کورونا وائرس: اتوار کو دنیا بھر میں متاثرین کی تعداد میں ریکارڈ اضافہ

لائیو کوریج

1. 11 جولائی 2020صدر حسن روحانی: ایران معیشت کو بند کرنا برداشت نہیں کر سکتا

   

   ،تصویر کا ذریعہAFP

   ایران کے صدر حسن روحانی نے خبردار کیا ہے کہ کورونا وائرس کے متاثرین میں اضافے کے باوجود ان کا ملک معیشت کو بند کرنا برداشت نہیں کر سکتا۔

   جمعرات کو ایران میں اس وائرس سے 221 ہلاکتیں ہوئی ہیں۔ اس وبا کے آغاز سے ابھی تک کل 12،400 افراد ہلاک ہو چکے ہیں۔

   سنیچر کو ایک ٹیلی کانفرنس کے دوران حسن روحانی نے کہا ہے کہ حفاظتی تدابیر پر عمل پیرا ہوتے ہوئے ایران کو معاشی، سماجی اور ثقافتی سرگرمیوں کو ہر صورت جاری رکھنا چائیے۔

   واضح رہے کہ اپریل میں ایران سے لاک ڈاؤن ہٹا دیا گیا۔ وزیر صحت سید نماکی کا کہنا ہے کہ ہم معیشت کو اپنی وجہ سے کھول رہے ہیں کیونکہ ہم پہلے ہی زبوں حالی کا شکار ہیں اور اب اس سے زیادہ برا حال نہیں ہو سکتا۔

   خیال رہے کہ امریکی صدر ڈونلڈ ٹرمپ نے ایران پر سخت معاشی پابندیاں عائد کر رکھی ہیں جس کی وجہ ایران کی معیشت شدید دباؤ میں ہے۔

2. 11 جولائی 2020بریکنگ, دو روز میں سندھ پولیس میں کورونا وائرس سے 171 اہلکار متاثر

   

   ،تصویر کا ذریعہSindh Police

   صوبہ سندھ میں حکام کا کہنا ہے کہ 2096 کےقریب افسران اورجوان کورونا وائرس سے متاثر ہوئے ہیں۔

   ترجمان سندھ پولیس کے مطابق گذشتہ دو روز کے دوران کورونا وائرس کے171 نئے کیسز سامنے آئے۔

   ہلاک شدگان میں 16پولیس افسران شامل ہیں جن میں سے 14 کا تعلق کراچی جبکہ دو کا حیدرآباد رینج سے بتایا گیا ہے۔

   ترجمان سندھ پولیس کے مطابق زیر علاج افسران اور جوانوں کی تعداد1584 ہے اور 496 افسران اورجوان صحتیاب ہوکر گھر جا چکے ہیں۔

3. 11 جولائی 2020بریکنگ, کورونا وائرس: بلوچستان میں 29 نئے مریض اور ایک ہلاکت

   پاکستان کے صوبہ بلوچستان میں کورونا کے29 نئے کیسز کے اضافے کے بعد مجموعی کیسز کی تعداد 11128ہوگئی ہے۔

   صوبے میں کورونا وائرس سے مزید ایک مریض کی ہلاکت ہوئی ہے جس کے باعث ہلاک ہونے والے افراد کی مجموعی تعداد 126 ہو چکی ہے۔

   محکمہ صحت حکومت بلوچستان ترجمان داکٹر وسیم بیگ کے مطابق 10جولائی 2020 کو کورونا کے 275 ٹیسٹ کیے گئے جن میں سے 29 پازیٹو آئے۔

   بلوچستان میں اب تک کورونا کے مجموعی طور پر52935 ٹیسٹ کیئے گئے ہیں جن میں سے41807 کے نتائج منفی آئے۔

   بلوچستان میں مجموعی طوپر پر 114293 افراد کی سکریننگ کی گئی ہے۔ کورونا وائرس سے اب تک7224 افراد صحتیاب بھی ہو چکے ہیں۔

4. 11 جولائی 2020ویکسین تک رسائی زیادہ بولی پر نہیں بلکہ ضرورت کے تحت ملنی چاہیے: بِل گیٹس

   

   ،تصویر کا ذریعہGetty Images

   مائیکرو سافٹ کے بانی بِل گیٹس کا کہنا ہے کہ مستقبل میں کورونا وائرس کی ویکسین ان ممالک اور لوگوں کو مہیا کی جانی چاہیے جنھیں اس کی سب سے زیادہ ضرورت ہے نہ کہ ان کو جو اس کے حصول کے لیے سب سے زیادہ بولی لگائیں۔

   وہ سنیچر کو کووڈ 19 کے حوالے سے کانفرنس سے خطاب کر رہے تھے۔ ان کا کہنا تھا کہ اگر دوا اور ویکسین کو زیادہ بولی لگانے والے کو دے دیا جائے گا ان کے بجائے جنھیں اس کی زیادہ ضرورت ہو گی تو پھر یہ جان لیوا وبا زیادہ عرصے تک موجود رہے گی۔

   خیال رہے کہ کورونا وائرس کی ویکسین بنانے کے لیے دنیا بھر میں تحقیقات اور تجربات ہو رہے ہیں۔

5. 11 جولائی 2020بوسنیا: مسلمانوں کے قتل عام کے 25 سال، وائرس کے باعث سالانہ تقریب محدود

   

   ،تصویر کا ذریعہReuters

   بوسنیا میں 8000 سے زیادہ مسلمان مردوں اور لڑکوں کے قتل عام کو گزرے 25 برس مکمل ہو گئے ہیں۔

   اس حوالے سے تقریب کو محدود کر دیا گیا ہے جس کی وجہ کورونا وائرس کی وبا بتائی گئی ہے۔

   عام طور پر دسیوں ہزار افراد اس تقریب میں شریک ہوتے ہیں تاہم لاک ڈاؤن کے باعث اس بار یہ تعداد بہت کم ہو گی۔

   اس موقع پر ان سات افراد کی نماز جنازہ بھی ادا کی جائے گی جن کی شناخت آج 25 برس بعد ہوئی ہے۔

   بوسنیا میں کورونا وائرس کے پھیلاؤ میں اضافہ ریکارڈ کیا گیا ہے۔ ریاست بلقان میں جمعے کو مزید 18 ہلاکتوں کی تصدیق ہوئی اور 386 مزید کیسز سامنے آئے۔

   خیال رہے کہ11 جولائی سنہ 1995 کو بوسنیائی سرب فوجیوں نے بوسنیا ہرزیگووینا میں سربرینیکا کے قصبے پر قبضہ کر لیا۔ دو ہفتے سے بھی کم عرصے میں ان کی فورسز نے منظم انداز میں 8000 سے زائد بوسنیائی مسلمانوں کو قتل کر ڈالا تھا۔

   یہ دوسری عالمی جنگ کے بعد سے یورپ کی سرزمین پر بدترین اجتماعی قتل و غارت تھی۔

   یہ سلسلہ 10 دنوں تک جاری رہا تھا۔

6. 11 جولائی 2020متاثرین کی تعداد میں اضافہ مگر والٹ ڈزنی ورلڈ کو کھولنے کا فیصلہ

   

   ،تصویر کا ذریعہGetty Images

   امریکی ریاست فلوریڈا میں سنیچر سے والٹ ڈزنی ورلڈ کو عوام کے لیے کھول دیا جائے گا۔ یہ فیصلہ ایک ایسے وقت میں کیا گیا جب ریاست میں متاثرین کی تعداد میں مسلسل اضافہ دیکھنے میں آ رہا ہے۔

   واضح رہے کہ بفلوریڈا امریکہ کی کورونا سے سب سے زیادہ ریاستوں میں سے ایک ہے۔ اورلانڈو میں ایک تھیم پارک کو مرحلہ وار کھول دیا جائے گا۔ یہاں محدود تعداد میں لوگ آ سکیں گے۔

   جمعے کو فلوریڈا میں 11،400 نئے متاثرین سامنے آئے ہیں۔

   خیال رہے کہ جب سے کورونا وائرس کی وبا پھیلی ہے اب تک جمعے کا دن امریکہ کے لیے بدترین دن ثابت ہوا ہے۔ جمعے کو امریکہ میں اس وائرس سے 60 ہزار سے زائد لوگ متاثر ہوئے ہیں۔

7. 11 جولائی 2020کورونا وائرس: کیا پاکستان میں کووِڈ 19 کی وبا اپنے عروج سے گزر چکی ہے؟

   

   ،تصویر کا ذریعہGetty Images

   کیا پاکستان میں کورونا وائرس کی انتہا گزر چکی ہے، چل رہی ہے یا پھر ابھی آنی باقی ہے، اس سوال کا جواب ہر پاکستانی اس لیے جاننا چاہتا ہے کیونکہ اس حوالے سے متضاد دعوے سامنے آ رہے ہیں۔

   کورونا وائرس کے حوالے سے اعداد و شمار کو دیکھا جائے تو جون کے آغاز سے وسط جون تک ملک میں یومیہ متاثرین کی تعداد تیزی سے بڑھ رہی تھی۔

   پاکستان میں یومیہ متاثرین کی سب سے زیادہ تعداد 13 جون کو ریکارڈ کی گئی جو کہ 6825 تھی۔

   پنجاب کی وزیر صحت ڈاکٹر یاسمین راشد نے بھی کہا تھا کہ ہمارے ہسپتالوں میں 12 اور 13 جون کے دن سب سے زیادہ دباؤ دیکھا گیا اور اس دوران شدید بیمار مریضوں کی تعداد میں بھی اضافہ ہوا۔ مزید تفصیلات

8. 11 جولائی 2020انڈین ریزرو بینک: کورونا وائرس گذشتہ سو سال کا سب سے بڑا بحران ہے

   انڈیا کے ریزو بینک کے گورنر شکتی کانتا داس نے کہا ہے کہ کورونا وائرس گذشتہ سو سال میں ایک ایسا بڑا بحران ہے جس میں معیشت اور صحت شدید متاثر ہو رہے ہیں۔

   گورنر نے مطابق اس بحران کے پیداوار، روزگار اور لوگوں صحت پر براہ راست اثرات مرتب ہوں گے۔ ان کے مطابق اس وائرس کے دنیا بھر کی معیشت اور اقدار پر دور رس اثرات مرتب ہوں گے۔

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

9. 11 جولائی 2020برطانیہ میں سیاسی رہنماؤں کے ماسک نہ پہننے پر بحث چھڑ گئی

   

   ،تصویر کا ذریعہAndrew Persons Media

   برطانیہ کی حزب اختلاف کی جماعت لیبر پارٹی نے کہا ہے کہ حکومت فیس ماسک سے متعلق اپنی پالیسی میں واضح رہے۔

   برطانیہ میں اس وقت پبلک ٹرانسپورٹ پر فیس ماسک پہننا لازمی ہے۔ تاہم یہ شرط دکانوں میں جانے کے لیے نہیں ہے۔ ایسی بند جگہوں پر ماسک کی پابندی لازمی قرار دی گئی جہاں سماجی فاصلہ برقرار رکھنا ممکن نہ ہو۔

   سکاٹ لینڈ میں ٹرانپسورٹ کے علاوہ دکانوں پر جانے کے لیے فیس ماسک کی پابندی عائد ہے۔

   جمعے کو برطانیہ کے وزیر اعظم پہلی بار ماسک پہنے نظر آئے جو یہ کہہ رہے تھے کہ ہمیں اس متعلق سختی کرنی ہو گی۔ انھوں نے تنگ جگہوں پر عوام سے ماسک پہننے پر زور دیا۔

   شیڈو وزیر صحت جوناتھن ایشورتھ کا کہنا تھا کہ اس حوالے سے ایک مربوط اور واضح پالیسی اختیار کرنے کی ضرورت ہے۔

   لیبر پارٹی کے ایک اور شیڈو وزیر ویس سٹریٹنگ کا کہنا تھا کہ اس وقت مختلف حکومتی عہدیداروں سے لوگ مختلف پیغامات وصول کر رہے ہیں۔

10. 11 جولائی 2020کورونا وائرس: حاملہ یا ماں بننے والی خواتین پلازما کیوں عطیہ نہیں کر سکتیں؟

    

    ،تصویر کا ذریعہGetty Images

    ماہرین کے مطابق حاملہ یا ماں بن چکی خواتین کے پلازما میں ایسی مخصوص اینٹی باڈیز ہوتی ہیں جو کورونا کے مریضوں کے پھیپھڑوں کو نقصان پہنچا کر ان کے سانس لینے میں دشواری پیدا کر سکتی ہیں۔

    ان کے مطابق کورونا وائرس سے بُری طرح متاثر مریضوں کو پہلے ہی سانس لینے میں پریشانی کا مسئلہ ہوتا ہے۔ ایسے میں ایچ ایل اے اینٹی باڈیز سے خطرہ اور بھی زیادہ بڑھ جاتا ہے۔

    جن خواتین کا حمل ضائع ہو جاتا ہے وہ بھی پلازما کا عطیہ نہیں کر سکتی ہیں کیوں کہ ان میں بھی ایچ ایل اے اینٹی باڈیز موجود ہوتی ہیں۔

    ڈاکٹر یہ بھی کہتے ہیں کہ بلند فشارِ خون، ذیابیطس، دل، پھیپھڑوں اور جگر کے امراض میں مبتلا افراد بھی اپنا پلازما نہیں دے سکتے۔ مزید تفصیلات

11. 11 جولائی 2020کورونا وائرس : آگاہی پھیلانے میں انسداد پولیو مہم کے اہلکار بھی میدان میں

    کورونا وائرس کے حوالے سے آگاہی پھیلانے میں انسداد پولیو ٹیم بھی اپنی خدمات سرانجام دے رہے ہیں۔

    زیرِ نظر تصویر میں پشاور میں پشاور میں یونین کونسل پولیو آفیسر ارسلان خان مختلف دکانوں پر موجود مالکان اور صارفین کو سماجی دوری کی اہمیت سے متعلق آگاہی دے رہے ہیں۔

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

12. 11 جولائی 2020امریکہ میں ایک دن میں 60 ہزار سے زائد متاثرین سامنے آ گئے

    

    ،تصویر کا ذریعہEPA

    امریکہ میں ایک دن میں سب سے زیادہ متاثرین سامنے آئے ہیں۔ جمعے کو امریکہ میں کورونا وائرس سے 63،643 شہری متاثر ہوئے ہیں، جو اب تک کی سب سے زیادہ یومیہ تعداد بنتی ہے۔

    امریکہ کی جان ہاپکنز یونیورسٹی کے مطابق جمعے کے دن امریکہ میں اس وائرس سے 774 ہلاکتیں ہوئیں۔

    امریکہ اس وبا سے کل 30 لاکھ سے زائد لوگ متاثر ہو چکے ہیں۔

    سی این این کے مطابق گذشتہ ہفتے کے مقابلے میں امریکہ کی نو ریاستوں میں کورونا وائرس کے پھیلاؤ میں اضافہ دیکھنے میں آیا ہے۔

    خبر رساں ادارے روئٹرز کے مطابق جن نو ریاستوں میں یومیہ متاثرین کی سب سے زیادہ تعداد سامنے آئی ہے ان میں الاسکا، جارجیا، آئیڈاہو، آئیووا، لوسیانا، اوہاہیو، اٹاہ اور وسکونسن شامل ہیں۔

    اس وائرس سے ٹیکساس اور فلوریڈا امریکہ کی سب سے زیادہ متاثرہ ریاستیں ہیں۔ جمعے کو فلوریڈا میں اس وائرس سے 11،433 نئے متاثرین سامنے آئے ہیں۔

13. 11 جولائی 2020پی آئی اے کا فضائی آپریشن: متحدہ عرب امارات کے بعد دیگر ممالک کے لیے پروازیں تیار

    

    ،تصویر کا ذریعہReuters

    متحدہ عرب امارات کے لیے پی آئی اے کے فضائی آپریشن کی بحالی کے بعد پاکستان سے دبئی، العین، شارجہ اور ابوظہبی کے لیے پروازیں روانہ ہورہی ہیں۔

    دبئی حکام کی ہدایات کے مطابق تمام مسافروں کو پرواز کی روانگی کے 96 گھنٹوں کے اندر مختص کردہ لیباریٹری سے کورونا ٹیسٹ کروانا لازمی ہوگا اور منفی رپورٹ بورڈنگ کے وقت پیش کرنا ہوگی۔

    مسافروں کو دبئی اتھارٹی کی جانب سے سفر کے لیے کلیئرنس سرٹیفیکٹ کا حصول بھی لازم ہے۔

    متحدہ عرب امارات کے لیے سفر کے خواہشمند آن لائن اپلائی کرنے کے لیے مطلوبہ اجازت نامہ حاصل کر سکتے ہیں۔ متحدہ عرب امارات پہنچنے سے پہلے ہیلتھ ڈیکلریشن فارم بھی پر کرنا لازم ہے۔

    ترجمان پی آئی اے کے مطابق ٹکٹوں کی فروخت کا آغاز ہوگیا ہے، جو پی آئی اے کے دفاتر کے علاوہ ویب سائٹ اور ایجنٹس سے بھی حاصل کیے جاسکتے ہیں۔

14. 11 جولائی 2020بریکنگ, پاکستان: پنجاب 730 نئے مریض اور 13 ہلاکتیں

    پاکستان کے صوبہ پنجاب کے ترجمان برائے پرائمری اینڈ سکینڈری ہیلتھ کیئر ڈیپارٹمنٹ کے مطابق صوبے میں کورونا وائرس کے 730 نئے کیس سامنے آنے کے بعد کل متاثرین کی تعداد85,991 ہو گئی ہے۔

    صوبے میں کورونا وائرس سے 13 مزید اموات کے بعد کل تعداد1985 ہو چکی ہے۔

    سرکاری طور پر موصول ہونے والی تفصیلات کے مطابق صوبے میں اب تک کورونا وائرس کی تشخیص کے لیے 581,231 ٹیسٹ کیے جا چکے ہیں جبکہ کورونا وائرس کو شکست دینے والوں کی تعداد 53,863 ہو چکی ہے۔

    حکام کے مطابق لاہورمیں 275، ننکانہ 3، قصور7، شیخوپورہ 17، راولپنڈی84، جہلم7، اٹک13، چکوال17اورگوجرانوالہ میں9 کیسز رپورٹ ہوئے ہیں۔

    سنیچر کی صبح 11 بجے تک موصول ہونے والے تازہ ترین اعداد و شمار کے مطابق سیالکوٹ میں کورونا وائرس کے 9 مریض، گجرات46، منڈی بہاؤالدین15، ملتان17، وہاڑی22، فیصل آباد31، چنیو ٹ 2، ٹوبہ12، جھنگ2 اور رحیم یار خان میں 19کیسز سامنے آئے۔

    ترجمان پرائمری اینڈ سیکنڈری ہیلتھ کیئر کی رپورٹ کے مطابق سرگودھا 14،میانوالی12، خوشاب1، بھکر5، بہاولنگر4، بہاولپور18، لودھراں 4، ڈی جی خان16، مظفرگڑھ5، راجن پور 1، لیہ1، ساہیوال 14، اوکاڑہ17اور پاکپتن میں 11 نئے کورونا کیسز رپورٹ ہوئے۔

15. 11 جولائی 2020کورونا وائرس: ایمریٹس کا نو ہزار ملازمین فارغ کرنے کا فیصلہ

    

    ،تصویر کا ذریعہReuters

    مشرق وسطیٰ کی ایئرلائن ایمریٹس کے صدر نے کہا ہے کہ کورونا وائرس کی وجہ سے نو ہزار ملازمین کو فارغ کرنے کا فیصلہ ہوا ہے۔

    پہلی بار دنیا کی سب سے طویل پرواز بھرنے والی ایئرلائن نے بتایا کہ وہ کتنے ملازمین کو گھر بھیجے گی۔

    اس بحران سے پہلے ایمریٹس میں کام کرنے والوں کی تعداد 60 ہزار تھی۔

    سر ٹم کلارک کا کہنا ہے کہ ایئرلائن پہلے ہی اپنے عملے کا دسواں حصہ ملازمت سے فارغ کر چکی ہے۔

    ان کا کہنا ہے کہ ہم مزید کچھ ملازمین کو جن کی تعداد تقریباً 15 فیصد بنتی ہے ملازمت سے فارغ کریں گے۔

    خیال رہے کہ کورونا وائرس کی وجہ سے دنیا بھر میں ایئرلائنز کا کاروبار شدید متاثر ہوا ہے۔

16. 11 جولائی 2020انڈیا میں کورونا وائرس متاثرین کی تعداد آٹھ لاکھ سے تجاوز کر گئی

    

    ،تصویر کا ذریعہGetty Images

    انڈیا میں کورونا وائرس کے متاثرین کی تعداد آٹھ لاکھ سے تجاوز کر گئی ہے ۔

    سنیچر کی صبح کو جاری ہونے والے نئے اعدادوشمار کے مطابق گذشتہ 24 گھنٹوں میں انڈیا میں 27،114 نئے متاثرین سامنے آئے ہیں، جو ابھی تک ایک دن میں سب سے زیادہ تعداد بنتی ہے۔

    انڈیا میں کورونا وائرس متاثرین کی کل تعداد آٹھ لاکھ سے تجاوز کرگئی۔ اعدادوشمار کے مطابق ابھی تک انڈیا میں اس وائرس سے 8،20،916 افراد متاثر ہوئے ہیں جبکہ 5،15،386 مریض صحت یاب ہو چکے ہیں۔

    گذشتہ ایک دن میں کورونا وائرس سے 519 ہلاکتیں ہوئی ہیں۔ ابھی تک اس وائرس سے کل 22،123 ہلاکتیں ہوئی ہیں۔

17. 11 جولائی 2020بریکنگ, 'وینٹی لیٹر اور آکسیجن پر موجود مریضوں میں 28 فیصد کمی'

    پاکستان میں منصوبہ بندی وترقی اورخصوصی اقدامات کے وزیر اسد عمر کا کہنا ہے کہ ملک میں 20 جون کے بعد یعنی گذشتہ تین ہفتوں میں کورونا وائرس کے ان مریضوں کی تعداد میں 28 فیصد کمی ریکارڈ کی گئی جو وینٹی لیٹر اور آکسیجن پر تھے۔

    سماجی رابطوں کی ویب سائٹ ٹوئٹر پر اپنے پیغام میں انھوں نے لکھا کہ سمارٹ لاک ڈاون اور دکانوں کی انتظامی کاروائی اور عوام کے بہتر طرز عمل کی جہ سے یہ کامیابی نمایاں ہے۔

    

    ،تصویر کا ذریعہPTI OFFICAL/ TWITTER

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

18. 11 جولائی 2020لاہور میں ایک دن میں کورونا کے 275 نئے مریض اور 8 اموات

    پاکستان میں آبادی کے لحاظ سے سب سے بڑے صوبے پنجاب میں کورونا وائرس کے نتیجے میں مزید آٹھ اموات کے بعد مجموعی ہلاکتوں کی تعداد 756 ہو گئی ہے۔

    قدرتی آفات سے نمٹنے کے صوبائی ادارے پی ڈی ایم کے مطابق 24 گھنٹوں میں 275 نئے مریض سامنے آنے کے بعد صوبے میں کل متاثرین کی تعداد 44429 ہو چکی ہے۔

    بتایا گیا ہے کہ ضلع راولپنڈی میں گذشتہ 24 گھنٹوں میں مزید ایک مریض جان کی بازی ہار گیا۔

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

19. 11 جولائی 2020بریکنگ, کورونا وائرس: دنیا بھر کی تازہ ترین صورتحال

    دنیا بھر کورونا وائرس کے نتیجے میں ہلاک ہونے والوں کی تعداد 560,209 ہو گئی ہے۔

    جانز ہاپکنز یونیورسٹی کی جانب سے جاری تنزہ ترین اعداد و شمار کے مطابق کووڈ 19 سے متاثرہ افراد کی تعداد 12,498,467 تک پہنچ چکی ہے۔

    امریکہ اب بھی 134,092 اموات کے ساتھ سر فہرست ہے۔ وہاں متاثرین کی کل تعداد بھی سب سے زیادہ ہے جو کہ 3,184,573 بتائی گئی ہے۔

    دیگر ممالک میں اموات:

    برازیل:70,398

    برطانیہ: 44,735

    اٹلی: 34,938

    میکسیکو: 34,191

    فرانس: 30,007

    سپین: 28,403

    انڈیا: 22,123

    ایران: 12,447

    پیرو: 11,500

    روس: 11,000

20. 11 جولائی 2020’امیونیٹی پاسپورٹ‘ کیسے اینٹی باڈی اشرافیہ کو جنم دے سکتے ہیں