شدید دباؤ اور ملک میں معاشی سرگرمیاں زبوں حالی کا شکار ہیں۔
،تصویر کا ذریعہGetty Images
حسن روحانی کے ٹیلی وژن انٹرویو کے فوراً بعد ہی دارالحکومت تہران میں پولیس نے شادی ہالوں اور تعزیتی اجلاسوں پر پابندی عائد کر دی۔ پولیس کا کہنا ہے کہ یہ مقامات تا حکم ثانی بند رہیں گے۔
ایران نے اپریل کے وسط سے لاک ڈاؤن میں نرمی لانا شروع کردی تھی۔ ایران میں حالیہ دنوں میں کورونا وائرس کے متاثرین کی تعداد میں تیزی سے اضافہ دیکھنے میں آیا ہے۔
اتوار کو ایران میں 188 افراد اس وائرس کی وجہ سے ہلاک ہوئے۔ ملک میں کورونا وائرس کی وجہ سے کل 12،635 ہلاکتیں ہو چکی ہیں۔
گذشتہ 24 گھنٹوں میں ایران میں 2،397 نئے متاثرین کی تشخیص ہوئی ہے۔ اس وقت ایران میں کل متاثرین کی تعداد 255ً117 ہے۔
،تصویر کا ذریعہGetty Images
سنیچر کو ایرانی صدر حسن روحانی کا کہنا تھا کہ 'ایران بھر میں تمام تقریبات کو سختی سے روکنے کی ضرورت ہے، چاہے یہ خوشی کی تقریبات ہوں یا غم کی، یہ تقریبات اور سیمینار کا وقت نہیں ہے۔‘
ایران میں یونیورسٹی تک کے امتحانات ملتوی کر دیے گئے ہیں۔ ایران کی حکومت کے خیال میں ایسی تقریبات کی وجہ سے کورونا وائرس کے متاثرین میں اضافہ ہو رہا ہے۔
ایران میں کورونا وائرس ٹاسک فورس کے ایک مشیر نے خبردار کیا ہے کہ اگر اصول و ضوابط کا سختی سے خیال نہ رکھا گیا تو ایران میں 50 ہزار سے 60 ہزار تک لوگ اس وائرس سے ہلاک ہو سکتے ہیں۔
12 جولائی 2020بریکنگ, پنجاب: مزید 21 اموات اور 565 نئے متاثرین
پاکستان کے صوبہ پنجاب میں ترجمان پرائمری اینڈ سکینڈری ہیلتھ کیئر کے مطابق پنجاب میں کورونا وائرس کے565 نئے کیسز سامنے آنے کے بعد مجموعی کیسز کی تعداد 86,556 ہو گئی ہے۔
کورونا وائرس سےصوبے میں مزید 21 مزید اموات کے بعد یہاں ہلاکتوں کی کل تعداد 2006 ہو گئی ہے۔
ترجمان پرائمری اینڈ سیکنڈری ہیلتھ کیئر کی جانب سے جاری تحریری رپورٹ کے مطابق تازہ ترین اعداد و شمار اتوار کی صبح نو بجے تک کے ہیں۔
پنجاب کے مختلف شہروں کی صورتحال کچھ یوں ہے۔
لاہورمیں 281، ننکانہ 5، قصور5، شیخوپورہ 8، راولپنڈی52، چکوال1 اور گوجرانوالہ میں 12 کیسز رپورٹ ہوئے۔
سیالکوٹ9، گجرات 34، حافظ آباد 4، منڈی بہاؤالدین 13، ملتان16، خانیوال11، فیصل آباد24، ٹوبہ ٹیک سنگھ 5 اور رحیم یار خان میں 3 کیسز سامنے آئے۔
سرگودھا 14، بہاولنگر2، بہاولپور 12، لودھراں 3، ڈی جی خان 14، مظفرگڑھ 7، راجن پور 1، ساہیوال 3، اوکاڑہ9 اورپاکپتن میں 15کیسز رپورٹ ہوئے۔
ترجمان کے مطابق اب تک 589,523 ٹیسٹ کیے جا چکے ہیں اور اس مرض سے صحت یاب ہونے والوں کی تعداد 55,175 ہو چکی ہے۔
12 جولائی 2020بریکنگ, متحدہ عرب امارات: ویزوں اور شناختی کارڈ کی مدت میں توسیع کے لیے 12 جولائی سے درخواستیں وصول کی جائیں گی
،تصویر کا ذریعہGetty Images
متحدہ عرب امارات 12 جولائی سے زائد المعیاد ویزے کی از سر نو توسیع کے لیے درخواستیں موصول کرے گا۔
یو اے ای کی کابینہ نے فیصلہ کیا ہے کہ جن افراد کے ویزے، ایمریٹس آئی ڈی اور انٹری پرمٹ کی مدت ختم ہو گئی ہے انھیں اس مدت میں مزید توسیع مل سکے گی۔
متحدہ عرب امارات نے کورونا وائرس کی وجہ سے عائد پابندیوں میں نرمی پیدا کر کے ویزوں میں توسیع سے متعلق درخواستیں وصول کرنے کا اعلان کیا ہے۔
جمعے کو ملکی شناخت اور شہریت سے متعلق وفاقی ادارے (آئی سی اے) کا کہنا تھا کہ اس فیصلے کا مطلب یہ ہے کہ اب ہم معمول کی صورتحال کی طرف بڑھ رہے ہیں۔
آئی سی اے کے مطابق کئی شعبے اس وقت اپنا کاروبار زندگی دوبارہ پہلے کی طرح ہی شروع کرنے کے لیے کوشاں ہیں۔ وفاقی ادارے کے مطابق رہائشی پرمٹ میں توسیع دے دی گئی ہے۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
آئی سی اے نے سنیچر کو یہ اعلان کیا کہ ویزا سروس، انٹری پرمٹ اور آئی ڈی کارڈ سے متعلق سروس 12 جولائی سے شروع ہو جائے گی یعنی 12 تاریخ سے لوگ توسیع کی لیے فیس جمع کرانے کے اہل ہو جائیں گے۔
آئی سی اے کے مطابق یہ دیگر ممالک سے آئے ہوئے لوگوں، متحدہ عرب امارات کے شہریوں اور خطے میں موجود ممالک کے شہریوں کا بھی مطالبہ تھا کہ ان کے رہائش سے متعلق کاغذات کو قانونی حیثیت دی جائے۔
درخواستیں تین مراحل میں وصول کی جائیں گی
- ایسے افراد جن کے ویزے اور ایمریٹس آئی ڈی کارڈ مارچ اور اپریل میں زائد المعیاد ہونے کی وجہ سے غیر قانونی ہو گئے تھے وہ 12 جولائی سے از سر نو اجرا کے لیے درخواست دے سکتے ہیں
- ایسے افراد جن کے ویزے اور کارڈ مئی میں غیر قانونی ہو گئے ہیں وہ 11 اگست سے درخواست دے سکتے ہیں
- ایسے افراد جن کے ویزے اور کارڈ یکم جولائی اور 11 جولائی کو زائد المعیاد ہو گئے وہ تجدید کے لیے دس ستمبر سے درخواستیں دے سکتے ہیں۔
12 جولائی 2020پاکستان کی کورونا وائرس کے خلاف جنگ میں صفِ اول پر چار اہم خواتین
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
پاکستان میں حالات چاہے جیسے بھی ہو خواتین ہمیشہ سے اپنا کردار ادا کرنے میں پیش پیش رہیں ہے۔
کورونا وائرس پھیلنے کے بعد بھی حکومتی اداروں میں کام کرنے والی خواتین صفِ اول میں اپنا کردار ادا کر رہی ہے۔
مگر یہ خواتین صرف آج سے ہی نہیں بلکہ بہت عرصے سے مختلف شعبہ جات زندگی میں اپنا لوہا منوا چکی ہے۔
ان کی زندگی کے اتار چڑھاو کے بارے میں مزید دیکھیے ہمارے نمائندے موسیٰ یاوری کی اس ویڈیو میں

کورونا وائرس: اتوار کو دنیا بھر میں متاثرین کی تعداد میں ریکارڈ اضافہ

لائیو کوریج

12 جولائی 2020بلوچستان: ہوٹلوں کو ایس او پیز کے تحت لاک ڈاؤن سے رعایت دینے کا مطالبہ

12 جولائی 2020برطانیہ میں کیسز میں کمی ویکسین بنانے والے سائنسدانوں کے لیے بری خبر کیوں ہے؟, رچرڈ واری، اسسٹنٹ ایڈیٹر بی بی سی ہیلتھ

12 جولائی 2020بریکنگ, امریکہ میں کورونا وائرس کا ایک اور ریکارڈ

12 جولائی 2020ڈیکسامیتھازون اور پلازمہ کا استعمال کب کرنا چاہیے؟

12 جولائی 2020ماسک پہننا ضروری تو ہے لیکن کون سا ماسک پہنیں؟

12 جولائی 2020بریکنگ, 14 کھلاڑیوں میں کورونا وائرس کی تشخیص کے بعد برازیل میں فٹبال میچ منسوخ

12 جولائی 2020ایشوریا رائے اور ان کی بیٹی ارادھیا بھی کورونا وائرس سے متاثر, امیتابھ اور ابھیشک بچن کی حالت تسلی بـخش

12 جولائی 2020چین: کورونا وائرس کے سات مزید کیسز

12 جولائی 2020برطانیہ میں 2021 کے ابتدا میں ویکیسن سامنے آ سکتی ہے؟

12 جولائی 2020جہاں کورونا وائرس سے کوئی ہلاکت نہیں ہوئی

12 جولائی 2020سماجی دوری کے ضابطے کی خلاف ورزیاں اور عوامی اجتماعات

12 جولائی 2020سماجی کارکن ایرانی جیل میں کورونا سے متاثر، علاج سے محروم رکھنے کا الزام

12 جولائی 2020راولپنڈی کے مختلف ہسپتالوں میں کورونا کے مریضوں کے لیے موجود بستر

12 جولائی 2020کاش میں اپنے عزیز کو ہسپتال نہ بھیجتی!

12 جولائی 2020سرینگر میں کورونا کے پھیلاؤ کو روکنے کے لیے اقدامات

12 جولائی 2020بالی وڈ اداکار انوپم کھیر کی والدہ میں کورونا وائرس کی تصدیق

12 جولائی 2020ایران میں تمام تقریبات اور امتحانات پر پابندی عائد کر دی گئی

12 جولائی 2020بریکنگ, پنجاب: مزید 21 اموات اور 565 نئے متاثرین

12 جولائی 2020بریکنگ, متحدہ عرب امارات: ویزوں اور شناختی کارڈ کی مدت میں توسیع کے لیے 12 جولائی سے درخواستیں وصول کی جائیں گی

12 جولائی 2020پاکستان کی کورونا وائرس کے خلاف جنگ میں صفِ اول پر چار اہم خواتین